https://www.facebook.com/102801439441490/

My Chital City News, Chitral Lines, Chitral (2025)

16/07/2025

چترال(نامہ نگار)بروغل سے تعلق رکھنے والانوجوان سماجی کارکن نجیب اللہ تاجگ نے ایک اخباری بیان میں کہاہے کہ چنددن پہلے ژوپویارخون کی بحالی کے سلسلے میں محکمہ سی اینڈ ڈبلیو (C&W) کے اہلکار موقع پرپہنچ کرپل کی مستقل بحالی پرغورکررہے تھے بدقسمتی سے مقامی لوگوں کی مداخلت سے وہ اپنا کام مکمل کیے بغیر واپس چلے گئے۔ نتیجتاً یہ پل تاحال بند ہے اورلوگوں کو آمدورفت میں شدید مشکلات درپیش ہیں۔انہوں نے کہاکہ ژوپوپل ناقص منصوبہ بندی اورغیرمعیاری تعمیرکی وجہ سے عوام کے لئے دردسربن گیاہے۔سالانہ دریائے میں پانی کابہاو زیادہ کے باعث یہ پل بارباربندہوکرعوامی مشکلات میں مزید اضافہ کررہاہے۔بالائی یارخون کے باسیوں نے صوبائی حکومت اورمتعلقہ حکام سے پرزورمطالبہ کیاہے کہ شوڑکوچ سے آگے دربندکے مقام پرنیاآرسی سی پل تعمیرکیاجائے گازین نالہ میں سیلابی ریلاسے متاثرہ کوبھی جدیدطریقے سے بنایاجائے ۔جہاں نہ صرف جغرافیائی لحاظ سے موزوں ہوگا بلکہ بروغل سمیت دیگر بالائی یارخون کے لوگوں کی آمدروفت کے لئے مستقل بنیادوں پرمناسب اورفائدہ مندہو گا۔دربندکے مقام پرپل کی تعمیرسے عوام کو ہر سال درپیش مشکلات سے نجات ملے۔

16/07/2025

15 جولائی 2025
بونی ہیڈ کوارٹر اپر چترال

ڈپٹی اسپیکر خیبر پختونخوا اسمبلی ثریا بی بی کی مختلف حکمہ جات کے افسران کے ساتھ اپر چترال میں جاری ترقیاتی منصوبوں کے حوالے سے اہم نشست.
محکمہ جات بشمول واٹر مینجمنٹ، ریسکیو 1122 ، ایگریکلچر کے افسران نے ڈپٹی سپیکر کو اپر چترال میں جاری اہم ترقیاتی منصوبوں و مفاد عامہ کے کاموں کے حوالے سے تفصیلی بریفنگ دی. ڈپٹی سپیکر نے تمام موجود محکمہ جات کے ذمہ داران کو ترقیاتی منصوبوں پر پیش رفت اور اے ڈی پی 2025-26 کے حوالے سے دستاویزات پیش کرنے کی ہدایت کی. اس اہم نشست میں
ڈپٹی کمشنر اپر چترال،پی ایس ٹو ڈپٹی اسپیکر زاہد شاہ مشوانی، صدر پی ٹی آئی اپر چترال شہزادہ سکندر الملک، نائب صدر حبیب اللہ شاہ ، تحصیل صدر مستوج بابر اور فوکل پرسن ٹو ڈپٹی اسپیکر افگن رضا موجود تھے. ڈپِٹی سپیکر مزید محکموں کے افسران کے ساتھ بھی نشست رکھینگی جس میں ان کو جاری ترقیاتی منصوبوں, عوامی مسائل کے حل کے حوالے سے کیے گیے اقدامات اور اے ڈی پیز کے حوالے سے تفصیلی بریفنگ دی جاہیگی. اس موقع پر ڈپٹی سپیکر نے واضح کیا کہ وہ عوامی مسائل کے حل کے حوالے سے کسی بھی قسم کی رکاوٹ کو برداشت نہی کرینگی.

