Apna Karsal News

12/08/2026

📢 خواتین کے لیے ملازمت کا بہترین موقع!

چاولی میں ٹی سی ایف اسکول کے لیے کمپیوٹر سائنس اور انگلش کی خواتین اساتذہ درکار ہیں۔

دلچسپی رکھنے والی امیدواریں اپنا سی وی دیے گئے نمبر پر واٹس ایپ کریں۔

10/08/2026

“چھپڑ بازار” چکوال کا تاریخی اور قدیمی بازار ہے۔ برائے مہربانی اسے “چھپڑ بازار” ہی کے نام سے لکھا اور پڑھا جائے۔

کیڈا سوہنڑا اساڈی ماں بولی وچ جچدا اے
اکھے کتھے او ،،جی اے چھپڑا تاں

اس جدید فیشن دے دور وچ “بی بی ڈی سی صاحبہ”، آپڑیں ناں نالو آپڑیں اجداد دی پہچانڑ “گوندل” ہٹاؤنڑاں اگر نہیں پسند فرماوندے تے اساڈے اجداد دے ناں اور ورثے نال چھیڑن تو وی اجتناب فرماؤ۔

ایک اور ضروری وضاحت کرتا چلوں۔ بی بی ڈی سی صاحبہ! شاید آپ کی ضلعی انتظامیہ آپ کو یہ بتانے سے گریزاں ہو اور جو ٹک ٹاکرز آپ سے ملاقاتوں کا شرف حاصل کر رہے ہیں، وہ اسلاف کی قدروں سے ناواقف ہوں۔

بی بی جی! آپ کے وسطی پنجاب میں “چھپڑ” نالیوں، بارشوں اور گٹروں کے گندے پانی کے تالاب کو بولتے ہیں، مگر ہمارے اجداد “چھپڑ” اُس جگہ کو بولتے تھے جہاں سے، سوائے پینے کے، وہ اپنی تقریباً تمام ضروریاتِ زندگی کے لیے پانی استعمال کرتے تھے۔ ہمارے بارانی علاقے کے چھپڑ یا “بَھن” ہماری روایات میں بڑے مقدم جانے جاتے تھے۔

ابھی بھی اگر آپ کو دُھول یا گرمی نہ ستائے تو اپنے ڈرایئور سے کہیے، مجھے علاقہ دھن کے کچھ دیہاتوں کے چھپُڑ گھما کر لاؤ۔ اُن چھپڑوں پر بنے چوپال، پتھروں سے بنیں حفاظتی دیواریں اور صدیوں پُرانے درخت آپ کو گواہی دیں گے اور بُلا بُلا کر کہیں:

گوندلاں دی دھی ہو کے پُر کھاں دیاں یاداں مٹاونڑ تے لگی پئی ایں

پھر آپ کو یقیناً احساس ہو جائے گا کہ ہمارے ضلع چکوال کے بُزرگوں کے لیے یہ چھپڑ کتنے اہم تھے۔ لہٰذا ہماری اقدار و روایات کا پاس رکھا جائے۔ “چھپڑ” آپ کے لیے بے شک عجیب لفظ ہو گا، مگر ہمارے لیے اسلاف کی یادگار ہے۔

“پروجیکٹ بیوٹیفیکیشن” کی ہم قدر کرتے ہیں۔ آپ نے اور حکومتِ پنجاب نے یقیناً عوام کی آسانی اور بھلائی کے ساتھ ساتھ ہمارے شہر کی خوبصورتی میں حسین اضافہ کیا ہے۔

بے شک ہمیں اس پروجیکٹ کی وجہ سے بے روزگار ہونے والے دکانداروں اور ٹھیہ بانوں کا بے حد دکھ اور افسوس ہے، مگر دوسری طرف ہم ہزاروں عورتوں، بچوں اور بوڑھوں کو باعزت، پُرسکون اور محفوظ خریداری کی ضمانت ملنے پر مطمئن بھی ہیں۔

منجانب:

حافظ محمد اکرام کرسال و ممبر ان چکوال انٹرنیشنل کلچرل فورم

#کرسال

07/08/2026

اہلیانِ کرسال کے لیے اہم اطلاع 🏥

حکومتِ پنجاب کی جانب سے جدید طبی سہولیات سے آراستہ فیلڈ ہسپتال کل 8 اگست 2026 (بروز ہفتہ) یونین کونسل کرسال میں عوام کی خدمت کے لیے دستیاب ہوگا۔

⏰ وقت: صبح 08:30 بجے سے شام 04:30 بجے تک
📍 بمقام: یونین کونسل کرسال

اس فیلڈ ہسپتال میں ماہر ڈاکٹرز اور لیڈی ڈاکٹرز مریضوں کا معائنہ کریں گے، جبکہ ڈاکٹرز کے مشورے کے مطابق درج ذیل سہولیات مکمل طور پر مفت فراہم کی جائیں گی:

