Voice of the Peoples of Chaman Balochistan صدائے عوام چمن بلوچستان

03/09/2025

ہائے چمن والوں کی قسمت!!
چمن کے ممتاز و سنئیر صحافی حاجی نعمت اللہ سرحدی نے چمن کے شہریوں کی مشکلات کے پیش نظر ایک انٹرویو کے دوران افغان کونسل جنرل سے ویزہ فیسوں میں تفریق کے سوال پر افغان کونسلیٹ کی جانب سے ویزہ فیس میں کمی لانے کے بعد کونسلیٹ پر بے انتہاء رش بڑھنے اور دھکم پیل و بے ترتیبی کے باعث ایک بار پھر زیر عتاب آگئے!
موقع پر موجود پولیس کی جانب سے شدید لاٹھی چارج، نہ جوان دیکھا اور نہ ہی بوڑھا۔۔۔
ان حالات کو مدنظر رکھتے ہوئے افغان کونسلیٹ کو اب مزید اقدامات اٹھانے کی ضرورت ہیں جس سے کونسلیٹ میں رش پر قابو اور سائلین کو سہل طور پر ویزہ کے حصول میں آسانی مل سکے۔۔۔
سب سے پہلا اقدام پاک افغان باڈر پر واقع چمن شہر میں فوری طور پر ویزہ کاؤنٹر کا قیام عمل میں لایا جائے۔۔
دوم، ایران سمیت دیگر ممالک کی طرح ویزہ کی حصول کیلئے آن لائن سسٹم متعارف کروایا جائے تاکہ اس طرح کے حالات دوبارہ پیدا نہ ہوسکے۔۔۔
سوئم، پاک افغان حکومتیں چمن سرحد پر تقریباً 2 سال سے جاری دھرنے کو حق بخشتے ہوئے دونوں جانب جڑواں شہروں چمن اور سپین بولدک میں آباد مقامی اور ایک ہی قوم کے افراد کو ای کارڈ پر آمد و رفت کی سہولت فراہمی پر فوری طور پر باہمی رضامندی اور لوگوں کی تکالیف کے پیش نظر فوری اقدامات کا آغاز کرنا چاہئیے تاکہ علاقے میں درپیش بے چینی اور بے یقینی کی صورتحال سے چھٹکارا مل سکے۔۔۔

29/08/2025

20/07/2025

خوشخبری
(سرمایہ کاروں کیلئے سنہری موقع)

دبئی میں پراپرٹی خریدنا، بیچنا یا سرمایہ کاری کرنا چاہتے ہیں؟
تو کسی ماہر کی خدمات حاصل کریں جو آپ کو صحیح فیصلہ کرنے میں مدد دے! 🏙️

📍 صلاح الدین خان
سینئر سیلز بروکر – گلف انویسٹ ریئل اسٹیٹ
📞 +971 50 146 3166
📧 [email protected]
🌐 www.gulfinvestre.com

ریئل اسٹیٹ میں آپ کا قابل اعتماد ساتھی

26/04/2025

چمن شہر کے نواحی علاقوں محلہ حاجی طوری اور محلہ ملا شاہسوار میں چوری کی وارداتیں۔
ڈاکوؤں نے شہریوں کو لوٹ کر فرار،
شہری نقدی اور موبائل سے محروم کردئیے گئے۔
اہل علاقہ کا علاقے میں سیکورٹی فراہمی، چوروں کی سرکوبی اور مال مسروقہ کی برآمدگی کیلئے ضلعی انتظامیہ سے کاروائی کرنے کا مطالبہ۔

26/04/2025

چمن،،
درہ کوژک میں مال بردار ٹرک TKF 476 الٹنے سے یونیسیف منیجر جمیل کاکڑ کے بھائی عبد القدیر کاکڑ شہید ہو گئے ہیں جن کی نماز جنازہ 11:30 پر ان کے آبائی گاؤں میں ادا کی جائے گی اللہ پاک مرحوم کو جنت الفردوس میں اعلیٰ مقام عطاء فرمائے اور لواحقین کو صبر جمیل عطاء فرمائے آمین

10/04/2025

#چمن ایف جی پبلک پرائمری #اسکول
چمن ایف جی پبلک پرائمری اسکول میں داخلے جاری ہے۔
اسکول میں انتہائی کوالیفائیڈ ٹیچرز کی نگرانی میں فیڈرل بورڈ کے کورس کے مطابق اعلی اور معیاری تعلیم دی جاتی ہے اور بچوں کی ماہانہ فیس بھی شہر میں کسی بھی پرائیوٹ ادارے سے کم ہیں اور داخلہ فیس نہ ہونے کے برابر ہیں اور سرکاری اسکول کے فیس سے بھی کم ہیں!
مستحق اور معاشی طور پر کمزور طلباء کو کورس کی کتب کی مفت فراہمی میں بھی مدد دی جائیگی۔۔۔
اسکول چمن شہر کے پرائم لوکیشن پر واقع ہوادار و پُرسکون ماحول جسمیں بچوں کی جسمانی فٹنس کو برقرار رکھنے اور غیر نصابی سرگرمیوں کیلئے کیل کود کا وسیع میدان بھی موجود ہیں۔
لہذا اپنے بچوں کی بہتر مستقبل بنانے اور انھیں زیور تعلیم سے آراستہ کرنے کیلئے اس بہترین موقع سے فوری اور بھرپور فائدہ اٹھائیں اور اپنے بچوں کی مستقبل روشن بنائے۔۔
مزید تفصیلات نیچھے پوسٹر میں دئیے گئے نمبروں یا باالمشافہ اسکول آکر پرنسپل محترم ہدایت اللہ صاحب سے لی جاسکتی ہے۔۔۔۔۔

