Daily Chakwal

13/04/2026

مبارک باد

13/04/2026

نیٹو کا اتحاد ختم، امریکہ اکیلا رہ گیا۔
'۔
۔
۔
۔
۔
, , , , , , , , , , , , , , , , , , , , , , , , , , , , , , , , , ,

13/04/2026

jo mot ko zindagi smajhty hain
, , , , , , , , , , , , , , , , , , , , , , , , , , , , , , , , , ,

13/04/2026

13/04/2026

*عرس سخی سیدن شیرازی میلہ یا مالی بوجھ؟ بدنظمی، بھاری کرایوں، نامکمل وعدوں نے رنگ پھیکا کر دیا*

*پیرا گلائڈنگ اشتہار تک محدود، ہوٹل بند، لوڈشیڈنگ و لاک ڈاؤن کا دباؤ شہری مایوس، دکاندار خسارے میں*

*چوآ سیدن شاہ (خاور شہزاد)*
*چوآ سیدن شاہ میں عرس مبارک سخی سیدن شیرازی کے موقع پر منعقد ہونے والا قدیم ثقافتی میلہ اس بار مبینہ طور پر انتظامی کمزوریوں، بھاری کرایوں اور ناقص حکمت عملی کے باعث اپنی روایتی چمک برقرار نہ رکھ سکا، ذرائع کے مطابق مختلف سٹالز اور جھولوں کے لیے لاکھوں روپے تک کرایہ وصول کیے جانے کی شکایات سامنے آئیں جبکہ بنیادی سہولیات جیسے مناسب روشنی اور منظم انتظامات بھی تسلی بخش نہ رہے، دوسری جانب عوام کو لکی رانی سرکس، چائنہ سرکس، کبڈی اور گھوڑا ڈانس جیسے بڑے تفریحی پروگرامز سے محرومی کا سامنا کرنا پڑا جبکہ اشتہارات میں نمایاں طور پر شامل پیرا گلائڈنگ کا انعقاد بھی نہ ہو سکا جس پر شہریوں نے شدید برہمی کا اظہار کیا، لوڈشیڈنگ اور جزوی لاک ڈاؤن کے باعث شام کے بعد شروع ہونے والی سرگرمیاں بھی غیر یقینی کا شکار رہیں اور اکثر اوقات میلہ گراؤنڈ اندھیرے میں ڈوبا دکھائی دیا، مزید یہ کہ ہوٹلوں کی بندش کے باعث دربار پر دور دراز سے آنے والے زائرین اور مہمانوں کو شدید مشکلات کا سامنا کرنا پڑا اور وہ رہائش کے لیے دربدر کی ٹھوکریں کھانے پر مجبور رہے، پہلے روز نمایاں پروگرامز کے فقدان پر شہریوں نے حیرت کا اظہار کرتے ہوئے سوال اٹھایا کہ تین روزہ میلے کے دعوے عملی طور پر کیوں پورے نہ ہو سکے، ادھر مقامی و بیرون شہر سے آنے والے دکانداروں نے بھی مبینہ بھاری کرایوں، کم خریداروں اور انتظامی بے ترتیبی کے باعث مالی نقصان کی شکایات کیں، جبکہ بعض سماجی حلقوں نے اس امر کی نشاندہی کی کہ تشہیری مہم میں جن شخصیات کے نام نمایاں تھے ان کی عملی عدم شرکت نے بھی کئی سوالات کو جنم دیا، تاہم ڈی پی او چکوال اور ڈی سی چکوال کی نگرانی میں سیکیورٹی اور ٹریفک کے انتظامات مجموعی طور پر بہتر اور تسلی بخش رہے جس سے کسی بڑے ناخوشگوار واقعہ کی اطلاع سامنے نہ آئی، اگرچہ دربار حضرت سخی سیدن شیرازی پر قوالی، نیزہ بازی اور مشاعرہ جیسے پروگرامز نے کسی حد تک ماحول کو سہارا دیا تاہم مجموعی طور پر عوامی توقعات پوری نہ ہو سکیں، شہریوں کا کہنا تھا کہ ایسے تاریخی میلوں کی کامیابی کے لیے شفافیت، بہتر منصوبہ بندی اور عوامی سہولت کو ترجیح دینا ضروری ہے، بصورت دیگر یہ ثقافتی تقریبات محض رسمی کارروائی بن کر رہ جاتی ہیں جو نہ صرف عوامی اعتماد کو متاثر کرتی ہیں بلکہ مقامی ثقافت کی ساکھ پر بھی اثر انداز ہوتی ہیں*

