Chitral News

Chitral News حق اور سچ کی اواز

اپر چترال کے خوبصورت گاؤں ریری اویر سے تعلق رکھنے والے افضل حیات ولد سلطان ولی نے لوئر چترال میں میں منعقد نغت خوانی می...
30/11/2025

اپر چترال کے خوبصورت گاؤں ریری اویر سے تعلق رکھنے والے افضل حیات ولد سلطان ولی نے لوئر چترال میں میں منعقد نغت خوانی میں پورے ملاکنڈ ریجن میں پہلی پوزیشن حاصل کرنے کے بعد صوبائ سطح پر پشاور میں ہونے والے مقابلے کے لیے منتحب ہوگۓ ۔یاد رہے اس بار دیر اور ملاکنڈ ریجن سے نغت خان چترال تشریف لاۓ تھے ۔مزکورھ طالب علم افضل حیات اور اس کے تمام اساتذھ اور والدین مبارک باد کے مستحق ہیں ۔۔ افضل حیات گورنمنٹ ہائیر سیکنڈری بروم اویر کے طالب علم ہے
دعا ہے اللہ پاک اس ننھے نعت خوان کو اگلے مرحلے میں کامیابی عطا فرماۓ

29/11/2025

یکم دسمبر سے پیٹرولیم مصنوعات کی قیمتوں میں نمایاں کمی کا امکان

تازہ ترین سفید ارکاری میں شارٹ سرکٹ کی وجہ سے مسمی امیر اللہ کا گھر مکمل طور پر جل گیا ۔ حادثہ شوڑ ارکاری میں نئے تعمیر ...
28/11/2025

تازہ ترین
سفید ارکاری میں شارٹ سرکٹ کی وجہ سے مسمی امیر اللہ کا گھر مکمل طور پر جل گیا ۔ حادثہ شوڑ ارکاری میں نئے تعمیر شدہ بجلی گھر کی ٹیسٹنگ کے دوران پیش آیا ۔ حادثے کی وجہ سے گھر کے مالک کی پوری جمع پونجی، گھر
کے تمام اثاثہ جات مکمل طور پر جل کر خاکستر ہوگئے ہیں ۔
ذرائع

24/11/2025

ضمنی انتخابات مسلم لیگ ن 13 میں سے 12 نشستوں پر کامیاب قومی اسمبلی کی 6 سیٹوں پر کلین سویپ ، پنجاب کی 7 میں سے 6 نشستیں جیت لیں ایک نشست پیپلز پارٹی کے حصے میں آئی

عالمی منظرنامے پر پاکستان کی عسکری قیادت کا عروج: فیلڈ مارشل عاصم منیر کی حیثیت کا اعترافمعروف امریکی اخبار دی وال سٹریٹ...
21/11/2025

عالمی منظرنامے پر پاکستان کی عسکری قیادت کا عروج: فیلڈ مارشل عاصم منیر کی حیثیت کا اعتراف
معروف امریکی اخبار دی وال سٹریٹ جرنل اور صدر ٹرمپ کی جانب سے فیلڈ مارشل عاصم منیر صاحب کی قائدانہ صلاحیتوں کی توثیق