16/07/2025

إِنَّا لِلّهِ وَإِنَّـا إِلَيْهِ رَاجِعونَ
انتہائی افسوس کے ساتھ اطلاع دی جاتی ہے کہ مولانا یار محمد اخونزادہ ولد عبد الحنان اخونزادہ ساکن گولدور، وفات پا گئے ہیں۔ ان کی نمازِ جنازہ آج نمازِ عصر کے بعد گولدور میں ادا کی جائے گی۔

سوگوران
- شفیق الرحمان اخونزادہ،
- شعیب احمد،
- ارشاد احمد،
- انوار احمد،
- سراج احمد،
- امتیاز احمد،
- حافظ الرحمان،
- عتیق الرحمان

اللہ تعالیٰ مرحوم کی مغفرت فرمائے، جنت الفردوس میں اعلیٰ مقام عطا فرمائے، اور پسماندگان کو صبر جمیل عطا کرے۔ آمین۔

16/07/2025

نو تعینات ڈی۔ایس۔پی ہیڈکوارٹر لوئر چترال پولیس اکبر شاہ نے اپنے عہدے کا چارچ سنبھال لیا۔

اکبر شاہ نے آج باقاعدہ طور پر بحثیت ڈی۔ایس۔پی ہیڈکوارٹر لوئر چترال پولیس کی کمان سنبھال لی۔

شعبہ تعلقات عامہ ڈسٹرکٹ لوئر چترال پولیس

14/07/2025

شندور روڈ پر جاری ترقیاتی کام کی تعریف، مگر موری لشٹ کے مقام پر ناقص تعمیرات پر عوامی تشویش

چترال (رپورٹ: محمد فاروق)
نیشنل ہائی وے اتھارٹی (NHA) کے زیر نگرانی اور عمر جان کمپنی کی جانب سے چترال-شنڈور روڈ پر جاری ترقیاتی کام کو عوامی حلقوں کی جانب سے سراہا جا رہا ہے۔ مقامی ذرائع کا کہنا ہے کہ یہ اہم شاہراہ سیاحت کے فروغ اور علاقے کی معاشی بہتری کے لیے سنگِ میل ثابت ہوگی۔

تاہم دوسری جانب، موری لشٹ کے مقام پر دریا کے ساتھ ساتھ جو حفاظتی دیوار تعمیر کی جا رہی ہے، اُس پر سنجیدہ تحفظات کا اظہار کیا گیا ہے۔ مقامی عینی شاہدین اور علاقہ مکینوں نے شکایت کی ہے کہ اس دیوار کی بنیاد گہرائی کے تقاضوں کے مطابق نہیں رکھی گئی، جس کی وجہ سے مستقبل میں یہ دیوار کسی بڑے نقصان کا باعث بن سکتی ہے۔

ذرائع کے مطابق، اس مقام پر تعمیر کا معیار ناقص ہے اور اگر بروقت اصلاح نہ کی گئی تو بارش یا دریا میں طغیانی کی صورت میں یہ دیوار ٹوٹنے کا خطرہ ہے، جس سے سڑک کو بھی نقصان پہنچ سکتا ہے۔

عوامی حلقوں نے NHA، عمر جان کمپنی اور دیگر متعلقہ اداروں سے مطالبہ کیا ہے کہ وہ موری لشٹ کے مقام پر جاری تعمیراتی کام کا فوری نوٹس لیں، اس کا جائزہ لیں، اور اگر کہیں غفلت یا ناقص مٹیریل استعمال ہو رہا ہے تو اس کا تدارک کیا جائے۔

یہ خبر ایک طرف ترقیاتی کاموں کی تعریف ہے تو دوسری طرف بروقت نشاندہی بھی، تاکہ قومی وسائل کا بہتر استعمال ہو اور عوام کا اعتماد قائم رہے

14/07/2025

چترال کا اعزاز ۔۔ فرزند چترال نوجوان ارشد اقبال بھورے والا جنوبی پنجاب کے اسسٹنٹ کمشنر تعینات۔

چترال کے پسماندہ ترین علاقہ شیشی کوہ سے تعلق رکھنے والے باصلاحیت اور محنتی نوجوان ارشد اقبال نے شاندار کامیابی حاصل کرتے ہوئے بھورے والا (ضلع وہاڑی) میں بطور اسسٹنٹ کمشنر (AC) چارج سنبھال لیا ہے۔

ارشد اقبال کا تعلق علاقائی طور پر چترال سے ہے ۔ آپ کی قومی نسبت گُجر قبیلے سے ۔ آپ قوم کی ایک باوقار اور معزز شخصیت، غمخوار قوم حاجی شیر محمد (سابقہ ناظم وی سی شیشی کوہ) کے فرزند ارجمند ہیں ۔۔ آپ نے ابتدائی تعلیم اپنے گاؤں سے حاصل کی اور پھر تعلیمی سفر کو آگے بڑھانے کےلئے آپ دروش پبلک سکول میں داخلہ لیا اور وہیں سے ہی آپ نے میٹرک تک کی تعلیم حاصل کی ۔ آپ نے تعلیمی سفر کو آگے بڑھایا اور مسلسل محنت کے ساتھ قومی سطح کے مقابلوں میں کامیابی حاصل کی۔

