26/08/2026
ہمارے علاقے تحصیل کندر حسن زئی میں دریا بہتا ہے، لیکن افسوس کہ یہاں موجود ریسکیو ٹیم کے کئی اہلکاروں کو تیرنا تک نہیں آتا۔ جب کوئی حادثہ پیش آتا ہے تو مقامی لوگ اپنی مدد آپ کے تحت متاثرین کی مدد کرتے ہیں۔
آج بھی ایک افسوسناک واقعہ پیش آیا۔ ریسکیو اہلکار موقع پر پہنچے، مگر عملی امداد کے بجائے صرف تصاویر بنانے تک محدود رہے۔ ایسے علاقے میں جہاں دریا موجود ہو اور حادثات کا خطرہ ہر وقت رہتا ہو، ریسکیو اہلکاروں کا باقاعدہ تربیت یافتہ اور تیراکی میں ماہر ہونا انتہائی ضروری ہے۔
ہم متعلقہ حکام سے مطالبہ کرتے ہیں کہ تحصیل کندر حسن زئی کی ریسکیو ٹیم کو مکمل تربیت دی جائے اور ایسے اہلکار تعینات کیے جائیں جو مشکل وقت میں عوام کی حقیقی مدد کر سکیں۔ عوام کو صرف نام کی نہیں بلکہ عملی اور مؤثر ریسکیو سروس چاہیے۔
تورغر خدمت کاروان
