CHITRAL FAST NEWS

CHITRAL FAST NEWS سب سے پہلے سب سے تیز🙋‍♂️

چترال میں پیپلز پارٹی کا 58 واں یوم تاسیس انتہائی جوش و جذبے سے منایا گیا ۔ چترال ( فاسٹ نیوز ) پاکستان پیپلز پارٹی ک...
30/11/2025

چترال میں پیپلز پارٹی کا 58 واں یوم تاسیس انتہائی جوش و جذبے سے منایا گیا ۔

چترال ( فاسٹ نیوز ) پاکستان پیپلز پارٹی کا 58 ویں یوم تاسیس کی ایک پر رونق تقریب ٹاؤن ہال چترال میں منعقد ہوئی ، جس میں پاکستان پیپلز پارٹی چترال کے رہنماؤں اور کارکنان نے بڑی تعداد میں شرکت کی ۔ اس موقع پرصوبائی نائب صدر و قائمقام ضلعی صدر سلیم خان ، جنرل سیکرٹری قاضی فیصل ، شہزادہ خالد پرویز ، صدر خواتین ونگ شبنم ناصر ، تحصیل صدر دروش غازی وردک ، سنئیر رہنما شاہ مراد بیگ ، عالم زیب ایڈوکیٹ ، انفارمیشن سیکرٹری نظارولی شاہ ، صدر پیپلز لائرز فورم محمد افضل ، شیر جوان وغیرہ نے خطاب کرتے ہوئے اس عزم کا اعادہ کیا گیا کہ چترال کو دوبارہ پی پی پی کا ناقابل تسخیر قلعہ اور گڑھ بنایا جائے گا جس کے ساتھ پارٹی کے بانی شہید ذولفقار علی بھٹو والہانہ محبت رکھتے تھے اور اپنے پانچ سالہ دور اقتدار میں سات مرتبہ چترال کا دور ہ کیا۔ غریبوں کو قوت گویائی دی اور حقیقی آزادی کے مفہوم سے آشنا کیا۔ انہوں نے کہاکہ چترال کی ترقی کی تاریخ دراصل پی پی پی کی تاریخ ہے جس نے لواری ٹنل پر کام شروع کرنے سے لے کر پن بجلی گھر، کالج اور چترال کے دوردراز علاقوں تک سڑکوں کا جال بچھایا اور پہلی مرتبہ راشن کارڈ کے ذریعےخوراک کی فراہمی کو متعارف کرایا۔ انہوں نے کہاکہ شہید ذوالفقار علی بھٹو اور شہید بے نظیر بھٹو کے ساتھ چترال کے عوام اور پیپلز پارٹی کے کارکنان کی خصوصی محبت اور عقیدت ہے۔ انہوں نے پارٹی کی صفوں میں اتحاد و اتفاق کی ضرورت پر زور دیتے ہوئے کہاکہ ہمیں ہر حالت میں پارٹی کے ساتھ وفاداری کا بھرم قائم رکھنا چاہئیے۔ اس موقع پر یوم تاسیس کے حوالے سے کیک بھی کاٹا گیا۔
۔۔۔۔۔۔۔۔۔۔۔۔۔۔۔۔۔

29/11/2025

48 کلومیٹر کلکٹک چترال روڈ کی کشادگی اور پختگی کیلئے 11ارب روپے کی منظور ی ، میگا روڈ پراجیکٹ سے حادثات میں کمی اور سفری سہولیات حاصل ہوں گے ۔
نیاز اے نیازی ایڈوکیٹ

