Voice Of Chakwal News Paper

Voice Of Chakwal News Paper Social Media

05/08/2026

واہ جی واہ

01/08/2026

*چکوال ۔۔۔ سود خور مالیاتی اداروں کی دیکھا دیکھی بلا سود کام کرنے والے ادارہ "اخوت فاؤنڈیشن" چکوال کے اہلکاروں نے بھی رنگ بدلنا شروع کردیا*

*چکوال ۔۔۔ وزیرِ اعلیٰ پنجاب مریم نواز شریف کے مثالی "اپنی چھت،اپنا گھر" کے تحت حکومت پنجاب سے قرض لینے والوں کا نام میں دم کرنے والوں میں "اخوت فاؤنڈیشن" چکوال کا عملہ سر فہرست*

*چکوال ۔۔۔ ہر نئے مہینے کی پہلی تاریخ کا سورج چڑھتے ہی "اخوت فاؤنڈیشن" کے چمچے کڑچھے "اپنی چھت,اپنا گھر" سکیم کے تحت پنجاب حکومت سے قرض لینے والے غریب قرضداروں کے کے پیچھے لٹھ لیکر پڑ جاتے ہیں کہ وہ اپنی ماہانہ قسط آج کے آج ہی جمع کروائیں*

*چکوال ۔۔۔ بے گھر افراد کو قسط ادائیگی کیلئے جو واؤچر دیا جاتا ہے،اس پر حکومت پنجاب یا "اخوت فاؤنڈیشن" کی جانب سے کوئی حتمی تاریخ درج ہی نہیں ہوتی*

*چکوال ۔۔۔ خربوزوں کو دیکھ کر خربوزے کس طرح رنگ پکڑتے ہیں یہ "اخوت فاؤنڈیشن چکوال" کے عملہ نے ثابت کرنا شروع کردیا،5 ہزار روپے کے بمعہ سود قرضے دیئے جانے کی بھی اطلاعات*

*VOICE OF CHAKWAL MEDIA GROUP*

01/08/2026

*آل پاکستان زرگر رمضان قلندری گروپ کی جھنگ میں شاندار تقریب،چکوال سے صرافہ برادری کے گروپ قائدین کی خصوصی شرکت*

*صرافہ برادری کیلئے بھرپور کردار ادا کرنے پر طیب سلیم صراف کو خصوصی ایوارڈ دیا گیا جبکہ عمرہ ٹکٹ کی قرعہ اندازی میں عارف بھولی صراف خوش نصیب قرار پائے،مبارکبادیں*

چکوال ۔۔۔ آل پاکستان زرگر رمضان قلندری گروپ کے زیر اہتمام رمضان قلندری گروپ جھنگ کے رہنماؤں ریحان وسیم اور وقار احمد کی جانب سے گروپ کے ممبران کے اعزاز میں پر وقار تقریب کا انعقاد کیا گیا،جس میں ملک بھر سے زرگر برادری سے تعلق رکھنے والے نمایاں افراد نے بھرپور شرکت کی،تقریب میں ضلع جہلم،چکوال،جھنگ،منڈی بہاؤالدین،گجرات، راولپنڈی،اسلام آباد،مردان،گوجرانوالہ اور گوجر خان سمیت پاکستان کے مختلف شہروں سے آل پاکستان رمضان قلندری گروپ کے ممبران بڑی تعداد میں شریک ہوئے،مہمانوں کی آمد پر منتظمین نے ان کا پر جوش و مثالی استقبال کیا اور انہیں خوش آمدید کہا،اس موقع پر مقررین نے اپنے خطاب میں زرگر برادری کے اتحاد،باہمی تعاون،بھائی چارے اور فلاحی سرگرمیوں کو فروغ دینے کے عزم کا اظہار کیا،انہوں نے کہا کہ رمضان قلندری گروپ ملک بھر کے زرگروں کو ایک پلیٹ فارم پر متحد کرنے اور ان کے مسائل کے حل کیلئے مسلسل کوشاں ہے،تقریب کے دوران مختلف شخصیات کی خدمات کو سراہتے ہوئے اعزازی شیلڈز اور خصوصی ایوارڈز بھی پیش کئے گئے،چکوال سے تعلق رکھنے والے صدر طیب سلیم صراف کو زرگر برادری کی نمایاں خدمات کے اعتراف میں خصوصی ایوارڈ سے نوازا گیا،جس پر شرکاء نے انہیں بھرپور مبارکباد پیش کی،تقریب کی ایک اہم اور پرجوش سرگرمی عمرہ ٹکٹ کی قرعہ اندازی تھی،جس میں خوش نصیبی سے چکوال کے معروف زرگر عارف بھولی صراف کے نام عمرہ کا ٹکٹ نکلا،ان کا نام سامنے آتے ہی ہال تالیوں سے گونج اٹھا اور شرکاء نے انہیں مبارکباد پیش کی،تقریب کے اختتام پر منتظمین ریحان وسیم اور وقار احمد نے تمام مہمانوں اور شریک ہونے والے زرگر برادری کے افراد کا شکریہ ادا کرتے ہوئے اس عزم کا اظہار کیا کہ آئندہ بھی ایسے اجتماعات کا سلسلہ جاری رکھا جائے گا تاکہ ملک بھر کی زرگر برادری کے درمیان اتحاد،محبت اور باہمی روابط مزید مضبوط ہوں۔