13/04/2026

عرس مبارک حضرت سخی سیدن شیرازی کے موقع پر میلہ کی رونق سیاست اور مفاد پرستی کی نذر ہو گئی۔
انتظامی کمزوریوں اور غیر متوازن فیصلوں کے باعث عوام اور زائرین کو شدید مشکلات کا سامنا رہا۔
عوام کا مطالبہ ہے کہ آئندہ میلہ کو مکمل طور پر غیر سیاسی رکھا جائے۔
رپورٹ: خاور شہزاد
نمائندہ قومی سیٹلائٹ ٹی وی چینل Tv Today

12/04/2026

*Public service message*
پھٹان فیملی سے تعلق رکھنے والا بچہ محمد ولد سید عالم محلہ ہجویری سے عمر 13 سال کل دوپہر 12 بجے گھر سے مدرسے جاتے ہوئے لاپتہ ہو گیا ہے والدین سخت ذہنی دباؤ کا شکار ہیں اگر کسی کے پاس اس بچے کے بارے میں معلومات ہے تو نیچے دیے گئے نمبر پر اطلاع دی جائے
رابطہ نمبر
03444822110

12/04/2026

*کسی ڈیل کے بغیر واپس جا رہے ہیں، نائب امریکی صدر پریس بریفنگ کے بعد امریکا روانہ ہوگئے*

اسلام آباد: امریکی نائب صدر جے ڈی وینس نے کہا ہے کہ ایران کے ساتھ طویل مذاکرات ہوئے، لیکن کسی حتمی معاہدے پر نہیں پہنچے، بغیر کسی ڈیل کے امریکا جا رہے ہیں۔

نائب امریکی صدر جے ڈی وینس نے مذاکرات کے بعد اسلام آباد میں پریس بریفنگ میں بتایا کہ ہمارے ایران کے ساتھ طویل مذاکرات ہوئے ہیں، لیکن بری خبر یہ ہے کہ ابھی تک حتمی معاہدے تک نہیں پہنچے، اور یہ امریکا سے زیادہ ایران کیلئے بری خبر ہے۔

انہوں نے کہا کہ گزشتہ 21 گھنٹے سے مذاکرات جاری ہیں، جن میں مختلف امور پر بات چیت ہو رہی ہے، مذاکرات میں نیک نیتی کے ساتھ شرکت کی اور اپنی شرائط واضح طور پر پیش کی ہیں، ایران نے امریکی شرائط تسلیم نہ کرنے کا انتخاب کیا۔

جے ڈی وینس نے کہا کہ کسی ڈیل کے بغیر ہم واپس امریکا جا رہے ہیں، ایرانی وفد سے جوہری ہتھیاروں سے متعلق کوئی واضح عزم نہیں سنا، ہمیں واضح اور مثبت تصدیق درکار ہے کہ ایران جوہری ہتھیار حاصل کرنے کی کوشش نہیں کرے گا۔

پریس بریفنگ کے دوران امریکی نائب صدر جے ڈی وینس نے وزیراعظم شہباز شریف اور فیلڈ مارشل عاصم منیر کا بھی شکریہ ادا کیا، بعدازاں نائب امریکی صدر جے ڈی وینس وفد کے ہمراہ اسلام آباد سے واپس امریکا روانہ ہوگئے۔

*جو اختلافات رہ گئے ہیں اس کے باوجود مذاکرات جاری رہیں گے، ایران*
قبل ازیں ایرانی حکومت نے سوشل میڈیا پر جاری ایک بیان میں واضح کیا تھا کہ پاکستان کی ثالثی میں ایران امریکا مذاکرات 14 گھنٹے بعد مکمل ہوگئے، فریقین کے تکنیکی ماہرین اس وقت تحریری مسودوں کا تبادلہ کر رہے ہیں، جو بعض اختلافات رہ گئے ہیں اس کے باوجود مذاکرات کا سلسلہ جاری رہے گا۔

