Shabqadar Media House شبقدر میڈیا ہاؤس

03/12/2025

شبقدر ایف سی ٹریننگ سنٹر میں سالانہ پاسنگ آؤٹ تقریب سے کمانڈنٹ فیڈرل کانسٹبلری ریاض نظیر گاڑہ کا خطاب

25/11/2025

اظہار تشکر

22/11/2025

وزٹ رپورٹ: تحصیل ہیڈ کواٹر ہسپتال شبقدر
تاریخ: 22 نومبر 2025
معزز وزٹرز:
· مسٹر خلیق الرحمان، وزیر صحت، خیبر پختونخوا
· ڈاکٹر باسط سلیم، ریجنل ڈائریکٹر جنرل ہیلتھ سروسز، خیبر پختونخوا
میزبان:
· ڈاکٹر وسیع اللہ، ڈسٹرکٹ ہیلتھ آفیسر، چارسڈہ
· ڈاکٹر زیشان حیا ت، ڈی ایچ آئی ایس کوآرڈینیٹر، ڈی ایچ او آفس چارسڈہ
· ڈپٹی میڈیکل سپرنٹنڈنٹ ڈاکٹر مصباح اللہ

وزٹ کا itinerary اور جائزہ:

اعلیٰ سطحی وفد نے ہسپتال کے متعدد شعبوں کا جامع اور ازحد منظم دورہ کیا۔ اس دورے میں درج ذیل اہم علاقوں کا مکمل جائزہ لیا گیا:

· کیژلٹی یونٹ: ایمرجنسی ردعمل کی تیاری کا جائزہ
· آؤٹ پیشنٹ ڈیپارٹمنٹس (OPDs): مریضوں کے بہاؤ اور سروس ڈیلیوری کا جائزہ
· مختلف وارڈز: انڈور مریضوں کی دیکھ بھال کی سہولیات کا جائزہ۔
· آپریشن تھیٹر: سرجیکل اور جراثیم کش خدمات کا معائنہ کرنے کے لیے۔

معائنے کا ایک اہم محور ہسپتال کے فارمیسی اور وارڈز میں دوائیوں کی دستیابی کو چیک کرنا تھا، تاکہ یہ یقینی بنایا جا سکے کہ مریضوں کے لیے ضروری ادویات قابل رسائی ہیں۔

تعریف اور ہدایات:

وزیر صحت، مسٹر خلیق الرحمان نے، ڈاکٹر وسیع اللہ، ڈسٹرکٹ ہیلتھ آفیسر چارسڈہ کی کوششوں سے اطمینان کا اظہار کیا۔ انہوں نے ضلعی ہیلتھ ٹیم کی طرف سے دکھائی گئی محنت اور لگن کی سرکاری طور پر تعریف کی۔

وزیر صحت جناب خلیق الرحمن نے واضح ہدایات جاری کیں کہ عوام الناس کو 24/7 سہولیات کی فراہمی کو یقینی بنایا جائے۔ انہوں نے زور دیا کہ ہسپتال کی انتظامیہ کو محکمہ صحت سے کسی بھی قسم کی خامیوں یا ضروریات کے بارے میں براہ راست بات کرنے میں آزاد ہونا چاہیے، تاکہ صحت کی مسلسل خدمات کے لیے تمام ضروری تعاون کو یقینی بنایا جا سکے۔