VOICE OF CHAKWAL MEDIA GROUP

*محکمہ صحت چکوال کی سرکاری گاڑی کی ٹکر سے طالبعلم کی گاڑی تباہ،سرکاری ڈرائیور اور ڈاکٹر یقین دہانی کے بعد متاثرہ گاڑی کا...
30/07/2026

*محکمہ صحت چکوال کی سرکاری گاڑی کی ٹکر سے طالبعلم کی گاڑی تباہ،سرکاری ڈرائیور اور ڈاکٹر یقین دہانی کے بعد متاثرہ گاڑی کا مرمتی کام کروانے سے انکاری،مقدمہ درج*

چکوال (عبدالغفار پارس) محکمہ صحت کی سرکاری گاڑی شاہ زور (رجسٹریشن نمبر LEG-2065) ڈرائیور کی غفلت سے طالبعلم کی گاڑی سے ٹکرا گئی،جس کے نتیجے میں طالبعلم تو محفوظ رہا تاہم اس کی گاڑی کو شدید نقصان پہنچا،چکوڑہ کے رہائشی طالبعلم حیدر علی کے مطابق محکمہ صحت کی گاڑی جس کو ڈرائیور قمر عباس چلا رہا تھا،جو تیز رفتاری اور غفلت سے ڈرائیونگ کرتے ہوئے آیا اور اس کی گاڑی سے ٹکرا گیا،ان کا کہنا ہے کہ حادثے کے فوری بعد ڈرائیور نے معاملہ افہام و تفہیم سے حل کرنے اور نقصان پورا کرنے کی یقین دہانی کرائی،بعد میں محکمہ صحت کے آفیسر ڈاکٹر ابرار بھی جائے حادثہ پر پہنچ گئے اور انہوں نے بھی اس کی حادثہ سے متاثرہ گاڑی کا کام کروانے کی یقین دہائی کرائی اور بعد ازاں ڈرائیور اور ڈاکٹر دونوں نے آپس میں مشاورت کے بعد نقصان کے ازالے اور گاڑی کا کام کروانے سے انکار کردیا،متاثرہ طالبعلم کے مطابق حادثے کے باعث اس کی گاڑی کو لاکھوں روپے کا نقصان پہنچا ہے،لہٰذا اسے انصاف اور مناسب معاوضہ فراہم کیا جائے،تھانہ صدر چکوال میں ڈرائیور قمر عباس وغیرہ کے خلاف مقدمہ درج کرلیا گیا ہے۔

*پنوال روڈ کی کنکریٹ سڑک سے ریت،بجری اور سیمنٹ ایسے ہوئے الگ ۔۔۔ جس طرح "جٹ تے تیلی وکھو وکھ"*چکوال (عبدالغفار پارس) ماہ...
30/07/2026

*پنوال روڈ کی کنکریٹ سڑک سے ریت،بجری اور سیمنٹ ایسے ہوئے الگ ۔۔۔ جس طرح "جٹ تے تیلی وکھو وکھ"*

چکوال (عبدالغفار پارس) ماہ رواں میں ہی بننے والی پنوال روڈ ساون کی پہلی بارش بھی برداشت نہ کرسکی،مبینہ طور پر 7 کروڑ 20 لاکھ روپے کی لاگت سے تعمیر ہونے والی سڑک کا "سر فیس" برباد،ریت بجری اور سیمنٹ نے "جٹ تے تیلی وکھو وکھ" کے مصداق ایک دوسرے ساتھ چھوڑ دیا،سرکاری ذمہ داران یا ٹھیکیدار مافیا نے اپنی کھال بچانے کیلئے کنکریٹ روڈ پر تارکول پھیلا کر ریت کی دھونی دیکر شہریوں اور اعلیٰ حکام کی آنکھوں میں دھول جھونکنے کی کوشش،اس ضمن میں جب "وائس آف چکوال میڈیا گروپ" نے میونسپل کمیٹی چکوال کے متعلقہ سب انجینئر سے رابطہ کیا تو انکا کہنا تھا کہ انہیں پنوال روڈ کی تعمیر کی دیکھ بھال کی ذمہ داری سڑک کی تکمیل کے آخری مراحل میں دی گئی،انکا مزید کہنا تھا کہ سڑک پر کنکریٹ کرتے ہی شہری احتیاط کرنے کی بجائے چند منٹوں بعد ہی مٹر سائیکل وغیرہ لیکر سڑک پر چڑھ جاتے ہیں جس سے کنکریٹ سڑک کا سر فیس خراب ہونا معمول کی بات ہے،اسی سلسلہ میں جب ٹھیکیدار سے رابطہ کیا گیا تو انکے قریبی حلقوں کا کہنا تھا کہ مناسب احتیاط نہ ہونے سے کنکریٹ متاثر ہوئی لیکن اب جو تارکول اور ریت ڈالی جارہی ہے اس سے پنوال کنکریٹ سڑک کی مضبوطی ایک طرح سے کارپٹ روڈ جیسی ہو جائے گی جبکہ اہلیانِ علاقہ اس سلسلہ میں مسلسل ناقص میٹریل کے استعمال،ٹھیکیدار مافیا کے شاطر پن اور میونسپل کمیٹی چکوال کے ذمہ داران کی نااہلی کو قصور وار ٹھہرا رہے ہیں۔