رواں برس کے دوران پاکستان کے فیلڈ مارشل عاصم منیر صاحب نے اپنی غیر معمولی عسکری اور سفارتی بصیرت کے باعث عالمی سطح پر نمایاں حیثیت حاصل کی ہے۔ معروف امریکی اخبار وال سٹریٹ جرنل (WSJ) کے ایک تازہ اور مفصل تجزیے کے مطابق، وہ نہ صرف اس وقت پاکستان کے طاقتور ترین کردار ہیں، بلکہ ان کی قیادت میں ملک کی جیو پولیٹیکل حیثیت بھی مضبوط ہوئی ہے۔
رپورٹ کے مطابق، عاصم منیر صاحب نے رواں سال مئی میں بھارت کے ساتھ ایک مختصر عسکری تناؤ کے دوران "زبردست کارکردگی" کا مظاہرہ کیا۔ اس کامیاب کارکردگی کے اعتراف کے طور پر، انہیں فیلڈ مارشل کے بلند ترین عسکری عہدے پر فائز کیا گیا، جو کہ پاکستان کی تاریخ میں کسی بھی آرمی آفیسر کو ملنے والا دوسرا اعزاز ہے۔ ان کی اسی کردار کو مدنظر رکھتے ہوئے، امریکی صدر ڈونلڈ ٹرمپ نے غزہ امن سمٹ کے دوران انہیں اپنا "Favorite Field Marshal" قرار دیا اور تصدیق کی کہ فیلڈ مارشل عاصم منیر صاحب نے پاک-بھارت فوجی کشیدگی کو کامیابی سے سیز فائر میں تبدیل کرنے میں کلیدی کردار ادا کیا، جس کے نتیجے میں خطے کو ایک بڑی جنگ سے بچا کر لاکھوں جانیں محفوظ ہو گئیں۔
WSJ کی رپورٹ میں اس بات پر بھی روشنی ڈالی گئی ہے کہ حالیہ ستائیسویں آئینی ترمیم کے نتیجے میں ایک نیا عہدہ "چیف آف ڈیفینس فورسز" تخلیق کیا گیا، اور فیلڈ مارشل عاصم منیر صاحب کی پوزیشن مستحکم ہوئی۔ یہ تمام عوامل مل کر اس بات کی نشاندہی کرتے ہیں کہ فیلڈ مارشل عاصم منیر صاحب کی قیادت میں پاکستان عالمی طاقتوں کے ساتھ اپنے تعلقات کو ایک نئی بنیاد پر از سرِ نو ترتیب دینے میں کامیاب ہوا ہے۔

اپر اور لوئر چترال کے جلسوں میں پی ٹی آئی کے ذمہ داران نے جس یک رُخی بیانیے کو اختیار کیا، وہ خود ان کی سیاسی بصیرت پر س...
20/11/2025

اپر اور لوئر چترال کے جلسوں میں پی ٹی آئی کے ذمہ داران نے جس یک رُخی بیانیے کو اختیار کیا، وہ خود ان کی سیاسی بصیرت پر سوالیہ نشان ہے۔ عوام اس وقت مہنگائی، بے روزگاری، پانی کے صاف پانی بحران، صحت و تعلیم اور ترقیاتی منصوبوں کی سست روی جیسے حقیقی مسائل میں الجھے ہوئے ہیں، مگر اس کے باوجود پورا جلسہ محض “خان کی رہائی” کے نعرے تک محدود رہا۔
تنقید یہاں یہ نہیں کہ خان کی رہائی کی بات کیوں کی بلکہ اصل سوال یہ ہے کہ کیا کسی جماعت کا پورا سیاسی ایجنڈا صرف ایک شخص کی رہائی تک محدود ہوجائے؟
اگر PTI واقعی چترال کے لیے سنجیدہ ہوتی تو کم از کم یہ بتاتی کہ:
• اپر اور لوئر چترال میں ٹوٹی سڑکوں کا حل کیا ہے؟
• صحت مراکز میں ڈاکٹر کیوں نہیں؟
• نوجوانوں کے لیے روزگار کے مواقع بڑھانے کا منصوبہ کیا ہے؟
• تعلیم اور ٹیکنیکل انسٹیٹیوٹ کی صورتحال بہتر بنانے کا لائحہ عمل کیا ہے؟
• سیلاب سے متاثرہ علاقوں کا مستقل حل کیا ہوگا؟

لیکن افسوس، جلسے کے نعرے گونجتے رہے، مگر چترال کے عوام کے اصل مسائل گونگے بن کر رہ گئے۔
یہ طرزِ سیاست لوگوں کو جوش تو دے سکتا ہے، حل نہیں دے سکتا۔
اور جس سیاست میں عوام کے مسائل صرف تالیاں بجوانے کا ذریعہ بن جائیں، وہ سیاست نہیں—خالی دعووں کا شور ہوتی ہے۔