چترال (فاسٹ نیوز )سنٹرل ڈیولپمنٹ ورکنگ پارٹی (سی ڈی ڈبلیو پی) نے ”چکدرہ–چترال روڈ پروجیکٹ (N-45 سیکشن IIIK، کلکٹک تا چترال)“ کے 48 کلومیٹر طویل حصے کی تعمیر و بحالی کے منصوبے کی 10.96 ارب روپے مالیت کی منظوری دے دی ہے۔منصوبے کے تحت این–45 کے کلکٹک سے چترال تک تقریباً 47.98 کلومیٹر طویل حصے کی بہتری، توسیع اور مکمل بحالی کی جائے گی، جسے 7.3 میٹر چوڑی سنگل کیرج وے میں تبدیل کیا جائے گا، جبکہ دونوں اطراف دو میٹر چوڑے شولڈرز تعمیر ہوں گے۔ منصوبے میں مضبوط رِیٹیننگ اسٹرکچرز، ڈھلوانوں کی استحکام کاری، پانچ نئے پلوں کی تعمیر اور 145 کلورٹس کی تعمیر شامل ہے۔
سیکریٹری اطلاعات مسلم لیگ ن لوئیر چترال نیاز اے نیازی ایڈوکیٹ نے کہا ہے کہ چکدرہ۔چترال روڈ کی بہتری سے شمال مغربی پاکستان کے اہم علاقوں کے درمیان سفری سہولیات میں نمایاں بہتری آئے گی۔ اس منصوبے سے ٹریفک جام اور حادثات میں کمی، گاڑیوں کے آپریٹنگ اخراجات میں بچت اور سفر کے وقت میں نمایاں کمی متوقع ہے، جس سے مقامی آبادی کی معاشی حالت بہتر ہوگی۔۔

َ

ٹاؤن ہال چترال میں ڈویژن سطح پر نعت خوانی اور تقریری مقابلے ، نمایاں پوزیشن ہولڈر طلبہ میں ایوارڈ تقسیم ، مقابلے میں دی...
29/11/2025

ٹاؤن ہال چترال میں ڈویژن سطح پر نعت خوانی اور تقریری مقابلے ، نمایاں پوزیشن ہولڈر طلبہ میں ایوارڈ تقسیم ، مقابلے میں دیر کے سکولوں کے طلبہ بھی شریک تھے

چترال ( فاسٹ نیوز ) ٹاون ہال چترال میں ڈویژن کی سطح پر نعت ، اردو اورانگریزی میں تقریری مقابلے منعقدہوئے جن میں اپر چترال، لویر چترال، اپر دیر اور لویر دیر کی سرکاری سکولوں سے طلباء نے شرکت کی۔ اس موقع پر ڈی ای او لویر چترال مفتاح الدین مہمان خصوصی تھے جس نے طلباء میں انعامات تقسیم کی۔ انہوں نے اپنے خطاب میں کہاکہ اس علاقے میں طلباء میں صلاحیت کی کوئی کمی نہیں ہے جبکہ ضرورت صرف اور صرف ایسے مواقع کی فراہمی کے ذریعے ان کی صلاحیتوں کو اجاگرکرنا ہے۔ جیوری کے فیصلے کے مطابق نعت خوانی میں گورنمنٹ ہائی سکو ل ریری اپر چترال کے افضل حیات پہلے نمبر پر، ہائی سکول دیر اپر کے محمد یاسین دوسرے اور ہائی سکول ریشن اپر چترال کے وسیع الرحمن تیسرے نمبر پررہے۔ اسی طرح اردو تقریر کے مقابلے میں ہائی سکول چترال کے صفوان اللہ، ہائی سکول موژگول اپر چترال کے ذیشان احمد اور ہائی سکول لعل قلعہ لویر دیر کے ریحان اللہ نے بالترتیب پہلی، دوسری اور تیسری انعام کے حقدار ٹھہرے۔اورانگریزی تقریری مقابلے میں تنزیل الرحمٰن – جی سی ایم ایچ ایس (بوائز) چترال پہلی، محمد حارث علامہ اقبال ماڈل اسکول دیر اپر دوسری اور سعد الرحمٰن – جی ایچ ایس عشریت،چترال تیسری پوزیشن اپنے نام کرلی ۔اس موقع پر اے ڈی ای او اسپورٹس اکبر حسین ، سیکرٹری انٹر اسکول اسپورٹس اینڈ لیٹریری مقابلہ 2025 و وائس پرنسپل جی سی ایم ایچ ایس (بوائز) چترال شاہد جلال ،پرنسپل آنیس الرحمن اوردوسروں نے کہاکہ انٹر اسکول لیٹریری مقابلہ 2025 ڈویژنل سطح چترال لوئر کا تاریخی دن ہے ،چترال کی تاریخ میں آج کا دن ہمیشہ سنہرے حروف سے لکھا جائے گا، جب پہلی مرتبہ چترال لوئر کو یہ اعزاز حاصل ہوا کہ اس نے ڈویژنل سطح کے انٹر اسکول لیٹریری مقابلہ 2025 کی میزبانی کی۔ اس شاندار تقریب میں چاروں اضلاع چترال اپر، چترال لوئر، دیر اپر اور دیر لوئرکے باصلاحیت طلبہ نے شرکت کی اور نعت، اردو تقریر اور انگلش تقریر کے مواقع پر اپنی فصاحت، روانی اور اعتماد کا بھرپور اظہار کیا۔چاروں اضلاع سے آئے ہوئے اساتذہ، سربراہانِ مدارس اور طلبہ کی شرکت نے اس پروگرام کو ایک یادگار اور رنگا رنگ تعلیمی جشن بنا دیا۔

