Islamic online Quran acedmy

07/09/2025

7 ستمبر - یومِ دفاعِ ختمِ نبوت* کی اہمیت کو اجاگر کیا گیا ہے۔
یہ دن پاکستان کی تاریخ میں اس قانون کی یاد دلاتا ہے جس کے تحت:

*قادیانیوں (احمدیوں) کو 1974 میں غیر مسلم قرار دیا گیا۔*

---

*مختصر تعارف: ختمِ نبوت*
- *عقیدہ ختمِ نبوت* اسلام کا بنیادی عقیدہ ہے کہ:
*"نبی اکرم محمد ﷺ اللہ کے آخری نبی ہیں۔"*
- اس کے بعد کوئی نبی نہیں آ سکتا۔
- قرآن مجید کی آیت:
*"ما کان محمد أبا أحد من رجالکم و لکن رسول اللہ و خاتم النبیین"*
(الاحزاب: 40)

---

*7 ستمبر 1974 کا پس منظر:*
- قومی اسمبلی نے متفقہ طور پر قادیانیوں کو غیر مسلم اقلیت قرار دیا۔
- *یہ تاریخی فیصلہ "ختمِ نبوت" کے تحفظ کی قانونی بنیاد ہے۔*

---

یہ دن ہمیں یاد دلاتا ہے کہ:
*ختمِ نبوت ایمان کا حصہ ہے، اس پر کوئی سمجھوتہ نہیں۔*

11/04/2025

الجھی ڈور !

اگرچہ وہ ایک ذمہ دار شوھر ، اور بچوں کی ضروریات کا خود سے خیال رکھنے والا باپ تھا مگر بہت ترش رو اور سخت مزاج آدمی تھا ، بیوی اور بچے سہمے رھتے تھے اور وہ اس کو اپنی کامیابی خیال کرتا تھا ،، گھر میں سب کے درمیان اجنبیت کی ایک نادیدہ سی دیوار تھی ،، کوئی ایک دوسرے سے دل کی بات نہیں کرتا تھا ، گھر ایک جیل کا منظر پیش کرتا تھا ،جس میں چند لوگ اکٹھا رھنے پر مجبور تھے اور پتہ نہیں کب تک ،، جیل میں بھی مدت کا تعین ھوتا ھے کہ کتنی جیل کاٹنی ھے ،،، کوئی بھی دوسرے کی اھمیت کو تسلیم نہیں کرتا تھا اور اگر دل سے تسلیم کرتا بھی تھا تو منہ سے اقرار کرنے کو تیار نہیں تھا یا اقرار کا حوصلہ نہیں رکھتا تھا -

آج دوسرا روزہ تھا اور وہ بھی 40 سینٹی گریڈ گرمی کا ،، جمعہ پڑھ کر وہ مولوی صاحب کی ھی مجلس میں بیٹھ گیا جہاں سارے لوگ اپنے اپنے مسائل پیش کر رھے تھے ،آخر اس نے بھی اپنا مسئلہ پیش کر دیا -

مولوی صاحب نہ میرے دل میں سکون ھے اور نہ میرے گھر میں سکون ھے ،، اللہ نے مال بھی دیا ھے ،صحت بھی دی ھے ، اولاد بھی اچھی دی ھے ،، بیوی بھی بہت اچھی صابر شاکر دی ھے ،مگر بس سکون نہیں دیا ،، لگتا ھے کہیں ڈور الجھ گئ ھے اور سلجھ کر نہیں دے رھی ، سکونِ قلب کا کوئی وظیفہ ھی عنایت فرما دیں ،

بھائی صاحب اللہ پاک کے ساتھ ڈور کبھی نہیں الجھتی وہ انسان سے محبت کرتا ھے اور ڈور خود سلجھاتا رھتا ھے ،، ڈور کہیں انسانوں میں ھی الجھتی ھے ،، کیونکہ انسان آپس میں ڈور سلجھانا چاھتے نہیں یا سلجھانا جانتے نہیں ،، آپ نے ابھی اپنی اولاد اور بیوی کی یہاں مجمعے میں جو تعریف کی ھے کبھی یہ تعریف ان کے منہ پر بھی کی ھے ؟