07/04/2025

( #چمن #پسنجر #ٹرین)

گزشتہ کئی روز سے ایک بار پھر چمن پسنجر ٹرین کی ویران علاقوں اور راستے میں خرابی عام ہونے لگی ہے!
کوئٹہ سے چمن تک واحد سرکاری ذریعہ سفر ٹرین عوام کو سہولت کی بجائے زحمت بننے لگی ہے، ریلوے حکام کا معاملے کی تحقیقات اور حل کی بجائے عدم دلچسپی اور چشم پوشی نے انکی کارکردگی پر سوالات اٹھا دئیے ہیں!
آج ایک بار پھر کوئٹہ سے آتے ہوئے راستے میں قلعہ عبداللہ کے علاقے میں ٹرین دو گھنٹے سے خراب ہوکر کھڑی ہے جسمیں خواتین و بچوں سمیت مسافروں کو شدید مشکلات کا سامنا کرنا پڑرہا ہے!
اہلیان چمن نے ریلوے حکام سے آئے روز ٹرین خرابی کی نوٹس لینے اور سواریوں کو منزل مقصود تک پہنچانے کیلئے فوری متبادل بندوبست کرنے کی اپیل کی ہے۔۔۔۔

07/04/2025

(پاکستان کی زبوں حالی کا راز)
دنیا بھر میں ملک یا ریاست چلانے کیلئے عوامی نمائندوں پر مشتمل مجلس عاملہ یا اسمبلیاں وجود رکھتی ہے جو ریاستی دیکھ بھال، خارجہ پالیسیوں کی تشکیل اور عوام کی آسانی کیلئے قانون سازی سر انجام دیتے ہیں۔ جسمیں عوام سوچ سمجھ کر اہل اور قابل لوگ اسمبلیوں میں لاتے اور خدمت کے جذبے سے سر شار شخصیات ہی یہ مقدس سیاسی پیشہ اختیار کرتے ہیں جسمیں انکے لئے کوئی معاشی کشش نہیں پائی جاتی بلکہ انھیں صرف اور صرف اپنے ملک اور عوام کی خدمت ہی مقصود ہوتا ہے۔
ان ترقی یافتہ ممالک میں تعمیر و انتظام کے تمام شعبے بلدیات کے تحت چلائے جاتے ہیں!
ہمارے یہاں نظام ہی الگ طریقے سے چلایا جارہا ہے! یہاں بہتر عوامی مفاد میں قانون سازی اور ریاست کو احسن طریقے سے چلانے کیلئے مؤثر پالیسیوں کی تشکیل کی بجائے اسمبلی ممبران ملکی تعمیر و ترقی کے نام پر واضح اور عام طریقوں سے کرپشن کی اس بہتی گنگا میں مبینہ طور پر ملوث ہونے کی ننگی داستانیں عام ہیں۔۔
کسی بھی منصوبے کی آغاز کیلئے مختلف محکموں اور وزراء کے "قانونی کمیشن" ایک لیگل اور عام سی بات ہیں جو ملکی زبوں حالی کی پہلی کھڑی ہے کیونکہ اس قانونی سقم کی وجہ سے نام نہاد ٹھیکیداروں کو عوامی دولت اور جانوں سے کھیلنے کی پوری آزادی مل جاتی ہے یہ "قانونی کمیشن" شئیر ہونے کے بعد نگرانی اور معیار کی جانچ کے تمام دروازے بند ہو جاتے ہیں!!
اس طرح ٹھیکدار حضرات اپنا حصہ لیکر کام ایک غیر معروف اور ناتجربہ کار پیٹی ٹھیکدار کو سونپ کر پھر کمزور میٹریل کی استعمال سے معیار کا نام تک اس بوجھ تلے دب جاتا ہے!!
اسلئے سالہا سال کھربوں روپے کی خطیر بجٹ عوامی فلاح کی بجائے مبینہ طور پر عوامی نمائندوں کی "قانونی" حق "کمیشن و کرپشن" کے نذر ہو جاتے ہیں اور ملک میں ترقی کا نام گدھے کی سر سے سینگ کی طرح ہی غائب رہتا ہے جبکہ فائلوں اور کاغذوں میں ملک یورپ سے آگے دکھائی دیتا ہے!!
جبکہ حقیقی معنوں میں خطیر لاگت سے بننے والے انتہائی اہمیت کے حامل منصوبے چند مہینوں کے مہمان رہ کر پھر سے کرپشن و کمیشن کمانے کا نیا ذریعہ بن جاتا ہے!!
اسکے علاوہ وہ منصوبے جو عوامی نمائندوں اور کرپٹ اور گدھ نما بیوروکریسی کے گھٹ جوڑ سے صرف کاغذوں کی حد تک محدود رہتے ہیں اسکا تو حساب ہی نہیں اور نہ ہی مملکت خدادا پاکستان میں ایسا کوئی ادارہ موجود ہیں جو اس کام کیلئے اپنے قیمتی اور آرام دہ وقت میں سے کوئی وقت نکال کر اس بات کا تحقیقات کرسکے!
اگر بات تحقیقات تک آ بھی جاتی ہے تو پھر سے کمیشن کی نئے سرے سے بندر بانٹ کے خالص عوامی مفاد کا یہ معاملہ بعد میں پھر سے کھٹائی میں پڑ کر ختم ہی ہو جاتا ہے!!!