لوئر چترال پولیس کی جانب سے ضلع لوئر چترال سے ٹرانسفر ہونے والے ڈی۔پی۔او افتخار شاہ کے اعزاز میں الوداعی تقریب کا انعقاد...
29/11/2025

لوئر چترال پولیس کی جانب سے ضلع لوئر چترال سے ٹرانسفر ہونے والے ڈی۔پی۔او افتخار شاہ کے اعزاز میں الوداعی تقریب کا انعقاد۔

ڈسٹرکٹ پولیس آفیسر لوئر چترال افتخار شاہ کے تبادلے کے حوالے سے پولیس لائن میں ان کے اعزاز میں خصوصی الوداعی تقریب کا انعقاد کیا گیا۔

الوداعی تقریب میں ایس۔پی۔انوسٹی گیشن محمد شفی شفاء، ایس۔پی۔ایلیٹ فورس عتیق الرحمن ،ڈی۔ایس۔پی۔ہیڈکوارٹر اقبال الدین ،،ایس۔ڈی۔پی۔او سرکل چترال سجاد حسین، ایس۔ڈی۔پی۔او سرکل بمبوریت احمد عیسی، ایس۔ڈی۔پی۔او سرکل دروش اقبال کریم ، ڈی۔ایس۔پی سکیورٹی تمیزالدین ، ڈی۔ایس۔پی حسن اللہ ، جملہ ایس۔ایچ۔اوز ، PA ٹو ڈی۔پی۔او نور زمان، ہیڈ کلرک محمد افضل، لائن آفیسر ASI فضل کریم ،انچارچ ٹریفک وارڈن پولیس ASI جنگ باز خان، منسٹریل سٹاف سمیت دیگر مہمانوں نے شرکت کی۔

تقریب میں پولیس افسران نے ڈی۔پی۔او افتخار شاہ کو ضلع لوئر چترال میں بحثیت ضلعی پولیس سربراہ کے عہدے پر شاندار پیریڈ گزارنے پر بہترین الفاظ میں ان کی خدمات کو خراج تحسین پیش کیا اور ان کے لئے نیک خواہشات کا اظہار کیا۔

الوداعی تقریب سے خطاب کرتے ہوئے ڈی۔پی۔او لوئر چترال افتخار شاہ نے لوئر چترال کے علمائے کرام، غیور عوام ، تجار یونین ، ڈرائیور یونین ، پریس کلب کے نمائندوں اور محکمہ پولیس کا شکریہ ادا کیا۔

ڈی۔پی۔او افتخار شاہ نے لوئر چترال میں تعیناتی کو اپنی سروس کا بہترین حصہ قرار دیا اور لوئر چترال میں فرائض سرانجام دینے والے جملہ پولیس افسران و جوانوں کی کارکردگی کو سراہا۔

اس موقع پر ڈسٹرکٹ پولیس آفیسر لوئر چترال افتخار شاہ نے کہا کہ لوئر چترال پولیس نے جرائم کی روک تھام اور امن و امان کو برقرار رکھنے میں اہم کردار ادا کر رہی ہے اورامید رکھتا ہوں کہ وہ مستقبل میں بھی جرائم کی روک تھام اور امن و امان کو برقرار رکھنے میں اپنا کردار ادا کرتی رہیگی۔