ترجمان جے یو آئی اپر چترال

05/11/2025

موڑکہو کے مسائل کے حل اور عوامی اتحاد کے لیے “موڑکہو ڈویلپمنٹ مومنٹ”

علاقہ موڑکہو کے دیرینہ مسائل، بالخصوص موڑکہو روڈ کی خستہ حالی اور ترقیاتی منصوبوں میں مسلسل نظراندازی کے خلاف عوامی سطح پر ایک نئی تحریک کا آغاز کر دیا گیا ہے۔ اس مقصد کے لیے علاقے کے عوام، عمائدین، علمائے کرام، نوجوانان اور مختلف سیاسی جماعتوں کے نمائندگان نے مشترکہ طور پر "موڑکہو ڈویلپمنٹ مومنٹ" کے نام سے ایک پلیٹ فارم تشکیل دیا ہے۔

یہ اجلاس معروف سماجی شخصیت شیر حسین کی رہائش گاہ وریجون میں منعقد ہوا، جس میں علاقائی مسائل اور آئندہ کے لائحہ عمل پر تفصیلی غور و خوض کیا گیا۔ اجلاس میں موڑکہو روڈ کی ناقص حالت، ترقیاتی منصوبوں میں تاخیر اور حکومتی عدم دلچسپی پر گہری تشویش کا اظہار کیا گیا۔

شرکاء کا کہنا تھا کہ موڑکہو کے عوام گزشتہ کئی دہائیوں سے بنیادی سہولتوں سے محروم ہیں، جبکہ ہر دورِ حکومت میں محض زبانی وعدوں اور دعوؤں کے ذریعے عوام کو مطمئن کرنے کی کوشش کی گئی ہے۔ مقررین نے کہا کہ موڑکہو روڈ کی تعمیر و مرمت میں تاخیر اور فنڈز میں مبینہ کرپشن علاقے کے ساتھ سراسر ناانصافی ہے، جس کی شفاف تحقیقات ہونی چاہیے۔

اجلاس کے مقررین نے واضح کیا کہ اگر حکومت اور متعلقہ اداروں نے موڑکہو کے مسائل کے حل کے لیے عملی اقدامات نہ کیے تو عوام اپنے حقوق کے حصول کے لیے پرامن مگر مؤثر احتجاجی تحریک شروع کریں گے۔ اس تحریک کی تمام تر ذمہ داری حکومت اور متعلقہ حکام پر عائد ہوگی۔

اجلاس میں “موڑکہو ڈویلپمنٹ مومنٹ” کے نام سے باضابطہ طور پر ایک کمیٹی تشکیل دی گئی، جس کے ذریعے علاقے کے تمام ترقیاتی و سماجی امور پر مربوط انداز میں کام کیا جائے گا۔

کی قابلِ فخر خدماتاتحاد ڈیویلپمنٹ آرگنائزیشن تریچ ایک فعال، باصلاحیت اور عوام دوست فلاحی ادارہ ہے جو گزشتہ کئی برسوں س...
28/10/2025

کی قابلِ فخر خدمات

اتحاد ڈیویلپمنٹ آرگنائزیشن تریچ ایک فعال، باصلاحیت اور عوام دوست فلاحی ادارہ ہے جو گزشتہ کئی برسوں سے علاقے کی مجموعی ترقی، سماجی بہتری اور عوامی بہبود کے لیے دن رات مصروفِ عمل ہے۔ اس ادارے کا بنیادی مقصد تریچ کے عوام کو ترقی کے مساوی مواقع فراہم کرنا، تعلیم، صحت، زراعت اور انفراسٹرکچر کے میدان میں بہتری لانا، اور خاص طور پر غریب و نادار طبقے کی عملی مدد کرنا ہے۔

اتحاد ڈیویلپمنٹ آرگنائزیشن نے اپنے قیام سے لے کر اب تک متعدد قابلِ قدر اقدامات کیے ہیں جن کے نتائج آج علاقے کی ترقی اور عوامی فلاح کی صورت میں نمایاں ہیں۔ ادارہ نہ صرف مختلف ترقیاتی منصوبوں میں حکومتی و غیر حکومتی اداروں کے ساتھ اشتراک کر رہا ہے بلکہ عوامی سطح پر بیداری اور تنظیمی شعور پیدا کرنے میں بھی اہم کردار ادا کر رہا ہے۔