ایران نے مذاکرات آج بھی جاری رکھنےکا اعلان کرتے ہوئے کہا تھا کہ پاکستان کی تجویز اور مذاکراتی ٹیموں کے اتفاق کرنے پر ایران اور امریکا کے درمیان مذاکرات وقفے کے بعد اتوار کو بھی جاری رہیں گے۔

12/04/2026

سدا بہار کبڈی گروپ طارق ہسولہ چکوال کے عہدیداران کا باضابطہ اعلان

چکوال (نمائندہ خصوصی) سدا بہار کبڈی گروپ طارق ہسولہ چکوال کے نئے عہدیداران کا باضابطہ اعلان کر دیا گیا ہے، جس کے تحت مختلف ذمہ داریاں باصلاحیت اور متحرک شخصیات کے سپرد کی گئی ہیں۔

جاری کردہ اعلامیے کے مطابق سرپرست اعلیٰ کے عہدے پر چوہدری رستم بیگ ہسولہ، چیئرمین چوہدری غلام عباس چتال، وائس چیئرمین چوہدری جاوید اقبال ربال جبکہ صدر کے عہدے پر چوہدری بابر ندیم ڈھکو کو مقرر کیا گیا ہے۔

اسی طرح سینئر نائب صدر کے طور پر چوہدری شیر الطاف جمالوال، نائب صدر محمد تاج فم کسر، جنرل سیکرٹری چوہدری آصف محمود پنوال اور سیکرٹری کے عہدے پر مرزا صفدر محمود چوہان کو ذمہ داریاں سونپی گئی ہیں۔

اعلامیے کے مطابق چوہدری تنویر حیدر مغل کرسال کو منیجر، استاد محمد ریاض لاجی کرسال کو ہیڈ کوچ، غلام عباس جنجوعہ چکوال کو میڈیا کوآرڈینیٹر جبکہ چوہدری قیصر محمود منگن کو کمپیئر مقرر کیا گیا ہے۔

گروپ کے عہدیداران نے اس عزم کا اظہار کیا ہے کہ وہ کبڈی کے کھیل کے فروغ، نوجوان کھلاڑیوں کی تربیت اور علاقے میں مثبت سرگرمیوں کے انعقاد کے لیے بھرپور کردار ادا کریں گے۔ انہوں نے کہا کہ سدا بہار کبڈی گروپ طارق ہسولہ چکوال مستقبل میں بھی کھیلوں کے میدان میں نمایاں خدمات سرانجام دیتا رہے گا۔

12/04/2026

🡆🔴 پاکستان لیبر فیڈریشن — ضلع چکوال

مزدوروں، محنت کشوں اور تاجروں کے حقوق کے لیے سرگرمِ عمل پاکستان لیبر فیڈریشن ضلع چکوال میں تنظیمی ڈھانچے کو مزید مضبوط اور مؤثر بنانے کیلئے ایک اہم پیش رفت سامنے آئی ہے۔

پاکستان لیبر فیڈریشن کے بانی و مرکزی جنرل سیکرٹری حاجی محمد سعید آرائیں کی قیادت اور پاکستان لیبر فیڈریشن پنجاب کے صدر چوہدری بلال اکبر خان کی زیر نگرانی، ضلع چکوال کی مقامی قیادت نے باہمی مشاورت سے ایک اہم فیصلہ کیا ہے۔

چیئرمین پاکستان لیبر فیڈریشن ضلع چکوال سید عامر حسین زیدی، سینیئر وائس چیئرمین عابد حسین منہاس، اور صدر پاکستان لیبر فیڈریشن ضلع چکوال محمد ریاض ملک نے باہمی مشاورت کے بعد معروف صحافی، کالم نگار اور سماجی شخصیت عدنان انور صاحب کو میڈیا کوآرڈینیٹر پاکستان لیبر فیڈریشن ضلع چکوال کے عہدے کیلئے نامزد کر دیا ہے۔

اس حوالے سے باضابطہ سفارش چوہدری بلال اکبر خان کی وساطت سے مرکزی قیادت کو ارسال کر دی گئی ہے جبکہ باقاعدہ نوٹیفکیشن جلد متوقع ہے۔