✔️ طبی معائنہ
✔️ لیبارٹری ٹیسٹ
✔️ شوگر ٹیسٹ
✔️ ایکسرے
✔️ الٹراساؤنڈ
✔️ ای سی جی
✔️ دیگر ضروری طبی سہولیات

تمام اہلیانِ کرسال سے مؤدبانہ گزارش ہے کہ اس بہترین سہولت سے بھرپور فائدہ اٹھائیں، اپنے اہلِ خانہ، بزرگوں، خواتین اور بچوں کو بھی ضرور ساتھ لائیں، اور اس اطلاع کو زیادہ سے زیادہ افراد تک پہنچائیں تاکہ کوئی بھی مستحق فرد اس موقع سے محروم نہ رہے۔

اہم ہدایات:
• اپنا اصل شناختی کارڈ ساتھ ضرور لائیں۔
• بچوں کا چیک اپ والدین کے شناختی کارڈ پر کیا جائے گا۔
• کھانے اور نماز کا وقفہ دوپہر 01:00 سے 02:00 بجے تک ہوگا۔

منجانب:
چوہدری محمد اسلام ثانی
انفارمیشن سیکرٹری، پی پی 22
پاکستان

04/08/2026

کچھ لوگ قسمت کے سہارے پہچانے جاتے ہیں، اور کچھ اپنی محنت سے تاریخ لکھ جاتے ہیں۔

الحمدللہ! آج ایک بار پھر ہمارے گاؤں کرسال کا سر فخر سے بلند ہوا ہے۔

یہ کوئی اتفاق نہیں کہ مسلسل دوسرے سال بھی کورین سکلز اکیڈمی کے طالب علم نے کورین لینگویج ٹیسٹ میں 100 میں سے 100 نمبر حاصل کرکے پورے پاکستان میں اپنی صلاحیت کا لوہا منوایا ہے۔ اس سال یہ تاریخی کامیابی اکیڈمی کے ہونہار طالب علم محمد سعد منہاس نے حاصل کی، جنہوں نے 100 میں سے 100 نمبر لے کر نہ صرف اپنے استاد اور والدین کا بلکہ پورے کرسال اور پاکستان کا نام روشن کر دیا۔

اتفاق ایک بار ہو سکتا ہے، لیکن جب کامیابی بار بار آپ کے دروازے پر دستک دے تو اسے محنت، اخلاص، بہترین رہنمائی اور اللہ تعالیٰ کا خاص فضل کہا جاتا ہے۔

سر اسد عباس صرف ایک استاد نہیں، بلکہ ایسے رہنما ہیں جنہوں نے سینکڑوں نوجوانوں کے خوابوں کو حقیقت کا روپ دیا۔ آج ان کے بے شمار شاگرد کوریا میں باعزت طریقے سے رزقِ حلال کما رہے ہیں، اپنے والدین کا سہارا بنے ہوئے ہیں اور اپنے گاؤں کا نام روشن کر رہے ہیں۔ استاد کی اصل پہچان عمارتوں سے نہیں، بلکہ اپنے شاگردوں کی کامیابیوں سے ہوتی ہے، اور سر اسد عباس نے یہ حقیقت بارہا ثابت کی ہے۔

کرسال ایک چھوٹا سا گاؤں ضرور ہے، مگر اللہ تعالیٰ جب کسی سرزمین پر اپنے فضل کی بارش کرتا ہے تو وہیں سے ایسے لوگ جنم لیتے ہیں جو پورے ملک کے لیے مثال بن جاتے ہیں۔ آج یہ کامیابی صرف کورین اسکل اکیڈمی کی نہیں، بلکہ کرسال کے ہر اس فرد کی خوشی ہے جو اپنے گاؤں کی عزت سے محبت کرتا ہے۔

دل کی گہرائیوں سے سر اسد عباس صاحب، ان کی پوری ٹیم اور ہونہار طالب علم محمد سعد منہاس کو دلی مبارکباد۔

دعا ہے کہ اللہ تعالیٰ آپ کی محنت کو ہمیشہ اسی طرح قبول فرمائے، آپ کے علم میں مزید برکت عطا فرمائے، اور آپ کے ذریعے ہزاروں نوجوانوں کے گھروں میں خوشیاں اور رزقِ حلال پہنچاتا رہے۔ آمین۔

"نام شور سے نہیں بنتا، کردار سے بنتا ہے... اور کردار کی خوشبو ہمیشہ دور تک محسوس کی جاتی ہے۔"