اسی سلسلے کی ایک بڑی کامیابی KP-RETP (Rural Economic Transformation Project) کے ساتھ اتحاد ڈیویلپمنٹ آرگنائزیشن کا تعاون ہے۔ اتحاد کی کوششوں، رہنمائی اور عوامی تنظیمی معاونت کے نتیجے میں اپر تریچ اور لوئر تریچ میں دو PFCOs (Professional Farmers Cooperative Organizations) تشکیل دی گئیں۔ یہ تنظیمیں مقامی کسانوں کو منظم کرنے، ان کی معاشی حالت بہتر بنانے، زرعی پیداوار میں اضافہ کرنے اور مارکیٹ تک آسان رسائی فراہم کرنے کے لیے قائم کی گئی ہیں۔

ان تنظیموں کے قیام سے تریچ کے کسانوں کو ایک نیا پلیٹ فارم میسر آیا ہے جس کے ذریعے وہ جدید زرعی تکنیک، مالی معاونت، تربیت اور مارکیٹ لِنکیج سے مستفید ہو سکتے ہیں۔ اتحاد ڈیویلپمنٹ آرگنائزیشن نے اس عمل میں ایک سہولت کار اور رہنمائی کرنے والے ادارے کا کردار ادا کیا — جس کی بدولت مقامی لوگ اب اپنے وسائل کو بہتر انداز میں استعمال کر رہے ہیں۔

مزید برآں، اتحاد ڈیویلپمنٹ آرگنائزیشن تعلیم و صحت کے شعبوں میں بھی نمایاں کردار ادا کر رہا ہے۔ علاقے کے اسکولوں میں تعلیمی معیار بلند کرنے، طلباء کے لیے اسکالرشپس اور سہولیات فراہم کرنے کے ساتھ ساتھ صحت عامہ کے لیے آگاہی مہمات، میڈیکل کیمپس اور بنیادی صحت کے مراکز کے قیام میں بھی بھرپور حصہ لیا گیا ہے۔

اتحاد ڈیویلپمنٹ آرگنائزیشن تریچ نے ثابت کیا ہے کہ اگر نیت خالص اور مقصد عوامی خدمت ہو تو محدود وسائل کے باوجود بڑے کارنامے انجام دیے جا سکتے ہیں۔ علاقے کے عوام کی اجتماعی ترقی، فلاح اور خوشحالی کے لیے ادارے کی یہ کوششیں یقیناً قابلِ تعریف اور تقلید ہیں۔

نتیجتاً، تریچ کا علاقہ آج جس ترقی کی سمت بڑھ رہا ہے، اس میں اتحاد ڈیویلپمنٹ آرگنائزیشن کا کردار سنگِ میل کی حیثیت رکھتا ہے — ایک ایسا کردار جو عوامی خدمت، تنظیمی بصیرت اور ترقیاتی وژن کا حسین امتزاج ہے۔

اپر تریچ میں PFCO کی تشکیل کے حوالے سے شاندار AGM کا انعقاداپر چترال کے علاقے اپر تریچ میں KP-RETP (Khyber Pakhtunkhwa R...
28/10/2025

اپر تریچ میں PFCO کی تشکیل کے حوالے سے شاندار AGM کا انعقاد

اپر چترال کے علاقے اپر تریچ میں KP-RETP (Khyber Pakhtunkhwa Rural Economic Transformation Project) کے زیر اہتمام ایک اہم اجلاس منعقد ہوا جس کا مقصد علاقے کے کسانوں کے لیے PFCO (Professional Farmers Cooperative Organization) کی تشکیل اور تنظیمی ڈھانچے کی منظوری تھا۔

