Bhowana Punjabi Shairi

Bhowana Punjabi Shairi بھوآنہ پنجابی شاعری
bhowana punjabi shairi

21/09/2025

میڈی عمر سکون دی تاں نبھدی
تیڈا یار سہارا۔۔۔۔۔۔۔ مل پوندا،

پوندے جاگ نصیب۔۔۔غریباں دے
جے ھک وار دوبارہ۔۔۔ ۔۔ مل پوندا،

ساکوں غرض نہ ہئی جاگیراں دی
تیڈا فقط نظارا ۔۔۔۔۔۔۔ مل پوندا،

کیا بات ہوندی ساڈی قسمت دی
تیڈے نال ستارا ۔۔۔۔ ۔۔۔۔مل پوندا،،

21/09/2025

سانبھن اوکھے ہو جاندے نیں
دُکھ جد بوھتے ہو جاندے نیں

دولت عیب لُکا لیندی اے
لوک فرشتے ہو جاندے نیں

اک مسئلہ جے حل نہ کریے
سو سو مسئلے ہو جاندے نیں

کَلیاں ٹُرنا پے جاوے تے
رستے لَمّے ہو جاندے نیں

ویلا چال جے بدلے کیفی
تخت وی تختے ہو جاندے نیں

فیصل منظور کیفی

21/09/2025

ھائی لتھی ھوئی بارش پتھراں دی
کیندا کیندا وار چکائیں ھا

او وی تل گیا پتھر مارن تے
جئیں بننا آن کے سائیں ھا

جیہڑا اپنا ھا او وی کہیئں دا بنیاں
کہینوں عامر زخم وکھائیں ھا

ہک میں مجبور ھاموں ہک پاسے
باقی شہر دا شہر اودائیں۔۔۔۔ ھا

12/05/2025

تیرے سنگ نال رنگ ہانڑ زندگی دے تیرے نکھڑن عمر مکا چھوڑی🍁

ناہموں ہردا قطعاً شریکاں تو تیرے نکھڑن ہار دیوا چھوڑی🍁

پہلے توں ٹریائیں مڑ سکھ ٹر پئے انج قسمت کھیڈ ونجا چھوڑی🍁

گھاٹے جھلن دا وصی شاہ عادی ہا تیرے گھاٹے کمر نیوا چھوڑی🍁

26/04/2025

بے رخیاں دا ظلم غریباں تے نت سردار ناں کیتا کر
۔
سدھا آکھ چا میری نہی نبھدی انج روز خوار ناں کیتا کر
۔
بے بھرما چار شریکاں اچ درویش نوں یار ناں کیتا کر
۔
جداں میرا سینہ حاضر ہے مڑ کنڈ تے وار ناں کیتا کر

26/04/2025

کل قاصد دسیائے دو بندیاں دی ہک میٹنگ تھیندی پئی ہائی
کسے بشر غریب نوں چھوڑن دی راتیں قسم چویندی پئی ہائی
ہک بشر کائی گل منویندا ھا اگوں جی جی تھیندی پئی ہائی
میرا سو فیصد #رحمان اندازائے تیری سنگت بکیندی پئی ہائی

21/12/2024


پنجابی_دوہڑہ # #پنجابی #دوہڑہ
ندیم_کلیار_پنجابی_شاعر #
پنجابی #شاعری #
پنجابی_شاعری #

16/06/2024

سجن عید جو آئی اے آ ونجیں ھا پوری دل دی آس ھو ویندی"
وڈی مدت توں سکدیاں اکھیاں دی توڑے ختم پیاس ھو ویندی"
تیری کرم نوازی کیریاں تے۔۔۔اللہ جان دا اے خاص ھو ویندی"
چھڑی شکل وکھا کے ٹر ونجیں ھا ساڈی عید"حیات"ھو ویندی.

16/06/2024

جدوں راتی عید دا چن تکیا _۔۔۔__ پردیس اچ روح گھبرا گئی اے
آج اس بیگانیاں وطناں تے --۔۔۔۔۔۔۔۔- میری جندڑی رہ تنہا گئی اے
بندے عید تے ملسن سجناں نوں ___ ساڈی قسمت کھیڈ ونجا گئی اے
اے عید وی بس مجبوریاں توں _ سانوں وچ پردیس دے آ گئی اے

16/06/2024

آ عید دے دنیہہ نزدیک گۓ۔۔۔۔ کجھ سوچیں ہا ڈھول رسائی دا,
ہتھ جوڑ کے منت کریندا ہاں۔۔۔۔۔۔۔۔۔۔۔۔۔۔ کر سلسلہ ختم جدائی دا,
تینوں عید تے تحفے نہ دیواں ۔۔۔۔ کیہڑا فیدہ اے سجن کمائی دا,
اوہراں لسٹ بنا کے سینڈ چاکر تینوں کیہ کجھ عید تے چاہِئِ دا

16/06/2024

اے جوں عید پئ آندی خوشیاں دی ۔ ربا میتھے کرم کمائیں ہا سجنڑ ملائیں ہا
ساڈی ہڈھ گئ زندگی وچ پردیساں۔ پردیس توں چوُک چُھڑائیں ہا سجنڑ ملائیں ہا
تیرا لاڈلے تے لاکھ احسان ہوسی ناں ہور مینوں ترسائیں ہا سجنڑ ملائیں ہا
اس عید تے وچھڑے سجنڑاں دی مینوں رج کے دید کرائیں ہا سجنڑ ملائیں ہا

02/06/2024

ماۓ نی میں جھلّا بیٹھا ۔۔۔ تیری مت بُھلا
ماۓ نی میرا خیش قبیلا پُٹھے راہ پیا
ماۓ نی مینوں چھڈ گۓ میرے سکّے بھین بھرا
ماۓ نی میرے سِکدے رہ گۓ مِل ورتن دے چا
ماۓ نی اج وِیراں دِتے سکّے وِیر کُہا
ماۓ نی مینوں کرنا پے گیا پیڑاں نال نبھا
ماۓ نی مرے گھر نوں دِتی اَگ شریکاں لا
ماۓ نی مرے سجناں دِتی میری دھوڑ اڈا
ماۓ نی مرا ہسدا وسدا جُھگا اجڑ گیا
ماۓ نی مرا حرص ہنیری دِتا لہو سُکا
ماۓ نی اج لمیاں سوچاں دِتا مار مُکا
ماۓ نی اِک واری مینوں میرے نال مِلا
ماۓ نی دُنیا وچ میرا بھرم گواچ گیا
ماۓ نی مرے ویہڑے مڑ کے پیار دی جُوت جَگا
ماۓ نی مینوں اُنگلی پھڑ کے سِدھے رَستے لا
ماۓ نی اِک واری مُڑ کے جیون چج سکھا
ماۓ نی طالب دی آ کے وِگڑی کھیڈ بنا

Address

Bhawana
Bhawana
35350

Website

Alerts

Be the first to know and let us send you an email when Bhowana Punjabi Shairi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category