13/11/2025

(شبقدر نصرواللہ سے )
ڈپٹی کمشنر چارسدہ ڈاکٹر عظمت اللہ وزیر کی زیر صدارت خسرہ اور روبیلا سے متعلق حفاظتی ٹیکہ جات مہم کے حوالے سے ایک اہم اجلاس ڈپٹی کمشنر آفس میں منعقد ہوا۔ اجلاس میں ضلعی انتظامیہ، محکمہ صحت، محکمہ تعلیم، محکمہ بلدیات اور دیگر متعلقہ محکموں کے افسران نے شرکت کی۔اجلاس کے دوران ضلع چارسدہ میں خسرہ اور روبیلا کے پھیلاؤ کی روک تھام، آگاہی مہم کو مؤثر بنانے اور بچوں کے حفاظتی ٹیکہ جات کی تکمیل کو یقینی بنانے کے لیے جامع حکمت عملی پر تفصیلی تبادلہ خیال کیا گیا۔ڈپٹی کمشنر چارسدہ ڈاکٹر عظمت اللہ وزیر نے متعلقہ محکموں کو ہدایت کی کہ جاری مہم کو کامیاب بنانے کے لیے تمام تر وسائل بروئے کار لائے جائیں۔ انہوں نے کہا کہ عوام کو بیماریوں سے بچاؤ کے لیے آگاہی دینا اور بچوں کو حفاظتی ٹیکے لگوانے کی ترغیب دینا نہایت ضروری ہے۔انہوں نے مزید کہا کہ والدین، اساتذہ اور کمیونٹی نمائندگان کو بھی اس مہم کا حصہ بنایا جائے تاکہ زیادہ سے زیادہ بچوں کو خسرہ اور روبیلا سے بچاؤ کے ٹیکے لگائے جا سکیں۔آخر میں ڈپٹی کمشنر چارسدہ ڈاکٹر عظمت اللہ وزیر نے تمام محکموں کے مابین مؤثر رابطہ کاری اور مشترکہ کوششوں پر زور دیتے ہوئے مہم کو کامیابی سے ہمکنار کرنے کا عزم ظاہر کیا۔
۔۔۔۔

02/11/2025

شبقدر ایم پی اے عارف احمد زئی کی والدہ کے انتقال کی آج تیسرا دن ہے ، ان کی رہائش گاہ پر تعزیت کے لیے سیاسی، سماجی اور مذہبی شخصیات کی آمد کا سلسلہ آج بھی جاری رہا۔
تعزیت کے لیے آنے والوں میں اراکین صوبائی اسمبلی، قومی اسمبلی ، ضلعی انتظامیہ کے افسران ، مختلف سیاسی و مذہبی جماعتوں کے رہنما و کارکنان اور علاقہ معززین شامل تھے ، شرکاء نے مرحومہ کے ایصالِ ثواب، مغفرت اور بلندیِ درجات کے لیے خصوصی دعا کی۔

31/10/2025

شبقدر تحصیل ہیڈکوارٹر ہسپتال شبقدر میں نئے تعینات میڈیکل سپرنٹینڈنٹ ڈاکٹر واسع اللہ سے یونین کونسل پنجپاو ویلج کونسل پیرقلعہ کے چیئرمین سیف اللہ مومند نے ملاقات کی۔ اس موقع پر چیئرمین سیف اللہ نے ایم ایس ڈاکٹر واسع اللہ کو تعیناتی پر مبارکباد پیش کی اور ہسپتال کے کام میں ہر قسم کے تعاون کا یقین دلایا۔ ڈاکٹر واسع اللہ نے شکریہ ادا کرتے ہوئے کہا کہ شبقدر کے عوام کی خدمت ان پر فرض ہے اور کم وسائل کے باوجود خدمت کا سلسلہ جاری رکھیں گے۔ ملاقات کے دوران حاجی شاکراللہ اور شاہ جی مومند بھی موجود تھے۔

29/10/2025

شبقدر تحصیل ہیڈکوارٹر ہسپتال شبقدر کے سابقہ میڈیکل سپرنٹنڈنٹ ڈاکٹر افتخار خان کی خدمات کو خراجِ تحسین پیش کرتے ہوئے سیاسی و سماجی شخصیت شاہ جی خان آف سمنات نے کہا ہے کہ ڈاکٹر افتخار خان نے کم وسائل کے باوجود شبقدر کے عوام کی بھرپور خدمت کی۔
انہوں نے کہا کہ ڈاکٹر افتخار خان نے اپنے دورِ تعیناتی کے دوران خصوصاً غریب اور مستحق مریضوں کا خاص خیال رکھا، ان کے ساتھ حسنِ سلوک اور خدمت کا جذبہ قابلِ ستائش ہے۔
شاہ جی خان نے کہا ہے کہ ڈاکٹر افتخار خان کے تبادلے سے شبقدر ایک مخلص، دیانتدار اور غریب دوست ڈاکٹر سے محروم ہوگیا ہے۔ انہوں نے دعا کی کہ اللہ تعالیٰ ڈاکٹر افتخار خان کو جہاں بھی خدمات انجام دینے کا موقع دے، وہاں انہیں کامیابی اور کامرانی عطا فرمائے۔

