Bhakkar Expose

Bhakkar Expose Contact information, map and directions, contact form, opening hours, services, ratings, photos, videos and announcements from Bhakkar Expose, News & Media Website, Bhakkar.

ہمارا مقصد بھکر اور بھکر واسیوں کی خوشحالی کے لیے کوشش کرنا ہے۔ نیتوں کا بھید اللہ تبارک و تعالیٰ بہتر جانتا ہے اور ہمیں صرف اُسی پاک ذات پر یقین ہے جس کے قبضہ قدرت میں ہمارے دل ہیں

پشاور کے رحمان بابا گرڈ اسٹیشن پر رکن صوبائی اسمبلی کے نمائندے کی جانب سے انتظامی ضوابط کے برعکس متعدد فیڈرز کو بحال کرا...
31/08/2026

پشاور کے رحمان بابا گرڈ اسٹیشن پر رکن صوبائی اسمبلی کے نمائندے کی جانب سے انتظامی ضوابط کے برعکس متعدد فیڈرز کو بحال کرانے کا واقعہ سامنے آیا ہے۔

پیسکو (PESCO) ترجمان کے مطابق اس اثنا میں ڈیوٹی پر موجود عملے کے کام میں غیر مجاز مداخلت کی گئی اور انتظامی عملدرآمد کو متاثر کرنے کی کوشش کی گئی۔پیسکو حکام نے واضح کیا ہے

کہ متعلقہ گرڈ اسٹیشن کے 80 فیصد فیڈرز 'ہائی لاسز' کے زمرے میں آتے ہیں، جہاں بجلی چوری اور واجبات کی عدم ادائیگی کے باعث باضابطہ شیڈول کے تحت لوڈ مینجمنٹ کی جاتی ہے۔

ترجمان کے مطابق طے شدہ ضوابط سے ہٹ کر فیڈرز کی یکطرفہ بحالی سے ادارے کے مالی و فنی نقصانات میں اضافے کا شدید خدشہ پیدا ہو جاتا ہے۔

امریکی صدر ڈونلڈ ٹرمپ نے اپنی عوامی مقبولیت سے متعلق سامنے آنے والے حالیہ سروے کو غیر مصدقہ قرار دیتے ہوئے میڈیا کے کردا...
31/08/2026

امریکی صدر ڈونلڈ ٹرمپ نے اپنی عوامی مقبولیت سے متعلق سامنے آنے والے حالیہ سروے کو غیر مصدقہ قرار دیتے ہوئے

میڈیا کے کردار پر تنقید کی ہے۔ اپنے بیان میں ان کا کہنا تھا کہ ایسے اعداد و شمار رائے عامہ کو متاثر کرنے کی کوشش ہیں اور وفاقی مواصلاتی کمیشن (ایف سی سی) کو اس معاملے پر توجہ دینی چاہیے۔

واضح رہے کہ بین الاقوامی خبر رساں ادارے رائٹرز اور اِپسوس کے حالیہ سروے میں صدر ٹرمپ کی عوامی مقبولیت 33 فیصد بتائی گئی تھی، جسے ان کی صدارت کی کم ترین سطح کے طور پر پیش کیا گیا ہے، جبکہ امریکی صدر نے ان کے طریقہ کار کی درستگی کو مسترد کیا ہے۔

بھارتی اداکارہ راکھی ساونت نے ایک بار پھر عمرے کی سعادت حاصل کر لی ہے اور مکہ مکرمہ سے اپنے روحانی سفر کی ویڈیوز سوشل می...
31/08/2026

بھارتی اداکارہ راکھی ساونت نے ایک بار پھر عمرے کی سعادت حاصل کر لی ہے

اور مکہ مکرمہ سے اپنے روحانی سفر کی ویڈیوز سوشل میڈیا پر شیئر کی ہیں۔ اس مقدس سفر کے دوران انہوں نے نیپال کے سیلاب سے متاثرہ افراد کے لیے خصوصی دعائیں کیں اور جذبہ خیر سگالی کے تحت 100 سے زائد جائے نمازیں لوگوں میں تقسیم کرنے کی سعادت بھی حاصل کر رہی ہیں۔

سوشل میڈیا پر ویڈیوز سامنے آنے کے بعد مداحوں اور صارفین نے انہیں عمرے کی مبارکباد پیش کی اور ان کے انسانی ہمدردی پر مبنی اقدامات کو سراہا۔ واضح رہے کہ وہ اس سے قبل بھی عمرے کی سعادت حاصل کر چکی ہیں۔

وزیراعظم شہباز شریف نے ترکیہ کے 'یومِ فتح' (Victory Day) کے موقع پر ترک صدر رجب طیب اردوان اور برادر ترک عوام کو مبارکبا...
30/08/2026

وزیراعظم شہباز شریف نے ترکیہ کے 'یومِ فتح' (Victory Day) کے موقع پر ترک صدر رجب طیب اردوان اور برادر ترک عوام کو مبارکباد پیش کرتے ہوئے کہا ہے کہ