میری نیک خواہشات اور دعائیں لوئر چترال پولیس کیساتھ ہمیشہ رہے گی۔ لوئر چترال کی عوام کا بھی شکریہ ادا کیا۔ تمام افسران کیلئے نیک تمناؤں کا اظہار کیا۔

ڈی۔پی۔او لوئر چترال نے عوام کے نام پیغام میں کہا کہ لوئر چترال کے عوام غیرت، انسانیت ،مہمان نوازی، قانون کی پاسداری اور محبت کی بہترین مثال ہیں جوکہ قابل فخر ہے، انہوں نے کہا کہ ضلع لوئر چترال میں فرائض کی انجام دہی کے دوران اگر میری وجہ سے کسی کی دل آزاری ہوئی ہو تو میں معافی کا طلبگار ہوں اور لوئر چترال کے عوام کی مہمان نوازی ہمیشہ یاد رہے گی۔

تقریب کے اختتام پر تبدیل ہونے والے ڈی ۔پی۔او افتخار شاہ کو افسران نے تخائف پیش کئیں۔

شعبہ تعلقات عامہ ڈسٹرکٹ لوئر چترال پولیس

پیسکو قانونی تقاضوں کو پورا کرتے ہوئے آیون میں بجلی کھمبوں کی تنصیب کرے ، پہلے سے موجود ایس آر ایس پی کی لائن کو دانستہ ...
29/11/2025

پیسکو قانونی تقاضوں کو پورا کرتے ہوئے آیون میں بجلی کھمبوں کی تنصیب کرے ، پہلے سے موجود ایس آر ایس پی کی لائن کو دانستہ نقصان پہچانے کی کوشش افسوسناک ہے ۔ عوام رد عمل دینے پر مجبور ہوگی۔ چیرمین ویلج کونسل وجیہ الدین

چترال ( محکم الدین ) ویلج کونسل آیون ون نے محکمہ پیسکو کی طرف سے علاقہ آیون میں غیر دانشمندانہ اور بغیر کسی نقشے کے بجلی کے کھمبوں کی تنصیب پر انتہائی افسوس کا اظہار کیا ہے ، ویلج کونسل آفس میں منعقدہ ایک اجلاس میں چیرمین ویلج کونسل آیون ون وجیہ الدین ، چیرمین زکواۃ کمیٹی وی سی ون مسعود الرحمن ، اور کسان کونسلر قاری اسرار احمد نے عوام آیون کی طرف سے پیسکو ڈسٹری بیوشن سے مطالبہ کیا ہے ۔ کہ علاقہ آیون میں پیسکو کھمبوں کی تنصیب کرتے وقت پہلے سے موجود ایس آر ایس پی کے کھمبوں اور لائنوں کا خیال رکھا جائے ، اور باقاعدہ لے آؤٹ کے تحت کھمبے نصب کئے جائیں ، ایک عوامی اشتہار میں اس امر کا اظہار کیا گیا ہے ۔ کہ پیسکو ڈسٹری بیوشن کے ٹھیکے دار بغیر کسی نقشے کے کھمبوں کی تنصیب کر رہا ہے ۔ جس سے ایس آر ایس پی اور پیسکو لائن کے آپس میں ٹکرانے کے واضح امکانات موجود ہیں ، اور دانستہ طور پر یہ عمل کیا جارہا ہے ۔ جب کہ قانونی طور پر پہلے سے موجود لائن سے کم از کم پندرہ فٹ کے فاصلے پر لائن بچھانے چاہیئں ۔ لیکن محکمہ اور ٹھیکہ دار اپنا کام نکالنے کیلئے قانونی تقاضوں کو بالائے طاق رکھتے ہوئے کھمبے نصب کر رہے ہیں ۔
انہوں نے کہا ۔ کہ اس قسم کے غیر دانشمندانہ کام سے سردیوں میں بارش ، برفباری اور تیز آندھی کے موقعوں پر دونوں لائن ایک دوسرے سے ٹکرا سکتے ہیں ، اور دونوں ٹرانسمیشن لائنوں کو ناقابل تلافی نقصان پہنچ سکتا ہے ۔ اور عوام و ادارے دونوں مشکلات سے دوچار ہو سکتے ہیں ۔
چیرمین ویلج کونسل آیون۔ ون نے عوام آیون سے اپیل کی ہے ، کہ ٹھیکہ دار کو فی الحال کھمبوں کی تنصیب سے روکیں ، جب تک اس حوالے سے باقاعدہ طریقہ کار کے تحت کام نہ کیا جائے ، بصورت دیگر عوام رد عمل دینے پر مجبور ہوگی ۔

