Barenis Updates

16/02/2025

آج 16 فروری بروز اتور معززین برنس کا برنس ہائیڈرو پاور پراجیکٹ کے حوالے سے ایک اہم اجلاس سابق ایم پی اے ، امیر جمعیت علماۓ اسلام چترال لوئر مولانا عبدالرحمان کی زیر صدارت ریٹائرڈ اینری کیپٹن سلیم الدین کے رہائش گاہ برنس اوتریش میں منعقد ہوا۔ اجلاس میں سابق ایم پی اے مولانا عبدالرحمان سمیت دیگر علاقہ مغززین نے کافی تعداد میں شرکت کیں۔ اجلاس میں برنس ہائیڈرو پاور پراجیکٹ کی اہمیت , فنڈ ریلیز سمیت دیگر موضوعات پر تفصیلی بات کی گئیں۔
اجلاس میں سابق ایم پی اے مولانا عبدالرحمان صاحب ، دیگر علاقہ معززین کا کہنا کہ مذکورہ پراجیکٹ ہمارے لیے کسی نعمت سے کم نہیں جس پر ہم متعلقہ ادارے کا شکریہ ادا کرتے ہیں۔
یاد رہئیے مذکورہ پراجیکٹ کے لئے پرپیش کے مقام پر جگے کا انتخاب اور سروے کا کام ہوچکا ہے۔انشاء اللہ عنقریب اس پراجیکٹ پر باقاعدہ کام کا اغاز کردیا جائیگا۔

16/02/2025

"گریجویشن سے حقیقت تک: نوکری کی تلاش کی جدوجہد"

تحریر ! توصیف آحمد

یونیورسٹی سے گریجویشن کرنا اکثر طالب علم کی زندگی کے سب سے اہم سنگ میل میں سے ایک سمجھا جاتا ہے۔ یہ برسوں کی محنت، بے خوابی کی راتوں اور قربانیوں کے اختتام کی علامت ہوتا ہے۔ لیکن جو چیز اکثر نظر انداز کی جاتی ہے وہ یہ ہے کہ گریجویشن کے بعد کا راستہ بھی اتنا ہی مشکل ہو سکتا ہے، یا شاید اس سے بھی زیادہ۔ بہت سے گریجویٹس کے لیے اصل جدوجہد اس وقت شروع ہوتی ہے جب وہ عملی زندگی میں قدم رکھتے ہیں اور یہ حقیقت سامنے آتی ہے کہ ملازمت حاصل کرنا اتنا آسان نہیں جتنا انہوں نے سوچا تھا۔

یونیورسٹی مکمل کرنے کے بعد، نوکری حاصل کرنے کا دباؤ بے حد بڑھ جاتا ہے۔ والدین اور معاشرے کی جانب سے کامیابی کی توقعات کے ساتھ ساتھ، خود پر بھی ایک بوجھ محسوس ہوتا ہے کہ اپنے آپ کو ثابت کرنا ہے اور ان خوابوں کو پورا کرنا ہے جو اپنے پیاروں سے وابستہ کیے تھے۔ وہی تعلیم، جسے روشن مستقبل کی کنجی سمجھا جاتا تھا، اب غیر یقینی صورتحال کا باعث بننے لگتی ہے۔ خاص طور پر ہمارے معاشرے میں والدین اپنی اولاد کی تعلیم پر بے حد سرمایہ کاری کرتے ہیں، اس امید پر کہ یہ انہیں ایک اچھی ملازمت اور مستحکم مستقبل فراہم کرے گی۔ لیکن جب گریجویشن کے بعد فوری طور پر ملازمت نہ ملے تو یہ امیدیں بوجھ بننے لگتی ہیں۔

