19/10/2025
لوئر چترال پولیس کے ہیڈ کانسٹیبل عبداللہ کے ریٹائرمنٹ کے موقع پر ڈی۔پی۔او آفس بلچ میں الوداعی تقریب کا انعقاد
لوئر چترال پولیس کے فرض شناس اور محنتی ہیڈ کانسٹیبل عبداللہ کے اعزاز میں ان کی ریٹائرمنٹ کے موقع پر ڈی۔پی۔او آفس بلچ چترال میں ایک پروقار الوداعی تقریب کا انعقاد کیا گیا۔
تقریب میں ڈسٹرکٹ پولیس آفیسر لوئر چترال افتخار شاہ ، ڈی۔ایس۔پی ہیڈکوارٹر اقبال الدین ، لائن آفیسر SI رحیم بیگ، پے آفیسر فضل خالق، ہیڈ کلرک محمد افضل، CO شیر محمد خان اور دیگر پولیس افسران و اہلکاران نے شرکت کی۔
تقریب کے شرکاء نے ہیڈ کانسٹیبل عبداللہ کی طویل خدمات، دیانت داری، فرض شناسی اور محنت کو سراہتے ہوئے ان کے لیے نیک تمناؤں کا اظہار کیا۔
ڈی۔پی۔او لوئر چترال نے اپنے خطاب میں کہا کہ "ہیڈ کانسٹیبل عبداللہ جیسے پولیس آفیسر ادارے کا فخر ہوتے ہیں، جنہوں نے اپنی پوری سروس ایمانداری اور خلوص نیت سے انجام دی۔ ان کی خدمات کو ہمیشہ یاد رکھا جائے گا۔"
آخر میں ریٹائرڈ ہونے والے آفیسر کو اعزازی شیلڈ، تحائف اور پھول پیش کیے گئے، جبکہ شرکاء نے ان کے لیے کامیاب، صحت مند اور خوشحال ریٹائرمنٹ زندگی کی دعا کی۔
شعبہ تعلقات عامہ ڈسٹرکٹ لوئر چترال پولیس