ارشد اقبال نے پہلے آئی ایس ایس بی کلیئر کر کے پاک فوج میں کمیشن حاصل کیا اور فوج میں آفیسر کے طور پر خدمات سرانجام دیں۔ بعد ازاں سی ایس ایس (CSS) کے مقابلے کا امتحان بھی کامیابی سے پاس کیا۔ ایک سالہ سول سروس ٹریننگ کی تکمیل کے بعد انہیں حالیہ دنوں میں بطور اسسٹنٹ کمشنر بھورےوالاتعنیات کردیاگیاہے.

14/07/2025

"اللہ تعالی جسے چاہے عزت دے" (القرآن)

عام ورکر سے ڈپٹی اسپیکر تک کا سفر

تحریر: ولی الدین فرہاد تورکہو واشچ اپر چترال

جہدِ مسلسل ، مستقل مزاجی ، محنت و لگن ، وفاداری ، مخلصی ، دیانتدای اور قربانی کسی بھی کامیابی کا ضامن ہے۔ اس کی روشن مثال ڈپٹی اسپیکر خیبرپختونخوا اسمبلی دختر چترال محترمہ ثریّا بی بی صاحبہ ہیں ، جنہوں نے طویل عرصے سے پارٹی کے ساتھ وفاداری نبھاٸی ، ہر مشکل وقت میں پارٹی رہنماٶں و پارٹی کے ساتھ کھڑی رہی ، کارنر میٹنگ ہو یا بڑا جلسہ ، پارٹی کے لیے ہر وقت اور ہر فورم میں جدوجہد کیں۔ اپنا وقت دیا ، پارٹی کو منظم کرنے کے لیے دن رات جدوجہد کی۔ ناقدین کی باتوں پر کان نہیں دھرا ، اپنی محنت جاری رکھی ، مشکل وقت میں پارٹی ٹکٹ ملی ، پارٹی کا انتخابی نشان بھی چھینا گیا ، طرح طرح کے مساٸل کھڑے کیے گٸے ، ان سب کے باٶجود عام انتخابات 2024 میں مضبوط امیدواروں کو بڑے مارجن سے شکست دی۔ آج الحمد للہ ایک اچھی پوزیشن پر ہیں جو کہ ہمارے لیے بہت اعزاز کی بات ہے۔

ڈپٹی اسپیکر خیبرپختونخوا اسمبلی ثریّا بی بی صاحبہ کے والد محترم نور عالم مرحوم بھی انتہاٸی قد آور شخصیت اور اپنے دور کے بہت زیرک انسان و سیاستدان گزرے ہیں۔ نور عالم مرحوم کا نام آج بھی چترال کے سیاسی و ادبی حلقوں میں انتہاٸی عزت و احترام کے ساتھ لیا جاتا ہے ، انہوں نے اپنی ساری زندگی انسانیت کی فلاح و بہبود اور سماجی کاموں میں گزارا ، مشکل دور میں علاقے کی ترقی کے لیے گرانقدر خدمات انجام دی۔

ڈپٹی اسپیکر خیبرپختونخوا اسمبلی محترمہ ثریّا بی بی صاحبہ بھی اپنے والد محترم کے نقشِ قدم چلتے ہوٸے علاقے کے مساٸل حل کرنے کے لیے دن رات محنت کر رہی ہے ، خواہ تعلیم کا شعبہ ہو ، صحت سے متعلق مساٸل ہو ، روڈوں کی تعمیر ہو یا پینے و آبپاشی کا مسلہ درپیش ہو ، انہیں حل کرنے کی بھر پور کوشش کر رہی ہے اور اس میں کسی حد تک انہیں کامیابی بھی ملی ہے۔
امید ہے ان شاء اللہ تعالی محترمہ ثریّا بی بی صاحبہ چترال کے جملہ مساٸل حل کرنے میں اپنا مثالی و کلیدی کردار ادا کرے گی اور ناقدین کو منہ کی کھانی پڑے گی۔