یہ اجلاس گورنمنٹ ہائی سکول گراؤنڈ میں منعقد ہوا جس میں KP-RETP کے نمائندوں، زراعت کے ماہرین، سماجی شخصیات، اور علاقے کے فعال کاشتکاروں نے بھرپور شرکت کی۔ اجلاس کی صدارت معروف تعلیمی و سماجی شخصیت پروفیسر کریم بیگ نے کی، جبکہ پروگرام کی نظامت علاقے کے سینئر کسان رہنما نے انجام دیئے۔

اجلاس میں کے پی ریپٹ نمائندوں منور خان صاحب اظہر اقبال صاحب اور شفیق صاحب نے شرکاء کو اس منصوبے کے اغراض و مقاصد سے آگاہ کیا۔ بتایا گیا کہ PFCO کا قیام دیہی علاقوں میں کسانوں کو ایک منظم پلیٹ فارم فراہم کرنے کے لیے کیا جا رہا ہے تاکہ وہ اجتماعی طور پر اپنی زرعی پیداوار، تربیت، مالیاتی سہولتوں، اور مارکیٹ تک رسائی کو بہتر بنا سکیں۔

نمائندوں نے کہا کہ اس تنظیم کے ذریعے علاقے کے کسانوں کو جدید زراعت، فصلوں کی بہتری، مالداری کے فروغ، اور چھوٹے کاروباری مواقع کے حوالے سے تربیت دی جائے گی۔ اس کے علاوہ تنظیم مقامی سطح پر دیہی معیشت کو مضبوط بنانے اور خود انحصاری کے فروغ میں کلیدی کردار ادا کرے گی۔

اجلاس کے دوران شرکاء کی متفقہ رائے سے تنظیمی انتخابات عمل میں لائے گئے۔ اتفاقِ رائے سے پروفیسر کریم بیگ صاحب کو صدر PFCO اپر تریچ منتخب کیا گیا جبکہ فخرالدین صاحب جنرل سکریٹری منتخب ہوۓ۔ ان کی قیادت میں ایک متحرک ٹیم تشکیل دی گئی جس میں نائب صدر، جنرل سیکریٹری، فنانس سیکریٹری اور مختلف کمیٹی ممبران شامل ہیں۔

شرکاء نے پروفیسر کریم بیگ کی قیادت پر مکمل اعتماد کا اظہار کیا اور امید ظاہر کی کہ وہ علاقے کے کسانوں کے مسائل کے حل اور زرعی ترقی کے لیے مؤثر کردار ادا کریں گے۔

تقریب سے خطاب کرتے ہوئے مختلف مقررین نے KP-RETP کے اس اقدام کو سراہا اور کہا کہ اس منصوبے سے علاقے کے کسانوں کو ایک نیا حوصلہ اور سمت ملے گی۔
انہوں نے کہا کہ اس پلیٹ فارم کے ذریعے مقامی زراعت کو جدید تقاضوں سے ہم آہنگ کرنے، معاشی خودمختاری بڑھانے، اور نوجوانوں کو زراعت کی طرف راغب کرنے کے نئے دروازے کھلیں گے۔

اختتامی کلمات

پروفیسر کریم بیگ نے اپنی تقریر میں شرکاء کا شکریہ ادا کرتے ہوئے کہا کہ وہ اپنی ٹیم کے ساتھ مل کر اپر تریچ کو ایک مثالی زرعی ماڈل کے طور پر سامنے لانے کے لیے دن رات کام کریں گے۔
انہوں نے کہا کہ PFCO کسانوں کے لیے نہ صرف ایک تنظیم بلکہ ایک تحریک ہوگی جو علاقے کی ترقی اور خوشحالی کا باعث بنے گی۔

آخر میں اجلاس دعا کے ساتھ اختتام پذیر ہوا، اور شرکاء نے امید ظاہر کی کہ یہ نیا تنظیمی ڈھانچہ اپر تریچ سمیت پورے اپر چترال میں زراعت کے نئے دور کا آغاز ثابت ہوگا۔

تریچ پائین میں PFCO (Professional Farmers Cooperative Organization) کی تشکیل — KP-RETP اور Helvetas Swiss Intercooperati...
28/10/2025