پاکستان اور ترکیہ کے دیرینہ تعلقات مشترکہ تاریخ، عقیدے اور جدوجہد کے مضبوط رشتوں پر قائم ہیں۔وزیراعظم نے واضح کیا کہ پاکستان، ترکیہ اور سعودی عرب کی باہمی شراکت داری مشترکہ سلامتی، اجتماعی دفاع اور علاقائی استحکام کے فروغ کے لیے متحد ہے۔

مکہ مکرمہ میں طے پانے والا مشترکہ دفاعی معاہدہ پاک ترک اسٹریٹجک تعاون کا واضح مظہر ہے، جبکہ دونوں ممالک ہر شعبے میں باہمی روابط کو مزید وسعت دینے کے لیے مکمل پرعزم ہیں۔

قومی کرکٹ ٹیم کے سابق فاسٹ بولر محمد عامر نے برطانوی شہریت کے حصول کے بعد انگلینڈ ڈومیسٹک کرکٹ میں مقامی کھلاڑی کی حیثیت...
30/08/2026

قومی کرکٹ ٹیم کے سابق فاسٹ بولر محمد عامر نے برطانوی شہریت کے حصول کے بعد انگلینڈ ڈومیسٹک کرکٹ میں مقامی کھلاڑی کی حیثیت سے کھیلنے کے لیے باضابطہ معاہدہ کر لیا ہے،

جس کے ساتھ ہی ان کا پاکستان کرکٹ سے متعلق مستقبل کا باب واضح ہو گیا ہے۔محمد عامر کے مطابق انہوں نے کاؤنٹی چیمپئن شپ اور ’دی ہنڈریڈ‘ جیسے لیگ مقابلوں میں مقامی کھلاڑی کے طور پر شرکت کے لیے قانونی دستاویزات پر دستخط کر دیے ہیں،

جن کی پاسداری کے تحت وہ کسی اور ملک کی نمائندگی نہیں کر سکتے۔ انہوں نے واضح کیا کہ اس قانونی عمل کے بعد پاکستانی کرکٹ میں ان کا سفر مکمل ہو چکا ہے اور اب وہ انگلینڈ کی ڈومیسٹک کرکٹ اور دنیا بھر کی لیگز میں برطانوی کھلاڑی کے طور پر میدان میں اتریں گے۔

وزیراعظم کے مشیر برائے سیاسی امور سینیٹر رانا ثناء اللہ نے کہا ہے کہ بیرسٹر افتخار گیلانی کو وزیراعظم آزاد کشمیر نامزد ک...
30/08/2026

وزیراعظم کے مشیر برائے سیاسی امور سینیٹر رانا ثناء اللہ نے کہا ہے کہ بیرسٹر افتخار گیلانی کو وزیراعظم آزاد کشمیر نامزد کرنے کا فیصلہ مسلم لیگ (ن) کی اعلیٰ قیادت اور محمد نواز شریف کی مشاورت سے کیا گیا تھا۔

انہوں نے وضاحت کی کہ یہ ایک حکمتِ عملی پر مبنی فیصلہ تھا جس کا مقصد خطے کی ترقی اور یکجہتی کو فروغ دینا ہے، اور اس سے کسی کے ساتھ ناانصافی نہیں ہوئی۔رانا ثناء اللہ کا مزید کہنا تھا کہ
مسلم لیگ (ن) آزاد کشمیر کے صدر شاہ غلام قادر اور سابق وزیراعظم راجا فاروق حیدر پارٹی کا اہم اثاثہ ہیں اور انہیں سیاسی و انتظامی ٹیم میں مکمل طور پر شامل رکھا جائے گا۔

واضح رہے کہ بیرسٹر افتخار گیلانی قانون ساز اسمبلی سے 30 ووٹ حاصل کر کے آزاد جموں و کشمیر کے 17ویں وزیراعظم منتخب ہوئے ہیں۔

نائب وزیراعظم و وزیر خارجہ اسحاق ڈار نے لندن میں میڈیا سے گفتگو کرتے ہوئے کہا کہ پاکستان اب ڈیفالٹ کے خطرے سے نکل کر معا...
30/08/2026

نائب وزیراعظم و وزیر خارجہ اسحاق ڈار نے لندن میں میڈیا سے گفتگو کرتے ہوئے کہا کہ پاکستان اب ڈیفالٹ کے خطرے سے نکل کر معاشی استحکام کی طرف گامزن ہو چکا ہے۔

انہوں نے بتایا کہ حکومت کا بنیادی ہدف ملکی معیشت کو ترقی دے کر پاکستان کو دنیا کی 24 ویں بڑی معیشت بنانا اور جی 20 (G20) میں شامل کرانا ہے۔

بچوں کے معاملے پر کسی پر بھ-ر-وسہ نہ کریں اور انہیں کسی کے پاس بھی اکیلا نہ چھوڑیں: رابعہ انعمپاکستان کی نامور اینکر و ٹ...
30/08/2026

بچوں کے معاملے پر کسی پر بھ-ر-وسہ نہ کریں اور انہیں کسی کے پاس بھی اکیلا نہ چھوڑیں: رابعہ انعم

