Press Club Burewala

07/09/2026

بورے والا(پریس کلب)یومِ دفاع پاکستان کے موقع پر پریس کلب بورے والا کے وفد نے قوم کے عظیم سپوت اور نشانِ حیدر کے اعزاز یافتہ فاتح لکشمی پور میجر طفیل محمد شہیدؒ نشان حیدر کے مزار پر حاضری دی۔ وفد نے مزارِ شہید پر پھولوں کی چادر چڑھائی اور فاتحہ خوانی کی۔اس موقع پر وفد کے ارکان صدر پریس کلب حافظ جنید احمد،جنرل سیکرٹری عبدالطیف غزنوی،بانی ممبر اصغر علی کامریڈ،چوہدری اکرام الحق ثاقب،سیکرٹری اطلاعات کاشف اقبال چوہدری،مسعود عابد،سابق جنرل سیکرٹری صفدر چوہدری نے میجر طفیل محمد شہیدؒ کی عظیم قربانی اور شجاعت کو خراجِ عقیدت پیش کیا،اس موقع پر صدر پریس کلب حافظ جنید احمد نے کہا کہ 6 ستمبر ہمیں اپنے ان بہادر سپوتوں کی قربانیوں کی یاد دلاتا ہے جنہوں نے مادرِ وطن کے دفاع کے لیے بے مثال جرات اور بہادری کا مظاہرہ کیا۔ صحافتی برادری شہداء وطن کی قربانیوں کو سلام پیش کرتی ہے اور اس عزم کا اعادہ کرتی ہے کہ پاکستان کی سلامتی، استحکام اور قومی یکجہتی کے لیے اپنا مثبت کردار جاری رکھے گی،وفد نے ملک و قوم کی سلامتی، ترقی اور خوشحالی کے لیے خصوصی دعا بھی کی۔

28/08/2026

پریس کلب بورےوالا میں مصنوعی ذہانت کے شعبہ صحافت میں استمعال اور جدید اے آئی ٹولز بارے صحافیوں کو آگاہی دی گئی۔۔۔۔سینئر صحافی اور سابق صدر پریس کلب بورےوالا ندیم مشتاق رامے کی اس موقع پر وسیب نیوز کے رپورٹر غلام فرید کھچی سے گفتگو

27/08/2026

A Training was arranged for Journalists by Urdu AI Team at Press Club Burewala

بورےوالا (پریس کلب) اردو اے آئی اور انوویشن لیب کے تعاون سے پریس کلب بورے والا کے زیرِ اہتمام مصنوعی ذہانت (AI) کے استعمال کے حوالے سے ایک معلوماتی و تربیتی سیشن کا انعقاد کیا گیا، جس میں صحافیوں کو جدید اے آئی ٹولز کے عملی استعمال کے بارے میں آگاہ کیا گیا۔
تربیتی سیشن کے دوران شرکاء کو چیٹ جی پی ٹی، جیمینائی، نوٹ بک ایل ایم، گوگل فلو، گوگل وڈز، گوگل اے آئی سٹوڈیو، کلاڈ اور دیگر جدید اے آئی ٹولز کے استعمال کے حوالے سے عملی تربیت فراہم کی گئی۔ شرکاء کو بتایا گیا کہ مصنوعی ذہانت کی مدد سے پوسٹرز اور ویڈیوز کی تیاری، خبروں کی تحریر و تدوین، نیوز ٹیکرز کی تیاری سمیت مختلف صحافتی امور کو زیادہ تیز، مؤثر اور آسان بنایا جا سکتا ہے۔ اس موقع پر گفتگو کرتے ہوئے صدر پریس کلب حافظ جنید احمد نے کہا کہ مصنوعی ذہانت اب محض جدید ٹیکنالوجی نہیں رہی بلکہ روزمرہ زندگی اور پیشہ ورانہ امور کا اہم حصہ بن چکی ہے۔ صحافت کے شعبے میں بھی اے آئی کے استعمال کے امکانات تیزی سے بڑھ رہے ہیں، اس لیے صحافیوں کے لیے ضروری ہے کہ وہ جدید ٹیکنالوجی کے بدلتے ہوئے تقاضوں کو سمجھیں اور خود کو جدید تقاضوں سے ہم آہنگ کریں۔ تاہم، اس ٹیکنالوجی کو صحافتی ذمہ داری، اخلاقیات اور درست معلومات کے اصولوں کو مدنظر رکھتے ہوئے استعمال کیا جانا چاہیے۔