معاشرہ بھی ان توقعات میں بڑا کردار ادا کرتا ہے۔ ہمیشہ دوستوں اور ہم عصروں سے موازنہ کیا جاتا ہے۔ اگر کوئی دوست نوکری حاصل کر لیتا ہے یا انٹرن شپ کر رہا ہوتا ہے، اور دوسرا مواقع کی تلاش میں ہوتا ہے، تو یہ احساس پیدا ہوتا ہے کہ شاید وہ ناکام ہو چکا ہے، حالانکہ یہ حقیقت نہیں ہوتی۔ ملازمت کی منڈی سخت مقابلے سے بھری ہوتی ہے، جہاں محدود مواقع کے لیے بے شمار قابل امیدوار موجود ہوتے ہیں۔ اصل مسئلہ یہ ہے کہ نوکری حاصل کرنا ہمیشہ آسان نہیں ہوتا، چاہے امیدوار جتنا بھی اہل ہو۔ بہت سے گریجویٹس کو اپنی مہارت کے مطابق ملازمت نہیں ملتی، اور اگر مل بھی جائے تو مقابلہ بہت زیادہ ہوتا ہے۔ اکثر نوکریوں کے لیے تجربہ ضروری ہوتا ہے، جو کہ نئے گریجویٹس کے پاس نہیں ہوتا۔ یہ ایک عجیب الجھن پیدا کر دیتا ہے تجربہ حاصل کرنے کے لیے نوکری درکار ہوتی ہے، اور نوکری کے لیے تجربہ درکار ہوتا ہے، جو کہ بے حد مایوس کن اور تکلیف دہ ہو سکتا ہے۔

نوکری کی تلاش کا عمل خود ایک تھکا دینے والا مرحلہ ہوتا ہے۔ بے شمار کور لیٹرز لکھنا، سی وی میں تبدیلیاں کرنا، انٹرویوز دینا اور پھر بھی انکار سننا، ذہنی اور جذباتی طور پر بہت زیادہ دباؤ پیدا کر دیتا ہے۔ امید اور مایوسی کے اس مسلسل چکر کی وجہ سے خود پر شک اور ناکامی کا احساس پیدا ہونے لگتا ہے۔ بہت سے طالب علموں کے لیے، گریجویشن کے بعد بے روزگار رہنا ان کی خود اعتمادی کو سخت نقصان پہنچا سکتا ہے۔ وہ محسوس کرتے ہیں کہ جیسے ان کی تمام محنت بیکار گئی ہو، اور مستقبل غیر یقینی لگنے لگتا ہے۔ گھر والوں، دوستوں اور معاشرے کی توقعات مزید بے چینی اور ذہنی دباؤ میں اضافے کا باعث بنتی ہیں۔ ایسے وقت میں، اللہ تعالیٰ کی یہ آیت دل کو سکون بخشتی ہے:

"اور جو کوئی اللہ سے ڈرے گا، اللہ اس کے لیے کوئی راستہ نکال دے گا۔ اور اسے وہاں سے رزق دے گا جہاں سے اسے گمان بھی نہ ہو۔" (سورۃ الطلاق 65:2-3)

یہ آیت ہمیں یاد دلاتی ہے کہ مشکلات عارضی ہوتی ہیں اور ہمیں ہمیشہ اللہ کے منصوبے پر یقین رکھنا چاہیے، چاہے حالات کتنے ہی غیر یقینی کیوں نہ ہوں۔ نوکری کی تلاش کا عمل کسی کی قابلیت یا صلاحیتوں کا معیار نہیں ہوتا، بلکہ یہ ایک مرحلہ ہوتا ہے جس میں صبر، حوصلہ اور ایک مؤثر حکمت عملی درکار ہوتی ہے۔ گریجویٹس کو متوازن ذہنیت اختیار کرنی چاہیے اور اپنی صورتحال کو بہتر بنانے کے لیے فعال اقدامات کرنے چاہئیں۔ سب سے پہلے، استقامت ضروری ہے—مسلسل ملازمتوں کے لیے درخواست دینا، سی وی کو بہتر بنانا، اور انکار سے سبق حاصل کرنا کامیابی کے امکانات کو بڑھا سکتا ہے۔ نیٹ ورکنگ بھی بہت اہم ہے؛ پیشہ ورانہ تعلقات قائم کرنا اور سینئرز یا اساتذہ سے رہنمائی لینا کئی غیر متوقع مواقع پیدا کر سکتا ہے۔ مزید برآں، گریجویٹس کو اپنے وقت کا دانشمندی سے استعمال کرنا چاہیے، آن لائن کورسز لینا، ورکشاپس میں شرکت کرنا یا فری لانس کام کے ذریعے اپنی مہارتوں میں اضافہ کرنا ایک اچھا انتخاب ہو سکتا ہے۔

