06/05/2026
https://www.facebook.com/share/p/1DwrWmji8C/?mibextid=wwXIfr
عدالتی حکم بھی بے اثر؟ وزیرستان میں فارسٹ بھرتیاں 4 سال سے لٹک گئیں!
30 جون 2022 کو اپر و لوئر وزیرستان کے محکمہ جنگلات میں مختلف آسامیوں کا اشتہار جاری ہوا، جس میں فارسٹ گارڈ، ڈرائیور اور جونیئر کلرک کی پوسٹیں شامل تھیں۔ امیدواروں نے فزیکل اور تحریری ٹیسٹ کامیابی سے مکمل کیے، تاہم 2022 کے بعد سے بھرتی کا عمل تعطل کا شکار ہے اور تاحال انٹرویوز نہیں لیے گئے۔
متاثرہ امیدواروں نے متعلقہ حکام اور منتخب نمائندگان سے متعدد بار رابطہ کیا اور 2024 میں پشاور ہائی کورٹ (ڈی آئی خان بینچ) میں کیس بھی دائر کیا، جس کا فیصلہ 25 نومبر 2025 کو امیدواروں کے حق میں آیا۔ اس کے باوجود عملدرآمد نہ ہونا تشویشناک ہے۔
اب اطلاعات ہیں کہ محکمہ اس فیصلے کو سپریم کورٹ میں چیلنج کرنے کی تیاری کر رہا ہے، جس سے امیدواروں میں مزید بے چینی پائی جا رہی ہے۔
امیدواروں نے حکام بالا سے مطالبہ کیا ہے کہ فوری طور پر انٹرویوز کا انعقاد کیا جائے، عدالتی فیصلے پر عملدرآمد یقینی بنایا جائے اور بھرتی کا عمل مکمل کیا جائے۔