30/07/2026

*چکوال ۔۔۔ شہر سمیت ضلع بھر میں ترقیاتی منصوبوں کی بھرمار*

*چکوال ۔۔۔ بھر گئیاں تجوریاں تے لکھ پتی بنڑ گئے ٹھیکیدار*

*چکوال ۔۔۔ تعمیری کاموں کی کوئی کوالٹی ہے اور نہ ہی کوئی معیار*

*مہینے یا دس دن بعد ٹوٹنے والی گلیوں کا کون ہے ذمہ دار۔۔۔؟،ٹھیکیدار یا کمیشن خور سرکاری اہلکار*

*VOICE OF CHAKWAL MEDIA GROUP*

24/07/2026

*پ سے پٹرول*
*پ سے پولٹری*

پہلے تو شہری روزانہ پولٹری چکن کے نرخ پوچھا کرتے تھے،اب عوام کو روزانہ صبح سویرے پٹرول کی قیمتیں بھی پوچھنا پڑتی ہیں کہ پٹرولیم مصنوعات کے آج کے نرخ کیا مقرر ہوئے ہیں؟

*منجھے ہوئے سیاست دانوں پر مشتمل حکمران ٹولے کے تجربات کا نچوڑ*

20/07/2026

*پنجاب بھر میں لمبرداروں کی تعداد کم و بیش 45 ہزار جن میں سے لمبرداری گرانٹ رکھنے والے لمبردار صرف 35 سو ۔۔۔ ہور کھاؤ مفت سبزیاں*

*اہلیانِ ضلع چکوال پنجاب حکومت کیجانب سے لمبرداروں کے ذریعے مفت سبزیوں کے خواب نہ ہی دیکھیں تو بہتر ہوگا کیونکہ ضلع چکوال تو درکنار پنڈی ڈویژن میں ایک بھی لمبردار کو لمبرداری گرانٹ حاصل نہیں*

چکوال (عبدالغفار پارس) پنجاب حکومت کی جانب سے شہریوں کو مفت سبزیوں کی فراہمی کیلئے صوبہ بھر میں لمبرداروں کو سبزیوں کی کاشت کرنے کی جو مبینہ ہدایات جاری کی گئی ہیں اور جس طرح سوشل میڈیا پر تشہیر کی جارہی ہے،حقائق اور اعداد و شمار کی روشنی میں سوائے پروپیگنڈہ کے اور کچھ بھی نہیں،اس ضمن میں جب "وائس آف چکوال میڈیا گروپ" نے لمبردار ایسوسی ایشن چکوال کے ایک ضلعی سطح کے عہدیدار سے رابطہ کیا اور صورتحال جاننے کی کوشش کی تو مذکورہ عہدیدار نے بتایا کہ مفت فراہمی کیلئے سبزیوں کی کاشت صرف ایسے لمبرداروں کی ذمہ داری ہے جن کو پنجاب حکومت کی جانب سے فی کس ساڑھے 12 ایکڑ سرکاری اراضی بطور لمبرداری گرانٹ فراہم کی گئی ہے اور ضلع چکوال تو کیا راولپنڈی ڈویژن بھر میں کسی ایک بھی لمبردار کے پاس لمبرداری گرانٹ دستیاب نہیں،یہ بھی بتایا گیا کہ صوبہ بھر میں لمبرداروں کی تعداد تقریباً 45 ہزار کے لگ بھگ ہے اور ان میں سے لمبرداری گرانٹ حاصل کرنے والے لمبرداروں کی تعداد صرف 35 سو ہے جس کو اگر آٹے میں نمک برابر قرار دیا جائے تو غلط نہ ہوگا،موجودہ اعداد و شمار کے مطابق اہلیانِ ضلع چکوال اگر لمبرداروں کے ذریعے پنجاب حکومت کی جانب سے مفت سبزیوں کے حصول کے خواب نہ ہی دیکھیں تو بہتر ہوگا۔