اس دوران، ذہنی صحت کا خیال رکھنا بھی بے حد ضروری ہے۔ گھر والوں اور دوستوں سے جڑے رہنا، خود کی دیکھ بھال کرنا، اور اپنی جدوجہد پر یقین رکھنا اس دباؤ کو کم کر سکتا ہے۔ نبی کریم صلی اللہ علیہ وسلم نے بھی اس حوالے سے ایک خوبصورت اصول بیان فرمایا:

"اگر تم اللہ پر ایسے بھروسہ کرو جیسے اس پر بھروسہ کرنے کا حق ہے، تو تمہیں اسی طرح رزق دیا جائے گا جیسے پرندوں کو دیا جاتا ہے؛ وہ صبح خالی پیٹ نکلتے ہیں اور شام کو سیر ہو کر لوٹتے ہیں۔" (سنن الترمذی 2344)

یہ حدیث ہمیں سکھاتی ہے کہ جیسے پرندے صبح اپنے گھونسلے سے نکل کر رزق کی تلاش میں جاتے ہیں اور شام کو مطمئن ہو کر واپس آتے ہیں، ویسے ہی انسانوں کو بھی اپنی پوری کوشش کرنی چاہیے، اور اللہ پر بھروسہ رکھنا چاہیے کہ وہ بہترین وقت پر بہترین رزق عطا کرے گا۔

یونیورسٹی سے عملی زندگی میں قدم رکھنا یقیناً ایک مشکل مرحلہ ہوتا ہے۔ طالب علموں سے وابستہ توقعات اور سخت مسابقتی ماحول اکثر اس سفر کو مشکل بنا دیتے ہیں۔ لیکن ہر گریجویٹ کو یاد رکھنا چاہیے کہ ناکامیاں اصل میں سیکھنے کے مواقع ہوتے ہیں۔ صبر، استقامت اور خود اعتمادی کے ساتھ، آخرکار مواقع خود بخود سامنے آ جاتے ہیں۔

آخر میں، مقصد صرف نوکری حاصل کرنا نہیں بلکہ ایک ایسی نوکری حاصل کرنا ہے جو اطمینان اور مقصدیت فراہم کرے۔ صحیح موقع شاید وقت لے، لیکن اس کا انتظار کرنا فائدہ مند ہوتا ہے۔ مسلسل محنت کریں، سیکھتے رہیں، اور سب سے اہم بات، اس یقین کو کبھی مت چھوڑیں کہ ہر کوشش آخرکار کامیابی کی طرف لے جاتی ہے۔