27/08/2026

عید میلادالنبی ﷺ کے مرکزی جلوس کا پریس کلب بورےوالا پر پرتپاک استقبال

بورےوالا: پریس کلب بورےوالا کی جانب سے عید میلادالنبی ﷺ کے مرکزی جلوس کا کالج روڈ پر پرتپاک استقبال کیا گیا۔ اس موقع پر صحافیوں نے صدر پریس کلب حافظ جنید احمد کی سربراہی میں مرکزی جلوس کے اکابرین کو ہار پہنائے اور عقیدت و محبت کا اظہار کیا۔

اس موقع پر پریس کلب کے عہدیداران اور اراکین جنرل سیکرٹری عبدالطیف غزنوی، سابق صدور اصغر علی کامریڈ، ندیم مشتاق رامے، چوہدری اصغر علی جاوید، سابق چئیرمین چوہدری اکرام الحق، سابق جنرل سیکرٹری چوہدری محمد صفدر، نائب صدر ملک نعیم جاوید، جوائنٹ سیکرٹری ظہیر اسلم مرزا، فنانس سیکرٹری محمد کریم سیفی، ڈائریکٹر پروگرامز محمد شیر خان کھچی، سابق جنرل سیکرٹری سکندر حیات ڈوگر، سمیع اللہ جٹ، سردار محمد وسیم ڈوگر نے مرکزی جلوس کے شرکاء کا خیرمقدم کیا، جبکہ بارگاہِ الہٰی میں سید محمد اظہار الحق شاہ کی جانب سے خصوصی دعا بھی کی گئی۔ جلوس کے شرکاء نے پریس کلب کی جانب سے استقبال اور محبت کے اظہار کو سراہتے ہوئے ان کا شکریہ بھی ادا کیا ۔

26/08/2026

24/08/2026

جشن عید میلادالنبی ﷺ محبت، اخوت اور انسانیت کا پیغام ہے، مقررین

24 اگست 2006۔

بورےوالا: دفاع پاکستان کونسل اور پولیس سرکل بورےوالا کے اشتراک سے جشن عید میلاد النبی ﷺ کے سلسلہ میں اہم نشست پریس کلب بورے والا میں منعقد ہوئی، تقرہب کی صدارت جماعت اہلسنت کے راہنماء پیر محمد اقبال شاہ نے کی۔ تقریب میں مرکزی انجمن تاجران، مرکزی میلاد کمیٹی، جماعت اہل سنت اور دیگر مذہبی و سماجی تنظیموں کے نمائندگان نے شرکت کی۔ نشست میں جشن عید میلادالنبی ﷺ کے انتظامات، ملکی استحکام، باہمی رواداری اور امن و امان کے قیام کے حوالے سے تفصیلی مشاورت کی گئی۔

اسسٹنٹ کمشنر بورے والا جواد حسین ملک نے خطاب کرتے ہوئے کہا کہ جشن عید میلادالنبی ﷺ عقیدت و محبت کے اظہار کا عظیم موقع ہے، اس موقع پر تمام اداروں، مذہبی تنظیموں اور شہریوں کو باہمی تعاون اور نظم و ضبط کا مظاہرہ کرنا چاہیے۔ انہوں نے کہا کہ انتظامیہ میلادالنبی ﷺ کی تقریبات کے لیے ہر ممکن سہولیات فراہم کرے گی اور جلوسوں و دیگر پروگراموں کے دوران سکیورٹی اور انتظامی امور کو مؤثر بنانے کے لیے مربوط اقدامات کیے جائیں گے۔

ڈی ایس پی بورے والا رانا محمد عمران ٹیپو نے کہا کہ جشن عید میلادالنبی ﷺ کے موقع پر امن و امان کا قیام پولیس کی اولین ترجیح ہے۔ مذہبی پروگراموں، جلوسوں اور محافل کے دوران سکیورٹی کے فول پروف انتظامات کیے جائیں گے۔ انہوں نے مذہبی و سماجی تنظیموں کے نمائندگان پر زور دیا کہ وہ پولیس اور انتظامیہ کے ساتھ مکمل تعاون کریں اور امن، بھائی چارے اور مذہبی ہم آہنگی کے فروغ میں اپنا کردار ادا کریں۔

دفاع پاکستان کونسل اور جماعت اہل سنت کے مرکزی راہنماء پیر محمد اقبال شاہ نے کہا کہ حضور اکرم ﷺ کی ولادت باسعادت پوری امت مسلمہ کے لیے عظیم خوشی اور رحمت کا موقع ہے۔ ہمیں جشن میلادالنبی ﷺ کے پیغام کو محبت، اخوت، برداشت اور اتحاد کے ساتھ عام کرنا چاہیے۔ انہوں نے کہا کہ ملکی سلامتی، استحکام اور امن کے لیے تمام طبقات کو متحد ہو کر کردار ادا کرنا ہوگا۔