28/10/2025

شبقدر پشاور شاہراہ پہلوان قلعہ میں فائرنگ
شبقدر ۔ فائرنگ کے نتیجے میں ایک شخص جاں بحق ایک زخمی
۔ واقعہ پرانی دشمنی کے بنا پیش آیا پولیس

27/10/2025

25/10/2025

آج مورخہ 25 اکتوبر 2025
ضلع صحت افسر چارسدہ ڈاکٹر وسیع اللہ نے باضابطہ طور پر میڈیکل سپرنٹنڈنٹ تحصیل ہیڈکوارٹر اسپتال شبقدر کا چارج سنبھال لیا۔
اس موقع پر اُنہوں نے ڈپٹی ڈی ایچ او چارسدہ ڈاکٹر محمد عالمگیر، ڈی ایچ آئی ایس کوآرڈینیٹر ڈاکٹر ذیشان حیات، ای پی آئی کوآرڈینیٹر ڈاکٹر حمزہ منیر اور سرویلنس آفیسر ڈاکٹر حبیب احمد کے ہمراہ اسپتال کا تفصیلی دورہ کیا۔ دورے کے دوران ایمرجنسی یونٹ، او پی ڈی، وارڈز، ڈینٹل ڈیپارٹمنٹ، ریڈیالوجی، ای پی آئی ڈیپارٹمنٹ اور انتظامی دفاتر کا معائنہ کیا گیا۔ ڈسٹرکٹ ہیلتھ آفیسر ڈاکٹر وسیع اللہ کی ہدایات:
تمام عملہ صبح 8:00 بجے سے دوپہر 2:00 بجے تک باقاعدہ ڈیوٹی ٹائم کی پابندی کرے۔ ایمرجنسی اور لیبر روم کی سروسز 24 گھنٹے جاری رہیں گی۔
24 گھنٹے یا 36 گھنٹے کی ڈیوٹی اب بالکل منع ہے۔
ہر عملہ روزانہ 6 گھنٹے دن اور 12 گھنٹے رات کی ڈیوٹی انجام دے گا۔
بائیومیٹرک حاضری لازمی ہوگی۔ تمام عملہ مناسب وردی اور ڈریس کوڈ کا خیال رکھے۔ ڈاکٹر وسیع اللہ نے عوام کو یقین دلایا کہ تحصیل ہیڈکوارٹر اسپتال شبقدر میں اب چوبیس گھنٹے طبی خدمات فراہم کی جائیں گی، اور کسی مریض کو دوسرے اسپتالوں میں ریفر نہیں کیا جائے گا کیونکہ اسپتال میں قابل ماہر ڈاکٹرز موجود ہیں اور تمام اقسام کی سرجریز کا آغاز بروز پیر کیا جائے گا۔ انہوں نے مزید کہا کہ وہ اعلیٰ حکام سے بات کریں گے تاکہ تحصیل ہیڈکوارٹر اسپتال شبقدر میں صحت کارڈ سروس کا آغاز کیا جا سکے۔ اختتام پر اُنہوں نے ڈی ایم ایس تحصیل ہیڈکوارٹر اسپتال شبقدر کو ہدایت دی کہ ۔ انتظامیہ میں کسی غیر متعلقہ شخص کا داخلہ ممنوع ہے۔ لیبارٹری یا ادویات کی دلالی (ٹوٹس وغیرہ) اسپتال کے احاطے میں بالکل منع ہے۔ پیتھالوجسٹ اس بات کو یقینی بنائے کہ تمام ٹیسٹ اسپتال کے اندر ہی کیے جائیں اور کسی مریض کو باہر کی لیبارٹری بھیجنے کی اجازت نہیں ہوگی۔
ڈاکٹر وسیع اللہ نے یہ بھی یقین دہانی کرائی کہ او پی ڈی اویمرجنسی کے تمام بنیادی و ضروری ادویات اسپتال میں دستیاب ہوں گی۔