15/02/2025

ROSE ۔ CHITRAL

Rafi Ullah Sarwar Khel ♥️

آج ROSE, Chitral کے دفتر میں ایک تقریب میں دروش چترال سے تعلق رکھنےوالے ہونہار طالب علم اعتزازالرحمن کو آباسین یونیورسٹی پشاور میں "BS-Political Science "میں "ROSE Chitral " کے کوٹے پر داخلے کے لئے نومینیشن لیٹر دیا گیا ۔
اس تقریب کے خاص مہمان ڈان کمپیوٹر ز چترال کے سی ۔ای۔او رفیع اللہ صاحب تھے ۔ مہمان خصوصی نے طالب علم کو نومینشن لیٹر حوالے کرنے کے بعد اپنے خطاب میں اعلی تعلیم کے لئے ادارے کی خدمات کو سراہا اورچترال کے مخیر خواتین و حضرات سے اپیل کی کہ وہ آگے اکر ادارے سے ساتھ تعاون کریں تاکہ کوئی طالب علم مالی اخراجات کی کمی کی وجہ سے اعلی تعلیم سے نہ محروم رہ جائے۔
اس موقع پر اپنے خطاب کرتے ہوئے چیرمین "ROSE Chitral" ہدایت اللہ صاحب نے کہا کہ ROSE-CHITRAL " چترالی طلبہ کے لئے اپنے پارٹنر اداروں کے تعاون سے فیس کی مد میں سالانہ پانچ کروڑ روپے کی رعایت دلوا رہی ہے ۔آباسین یونیورسٹی بھی عرصہ دراز سے "ROSE Chitral" کے ایک پارٹنر ادارے کے طور پر چترالی طلبہ کو زیور تعلیم سے آراستہ کرنے کے لئے اپنا کردار ادا کررہی ہے ۔ چترال کے مخیر خواتین و حضرات کو بھی چاہیئے کہ وہ آگے اکر "روز چترال" کے ساتھ تعاون کرکے علم کی روشنی پھیلانے میں مدد گار بنیں۔
واضح رہے کہ اس نومینیشن لیٹر کے تحت اس طالب علم کو فیس کی مد میں ڈھائی لاکھ روپے کی رعایت حاصل ہوگی ۔

13/02/2025

محکمہ تعلیم خیبر پختونخواہ کے صوبہ بھر میں مختلف ٹیچنگ کیڈرز خالی آسامیاں ایٹا کے ذریعے مشتہر ! چترال, کوہاٹ, ٹانک, لکی مروت, پشاور کا اشتہار جاری۔باقی اضلاع کے اشتہارات بھی بہت جلد اخبارات میں شائع ہونگے..
ایٹا پر آن لائن اپلائی 14 فروری سے 17 مارچ تک ہونگی..

10/02/2025

چترالی خیمہ بستی

شمالی غزہ میں ایک نئی بستی قائم ہو رہی ہے—"چترالی خیمہ بستی"۔ آپ جانتے ہی ہیں کہ غزہ کے بہت سے علاقوں کے نام خیمہ بستی پر ہی رکھے گئے ہیں، جیسے مخیم جبالیا وغیرہ۔ اب وہاں چترالی خیمہ بستی بھی وجود میں آ رہی ہے۔ فی الحال تو یہاں خیمے ہوں گے، لیکن ہمیں رب کی ذات سے امید ہے کہ مستقبل میں یہاں پکی عمارتیں بھی تعمیر ہوں گی اور یہ علاقہ ہمارے نام سے موسوم ہوگا۔
یہ ہمارے لیے بڑے اعزاز کی بات ہے کہ ہمارے برنس سے تعلق رکھنے والے انتہائی قابلِ فخر فرزند ، مشہور و معروف قلم نگار حضرت مولانا ضیاء الرحمن چترالی صاحب کی محنت اور لگن سے چترال کا نام فلسطین تک پہنچا۔ ان کی کاوشوں نے اہلِ چترال اور پاکستان کے باسیوں کو اس عظیم مقصد میں اپنا کردار ادا کرنے کی ترغیب دی ہے۔
تمام احباب، بالخصوص اہلِ چترال سے درخواست ہے کہ وہ اپنے علاقے کے نام پر بسنے والی اس بستی کی تعمیر میں ضرور حصہ ملائیں اور اپنی استطاعت کے مطابق تعاون کریں۔

رابطے کے لیے:
جنید صاحب 03412205622
ضیاء چترالی

05/02/2025

چترال مستوج روڈ پرپیش اور گرین لشٹ کے درمیان مجھے ایک عدد بیگ ملا ہے۔ لہذا بیگ جس کسی کا بھی ہے بیگ کے اندر سامان کی صحیح نشاندھی کر کے مجھ سے وصول کرین۔

عبید الرحمان برنس جگومی 03449706539

03/02/2025

ڈاکٹر محمد شمیم خان بطور ڈسٹرکٹ ہیلتھ آفیسر (DHO) لوئر چترال اپنے عہدے کا چارج سنبھال لیا۔
District Health Officer Lower Chitral

29/01/2025

وزیر اعظم پاکستان شہباز شریف نے پاکستان مسلم لیگ ن لوئر چترال کے صدر معروف قانون دان و سیاسی شخصیت عبدالولی خان عابد کو چترال میں جاری وفاقی سرکاری منصوبوں کا کوآرڈینیٹر مقرر کیا ، نوٹیفکیشن جاری ۔۔۔۔۔!!!

