24/06/2026
محرم الحرام کے بارے میں چند اہم باتیں
۱ محرم الحرام اللہ تعالیٰ کے چار حرمت والے مہینوں میں سے ایک ہے اس مہینے میں نیک اعمال کا اجر بڑھ جاتا ہے اور گناہوں سے بچنا بہت ضروری ہے
۲ محرم کی نو اور دس یا دس اور گیارہ تاریخ کے روزے رکھنا سنت ہے اور گزشتہ سال کے گناہوں کی معافی کا ذریعہ بنتا ہے
۳ یوم عاشوراء کے دن اللہ تعالیٰ نے حضرت موسیٰ علیہ السلام اور ان کی قوم کو نجات عطا فرمائی اور فرعون کو غرق کر دیا اسی وجہ سے رسول اللہ ﷺ بھی اس دن روزہ رکھتے تھے
۴ محرم عبادت صبر تقویٰ اور اللہ کی اطاعت کا مہینہ ہے نہ کہ ماتم سینہ کوبی خود کو زخمی کرنے یا بے بنیاد رسومات کا
۵ حضرت امام حسین رضی اللہ عنہ اور کربلا کے تمام شہداء امت کا فخر ہیں ان سے محبت ایمان کا حصہ ہے لیکن یہ محبت قرآن و سنت کے مطابق ہونی چاہیے
۶ اہل بیت اور تمام صحابۂ کرام رضی اللہ عنہم ہمارے احترام اور محبت کے مستحق ہیں کسی کی توہین کرنا مسلمان کا شیوہ نہیں
۷ اس مہینے میں نماز تلاوت قرآن ذکر دعا صدقہ اور دیگر نیک اعمال میں اضافہ کریں اور ہر قسم کے گناہ اور بدعت سے بچیں
اللہ تعالیٰ ہمیں محرم الحرام کی برکتوں سے بھرپور فائدہ اٹھانے اور قرآن و سنت کے مطابق زندگی گزارنے کی توفیق عطا فرمائے آمین
