Daily Swan News

30/08/2025

تھنیل کمال میں 18 کروڑ کے منصوبوں کا آغاز، دیرینہ مسائل کے حل کی امید

چکوال- یو سی تھنیل کمال میں عوامی خدمت کے ایک اور سنگ میل کے طور پر چوہدری سلطان حیدر علی خان نے 18 کروڑ روپے کی لاگت سے مکمل ہونے والے 3 بڑے ترقیاتی منصوبوں کا افتتاح کیا۔

ان منصوبوں میں دو اہم پلوں کی تعمیر، جن میں سے ایک پل سڑک سمیت مکمل کیا جائے گا، اور یونین کونسل تھنیل کمال کے اندر انفراسٹرکچر کی بہتری شامل ہے۔ انفراسٹرکچر منصوبے کے تحت کچے راستوں کی پختگی اور سیوریج سسٹم کی بہتری کے کام کیے جائیں گے تاکہ عوام کو بنیادی سہولیات بہتر انداز میں میسر آ سکیں۔

مزید برآں عوامی ضروریات کے پیش نظر پنڈ مغلاں اور ہراج بائی پاس، ڈہوک مرید 3 کلومیٹر روڈ، گھگھ پل اور بکھاری خورد روڈ بھی ان ترقیاتی منصوبوں میں شامل ہیں۔

اس موقع پر عوام کی بڑی تعداد نے شرکت کی اور ترقیاتی اقدامات کو بھرپور انداز میں سراہا۔ مقامی رہنماؤں اور معززین کا کہنا تھا کہ ان منصوبوں کی تکمیل سے علاقے کے دیرینہ مسائل حل ہوں گے اور شہریوں کو معیاری سہولتیں فراہم ہوں گی، جس سے معاشی اور سماجی ترقی کے ایک نئے دور کا آغاز ہوگا۔

02/08/2025

📢 بریکنگ نیوز
ہیڈ لائن:
اہلیانِ گھگھ کا دیرینہ مطالبہ پورا – نالہ گھگھ پر پل کی تعمیر کا اعلان

چکوال: چکوال کے شمالی علاقے موضع گھگھ کے عوام کا برسوں پرانا مطالبہ بالآخر پورا ہونے جا رہا ہے۔ علاقے کے ایک نمائندہ وفد نے چوہدری وجاہت علی خان کی قیادت میں رکنِ پنجاب اسمبلی چوہدری حیدر سلطان سے خصوصی ملاقات کی، جس میں نالہ سوج پر پل کی تعمیر کا دیرینہ مسئلہ تفصیل سے پیش کیا گیا۔

وفد نے بتایا کہ نالہ سوج بارشوں کے دوران سیلابی شکل اختیار کر لیتا ہے، جس سے نہ صرف آمدورفت میں شدید مشکلات پیش آتی ہیں بلکہ مریضوں، طلبہ اور بزرگوں کو بھی پریشانی کا سامنا کرنا پڑتا ہے۔ عوامی فلاح و بہبود کو ترجیح دیتے ہوئے ایم پی اے چوہدری حیدر سلطان نے فوری طور پر پل کی تعمیر کی منظوری دینے کا اعلان کیا۔

چوہدری حیدر سلطان نے کہا کہ عوام کی خدمت ان کی اولین ترجیح ہے اور وہ علاقے کی ترقی کے لیے تمام ممکنہ اقدامات کر رہے ہیں۔ پل کی تعمیر سے جہاں آمدورفت میں سہولت میسر آئے گی، وہیں مقامی معیشت کو بھی فروغ حاصل ہوگا۔

چوہدری وجاہت علی خان نے وفد کی نمائندگی کرتے ہوئے اس اہم کامیابی پر اللہ کا شکر ادا کیا اور کہا کہ یہ پل نہ صرف ایک تعمیراتی منصوبہ ہے بلکہ عوام کے اعتماد کی علامت بھی ہے۔