صدر مرکزی انجمن تاجران چوہدری محمد صغیر رامے نے کہا کہ تاجر برادری جشن عید میلادالنبی ﷺ کے سلسلہ میں ہونے والی سرگرمیوں میں بھرپور تعاون کرے گی۔ انہوں نے کہا کہ بازاروں اور تجارتی مراکز میں میلادالنبی ﷺ کے حوالے سے سجاوٹ کے ساتھ ساتھ صفائی، ٹریفک کی روانی اور شہریوں کی سہولت کا بھی خصوصی خیال رکھا جائے گا۔

صدر پریس کلب بورے والا حافظ جنید احمد نے کہا کہ حضور نبی کریم ﷺ کی سیرت طیبہ ہمارے لیے امن، محبت، رواداری اور انسانیت کی خدمت کا عملی درس ہے۔ میڈیا مذہبی ہم آہنگی، امن اور بھائی چارے کے فروغ کے لیے اپنا مثبت کردار ادا کرے گا اور جشن عید میلادالنبی ﷺ کی تقریبات کو اجاگر کرنے میں بھرپور تعاون کیا جائے گا۔

دیگر مقررین نے بھی اپنے خطاب میں کہا کہ جشن عید میلادالنبی ﷺ کے موقع پر اتحاد و اتفاق، مذہبی رواداری اور ملکی سلامتی کے تقاضوں کو مقدم رکھا جائے۔ نشست کے اختتام پر اس عزم کا اظہار کیا گیا کہ جشن عید میلادالنبی ﷺ کی تقریبات کو پُرامن، منظم اور شایانِ شان انداز میں منعقد کرنے کے لیے تمام متعلقہ ادارے اور تنظیمیں باہمی تعاون جاری رکھیں گی۔

اس موقع پر جنرل سیکرٹری مرکزی انجمن تاجران شیخ عابد فاروق ۔ صدر انجمن تاجران عارف بازار چوہدری محمد عاطف ۔صدرانجمن تاجران ریل بازار شیخ متین سلمان ۔ ایس ایچ او تھانہ ماڈل ٹاؤن خالد محمود چوہان اور دیگر بھی موجود تھے

15/08/2026

پریس کلب میں جشن آزادی کی تقریب، کیک کاٹا گیا

بورےوالا: پریس کلب بورےوالا میں جشن آزادی کے سلسلے میں پروقار تقریب کا انعقاد کیا گیا، جس کی صدارت اسسٹنٹ کمشنر بورےوالا جواد حسین ملک اور ڈی ایس پی رانا محمد عمران ٹیپو نے کی۔ تقریب میں کیک کاٹا گیا اور پاکستان کی سلامتی، خوشحالی اور شہداء کے لیے خصوصی دعا کی گئی۔

تقریب سے خطاب کرتے ہوئے اسسٹنٹ کمشنر جواد حسین ملک نے کہا کہ تحریک پاکستان میں صحافیوں نے بھی عظیم کردار ادا کیا اور آزادی کے حصول کے لیے اپنی خدمات پیش کیں۔

ڈی ایس پی رانا محمد عمران ٹیپو نے کہا کہ ہمارے اسلاف نے بے مثال قربانیاں دے کر پاکستان حاصل کیا، جس کی حفاظت اور ترقی ہم سب کی مشترکہ ذمہ داری ہے۔

تقریب میں صدر بار ایسوسی ایشن رانا الطاف حسین، جنرل سیکرٹری علی جاوید گوجر، صدر مرکزی انجمن تاجران چوہدری محمد صغیر رامے، جنرل سیکرٹری شیخ عابد فاروق، پی ایم اے کے ضلعی صدر ڈاکٹر محمد سجاد ڈھلوں، ڈاکٹر عمران سمیع اللہ، ڈاکٹر مقصود احمد شیخ، ڈاکٹر آصف علی، طاہر نوید ڈوگر سمیت وکلاء، انجمن تاجران، تحصیل انتظامیہ اور مقامی صحافیوں کی کثیر تعداد نے شرکت کی۔

پریس کلب بورےوالا کے صدر حافظ جنید احمد شیخ نے مہمانوں کی آمد پر ان کا شکریہ ادا کیا۔ تقریب کے اختتام پر ملکی سلامتی، استحکام اور شہداء کے لیے خصوصی دعا کی گئی