29/11/2025

انٹر سکول حسن قرات کمپٹیشن ، ٹاؤن ہال چترال

انسداد منشیات کے حوالے سے تھانہ آیون میں اہم اجلاس ، معاشرے کو منشیات کی لعنت سے پاک کرنے کیلئے پولیس کے ساتھ بھر تعاون ...
28/11/2025

انسداد منشیات کے حوالے سے تھانہ آیون میں اہم اجلاس ، معاشرے کو منشیات کی لعنت سے پاک کرنے کیلئے پولیس کے ساتھ بھر تعاون کی یقین دھانی ، آئمہ مساجد کی قیادت میں مختلف محلوں میں کمیٹی قائم کرنے پر اتفاق ، پولیس اور عوام کا مل کر منشیات کا قلع قمع کرنے کا عزم

چترال ( محکم الدین ) آیون کے عوامی حلقوں نے علاقے سے منشیات کا خاتمہ کرنے کیلئے پولیس کے ساتھ بھر پور تعاون کرنے اور مختلف دیہات میں آئمہ کرام کی سرپرستی میں کمیٹی قائم کرکے اقدامات اٹھانے کا فیصلہ کیا ہے ۔ اور اس امر کا اظہار کیا ہے ، کہ منشیات کی لعنت سے علاقے کو صاف کرنے کیلئے ہر ممکن قدم اٹھایا جائے گا ۔ چاہے جو قربانی بھی دینی ہڑے، ان خیالات کا اظہار انہوں نے ڈی ایس پی سرکل آیون محمد عیسی کی سربراہی میں تھانہ آیون میں منعقدہ ایک اجلاس سے خطاب کرتے ہوئے کیا ۔ جس میں ایس ایچ او تھانہ آیون عطاء الرحمن بھی موجود تھے ۔
ڈی ایس پی محمد عیسی اور ایس ایچ او عطا ء الرحمن نے خطاب کرتے ہوئے کہا ۔ کہ منشیات کا استعمال نوجوان نسل کیلئے ناسور کی حیثیت رکھتا ہے ۔ جس سے کئی برائیاں جنم لیتی ہیں ، اس لئے پولیس کی کوشش ہے ۔ کہ منشیات کے کاروبار کو علاقے سے ختم کیا جائے ، یا اس میں کمی لائی جائے ۔ تاہم یہ تب ہی ممکن ہے ۔ کہ مقامی لوگ پولیس کے ساتھ بھر پور تعاون کریں ، انہوں نے کہا ۔ کہ پولیس اپنی طرف سے کاروائی جاری رکھے ہوئے ہے ۔ اور آیون کا ہر منشیات فروش کم از کم ایک سے دو بار گرفتار ہو چکا ہے ۔ تاہم سزا کا اختیار عدالتوں کے پاس ہے ۔ جس پر پولیس کا کوئی بس نہیں چلتا ، انہوں نے کہا ، کہ آیون میں منشیات فروشوں کی تعداد انگلیوں میں ہے ۔ جن کیلئے اگر منظم طریقے سے اقدامات اٹھائے جائیں ، تو بہت بہتر نتائج حاصل کئے جا سکتے ہیں ،