04/10/2025

تلاش گمشدگی
شبقدر زوڑ کندی کے عزیر ولد حشمت علی آج صبح اپنے گھر سے لاپتہ ہوگیا ہے۔ اہل خانہ کے مطابق وہ صبح گھر سے نکلا مگر تاحال واپس نہیں آیا۔ اگر کسی کو اس کے بارے میںمعلومات تو براہ کرم فوری طور پر اس نمبر پر رابطہ کریں 9195785 0334

02/10/2025

شبقدر نصرواللہ سے)ڈی ایچ او واسع اللہ خان کی ٹی ایچ کیو ہسپتال شبقدر کا دورہ شبقدر ہسپتال میں فری آئی کیمپ اور ڈینگی وارڈ کا جائزہ
ڈسٹرکٹ ہیلتھ آفیسر (DHO) چارسدہ، ڈاکٹر واسع اللہ خان کی خصوصی کاوشوں اور ذاتی دلچسپی کے باعث تحصیل شبقدر کے ٹی ایچ کیو ہسپتال میں ایک کامیاب فری آئی کیمپ کا انعقاد کیا گیا۔ اشفا آئی ٹرسٹ راولپنڈی کی ماہر ٹیم نے کیمپ میں سینکڑوں آنکھوں کے مریضوں کا مفت معائنہ کیا اور انہیں قیمتی طبی سہولیات فراہم کئے
کیمپ کے دوران نہ صرف مریضوں کو مفت ادویات دی گئیں بلکہ جن افراد کو ضرورت تھی انہیں نظر کے عینک بھی مفت فراہم کیے گئے۔ یہ اقدام ضلع چارسدہ کے دور دراز علاقوں کے غریب اور مستحق افراد کے لیے ایک بڑا ریلیف ثابت ہوا۔
ڈی ایچ او واسع اللہ خان نے خود آئی کیمپ کا دورہ کیا اور مریضوں کو فراہم کی جانے والی سہولیات کا جائزہ لیا۔ اس موقع پر ان کے ہمراہ ایم ایس ڈاکٹر افتخار خان، ڈی ایم ایس ڈاکٹر مصباح اللہ اور ڈاکٹر محمود جان ڈاکٹر ذیشان حیات ڈاکٹر محمد نبی کامران خان حلمزیئ بھی موجود تھے۔ انہوں نے اشفا آئی ٹرسٹ کی ٹیم کی خدمات کو سراہا اور ایسے رفاہی اقدامات کو صحت عامہ کے لیے انتہائی اہم قرار دیا۔
ڈینگی وارڈ کا معائنہ اور مریضوں سے گفتگو
ڈاکٹر واسع اللہ خان نے آئی کیمپ کے دورے کے بعد شبقدر ہسپتال میں قائم ڈینگی وارڈ کا بھی تفصیلی معائنہ کیا۔ انہوں نے وارڈ میں زیرِ علاج ڈینگی کے مریضوں سے ملاقات کی اور انہیں فراہم کی جانے والی سہولیات کے بارے میں دریافت کیا۔
مریضوں نے ڈی ایچ او کو بتایا کہ وہ ہسپتال کے ٹیم کی کارکردگی اور عیادت کے طریقہ کار سے مکمل طور پر مطمئن ہیں اور ان کی دیکھ بھال بہت اچھے طریقے سے کی جا رہی ہے۔
ڈی ایچ او نے ڈی ایم ایس اور ہسپتال انتظامیہ کو واضح ہدایات جاری کیں کہ ڈینگی کے مریضوں کے علاج اور سہولیات کی فراہمی میں کسی قسم کی کوتاہی یا غفلت برداشت نہیں کی جائے گی۔ انہوں نے زور دیا کہ ڈینگی کے تمام مریضوں کو علاج، ادویات اور دیگر ضروری اشیاء مکمل طور پر مفت دستیاب ہونی چاہییں۔
ڈاکٹر واسع اللہ خان نے کہا کہ ہسپتال کا عملہ انسانیت کی خدمت کے جذبے سے کام کرے اور صحت عامہ کے معیار کو ہر حال میں برقرار رکھا جائے۔