08/05/2026
🚨 ہماری چترال اور گلگت بلتستان کی نرسز بہنوں کو انصاف دیا جائے 🚨
گزشتہ بارہ دنوں سے خیبر میڈیکل یونیورسٹی انسٹیٹیوٹ آف ہیلتھ سائنسز اسلام آباد کے نرسنگ طلباء و طالبات اپنے جائز حقوق کے حصول کے لیے شدید دھوپ میں پُرامن احتجاج کر رہے ہیں۔ ہماری گلگت بلتستان اور چترال کی بہنیں صبح سے شام تک اپنے مستقبل، اپنی محنت اور اپنے حق کے لیے آواز بلند کر رہی ہیں، مگر افسوس کہ اب تک ان کی فریاد سننے والا کوئی نہیں۔
کے ایم یو اسلام آباد میں چترال اور گلگت بلتستان سے تعلق رکھنے والی 34 طالبات زیرِ تعلیم ہیں، جن میں 4 طالبات اپنی تعلیم مکمل کرکے گریجویٹ بھی ہو چکی ہیں۔ لیکن افسوس کے ساتھ کہنا پڑتا ہے کہ سند حاصل کیے چار سے پانچ ماہ گزرنے کے باوجود آج تک ان کی پاکستان نرسنگ کونسل میں رجسٹریشن مکمل نہیں کی گئی۔
ان طالبات نے میرٹ کی بنیاد پر ایک سرکاری ادارے میں داخلہ لیا، لاکھوں روپے فیس ادا کی، دن رات محنت کی اور اپنی تعلیم مکمل کی، مگر اطلاعات کے مطابق کے ایم یو اسلام آباد کا ذیلی کیمپس تاحال پاکستان نرسنگ کونسل کے ساتھ رجسٹرڈ نہیں۔ اس انتظامی غفلت اور لاپرواہی کی سزا آج معصوم طلباء و طالبات کو دی جا رہی ہے۔
اس ناانصافی کے باعث:
❌ نرسنگ گریجویٹس اپنے پیشے کا آغاز نہیں کر پا رہے
❌ پیڈ انٹرنشپ شروع نہیں ہو رہی
❌ طلباء کا قیمتی وقت ضائع ہو رہا ہے
❌ ذہنی دباؤ اور بے یقینی میں مسلسل اضافہ ہو رہا ہے
مزید افسوسناک بات یہ ہے کہ احتجاج کرنے والی طالبات پر دباؤ ڈالا جا رہا ہے اور انہیں مختلف دھمکیوں کا سامنا بھی ہے، جو نہایت قابلِ تشویش اور افسوسناک عمل ہے۔
ہم چترال اور گلگت بلتستان کے تمام طلباء کی جانب سے محترمہ ڈپٹی اسپیکر صوبائی اسمبلی کے پی کے اور وزیرِ اعلیٰ خیبر پختونخوا سے مؤدبانہ اپیل کرتے ہیں کہ وہ اس سنگین معاملے کا فوری نوٹس لیں اور کے ایم یو انتظامیہ سے جواب طلب کریں۔ کیونکہ کے ایم یو انسٹیٹیوٹ آف ہیلتھ سائنسز اسلام آباد خیبر پختونخوا حکومت کے زیرِ انتظام ادارہ ہے، اس لیے طلباء کے مستقبل کے ساتھ ہونے والی اس ناانصافی کا فوری ازالہ کیا جائے۔
📢 ہمارے مطالبات درج ذیل ہیں:
1️⃣ کے ایم یو اسلام آباد کے سب کیمپس کو فوری طور پر پاکستان نرسنگ کونسل کے ساتھ رجسٹر کیا جائے
2️⃣ نرسنگ گریجویٹس کے لیے فوری طور پر پیڈ انٹرنشپ کا آغاز کیا جائے
ہم امید کرتے ہیں کہ متعلقہ حکام ہماری بہنوں کی آواز سنیں گے اور انہیں ان کا جائز حق فوری طور پر فراہم کیا جائے گا۔
✊ تعلیم ہمارا حق ہے
✊ انصاف ہمارا مطالبہ ہے
طلباء چترال و گلگت بلتستان
Muhammad Talha Mahmood
Khyber Medical University, Peshawar, Khyber Pakhtunkhwa
Government of Khyber Pakhtunkhwa
