07/06/2026
بونیر، با چا تر مذ ی سے
صوبائی وزیر آبپاشی ریاض خان نے ضلع بونیر میں 870 ملین روپے کے "ڈریجنگ کریٹیکل واٹر ویز" منصوبے کا باضابطہ افتتاح کر دیا
خیبر پختونخوا کے وزیر آبپاشی خیبرپختونخوا ریاض خان نے اتوار کے روز ضلع بونیر میں چیرمین پاکستان تحریک انصاف بیرسٹر گوہر علی خان کے بھائی عظمت خان ،ضیاء حسین معتبر خان ایڈوکیٹ اور دیگر معزز مشران وپارٹی ورکرز کے ہمراہ سیلاب سے انسانوں اور آبادی کی تحفظ کو یقینی بنانے اور زرعی زمینوں کی بحالی کے لیے 870 ملین روپے کی لاگت سے "ڈریجنگ کریٹیکل واٹر ویز" منصوبے کا باضابطہ افتتاح کر دیا۔
افتتاحی تقریب میں محکمہ آبپاشی بونیر کے افسران، سب ڈویژنل انجینئرز، سب انجینئرز، علاقہ عمائدین، مقامی مشران اورعوام نے کثیر تعداد میں شرکت کی۔
۔
افتتاحی تقریب سے خطاب کرتے ہوئے صوبائی وزیر آبپاشی ریاض خان نے کہا کہ خیبرپختونخوا حکومت وزیر اعلیٰ محمد سہیل آفریدی کی قیادت میں صوبے کے ہر ضلع میں ترقیاتی کاموں کو یکساں ترجیح دے رہی ہے۔ بونیر کے عوام نے ہمیں مینڈیٹ دیا ہے، اور ہم ان کے اعتماد پر پورا اتریں گے۔"
انہوں نے کہا کہ "870 ملین روپے کا یہ منصوبہ بونیر کے لیے ایک سنگ میل ثابت ہوگااس سے نہ صرف سیلاب پر قابو پانے میں مدد ملےگی بلکہ زراعت اور معیشت کو بھی استحکام ملے گا۔ ہماری کوشش ہے کہ ہر ضلع میں پانی کے وسائل کو بہتر طریقے سے استعمال کر کے عوام کی زندگی آسان بنائی جائے۔
صوبائی وزیر نے متعلقہ افسران کو ہدایت کی کہ منصوبے کی دیکھ بھال اور پائیداری کو یقینی بنایا جائے تاکہ عوام طویل عرصے تک اس سے مستفید ہو سکیں۔
۔