چترال کے معروف قانون دان و سیاسی شخصیت عبدالولی خان عابد کو چترال میں جاری وفاقی سرکاری منصوبوں کا کوآرڈینیٹر مقرر کیا گیا ۔ وزیراعظم کے دفتر سے جاری کردہ لیٹر میں اس تقرری کا باقاعدہ نوٹیفکیشن جاری کر دیا گیا۔

واضح رہے کہ گزشتہ ہفتے پاکستان مسلم لیگ ن کے وفد کا اسلام آباد میں وزیراعظم پاکستان شہباز شریف سے ملاقات میں وزیر اعظم نے عبدالولی خان عابد ایڈوکیٹ کو وفاقی گورنمنٹ کے اسکیمون کا کواڈینٹر مقرر کر دیا تھا جسکی باقاعدہ منظوری آج ہوئی ۔ اس بہترین کاوش پر پاکستان مسلم لیگ ن چترال کی کابینہ اور عوام وزیر اعظم پاکستان محمد شہباز شریف کا شکریہ ادا کیا ہے ۔
برنس آپڈیٹس انتظامیہ کی جانب سے ایڈوکیٹ عبدالولی کو مبارکباد اور نیک تمناؤں کا اظہار کیا جاتا ہے
Abdul Wali Khan Abid

28/01/2025

برنس لوئیر چترال ♥️

28/01/2025

اعلان گمشدگی موبائل...!!!

چترال سے برنس آتے ہوئے کاری کے مقام سے لیکر برنس تک کے درمیان مجھ سے میرا ایک عدد موبائل Samsung Galaxy A12 کہیں گر کر گم ہو گیا ہے۔ جس میں بہت ضروری فائلز ہیں۔ موبائل جس کسی بھائی کو ملے یا ملا ہے تو براہ کرام اس نمبر پر رابطہ کریں۔ شکریہ

محمد فدا برنس پائیں
رابطہ نمبر ۔۔ 03450624353

28/01/2025

Saad Zeib, son of Mujahid Ahmed, a 7th class student of Government Shaheed Yasirullah Higher Secondary School, Barenis, has secured 78 marks in the 6th/7th grade meritorious students scholarship test organized by ETEA.
Government Shaheed Yasir Ullah Higher Secondary School Barenis Chitral

27/01/2025

محمد تیمور ولد محمد نادر خان کا اعزاز۔۔۔۔!!!

اپر چترال موڑکہو گہت سے تعلق رکھنے والا نوجوان کرکٹ پلئیر محمد تیمور نے پاکستان انڈر 15 کرکٹ کیلئے منتخب ہوگئے ہیں_ یہ انکے کیرئیر کا ایک اہم سنگ میل ہے۔ محمد تیمور اس سے پہلے پاکستان انڈر 13 کرکٹ ٹیم میں کھیل چکے ہیں
واضح رہے محمد تیمور محمد رفیع حال آسلام آباد کے چھوٹے بھائی جبکہ برنس سے تعلق رکھنے والے ریٹائرڈ اینری کیپٹن سلیم الدین کے کزن ہیں ۔ محمد تیمور کی کامیابی نہ صرف ان کے خاندان بلکہ پورے چترال کے لیے فخر کا باعت ہے۔ ہم محمد تیمور کو ان کے کامیابی پر دل کی گہرائیوں سے مبارکباد پیش کرتے ہیں۔

Pakistan Cricket Team