جیتی رہیں پیاری بہن ، ہمیں آپ پر ناز ہے۔
اللہ ﷻ آپ کو سلامت رکھے۔ آمین

خدمتِ خلق سے ہے رضاٸے خُدا
کام کر کام کر براٸے خدا

14/07/2025

کوغذی پل مستقل مسئلہ بن چکا ، عوام کوہ 2022 کے بعد این ایچ اے کی عدم توجہ کی بنا پر مستقل مشکلات سے دو چار ، سیلاب کی صورت میں اطراف کے دیہات کو شدید نقصانات کا خدشہ ، حکومت نالے کے اوپر فوری پل تعمیر کرے ، عمائدین کوہ
یونین کونسل کوہ میں واقع گاؤں کوغوزی کے باشندوں نے کوغوزی کے نالے پر پل کی دوبارہ تعمیر میں غیر معمولی تاخیر پر حکومت کی بے حسی اور نیشنل ہائی وے اتھارٹی کی غفلت پر شدید افسوس اور برہمی کا اظہار کرتے ہوئے کہا ہے کہ 2022ء میں پل کے سیلاب برد ہونے کے بعد سے اب تک عارضی پل بھی تعمیر نہیں کی جس کی وجہ سے دوبارہ سیلاب آنے کی صورت میں اس گاؤں کو شدید خطرہ لاحق ہے۔ اتوار کے روز کوغوزی کے مقام پر چترال پریس کلب کے زیر اہتمام 'پریس فورم 'سے خطاب کرتے ہوئے گاؤں کے عمائیدیں اعجاز احمد، کبیر اللہ، محمد عبداللہ، شمشیر ولی خان المعرو ف شیر، محمد قاسم، علیم الدین اور دوسروں نے کہاکہ تین سال قبل اس پل کے سیلاب برد ہونے کے بعد سے این ایچ اے نے اب تک نہ ہی اس پل کی تعمیر نو یا عارضی پل کی تعمیر پر کوئی توجہ نہیں دی ہے اور اب تک موٹر گاڑیوں کی ٹریفک نالے میں نصب کئے گئے تین عدد آرسی سی پائپوں کے اوپر سے گزرتی ہے اور سیلابی ریلے کا رخ نالے دونوں اطراف میں واقع دیہات کی طرف ہے۔ا نہوں نے کہاکہ مقامی لوگوں نے بغیر معاوضہ کے نالے کے دونوں اطراف میں اپنی زمین سڑک کی ڈائیورژن کے لئے دی ہے جسے اب وہ بند کرنے پر مجبور ہیں۔ انہوں نے زور دے کرکہا کہ عارضی پل ہنگامی بنیادوں پر تعمیر نہ کرنے سے انسانی المیہ جنم لے سکتا ہے کیونکہ سیلابی ریلا گاؤں میں تباہی مچاسکتی ہے۔ انہو ں نے کہاکہ صوبائی حکومت نے سیلاب 2022ء میں تباہ شدہ انفراسٹرکچرز کی بحالی کے لئے ایک کروڑ 50لاکھ روپے ریلیز کی تھی لیکن تحصیل میونسپل ایڈمنسٹریشن چترال میں کاموں کا ٹینڈر ہوا اور ٹھیکہ دار کو سوفیصد پے منٹ بھی ہوئی لیکن ایک پائی بھی سائٹ پر خرچ نہیں ہوئے۔ انہوں نے کہاکہ اس گاؤں میں سیلاب برد ایک پن بجلی گھر کی بحالی کے لئے 20لاکھ روپے ٹھیکہ دار کو ٹی ایم اے چترال نے ادا کردی ہے لیکن ایک پائی بھی اس کی بحالی پر نہیں لگایا گیا ہے۔ انہوں نے کہاکہ ٹی ایم اے چترال میں کرپشن کی یہ بدترین کیس ہے جس کی انکوائری کرکے ٹی ایم اے اور ٹھیکہ دار سے خرد برد شدہ رقم واپس لے کر اس گاؤں میں انفراسٹرکچرز کی بحالی پر لگائی جائے۔ انہوں نے کہاکہ رورل ہیلتھ سنٹر کوغوزی اپنی بلڈنگ اور رقبے کے لحاظ سے ڈسٹرکٹ ہیڈ کوارٹرز ہسپتال کے بعد دوسرا بڑ اہسپتال ہے لیکن یہاں ڈاکٹروں کی تعیناتی نہیں ہوئی ہے اور ایکسرے مشین سمیت تمام تشخیصی سہولیات بھی نہیں ہیں جبکہ اس ہسپتال میں چترال بونی روڈ میں سڑک کے حادثات میں بھی ایمرجنسی کوریج دی جاتی ہے۔ انہوں نے کوغوزی میں داسی نامی گاؤں میں سیلاب سے زمین کی کٹاؤ اور سڑک کے بہہ جانے سے علاقے کے مکینوں کا محصور ہوکر رہ جانے کا ذکرکرتے ہوئے مطالبہ کیا کہ اس پر ہنگامی بنیادوں پر توجہ دی جائے۔ کوغوزی کے عوام نے بجلی کی بلنگ کے سلسلے میں پیسکو اور پیڈو کے درمیان چپقلش پر بھی تشویش کا اظہار کرتے ہوئے کہاکہ اس علاقے کے لوگ پیڈو کے صارفین ہیں جنہیں 7روپے فی یونٹ کے حساب سے بجلی ملنی چاہئے مگر انہیں 30روپے سے بھی ذیادہ فی یونٹ کے حساب سے بل دینا پڑ رہا ہے۔