*VOICE OF CHAKWAL MEDIA GROUP*

20/07/2026

*پنجاب حکومت کا نیا اعلاں۔۔۔۔؟*

*صوبہ بھر میں نمبردار اور سرکاری سکولوں کے اساتذہ سبزیاں اگائیں گے تاکہ شہریوں کو سستی سبزی نہیں بلکہ مفت سبزی فراہم کی جاسکے*

*ضلع چکوال میں موجود نمبرداروں کا اگر اجتماعی وزن کیا جائے تو وہ ٹنوں میں ہوگا،اب دیکھنا ہے کہ ضلع چکوال کے نمبردار صاحبان کتنے ٹن یا من سبزیاں کاشت کرتے ہیں تاکہ ضلع کی عوام بھی مفت سبزی کی سہولت سے مستفید ہوسکے*

*سرکاری سکولوں میں اساتذہ کی جانب سے کاشت کی جانے والی سبزیوں کا حساب کتاب بھی ضروری ہے*

*VOICE OF CHAKWAL MEDIA GROUP*

*"ستھرا پنجاب اتھارٹی چکوال" کے ضلعی سطح پر "دانڑے مکنڑ دے" امکانات روشن ہونے لگے**شہری سطح پر "اتوں اتوں ٹیپ ٹاپ" جبکہ ...
18/07/2026

*"ستھرا پنجاب اتھارٹی چکوال" کے ضلعی سطح پر "دانڑے مکنڑ دے" امکانات روشن ہونے لگے*

*شہری سطح پر "اتوں اتوں ٹیپ ٹاپ" جبکہ دیہی علاقوں میں "اندروں باہروں حیدر آباد" والی صورتحال سامنے آنے لگی*

چکوال (عبدالغفار پارس) ستھرا پنجاب اتھارٹی کے ضلعی سطح پر "دانڑے مکنڑ دے" امکانات روشن ہونے لگے،شہری سطح پر "اتوں اتوں ٹیپ ٹاپ" جبکہ دیہی علاقوں میں "اندروں باہروں" حیدر آباد والی صورتحال سامنے آنے لگی،تفصیلات کے مطابق ستھرا پنجاب اتھارٹی چکوال میں ایک جانب تو عملہ صفائی کی تعداد میں واضح کمی نظر آتی ہے تو دوسری جانب چکوال شہر میں گندگی اٹھانے والے تقریباً 25 رکشوں کا ٹھیکہ بھی ختم کردیا گیا ہے جس کے ساتھ ہی 25 رکشہ ڈرائیور جو اگرچہ ستھرا پنجاب اتھارٹی کے ملازم نہیں بلکہ رکشہ ٹھیکیدار کے پے رول پر تھے وہ سب بھی بیروزگار ہوچکے ہیں،عوامی حلقوں کے مطابق پہلے تو ہفتہ وار ستھرا پنجاب اتھارٹی کی چھوٹی گاڑیاں اور عملہ صفائی دیہی علاقوں میں گھر گھر جاکر کچرا اٹھالیا کرتا تھا اور ہر دو ہفتے بعد بڑے نالوں کی صفائی بھی کردی جاتی تھی لیکن گزشتہ کم و بیش ایک ماہ سے یہ معمول بھی ڈسٹربنس کا شکار ہے جبکہ شہری علاقوں میں ستھرا پنجاب اتھارٹی کے جوان سڑکوں اور مین شاہرات پر تو دکھائی دیتے ہیں جبکہ اندرون شہر ان کی حاضری بھی برائے نام ہوتی ہے اور مبینہ طور پر شہر اور دیہاتوں میں کام کرنے والے عملہ۔صفائی کے پاس گندگی اور کچرا اٹھانے کیلئے ساز و سامان بھی نہیں رہا جس کے باعث یہ غریب لوگ ہاتھوں سے گندگی و کچرا اٹھانے پر مجبور ہیں،عوامی حلقوں نے وزیرِ اعلیٰ پنجاب مریم نواز شریف،ستھرا پنجاب اتھارٹی کے اعلیٰ حکام،چیف سیکرٹری پنجاب،کمشنر راولپنڈی ڈویژن،ڈپٹی کمشنر چکوال اور ستھرا پنجاب اتھارٹی چکوال کے ذمہ داران سے صورتحال کا نوٹس لینے کا مطالبہ کیا ہے۔

Address

Chakwal

Telephone

+923315510535

Website

Alerts

Be the first to know and let us send you an email when Voice Of Chakwal News Paper posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Voice Of Chakwal News Paper:

Shortcuts

Share

Category