28/01/2025
“فیس بک کی حقیقتیں: پوسٹ اور زندگی کا تضاد”
فیس بک پر اکثر ایسی پوسٹس دیکھنے کو ملتی ہیں جو نہایت موٹیویشنل اور خوبصورت ہوتی ہیں، لیکن افسوس! حقیقت میں ان کے برعکس عمل کیا جا رہا ہوتا ہے۔ جیسے:
پوسٹ: “صبر کرو گے تو اللہ تمہیں بے حساب عطا کرے گا۔”
حقیقت: ذرا سی پریشانی آ جائے تو صبر تو دور، شکایتوں کا دفتر کھل جاتا ہے اور ہر دوسرے انسان کو قصوروار ٹھہرایا جاتا ہے۔
پوسٹ: “حسد مت کرو، ہر ایک کو اس کا نصیب ملتا ہے۔”
حقیقت: کسی کی کامیابی دیکھتے ہی دل میں جلنے والے الاؤ کا آغاز ہو جاتا ہے اور پیچھے باتیں بنانا شروع کر دیتے ہیں۔
پوسٹ: “کسی کو دھوکہ مت دو، اللہ سب دیکھ رہا ہے۔”
حقیقت: فائدہ نظر آتے ہی اپنے قریبی دوست یا رشتہ دار کو بھی پیچھے چھوڑ دیا جاتا ہے۔
اب سوچنے کی بات یہ ہے کہ اگر ہم واقعی اپنی پوسٹس پر خود عمل کریں تو نہ صرف ہماری زندگی بدل سکتی ہے بلکہ ہمارے اردگرد کے لوگوں پر بھی مثبت اثر پڑ سکتا ہے۔
سوچیں، اگر ہم صبر کو اپنی طاقت بنا لیں، حسد کو دل سے نکال دیں، اور ہر انسان کے ساتھ دیانت داری کریں تو ہماری دنیا کتنا خوبصورت مقام بن سکتی ہے۔
بس یہ یاد رکھیں:
“عمل وہی ہے جو حقیقت میں نظر آئے، صرف باتوں سے نہ دنیا بدلتی ہے نہ انسان۔”
آئیے! آج سے اپنی زندگی کو اپنی پوسٹس جیسا بنانے کی کوشش کریں۔
کیونکہ کامیابی کا پہلا قدم خود کو بہتر بنانا ہے۔
