09/04/2025
پاکستان کے محکمہ موسمیات کے مطابق اسلام آباد اور پنجاب میں آج سے 11 اپریل تک آندھی اور بارشوں جبکہ سندھ میں درجہ حرارت میں اضافے کا امکان ہے۔
8 اپریل کی شام/رات سے ملک کے بالائی علاقوں میں مغربی ہواؤں کا سلسلہ داخل ہو گا۔ جو کہ 11 اپریل تک موجود رہے گا۔
محکمہ موسمیات کے مطابق 08اپریل سے 11 اپریل کے دوران چترال، دیر، سوات، شانگلہ، کوہستان، مانسہرہ، ایبٹ آباد، بٹگرام، بونیر، کرم، باجوڑ، مہمند، اورکزئی، مری، گلیات، گلگت بلتستان (دیامیر، استور، غذر، اسکردو، ہنزہ، گلگت، گانچی اورشگر) ، کشمیر (وادی نیلم، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور) میں وقفے وقفے سے تیز ہواؤں، آندھی اور گرج چمک کے ساتھ بارش کا امکان ہے۔
اس دوران خطہ پوٹھوہار (اسلام آباد/راولپنڈی، اٹک، چکوال، تلہ گنگ، میانوالی اور جہلم) اور شمال مشرقی پنجاب( حافظ آباد، گوجرانوالہ، منڈی بہاؤالدین، گجرات، سیالکوٹ، نارووال، لاہور اور شیخوپورہ) میں آندھی اور گرج چمک کے ساتھ بارش کی توقع ہے اور چند مقامات پر ژالہ باری بھی ہوسکتی ہے۔
اس دوران پنجاب، خیبر پختونخواہ اور بالائی سندھ کے میدانی علاقوں میں گرد آلود ہوائیں اور آندھی چلنے کی بھی توقع ہے۔