14/07/2025

سوشل میڈیا پر وائرل ویڈیو پر لوئر چترال پولیس کا فوری ایکشن

سوشل میڈیا پر وائرل ویڈیو (ون ویلینگ) کا سختی سے نوٹس لیتے ہوئے انچارچ ٹریفک وارڈن پولیس ASI فضل کریم نے ٹریفک پولیس آفیسر جعفر نبی کو خصوصی ٹاسک دیا تھا۔

ایڈیشنل انچارچ ٹریفک وارڈن پولیس IHC جعفر نبی نے ون ویلینگ کرنے والے نوجوان احسان سکنہ بکراباد کو ٹریفک قوانین کی خلاف ورزی کرنے پر ٹریفک چالان کیا۔

نوجوانوں سے اپیل ہے کہ وہ ون ویلینگ سے گریز کریں!

شعبہ تعلقات عامہ ڈسٹرکٹ لوئر چترال پولیس

13/07/2025

تریچ میر بیس کیمپ ٹریکنگ گروپ تریچ میر بیس کیمپ کیلئے روانہ
وزیراعلی خیبرپختونخوا علی امین گنڈاپور کی کوششوں سے تریچ میر سمٹ کا انعقاد ممکن ہوا،
ٹریکنگ تین مختلف گروپوں میں بیس کیمپ تک جائینگے،
خواتین پر مشتمل گروپ اگست کے پہلے ہفتے روانہ ہوگا
تریچ میر سمٹ سے چترال اور صوبہ کی سیاحت ترقی پائے گی، بی بی فوزیہ
تریچ میر ٹریکنگ کیلئے 100 سے زائد خواتین نے بھی درخواستیں جمع کرائی تھیں، ڈائریکٹر ٹورازم عمر خان
20 تجربہ کار خواتین بھی ٹریکنگ گروپ میں حصہ لے رہی ہیں
کوہ پیماؤں کیلئے صوبائی حکومت نے دو سال کی رائلٹی فیس بھی معاف کر رکھی ہے
20 ٹریکرز پر مشتمل گروپ تریچ میر بیس بیس کیمپ تک ٹریکنگ کریگا،
عمر خان
Ali Amin Khan Gandapur
Suriya Bibi Official
Suriya Bibi
Abdul Latif PTI Chitral
Fateh-ul-Mulk Ali Nasir
Falak Naz Chitrali
Bibi Fouzia

13/07/2025

پولو گراؤنڈ چترال، نہر کی صفائی میں تجاوزات کی رکاوٹ، جماعت اسلامی کے دراخوست پر ،ضلعی انتظامیہ کا جائزہ

چترال ( فتح اللہ) پولو گراؤنڈ، چھاؤنی، ڈگری کالج اور ارد گرد کے علاقوں میں واقع سرکاری زمینوں اور پانچ دیہاتوں پر مشتمل ہزاروں خاندانوں کو سیراب کرنے والی مرکزی نہر کی صفائی میں تجاوزات سب سے بڑی رکاوٹ بن چکی ہیں، جس کے باعث مقامی آبادی شدید مشکلات کا شکار ہے۔