تریچ پائین میں PFCO (Professional Farmers Cooperative Organization) کی تشکیل — KP-RETP اور Helvetas Swiss Intercooperationکے نمائندوں (منور صاحب اور اظہر اقبال صاح) کا اہم دورہ اور AGM کا کامیاب انعقاد

تریچ پائین (اپر چترال) میں KP-RETP (Rural Economic Transformation Project) کے نمائندوں نے پروفیشنل فارمرز کوآپریٹو آرگنائزیشن PFCO کی تشکیل کے حوالے سے ایک نہایت اہم دورہ کیا۔ اس موقع پر علاقے کے کاشتکاروں، سماجی شخصیات، اور مقامی نمائندوں نے بڑی تعداد میں شرکت کی۔

اجلاس کا مقصد علاقے میں زرعی ترقی، دیہی معیشت کے استحکام، اور کسانوں کو جدید زرعی سہولیات سے منسلک کرنا تھا۔ KP-RETP کے افسران نے اجلاس کے دوران تفصیلاً اس بات پر روشنی ڈالی کہ منصوبے کا مقصد کسانوں کو خودمختار بنانا، جدید کاشتکاری کے طریقوں سے روشناس کرانا اور ان کی پیداوار کو منڈی تک مؤثر انداز میں پہنچانے کے لیے کوآپریٹو نظام کو فعال بنانا ہے۔

اسی سلسلے میں PFCO (Professional Farmers Cooperative Organization) کے نام سے ایک منظم ادارے کی تشکیل عمل میں لائی گئی۔ تنظیم کی باقاعدہ AGM (Annual General Meeting) کے دوران عہدیداران کا انتخاب عمل میں آیا، جس میں جمیل احمد کو متفقہ طور پر صدر اور قدرت اللہ کو جنرل سیکریٹری منتخب کیا گیا۔

منتخب عہدیداران نے اس عزم کا اظہار کیا کہ وہ علاقے کے کسانوں کے حقوق، تربیت، اور سہولیات کے لیے بھرپور کردار ادا کریں گے۔ اجلاس میں اس بات پر بھی اتفاق کیا گیا کہ PFCO کے پلیٹ فارم سے مقامی سطح پر زراعت سے متعلقہ منصوبے، بیجوں کی فراہمی، کھاد، مشینری، اور مارکیٹ تک رسائی کے اقدامات مربوط انداز میں کیے جائیں گے۔

KP-RETP کے نمائندوں نے اس موقع پر PFCO کے نو منتخب عہدیداران کو مبارکباد پیش کی اور ہر ممکن تعاون کی یقین دہانی کرائی۔ اجلاس خوشگوار ماحول میں اختتام پذیر ہوا اور شرکاء نے اس اقدام کو علاقے کی زرعی ترقی کے لیے ایک اہم سنگِ میل قرار دیا۔

کلماتِ تشکر عوام تورکہو تریچ یوسی تورکہو تریچ یوسی کے عوام کی جانب سے ہم محترم سینیٹر محمد طلحہ محمود صاحب اور ڈپٹی اسپی...
24/10/2025

کلماتِ تشکر عوام تورکہو تریچ یوسی

تورکہو تریچ یوسی کے عوام کی جانب سے ہم محترم سینیٹر محمد طلحہ محمود صاحب اور ڈپٹی اسپیکر محترمہ ثریا بی بی کائے کا دلی شکریہ ادا کرتے ہیں کہ انہوں نے قاقلشٹ کے مقام پر 1.9 کلومیٹر سڑک کی لیولنگ، کمپیکشن اور اسفالٹ بچھانے کے کام کو احسن انداز میں مکمل کروا کر اپنے وعدوں کی پاسداری کی۔