مولوی صاحب نے سوال کیا ،،جی نہیں ،، مگر مجھے احساس ھے کوئی ضروری ھے کہ بندہ اب یہ بات ان کو لکھ کر بھی دے ؟ دیکھیں آپ کے بیوی بچے کوئی علم غیب نہیں رکھتے کہ وہ آپ کے احساس کو خود سے جان لیں گے ،، گھریلو زندگی سائیکل کی طرح چلتی ھے ،، اوپر والا پیڈل نیچے جائے گا تو نیچے والا اوپر آئے گا اور یوں پہیہ چلے گا ،، اگر آپ چاھتے ھیں کہ کوئی آپ کی اھمیت کا ادراک کرے ، آپ کے احسانات کا اعتراف کرے تو سب سے پہلے یہ دروازہ آپ کو کھولنا ھو گا ،، آپ کو نیچے جانا ھو گا ،، جب گھر میں سکون ھو گا تو دل میں بھی آ جائے گا ، سیانے کہتے ھیں ھوا چلے تو چوھے کی کھُڈ میں بھی لگتی ھے -

وہ گھر پہنچا تو بیوی بچوں کے لئے کھانا تیار کر رھی تھی،،صائمہ میں اللہ کا شکر ادا کرتا ھوں کہ اللہ پاک نے مجھے تم جیسی صابر شاکر بیوی عطا کی ھے ، کوئی اور عورت ھوتی تو شاید میرے جیسے تندخو انسان کے ساتھ چند دن بھی نہ نکالتی ،، بس یہ ایک دو جملے سنتے ھی اس کی بیوی کو سکتہ سا ھو گیا ،،؎
ھم کو جھوٹی تسلی نہ دیجئے !
غم میں اب اور اضافہ نہ کیجئے !

جس سے آنکھوں میں آ جائیں آنسو !
وہ خوشی لے کے ھم کیا کریں گے؟

اس نے کھانا پکانا چھوڑ دیا اور اندر جا کر بین کر کے رونا شروع ھو گئ ،،،،،

اس نے سمجھا کہ شاید گرمی کی وجہ سے شوھر کا دماغ چل گیا ھے ،،

یا اللہ اسی کے سہارے تو میں جی رھی تھی ،، یہی تو میرے سر کی چادر تھا ،، اچھا بھلا تو تھا ،بچوں کا کتنا خیال رکھتا تھا ، کہنے کی ضرورت بھی نہیں پڑتی تھی اور ھر مسئلہ خود سے حل کر دیتا تھا ،، اس کا دماغ بھی چل گیا ھے اب ھم کہاں جائیں گے کیا کریں گے ؟؟

وہ بھی کھانا چھوڑ کر اندر چلا گیا ،، دیکھو میرا دماغ چلا نہیں ھے ، بلکہ میرا دماغ اب کام کرنے لگا ھے ،،، اللہ پاک درختوں کے ساتھ پھل لگاتا ھے مگر یہ پھل انسان کو ھی توڑنا اور سنبھالنا ھوتا ھے ،، مجھے یہ پھل سمیٹنا اور سنبھالنا نہیں آتا تھا ،، خود میرے کانوں کو بھی یہ الفاظ بڑے اجنبی اور عجیب سے لگ رھے ھیں مگر یہ حقیقت ھے کہ اللہ پاک نے مجھے بیوی ھی نہیں اولاد بھی بہت اچھی اور فرمانبردار عطا فرمائی ھے ، میں یہ سب محسوس کرتا تھا مگر شاید اس کا اقرار اپنی کمزوری سمجھتا تھا ،،جبکہ آج مجھے پتہ چلا ھے کہ یہ میری اصل طاقت ھے کہ میں تم لوگوں کی خوبیوں کا اعتراف کروں تا کہ تم لوگ ان خوبیوں کی حفاظت کر سکو ،