علاقہ مکینوں نے متعدد بار اپنی مدد آپ کے تحت نہر کی صفائی کی کوشش کی، مگر تجاوزات کے باعث یہ اقدامات وقتی ثابت ہوئے اور مسئلے کا کوئی مستقل حل نہ نکل سکا۔

اس اہم عوامی مسئلے پر جماعت اسلامی لوئر چترال کے امیر وجیہ الدین نے ضلعی انتظامیہ کی توجہ دلائی، جس پر اسسٹنٹ کمشنر اور تحصیل میونسپل آفیسر نے موقع پر پہنچ کر امیر جماعت اسلامی وجیہ الدین کے ہمراہ نہر کا معائنہ کیا اور فوری اقدامات اٹھانے کی یقین دھانی کرائی گئی۔عوامی سطح پر اس اقدام کو خوش آئند قرار دیا گیا ہے، جبکہ شہریوں نے پولو گراؤنڈ چترال میں عملے کی عدم موجودگی پر بھی تشویش کا اظہار کرتے ہوئے مطالبہ کیا ہے کہ وہاں عملے کی تعیناتی کو یقینی بنایا جائے تاکہ نہر کی مستقل صفائی اور دیکھ بھال ممکن ہو۔

13/07/2025

شکریہ وزیر اعظم -بونی بوزند روڈ کا خواب حقیقت بننے جا رہا ہے

غزالہ انجم
رکنِ قومی اسمبلی، چترال

الحمدللہ، آج چترال کے لیے ایک اور اہم خوشخبری سامنے آ رہی ہے۔ شندور روڈ، کیلاش ویلیز روڈ اور لواری ٹنل اپروچ روڈ پر تیزی سے جاری ترقیاتی کام کے بعد اب بونی بوزند روڈ کی بحالی و تعمیر کا عمل بھی زور و شور سے شروع ہونے جا رہا ہے۔ یہ چترال کے طویل انتظار میں رہنے والے عوام کے لیے ایک تاریخی لمحہ ہے۔

قبل پشاور میں وزیراعظم انسپکشن کمیشن کے زیرِ صدارت، جس کی قیادت محترم ظاہر شاہ صاحب اور قیصر صاحب نے کی، ایک اہم اجلاس منعقد ہوا۔ اس اجلاس میں یہ فیصلہ کیا گیا کہ بونی بوزند روڈ — جو کہ تورکھو کے عوام کی بنیادی ضرورت ہے — کو اکتوبر کے آخر تک ہر صورت مکمل کیا جائے گا اور عوام کے لیے کھول دیا جائے گا۔

ہم وزیرِاعظم پاکستان جناب میاں شہباز شریف صاحب کے شکر گزار ہیں کہ انہوں نے چترال کے ان مسائل کو اپنی توجہ کا مرکز بنایا، جنہیں صوبائی حکومت نے مسلسل نظرانداز کیا۔ یہ منصوبہ بنیادی طور پر خیبرپختونخوا حکومت کی ذمہ داری تھی، مگر متعدد بار فنڈز موصول ہونے کے باوجود صوبائی حکومت نے اس میں تاخیر، غفلت اور ناقابلِ قبول کرپشن سے کام لیا۔

اس تمام تناظر میں وفاقی حکومت کا کردار قابلِ تحسین ہے، جس نے ہمیشہ چترال کے عوام کے ساتھ اپنی محبت اور وابستگی کو نبھایا۔ اب یہ منصوبہ براہِ راست وزیرِاعظم معائنہ کمیشن کی نگرانی میں مکمل کیا جائے گا۔ میں پرامید ہوں کہ جیسے شندور، کیلاش ویلیز، اور لواری ٹنل روڈ پر عملی کام دیکھنے کو ملا، ویسے ہی بونی بوزند روڈ بھی جلد مکمل ہوگا۔

یہ محض ایک سڑک نہیں بلکہ تورکھو کے عوام کے لیے ترقی، سہولت اور روزگار کے نئے دروازے کھولنے کا ذریعہ ہے۔ انشاءاللہ، ہم وعدے کے مطابق اسے مکمل کریں گے، کیونکہ ہم وعدے نہیں، عمل پر یقین رکھتے ہیں

My Chital City News

16/07/2025

16/07/2025

16/07/2025

16/07/2025

14/07/2025

14/07/2025

14/07/2025

14/07/2025

14/07/2025

13/07/2025

13/07/2025

13/07/2025

Address

Website

Alerts

Shortcuts

Share

Category