اپنا کرسال نیوز

#کرسال

01/08/2026

01/08/2026

چوہدری رینٹ اے کار
پاکستان کے تمام شہروں کی بکنگ کے لیے رابطہ کریں

31/07/2026

خبرِ غم

إِنَّا لِلّٰهِ وَإِنَّا إِلَيْهِ رَاجِعُونَ

انتہائی افسوس کے ساتھ اطلاع دی جاتی ہے کہ نور زمان دکاندار بن والے ان کی زوجہ ،اور طاہر محمود، صوبیدار ارشد محمود، غلام صفدر ڈرائیور، خالد محمود اور شکیل حیدر ڈرائیور کی والدہ محترمہ قضائے الٰہی سے وفات پا گئی ہیں۔

اللہ تعالیٰ مرحومہ کی کامل مغفرت فرمائے، درجات بلند فرمائے اور تمام لواحقین کو صبرِ جمیل عطا فرمائے۔ آمین ثم آمین 🤲

نمازِ جنازہ بروز ہفتہ صبح 10 بجے ادا کی جائے گی۔

تمام احباب سے شرکت اور مرحومہ کے لیے دعائے مغفرت کی درخواست ہے۔

29/07/2026

اہلیانِ محلہ کی متعلقہ حکام سے اپیل

گورنمنٹ ہائی سکول کرسال کے ساتھ واقع تقریباً 250 فٹ لمبی کچی گلی عرصہ دراز سے انتہائی خراب حالت میں ہے۔ معمولی بارش ہوتے ہی یہ گلی کیچڑ اور پانی سے بھر جاتی ہے، جس کے باعث اہلِ محلہ کا آنا جانا تقریباً ناممکن ہو جاتا ہے۔ بزرگوں، خواتین اور بچوں کو روزانہ شدید مشکلات کا سامنا کرنا پڑتا ہے۔

اہلیانِ محلہ متعلقہ حکام، منتخب نمائندوں اور ضلعی انتظامیہ سے پُرزور اپیل کرتے ہیں کہ اس گلی کی فوری تعمیر و پختگی کے لیے عملی اقدامات کیے جائیں تاکہ عوام کو اس دیرینہ مسئلے سے نجات مل سکے۔

امید ہے کہ عوامی مشکلات کو مدنظر رکھتے ہوئے اس جائز مطالبے پر فوری توجہ دی جائے گی۔

#کرسال

29/07/2026

مرحوم اشرف بہشتی ایک نہایت شریف، خوش اخلاق، دیانت دار اور عوام دوست انسان تھے۔ انہوں نے اپنی پوری زندگی ایمانداری، محبت اور اعتماد کے ساتھ لوگوں کی خدمت میں گزاری، اسی لیے آج بھی ان کا نام عزت اور احترام سے لیا جاتا ہے۔

اگرچہ آج وہ ہمارے درمیان موجود نہیں، مگر ان کی محنت، نیک نامی اور اچھے اخلاق کی روایت ان کے بچوں نے بخوبی سنبھال رکھی ہے۔ وہ اپنے والد کے قائم کردہ کاروبار کو اسی ایمانداری، خلوص اور خدمت کے جذبے کے ساتھ آگے بڑھا رہے ہیں۔

اللہ تعالیٰ مرحوم اشرف بہشتی کو جنت الفردوس میں اعلیٰ مقام عطا فرمائے، ان کی قبر کو نور سے بھر دے، اور ان کی اولاد کے رزق، کاروبار اور عزت میں مزید برکت عطا فرمائے۔ آمین۔

28/07/2026

کرسال کے عوامی مسائل کے حل کی جانب ایک اور اہم پیش رفت سامنے آئی ہے۔
ڈھوک کسر کرسال میں زاہد ٹینٹ سروس کے گھر کے قریب نئے بجلی کے ٹرانسفارمر کی تنصیب مکمل کر دی گئی ہے۔ اس سے قبل منظور شدہ دوسرا ٹرانسفارمر ملک شاہد قصائی کی کوٹھی کے قریب نصب کیا جا چکا تھا۔ ان دونوں ٹرانسفارمرز کی بدولت علاقے کے متعدد گھروں کو بجلی کی بہتر فراہمی میسر آئے گی اور لو وولٹیج و اوورلوڈ جیسے دیرینہ مسائل میں خاطر خواہ کمی آنے کی توقع ہے۔

اس عوامی سہولت کی فراہمی پر اہلِ علاقہ چوہدری امیر خان کا تہہ دل سے شکریہ ادا کرتے ہیں، جنہوں نے اس مسئلے کو سنجیدگی سے متعلقہ حکام کے سامنے اٹھایا اور مسلسل پیروی کرتے ہوئے اس منصوبے کو عملی شکل دلوانے میں اپنا کردار ادا کیا۔

امید ہے کہ اسی جذبۂ خدمت کے ساتھ کرسال کے دیگر عوامی مسائل بھی مرحلہ وار حل ہوتے رہیں گے اور ترقی کا یہ سفر مزید تیزی سے آگے بڑھے گا۔

#کرسال ۔