اب ان جائز و قانونی کرپشن و کمیشن کے ہوتے ہوئے کیا ہمارا ملک ترقی کرسکے گا؟؟؟
اور ترقیاتی منصوبوں کو دنیا میں رائج نظام سے ہٹ کر بلدیاتی اداروں کی بجائے اسمبلی ممبران سے چلانے اور موثر نگرانی کے نظام کی عدم موجودگی میں ہمارے مسائل حل ہوسکیں گے؟؟؟
اس سلسلے کو کیسے روکا جائے اور کیا اس اہم مسئلہ پر ایکشن لیا بھی جائیگا؟؟؟

جواب کمینٹ کیجئے گا۔۔۔۔۔۔

تحریر: ہدایت اللہ اچکزئی

29/03/2025

عیدالفطر کے موقع پر امن و امان کی صورتحال کو یقینی بنانے اور موجودہ صورتحال کے تناظر میں محکمہ پولیس بلوچستان کے تمام ملازمین و آفیسران کی چھٹیاں منسوخ، ڈیوٹیوں پر حاضر رہنے کا حکم جاری۔۔۔
اس حکم میں پولیس کے مختلف ٹریننگ انسٹی ٹیوٹس میں زیر تربیت اہلکاران و آفیسران بھی شامل۔۔۔
حکم پر سختی سے عمل درآمد کی تاکید۔

29/03/2025

گزشتہ روز تربت کے علاقے میں افغان ٹرانزٹ ٹریڈ کے 4 گاڑیوں کو نامعلوم افراد نے فائرنگ کرکے آگ لگادی تھی جوکہ چمن کے پشتون ٹرانسپورٹرز کی مالیت تھی جنھوں نے یہ گاڑیاں مشترکہ طور پر قسطوں پر لئے تھے اور مال بھی افغان تاجروں کا تھا!
اس حوالے سے آل بلوچستان گڈز ٹرانسپورٹ یونین ضلع چمن کے جنرل سیکریٹری اللہ محمد اچکزئی کا صوبائی حکومت اور بلوچ سرداروں سمیت پشتون اسمبلی ممبران سے سوال!!
پشتون ٹرانسپورٹروں کو قومی شاہراہوں پر تحفظ فراہمی اور انکے کروڑوں روپے نقصان بھرنے کا مطالبہ۔۔۔۔

29/03/2025

(چمن عید الفطر میں مختلف عیدگاہوں کے اوقات)

1. گلشن شھید اسلام جامعہ دارالعلوم اسلامیہ چمن 8:30 بجے
امامت وخطابت:حضرت مولانا مفتی محمد قاسم صاحب

2۔ جامع مسجد حاجی محمد نبی و حاجی آغاگل مرحوم گلدارہ باغیچہ چمن 8:00بجے
امامت وخطابت :مولانا مفتی محمد قاسم حقانی

3۔ مقامی عیدگاہ شین تالاب چمن
8:00بجے
امام وخطیب حضرت مولاناقاری محمد اسلم صاحب

28/03/2025

اجل خبر
حاجی رحمت اللہ علی زئی قضاء الہی سے انتقال کرگئے جو حاجی سمیع اللہ زونگ کمپنی والا کے والد حاجی عصمت اللہ حاجی آمان اللہ ڈاکٹر مطیع اللہ اور حافظ صاحب کے بھائی تھے نماز جنازہ وتدفین آج جمعہ کی رات 10:30 PM کو ساگزو قبرستان چمن کالج روڈ میں کی گئی۔
فاتحہ خوانی کل سے النصرت کالونی کالج روڈ چمن میں ہوگی تمام احباب مطلع رہیں اللہ پاک مرحوم کو جنت الفردوس میں اعلی مقام عطا فرمائیں