Wadi Aziz Sharif Media

06/06/2025

ماشاءاللہ

06/06/2025

01/02/2025

تذکرہ حضور زریں زربخت حضرت خواجہ صوفی نواب الدین رحمتہ اللہ علیہ
تاجدارِ موہری شریف
تحصیل کھاریاں ضلع گجرات
یکم فروری 1901 بروز جمعتہ المبارک ریاست جموں و کشمیر کے موضع کھمباہ میں وہ بطلِ عظیم اس دنیا پر تشریف لاٸے جن کو دنیا زریں زربخت ، قبلہ عالم ، خواجہ خواجگان ، حضرت خواجہ صوفی نواب الدین رحمتہ اللہ علیہ کے نام سے جانتی ہے۔
یوں تو زمانہ میں بہت سی نابغہ روزگار ہستیاں آٸیں اور گزر گٸیں مگر یہ وہ عظیم شخصیت ہیں جنہوں نے محبت خدا سے سرشار ہوکر محنت شاقہ کے ساتھ لوگوں کے دلوں کو ذکرِ خدا و ذکرِ مصطفیٰ ﷺ سے روشن کیا۔ جن کا تذکرہ آج سوا سو سال بعد بھی زبانِ زدِ عام ہے اور دیوانے آپ کا نام سن کر وجد میں آجاتے ہیں۔
1905 میں جب آپؒ کی عمرمبارک چار برس تھی آپ کے والدِ گرامی کشمیر سے نقل مکانی کرکے بستی موہری شریف میں تشریف لاٸے۔
طفولیت سے شباب کا زمانہ بستی موہری شریف میں گزرا۔ صحت ماشاءاللہ قابلِ رشک تھی۔ مضبوط جسم اور دراز قد تھا۔
1922 میں 21 سال کی عمر میں فوج میں شامل ہوگٸے۔ اعلٰی اخلاق اور سیرت و کردار سے فوج میں ہر ایک آپ سے محبت کرتا تھا۔ آپ ایک شب بیدار بہترین مسلمان اور متبع سنت تھے۔ دورانِ ملازمت ہی حضور قبلہ عالم حاجی حافظ عبدالکریم رحمتہ اللہ علیہ عیدگاہ شریف سے سلسلہ نقشبندیہ میں بیعت کی۔ طبیعت شروع ہی سے دنیا کی محبت سے اچاٹ اور محبت خدا و عشقِ مصطفٰی ﷺ سے سرشار تھی۔ صوم و صلٰوت کے پابند تھے۔ جلد ہی منازل و مقامات طے کرتے کرتے اعلٰی درجہ پر پہنچ گٸے۔ قبلہ حاجی حافظ عبدالکریم رحمتہ اللہ علیہ سے خرقہ خلافت عنایت ہوا۔ ساتھ ہی 1938 میں سالانہ عرس محمد مصطفیٰ ﷺ منعقد کروانے کی اجازت ملی۔ جس کی تعمیل میں 1939 میں پہلا سالانہ عرس امام الانبیإ سید المرسلین حضور رسالمتآب ﷺ موہری شریف میں منایا گیا اور آج تک جاری ہے۔
آپ نے مریدین و متوسلین کو اتباع رسول کریم ﷺ اور شریعتِ محمدی کا پیروکار بنانے کے لیے اپنی زندگی وقف کردی۔
آج دنیا بھر میں بے شمار آستانے ہیں جن کا سلسلہ بالواسطہ یا بلاواسطہ موہری شریف سے ہے۔ سب سے بڑا تحفہ آپ نے خواجہ محمد معصوم رحمتہ اللہ علیہ کی شکل میں دیا۔ جن کو 1956 میں مدینہ شریف مسجد نبوی میں حضور نبی پاک ﷺ کی اجازت سے خلافت عنایت فرماٸی۔ اور واپسی پر دربار عالیہ موہری شریف میں تمام خلفإ کی موجودگی میں اعلان فرمایا ” ان کی بیعت میری بیعت ، ان کی رضا میری رضا ، ان کی ناراضی میری ناراضی ، جہاں میری انتہإ وہاں ان کی ابتدإ ہے۔ یہ قیوم پنجم ہیں اور انہیں غوثِ دوراں کا لقب عطا کیا گیا ہے۔