پاکستان کی نامور اینکر و ٹی وی میزبان رابعہ انعم نے بچوں کے حوالے سے حالیہ ملکی حالات پر سخت تشویش کا اظہار کرتے ہوئے والدین سے خصوصی الرٹ رہنے کی اپیل کی ہے،

ایک ویڈیو میں رابعہ انعم نے کہا کہ اگر آپ کے بچے ہیں تو آپ نے ان کی حفاظت کو پاکستان میں انتہائی سنجیدہ لینا ہے، حفاظت یہ نہیں کہ انہیں اچھے کپڑے پہنائیں، اسکول بھیجیں بلکہ ان کی حفاظت کے لیے آپ کو اس وقت سب سے زیادہ الرٹ رہنے کی ضرورت ہے،

رابعہ انعم نے کہا کہ اپنے چھوٹے بچوں کو کسی کے پاس بھی اکیلا نہ چھوڑیں، چاہے وہ کوئی بھی ہو، آپ اسے برسوں سے ہی کیوں نہ جانتے ہوں اور یہ بات صرف بچیوں کے لیے نہیں ہے، لڑکے یعنی بچے بھی( نشا-نہ) بن رہے ہیں،

انہوں نے مزید کہا کہ بچوں کے معاملے میں کسی پر اندھا بھروسہ نہ کریں، خاص طور پر وہ والدین جو نوکری پیشہ ہیں، گھروں میں کیمرے لگوائیں۔۔۔

وزیراعظم شہباز شریف نے پمز سانحے پر اسپتال کے ایگزیکٹو ڈائریکٹر پروفیسر ڈاکٹر عمران سکندر سمیت 8 افراد کو فوری معطل کر ک...
30/08/2026

وزیراعظم شہباز شریف نے پمز سانحے پر اسپتال کے ایگزیکٹو ڈائریکٹر پروفیسر ڈاکٹر عمران سکندر سمیت 8 افراد کو فوری معطل کر کے کارروائی کرنے کی منظوری دے دی ہے۔

وزیراعظم آفس کی جانب سے جاری اعلامیے کے مطابق وزیراعظم شہباز شریف کی زیر صدارت پمز واقعے پر لاہور میں اعلیٰ سطح کا اجلاس ہوا۔اعلامیے کے مطابق وزیراعظم کو تحقیقاتی کمیٹی کی عبوری رپورٹ پیش کی گئی۔ وزیراعظم نے کمیٹی کی نشاندہی پر 8 افراد کو فوری معطل کر کے کارروائی کرنے کی منظوری دے دی۔

وزیراعظم نے کمیٹی کی نشاندہی پر ذمہ داران کے خلاف محکمانہ اور فوجداری قوانین کے تحت کارروائی کی ہدایت کی ہے۔اعلامیے کے مطابق ان 8 افراد میں پمز کے ایگزیکٹو ڈائریکٹر پروفیسر ڈاکٹر عمران سکندر شامل ہیں۔

سکیورٹی پر مامور کمپنی اور عہدیداران کے خلاف کارروائی کی بھی منظوری دی گئی ہے۔معطل ہونے والوں میں جوائنٹ ایگزیکٹو ڈائریکٹرز ڈاکٹر مطاہر شاہ اور ڈاکٹر اویس علی شاہ شامل ہیں۔ ان کے علاوہ ڈاکٹر نوشیلہ امجد، اسسٹنٹ ڈائریکٹر سکیورٹی محمد عثمان، سی ڈی اے کے ایمرجنسی سروس کے ڈی جی عبدالرحمان، نیونیٹل ڈیپارٹمنٹ کی سربراہ ڈاکٹر سعدیہ ریاض اور سینئر رجسٹرار بھی معطل ہونے والوں میں شامل ہیں۔

وزیراعظم آفس کے مطابق متاثرہ وارڈ میں موجود ایک نرس اور خاتون گارڈ کو او ایس ڈی بنا کر مزید تحقیقات کی ہدایت کی گئی ہے۔ وزیراعظم نے ان افراد کے خلاف بلا امتیاز فوجداری کارروائی کی ہدایت کی ہے۔

امریکی اخبار نے انٹیلی جنس رپورٹ کے حوالے سے دعویٰ کیا ہے کہ روسی صدر ولادیمیر پیوٹن ایران( جن/گ9 کے باعث امریکا کو کمزو...
30/08/2026

امریکی اخبار نے انٹیلی جنس رپورٹ کے حوالے سے دعویٰ کیا ہے کہ روسی صدر ولادیمیر پیوٹن ایران( جن/گ9 کے باعث امریکا کو کمزور سمجھتے ہیں

اور یورپ میں امریکی مفادات کے خلاف اپنی سرگرمیاں بڑھا سکتے ہیں۔ دوسری جانب، سی آئی اے کے

سربراہ جان ریٹکلف نے دورہ ماسکو کے دوران روس کو یوکرین کے خلاف( جن-گ) میں مزید کشیدگی پیدا کرنے سے گریز کرنے کی تنبیہ کی ہے۔

Address

Bhakkar

Website

Alerts

Be the first to know and let us send you an email when Bhakkar Expose posts news and promotions. Your email address will not be used for any other purpose, and you can unsubscribe at any time.

Shortcuts

Share

Category