اس سے پہلے کہ بہت دیر ھو جائے ،،،،، باھر اس کا بیٹا اور بیٹی بھی آبدیدہ سے بیٹھے تھے ،، آج گھر میں وہ بے تکلفی کا ماحول بن رھا تھا جو گھر اور سرائے میں تفریق کرتا ھے ،، ٹینشن گھر سے یوں ختم ھو رھی تھی جیسے ایگزاسٹ چلانے سے دھواں کم ھونا شروع ھو جاتا ھے ، دونوں بچے بھی باھر سے اٹھ کر اندر جا بیٹھے تھے ،، پتہ ھے ابو آپ بہت نائس انسان ھیں ،اس کی بیٹی سدرہ نے اس کے گلے میں بازو ڈال کر کہا ،،

میں کلاس فیلوز میں آپ کی بہت تعریف کرتی ھوں ،، بیٹا یہیں ڈور الجھی ھوئی تھی ،میں بھی باھر تو آپ لوگوں کی تعریف کرتا تھا مگر آپ لوگوں کے سامنے کرنے سے جھجھکتا تھا ،، جبکہ یہ تو آپ لوگوں کا حق تھا ، آپ کی امانت تھی کہ آپ کی اچھائیوں کی تعریف کی جائے جس طرح اللہ پاک اپنے بندوں کی اداؤں کی تعریف کرتا ھے ،،،، وہ کام جو رب العالمین کرتا ھے اس کو کرتے ھوئے رب الاسرہ کیوں شرماتا ھے ،، یہ میری خامی تھی جس کو درست کرنا میری ذمہ داری تھی ،، گھر میں اپنائیت ،انس اور محبت کی پھوار صاف محسوس کی جا سکتی تھی ،، دوڑ سلجھ چکی تھی..

29/03/2025

پوری قوم ہی مجموعی طور پر بھکاری بن چکی ہے ۔بیچاری ملائشین خاتون گھبرا گئی ۔اللہ تعالی ہمارے حال پر رحم کریں🙏🙏🙏🙏

28/03/2025

"الحمدللہ رمضان کا 27 واں روزہ 🌙💐
اور رمضان المبارک کا آخری جمعہ“

بس آخری وقت آچکاہے رمضان کی ساعتوں کا۔۔۔۔دل کو ٹٹولیں،اور دیکھیں ،کہ اس رمضان کیا کھویا،اور کیا پایا ہے۔۔۔سب کچھ پڑھ کے بھی دل کی دنیا بدلی ہے یا رمضان کے بعد پھر رنگ رلیوں میں مصروف ہو جائیں گے.؟

یاد رکھیں....!!🌹♥️🌹
ملک الموت کبھی بھی اجازت لے کے نہیں آتا...!!

جمعہ کی مبارک ساعتوں میں تمام نمازوں کے ساتھ ساتھ سورہ الکہف سورہ الدخان درود شریف و استغفار اور دعاوں کا اہتمام کریں
صلی اللہ علیہ وسلم
❤️درود پاک کا ورد زبان پر جاری رکھیں❤️

اللہ ہم پر اپنا فضل،کرم اور خصوصی رحمت فرمائے۔
رمضان شب قدر اور جمعہ المبارک کی تمام رحمتوں اور برکتوں سے بھر پور نوازے
امین یارب العالمین 🤲🏻🤲🏻🤲🏻

27/03/2025

کہتے ہیں کہ "توجہ"
اگر پتھر کو بھی دی جائـــــے
تو وہ بھی نکھر جاتا ہے
ہر وہ چیز پھلنے پھولنے لگتی ہـــــے
جِسے تھوڑی سی بھی "توجہ" ملـــــے
انسان، حیوان، چرند، پرند سب
آپ کے تابع ہونے لگتــــــے ہیں.
آپ کی تھوڑی سی "توجہ"
کسی کی زندگی کو بدل سکتی ہــــــے
آپ کا تھوڑا سا کسی کو وقت دینا بھی
اُسے پورا دن خوش رکھ سکتا ہــــــے
ایسا بھی ہوسکتا ہــــــے کہ
آپ کی ایک تسلی
اُسے دوبارہ جینے کے لیئــــــے آمادہ کر دے
اس لیئـــے اپنوں سے رابطے میں رہیئــــــــــے
زندگی کو خوبصورت بنایئــــــــــے