جو دنیا میں آیا ہے اس کو آخر ایک روز اس جہانِ فانی چھوڑ کر اس جہانِ بقا میں جانا ہی ہوتا ہے۔ 12 ربیع الاول 1385 ہجری بمطابق 13 جولاٸی 1965 بروز سوموار کو آپ نے داعی اجل کو لبیک کہا اور واصل حق ہوٸے۔
فرموداتِ خواجہ نواب الدین رحمتہ اللہ علیہ
سب سے بڑی کرامت حضور نبی کریم ﷺ کی پیروی ہے۔
دل کا خدا کی یاد سےغافل ہونا سب سے مہلک اور خطرناک ہوتا ہے۔
کرامت کی خواہش نہ کرو، خود کارآمد بنو اور اسوہ حسنہ کا عملی نمونہ بن کر مجسمہ کرامت بن جاٶ۔
ذکر انسان کو حسد ، بغض، کینہ اور نفاق سے پاک کرتا ہے۔
اللہ کی رضا کو مقصود جانو، آپس میں محض اللہ کی رضا کے لیے ملاقات کرو تمہارے ہر کام میں برکت ہوگی۔
اللہ کی مخلوق کو اللہ کی رضا کی خاطر اللہ کی طرف بلایا کرو۔ اگر ایسا نہیں کروگے تو اپنے نفس کا شکار ہوجاٶ گے۔ اللہ کی یاد کو کاروبار نہ بناٶ ورنہ ہرکام میں بے برکتی ہوجاٸے گی۔
سالک کے لیے ضروری ہے کہ اپنےجسم کی طہارت اور پاکیزگی کا خیال کرے۔ طہارت پنجگانہ نماز سے حاصل ہوتی ہے اور تزکیہ نفس ذکرِ الٰہی سے۔ ذکر الٰہی کے بغیر باطنی پاکیزگی حاصل نہیں ہوتی ہے۔
محفل میں صفاٸی، پاکیزگی اور طہارت ظاہری و قلبی کو مدنظر رکھو تاکہ حضور پُر نور ﷺ کی توجہ نصیب ہو۔
خبردار عورتوں کی صحبت سے بچنا، بری صحبت سے پرہیز کرنا، ذکر الٰہی کو اپنا اوڑھنا بچھونا بنانا، شریعت مصطفیٰ ﷺ پر چلنا، صالحین کی صحبت اختیار کرنا، سخی بننا، اپنے آپ کو عاجز رکھنا اور کسی کا دل نہ دکھانا۔ کامیاب ہوجاٶ گے۔
آپ کا مزار دربار عالیہ نقشبندیہ مجددیہ موہری شریف تصیل کھاریاں ضلع گجرات میں مرجع خاص و عام ہے۔ جہاں دیوانے ، مستانے ، پروانہ وار اللہ ہُو کی صداٶں میں صبح شام حاضری دے کر دولتِ سکون حاصل کرتے ہیں
راقم الحروف : قمرعباس نجم
خادم دربار عالیہ نقشبندیہ مجددیہ موہرویہ وادی عزیز شریف چنیوٹ

16/12/2024

ماشاءاللہ

08/12/2024

28/10/2024

چلو چلو دربار عالیہ موھری شریف چلو

15/10/2024

14/10/2024

ماشاءاللہ

07/10/2024

سب راستے سب قافلے دربار عالیہ وادی عزیز شریف چنیوٹ کی طرف

چلو چلو دربار عالیہ وادی عزیز شریف چلو۔
منجانب: دربار عالیہ ریاض الاولیاء شریف ناصر آباد ملتان۔۔