04/06/2026
وفاقی حکومت نے سرکاری ملازمین کی غیر ملکی شہریت سے متعلق نئے قواعد نافذ کر دیے
اسلام آباد، یکم جون 2026ء: وفاقی حکومت نے سول سرونٹس (غیر ملکی شہریت کے انکشاف اور ضابطہ کاری) رولز 2026 نافذ کر دیے ہیں۔
نئے قواعد کے مطابق:
* تمام سرکاری ملازمین اپنے اور اپنے زیر کفالت افراد کی غیر ملکی شہریت یا غیر ملکی سفری دستاویزات کی تفصیلات فراہم کرنے کے پابند ہوں گے۔
* غیر ملکی شہریت، غیر ملکی پاسپورٹ/سفری دستاویزات اور غیر ملکی شہری سے شادی سے متعلق سالانہ ڈیکلریشن جمع کرانا لازم ہوگا۔
* موجودہ سرکاری ملازمین کو نوٹیفکیشن کے 90 دن کے اندر مطلوبہ معلومات جمع کرانا ہوں گی۔
* کسی بھی سرکاری ملازم یا اس کے زیر کفالت فرد کو مجاز اتھارٹی کی پیشگی اجازت کے بغیر غیر ملکی شہریت حاصل کرنے یا غیر ملکی سفری دستاویز رکھنے کی اجازت نہیں ہوگی۔
* جو افسر کسی ملک میں سفارتی تعیناتی پر خدمات انجام دے چکا ہو یا دے رہا ہو، اسے اس ملک کی شہریت حاصل کرنے کی اجازت نہیں دی جائے گی۔
* قواعد کے تحت جہاں ضروری ہو، غیر ملکی شہریت یا سفری دستاویزات ترک یا منسوخ کرنا ہوں گی۔
* معلومات چھپانے، غلط بیان دینے یا قواعد کی خلاف ورزی کو بدعنوانی/مس کنڈکٹ تصور کیا جائے گا اور تادیبی کارروائی ہو سکے گی۔
* ایسے زیر کفالت افراد جو پیدائش یا نسب کے ذریعے غیر ملکی شہریت رکھتے ہوں، ان پر یہ پابندیاں لاگو نہیں ہوں گی۔
* غیر ملکی شہری سے شادی کے معاملات بدستور 1962 کے متعلقہ قواعد کے تحت نمٹائے جائیں گے۔