13/08/2026

Jashan-e-Azadi Mubarak 🇵🇰🥰

10/08/2026

برطانیہ گروپ مانچسٹر کے چیئرمین میاں محمد جمیل کا پریس کلب بورےوالا کا دورہ

بورےوالا :(پریس کلب ): ملک کی معاشی ترقی کے لیے کاروباری سرگرمیوں اور سرمایہ کاری کو فروغ دینا وقت کی اہم ضرورت ہے۔ بیرون ملک مقیم پاکستانی ملکی معیشت کو مضبوط بنانے اور روزگار کے نئے مواقع پیدا کرنے میں اہم کردار ادا کر سکتے ہیں۔ صحافی برادری کو بھی معاشرے میں سماجی ناانصافی، محرومی اور دیگر مسائل کے خاتمے کے لیے اپنا مؤثر اور ذمہ دارانہ کردار ادا کرنا چاہیے۔ ان خیالات کا اظہار برطانیہ گروپ مانچسٹر کے چیئرمین اور معروف بزنس ٹائیکون میاں محمد جمیل نے پریس کلب بورےوالا کے دورے کے دوران گفتگو کرتے ہوئے کیا۔ اس موقع پر ان کے دیرینہ ساتھی اور معروف کاروباری شخصیت حاجی محمد اسلم بھی ان کے ہمراہ تھے۔

میاں محمد جمیل نے بتایا کہ ان کا تعلق بورےوالا سے ہے اور وہ برطانیہ میں برطانیہ گروپ کے سربراہ ہیں۔ ان کا گروپ ہاؤسنگ کے شعبے میں کام کر رہا ہے اور برطانیہ میں 100 ملین برطانوی پاؤنڈز سے زائد مالیت کے مختلف ہاؤسنگ پراجیکٹس پر کام جاری ہے، جن میں کونسل کے منصوبے بھی شامل ہیں۔

انہوں نے بتایا کہ بورےوالا میں حال ہی میں 60 کروڑ روپے مالیت کی زمین کی ایک بڑی ٹرانزیکشن مکمل ہوئی، جس پر ڈیڑھ کروڑ روپے ٹیکس کی مد میں حکومتی خزانے میں جمع کرایا گیا۔ انہوں نے کہا کہ قومی ٹیکسز کی بروقت اور ایمانداری سے ادائیگی ہم سب کا قومی فریضہ ہے، کیونکہ ٹیکسز کی مد میں جمع ہونے والی رقم سے ملکی معیشت مضبوط ہوتی ہے اور عوامی فلاح و ترقی کے منصوبوں کو فروغ ملتا ہے، اس لیے ہر شہری کو ایمانداری سے اپنے واجب الادا ٹیکسز ادا کرنے چاہئیں۔

میاں محمد جمیل نے کہا کہ بورےوالا میں ان کے آبائی گاؤں 435 ای بی میں ایک اعلیٰ معیار کا اسکول قائم کیا جائے گا، جہاں غریب اور مستحق بچوں کو معیاری تعلیم کی فراہمی پر خصوصی توجہ دی جائے گی۔ انہوں نے کہا کہ اسکول میں بالخصوص بچیوں کی تعلیم کو ترجیح دی جائے گی تاکہ انہیں بہتر تعلیمی مواقع فراہم کیے جا سکیں۔

انہوں نے بتایا کہ پاکستان میں چین کے تعاون سے الیکٹرک بائیکس کے منصوبے پر بھی جلد کام شروع کرنے کے لیے منصوبہ بندی کی جا رہی ہے، جس سے روزگار کے نئے مواقع پیدا ہونے کے ساتھ ساتھ ماحول دوست سفری سہولیات کو فروغ ملے گا۔

اس موقع پر میاں محمد جمیل نے پریس کلب کے سینئر رکن اور اپنے کلاس فیلو دوست شاہد اکبر طور مرحوم کے انتقال پر گہرے دکھ اور افسوس کا اظہار کرتے ہوئے ان کے ایصال ثواب کے لیے فاتحہ خوانی بھی کی۔

میاں محمد جمیل نے پریس کلب بورےوالا کے چیئرمین محمد ارشد ڈوگر، صدر جنید احمد شیخ، جنرل سیکرٹری عبد اللطیف غزنوی، سابق صدور اصغر علی کامریڈ، ندیم مشتاق رامے، اصغر علی جاوید، میاں طارق محمود، مہر اعجاز احمد، چوہدری اکرام الحق ثاقب، رانا عبدالوحید خان، چوہدری محمد صفدر، ظہیر اسلم مرزا، ملک نعیم جاوید، محمد کریم سیفی، سردار وسیم ڈوگر، سمیع اللہ جٹ، محمد شہباز قریشی سمیت تمام عہدیداران اور ممبران کا خصوصی دعوت اور پرتپاک استقبال پر شکریہ ادا کیا۔

اس موقع پر پریس کلب کے عہدیداران اور ممبران نے بورےوالا میں تعلیم، سرمایہ کاری اور فلاحی منصوبوں میں میاں محمد جمیل کی دلچسپی کو سراہا۔ تقریب کے اختتام پر پریس کلب بورےوالا کی جانب سے دونوں معزز مہمان شخصیات، میاں محمد جمیل اور حاجی محمد اسلم، کو یادگاری شیلڈز بھی پیش کی گئیں۔