25/03/2025

آپ گندے برتن میں دودھ نہیں ڈالتے،
تو اللّٰــــــہ ناپاک دل میں پاک کلام کس طرح اُتار دیں؟؟
*اللہم طھر قلوبنا...!!♥️*

20/03/2025

rain in makka

16/03/2025

07/03/2025

05/03/2025

وہ مائیں جو ہمیشہ اپنے بچوں کو انکے والد سے متعلق منفی باتیں بتاتی ہیں ۔۔۔۔

مثلا آپ کے بابا ہمیں وقت نہیں دیتے یا بچوں کے سامنے لڑنا کہ تم نے ہمارے لئے کیا ہی کیا ہے؟ یا پھر گھریلو مسائل بچوں کے سامنے ڈسکس کرتی ہیں ۔۔۔۔وہ بچوں کو نفسیاتی طور پہ تباہ کر دیتی ہیں۔

بچے کسی چیز کی فرمائش کریں تو دو روئیے سامنے آتے ہیں یا تو ہر صورت انکی فرمائش پوری کرنا یا سختی سے رد کرنا ۔۔۔ ہونا یہ چاہیئے کہ بچوں کو کبھی محبت اور طریقے سے بتایا جائے کہ وہ چیز لے کر دینے کی استطاعت نہیں رکھتے اگر ممکن ہوا تو باقی ڈھیروں چیزوں کی طرح یہ بھی دلائیں گے۔

بچوں کے ساتھ سسرال والوں کے ظلم و ستم کہانیاں بنا کے پیش کرنا اور اکثر اوقات اپنے بچوں کو یہ بتانا کہ دادی دادا یا تایا چاچا پھپھو مجھ پہ ظلم کرتے تھے ، آپ سے محبت نہیں کرتے یا دکھاوے کی محبت کرتے ہیں۔۔۔۔

فلاں چچی تائی ممانی وغیرہ اچھی نہیں ۔۔۔۔

فلاں کے گھر گئے تو انہوں نے آپکو ڈانٹا تو نہیں یا کرید کرید کے پوچھنا کہ دوسرے نے آپ سے کیسا سلوک کیا ۔۔۔

یہ سب باتیں بچوں کے لئے بہت خطرناک ثابت ہوتی ہیں بچے منفی روئیے سیکھتے ہیں ان کے دل میں باپ سے متعلق نفرت پیدا ہوتی ہے۔۔۔
اور باقی تمام رشتوں سے متعلق کدورت

کچھ بچے اس احساس کمتری میں مبتلا ہو جاتے ہیں کہ ان سے کوئی محبت نہیں کرتا۔
کچھ بچے یہ سوچتے ہیں کہ انکے اردگرد صرف برے لوگ ہیں۔
پھر وہ ان برے لوگوں سے نمٹنے کے لئے برے روئیے ہی اپناتے ہیں ۔
مختصرا بچوں کو ہمیشہ مثبت باتیں مثبت روئیے بتائیں اور دکھائیں تاکہ مستقبل میں کارآمد شہری بنیں۔۔۔

بچوں کی نظر میں ماں کو مظلوم ثابت کر کے اور باپ ظالم کو ظالم بنا کے خواتین کوئی فخریہ کارنامہ سرانجام نہیں دیتیں بلکہ آپنے ہی بچے کو ابنارمل بنانے کی کوشش کرتی ہیں۔

لہذا بچوں کے لئے رول ماڈل بنیں انہیں مفید شہری بنائیں۔