ابتدائی مرحلے میں تورکہو تریچ یوسی کا ایک نمائندہ وفد—جس میں مولانا فتح الرحمن (سماجی کارکن)، مولانا حافظ الرحمن (وی سی چیئرمین ورکپ استارو)، محترم جلال الدین صوبیدار ورکپ، میر جمشید الدین (تحصیل چیئرمین تورکہو موڑکہو)، حسین زرین چارویلو، احمد سید بیگ (ویلیج چیئرمین شاگرام شوتخار یوسی)، علاؤالدین عرفی (جنرل سیکرٹری تحریک انصاف اپر چترال)، اور خواجہ خلیل (ویلیج چیئرمین تریچ بالا) شامل تھے—نے ڈپٹی اسپیکر محترمہ ثریا بی بی کائے سے ڈی سی آفس اپر چترال میں ملاقات کی۔ اسپیکر صاحبہ نے اس موقع پر عوام سے سڑک کی تعمیر کا وعدہ کیا تھا، جو انہوں نے احسن انداز میں پورا کیا۔

اسی طرح بونی میں محترم سینیٹر محمد طلحہ محمود صاحب سے وفد کی ملاقات—جس میں مولانا فتح الرحمن، لطف اللہ کونسلر ورکپ استارو، ڈاکٹر نصیراللہ، افضل الناس اور فدا محمد شامل تھے—کے دوران سینیٹر صاحب نے منصوبے کی منظوری دی۔ بعد ازاں ان کی خصوصی توجہ اور عملی اقدامات کے نتیجے میں منصوبے کی تکمیل ممکن ہوئی۔

تورکہو تریچ یوسی کے عوام دونوں معزز شخصیات، سینیٹر محمد طلحہ محمود صاحب اور ڈپٹی اسپیکر محترمہ ثریا بی بی کائے، کی مخلصانہ کاوشوں پر دلی شکریہ ادا کرتے ہیں اور ان کی کامیابی، صحت و خوشحالی کے لیے نیک تمناؤں کا اظہار کرتے ہیں۔

*احتجاجی تحریک*گزشتہ کل بتاریخ 22اکتوبر بروز بدھ بعمل 02بجے بمقام ذائقہ محل ہوٹل لوئر دیر میں اگیگا خیبر پختونخوا اور چھ...
23/10/2025

*احتجاجی تحریک*
گزشتہ کل بتاریخ 22اکتوبر بروز بدھ بعمل 02بجے بمقام ذائقہ محل ہوٹل لوئر دیر میں اگیگا خیبر پختونخوا اور چھ اضلاع اپر چترال ،لوئر چترال ،اپر دیر،لوئر دیر ،باجوڑ اورملاکنڈکا اہم اجلاس اگیگاصوبائی صدر جناب وزیر ذادہ صاحب منعقد ہوا
آل گورنمنٹ ایمپلائز گرینڈ الائنس اپر چترال کی نمائندگی وائس چرمین اگیگا محترم جناب قاری احمدعلی صاحب اور پیرامیڈیکس ایسوسی ایشن اپر چترال کے صدر محترم جناب دینارزرین صاحب نے کی
اجلاس میں متفقہ فیصلہ کیا گیا
اور صوبائی حکومت سے مطالبہ کیا کہ سرکاری سکولوں اور ہسپتالوں کے نجکاری کسی بھی صورت قابل قبول نہیں /پنشن اصلاحات کے نام پر پنشن خاتمہ اور پنشن کٹوتی نامنظور پنش کا سابقہ نظام بحال کیا جائے/ایڈہاک اساتذہ کو فوری ریگولر کیا جائے/کلاس فور کی ڈیلی ویجز بھرتی نامنظور/ڈی آر اے کو وفاق کے طرز پر دیا جائے
صوبائی حکومت ہمارے مطالبات کو عملی جامہ پہنائےبصورت دیگر 30اکتوبر سے پورے صوبے میں تمام دفاتر پر غیر معائنہ مدت تک تالا بند کام چھوڑ اور قلم چھوڑ ہڑتال کے ساتھ پورے صوبے میں بھر پوراحتجاجی تحریک کا آغاز کیاجائیگا
احسان الحق وفا
سیکرٹری اطلاعات آل گورنمنٹ ایمپلائز گرینڈ الائنس ضلع اپر چترال

Address

Chitral

Website

Alerts

Be the first to know and let us send you an email when Chitral News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category