علاقہ مکینوں نے پل کی منظوری پر خوشی و اطمینان کا اظہار کرتے ہوئے چوہدری حیدر سلطان اور چوہدری وجاہت علی خان کا شکریہ ادا کیا اور اس امید کا اظہار کیا کہ ترقیاتی کاموں کا یہ سلسلہ جاری رہے گا۔

31/07/2025

ہیڈلائن:
چکوال کے شمالی علاقوں میں النور پولٹری فارم کے فضلے سے لوگوں میں بیماریاں پھیلنے لگیں، اہل علاقہ کا فوری نوٹس لینے کا مطالبہ

چکوال (نمائندہ خصوصی):
چکوال کے شمالی علاقوں میں واقع النور پولٹری فارم کے فضلے سے اٹھنے والی شدید بدبو اور ماحولیاتی آلودگی نے علاقہ مکینوں کی زندگی اجیرن کر دی ہے۔ مقامی افراد کا کہنا ہے کہ فارم سے روزانہ بڑی مقدار میں فضلہ کھلے میدانوں میں پھینکا جاتا ہے، جو نہ صرف شدید تعفن کا باعث بن رہا ہے بلکہ اس سے مختلف بیماریاں بھی تیزی سے پھیل رہی ہیں۔

اہل علاقہ کے مطابق بچوں، بزرگوں اور بیمار افراد میں سانس، جلد اور پیٹ کی بیماریوں میں خطرناک حد تک اضافہ ہو رہا ہے۔ انہوں نے بتایا کہ کئی بار فارم انتظامیہ کو شکایت کی گئی مگر کسی قسم کا کوئی عملی اقدام نہیں کیا گیا۔

لوگوں نے ضلعی انتظامیہ اور محکمہ ماحولیات سے مطالبہ کیا ہے کہ وہ فوری طور پر اس معاملے کا نوٹس لیں، النور پولٹری فارم کے خلاف سخت کارروائی کی جائے اور علاقے میں ماحولیاتی تحفظ کو یقینی بنایا جائے تاکہ مزید بیماریاں نہ پھیل سکیں۔

اہل علاقہ نے یہ بھی عندیہ دیا ہے کہ اگر صورتحال پر قابو نہ پایا گیا تو وہ احتجاجی مظاہروں کا سلسلہ شروع کریں گے۔

28/07/2025

28/07/2025

چکوال ایم پی اے چوہدری حیدر سلطان نے أج تھنیل کمال کا دورہ کیا اور ایک ہفتے میں پل کی مرمت کے أغاز کا اعلان بھی کہا۔
تھنیل کمال کی لوکل قیادت نے ایم پی اے چوہدری سلطان حیدر علی کا شکریہ ادا کیا ہے

۔چوہدری حیدر سلطان کا تھنیل کمال میں سیلاب سے تباہ شدہ پل کا دورہ

رکنِ صوبائی اسمبلی و پارلیمانی سیکریٹری برائے چیف منسٹر انسپیکشن ٹیم چوہدری حیدر سلطان نے تھنیل کمال کا دورہ کیا، جہاں حالیہ سیلاب کے باعث پل کو شدید نقصان پہنچا تھا۔

یہ دورہ وزیرِ اعلیٰ پنجاب محترمہ مریم نواز شریف کی چکوال آمد کے دوران دی گئی ہدایات کی روشنی میں کیا گیا، جنہوں نے اعلان کیا تھا کہ چکوال میں سیلاب سے متاثرہ تمام مقامات کی بحالی کا کام فوری طور پر شروع کیا جائے گا۔

چوہدری حیدر سلطان نے موقع پر موجود اہل علاقہ کو یقین دہانی کرائی کہ تھنیل کمال کے متاثرہ پل کی تعمیر کا کام سات دن کے اندر اندر شروع کر دیا جائے گا تاکہ عوام کی مشکلات کم ہو سکیں۔

اس موقع پر چوہدری شوکت، چوہدری طاہر، چوہدری ایاز، چوہدری فرخ اور امتیاز صاحب بھی ان کے ہمراہ تھے۔