⭐ عدنان انور صاحب کا تعارف

عدنان انور صاحب کا تعلق ضلع چکوال سے ہے اور وہ گزشتہ کئی سالوں سے شعبہ صحافت سے وابستہ ہیں۔ آپ مختلف معتبر پلیٹ فارمز پر بطور رپورٹر، ایڈیٹر اور بیورو چیف اپنی پیشہ ورانہ خدمات سرانجام دیتے رہے ہیں اور صحافتی میدان میں ایک متحرک اور فعال کردار کے طور پر پہچانے جاتے ہیں۔

عدنان انور صاحب لوکل اخبار کمرشل پوائنٹ کے ایڈیٹر رہ چکے ہیں، جبکہ پاکستان ایکسپریس (رجسٹرڈ) اور 20 نیوز ایچ ڈی کے ساتھ بطور بیورو چیف بھی منسلک ہیں، جہاں وہ عوامی مسائل کو اجاگر کرنے اور معاشرتی موضوعات کو موثر انداز میں پیش کرنے میں مصروف عمل ہیں۔

اس کے ساتھ ساتھ عدنان انور صاحب رجسٹرڈ عوامی پریس کلب ضلع چکوال میں صدر سوشل میڈیا و ڈیجیٹل میڈیا کے طور پر اپنی ذمہ داریاں بھی ادا کر رہے ہیں۔ بطور کالم نگار بھی آپ کی ایک منفرد پہچان موجود ہے، اور آپ "چکوال نامہ" کے عنوان سے عوامی، سماجی اور معاشرتی مسائل پر متعدد کالم تحریر کر چکے ہیں، جنہیں عوامی حلقوں میں خوب پذیرائی حاصل ہوئی۔

صحافت کے ساتھ ساتھ عدنان انور صاحب ذاتی کاروبار سے بھی وابستہ ہیں، تاہم ان کی اصل پہچان عوامی مسائل کو اجاگر کرنا اور دکھی انسانیت کی خدمت کا جذبہ ہے۔ انہوں نے پاکستان لیبر فیڈریشن ضلع چکوال کو اسی مقصد کے تحت جوائن کیا ہے تاکہ محنت کش طبقے کی آواز کو مزید مؤثر انداز میں سامنے لایا جا سکے اور ان کے حقوق کیلئے اپنا مثبت کردار ادا کیا جا سکے۔

عدنان انور صاحب کا یقین ہے کہ قلم اور سچائی کی طاقت کے ذریعے معاشرے میں مثبت تبدیلی لائی جا سکتی ہے، اور وہ اسی سوچ کے ساتھ اپنی پیشہ ورانہ اور سماجی ذمہ داریاں احسن انداز میں نبھا رہے ہیں۔

عدنان انور صاحب کی بطور میڈیا کوآرڈینیٹر پاکستان لیبر فیڈریشن ضلع چکوال نامزدگی تنظیم کیلئے ایک اہم اور مثبت اضافہ ثابت ہوگی۔ ان کی صحافتی تجربہ، میڈیا سے مضبوط روابط اور عوامی مسائل سے گہری وابستگی پاکستان لیبر فیڈریشن کے پیغام کو مزید مؤثر انداز میں اجاگر کرنے میں اہم کردار ادا کرے گی۔

یہ نامزدگی مزدور تاجر اتحاد کو مزید فروغ دینے اور ضلع چکوال میں محنت کش طبقے کے حقوق کے تحفظ کی جانب ایک اہم سنگِ میل ثابت ہوگی۔

⭕ پاکستان لیبر فیڈریشن
🌍 ورلڈ فیڈریشن آف ٹریڈ یونین (WFTU)

✊ مزدور تاجر اتحاد زندہ باد
🚩 پاکستان لیبر فیڈریشن کا پرچم سربلند رہے
🇵🇰 پاکستان لیبر فیڈریشن زندہ باد

11/04/2026

امریکہ ایران جنگ/فاتح کون
دیکھیں خصوصی فیضان شیخ پاڈ کاسٹ تلہ گنگ چکوال کے نامور صحافی، کالم نگار، تجزیہ نگار چوہدری غلام ربانی