اجلاس سے خطاب کرتے ہوئے سابق ناظم رحمت نعیم شاہ المعروف مولانا روم ، سابق ناظم رحمت الٰہی ، چیرمین وی سی ٹو محمد رحمن ، جنرل کونسلر آمین شاہ ، مولانا محمد اشرف ، عنایت اللہ اسیر ، عبدالصادق ، محمد نیوز ، مسعود الرحمن وغیرہ نے کہا ، کہ آیون صحن اور درخناندہ میں منشیات فروشوں کے خلاف مقامی کمیونٹی نے جو اقدامات اٹھائے ہیں ، وہ انتہائی حوصلہ افزا ہیں ، جو لوگ منشیات کا کاروبار کرکے قوم کے بچوں کو تباہی کی طرف لے جارہے ہیں ۔ وہ قوم کے دشمن ہیں ، جن کے ساتھ سوشل بائیکاٹ کے ساتھ ساتھ ،ان کی حرکات و سکنات اور لوگوں سے میل میلاپ پر کڑی نظر رکھنے کی ضرورت ہے ۔ اور اگر ممکن ہو ۔ تو ان افراد کی پوٹریٹ تصاویر مختلف مقامات پر چسپاں کرکے لوگوں کو ان سے رابطے منقطع رکھنے کی ہدایات دیے جائیں ،
اجلاس میں اس امر کا بھی اظہار کیا گیا ۔ کہ آئمہ مساجد کی قیادت میں ہر محلے میں کمیٹی کا قیام عمل میں لایا جائے ، اور پورے آیون کی سطح پر ان کمیٹیوں کے ممبران باہمی رابطہ کاری کے ذریعے منشیات کے خلاف اقدامات کو موثر بنائیں ، شرکاء اجلاس نے عدالتوں کے جج صاحبان سے پر زور اپیل کی ۔ کہ منشیات کے کیس میں گرفتار افراد کے خلاف سخت ترین سزائیں اور بھاری جرمانوں کے احکامات صادر فرمائے جائیں ، تاکہ کسی کو آیندہ یہ قبیح کاروبار کرنے کی جرات نہ ہو ۔

لوئر چترال ٹریفک وارڈن پولیس کی غیر قانونی فلیش لائٹس اور سلنسرز کے خلاف مہم ڈسٹرکٹ پولیس آفیسر لوئر چترال افتخار شاہ کی...
27/11/2025

لوئر چترال ٹریفک وارڈن پولیس کی غیر قانونی فلیش لائٹس اور سلنسرز کے خلاف مہم

ڈسٹرکٹ پولیس آفیسر لوئر چترال افتخار شاہ کی خصوصی ہدایت پر انچارچ ٹریفک وارڈن پولیس ASI جنگ بازخان کی سربراہی میں گاڑیوں اور موٹر سائیکلوں پر غیر قانونی سلنسرز اور فلیش لائٹس کے استعمال کے خلاف خصوصی مہم جاری ۔

ٹریفک وارڈن پولیس نے مختلف مقامات پر ناکہ بندی کرکے متعدد گاڑیوں اور موٹر سائکلوں پر لگائے گئے غیر قانونی سلنسرز اور فلیش لائٹس کو اتار دی گئیں ۔

شعبہ تعلقات عامہ ڈسٹرکٹ لوئر چترال پولیس

ذمہ داران اسلامی جمعیت طلبہ چترال کا حالیہ ایشو کے حوالے سے گورنمنٹ ڈگری کالج چترال کا دورہگورنمنٹ ڈگری کالج کے ہاسٹل می...
27/11/2025

ذمہ داران اسلامی جمعیت طلبہ چترال کا حالیہ ایشو کے حوالے سے گورنمنٹ ڈگری کالج چترال کا دورہ

گورنمنٹ ڈگری کالج کے ہاسٹل میں فیرول کے موقع پر میوزیکل نائٹ منایا گیا تھا جس کا نوٹس لیتے ہوئے ذمہ داران اسلامی جمعیت طلبہ چترال نے گورنمنٹ ڈگری کالج کا دورہ کیا۔
پرنسپل گورنمنٹ ڈگری کالج کے ساتھ ملاقات کی اور اپنا موقف پیش کیا۔
پرنسپل صاحب نے یقین دہانی کرائی کہ آئندہ کسی بھی ایسی سرگرمیوں پہ نظر رکھی جائے گی جو اسلامی اقدار و روایات کے منافی ہوں اور کالج کے اندر اور کالج کے ہاسٹل میں ایسے سرگرمیوں پہ پابندی کی نوٹیفیکیشن جلد جاری کی جائے گی۔

ہم شکریہ ادا کرتے ہیں کہ پرنسپل صاحب نے آفیشل میٹنگ کے دوران ہمیں وقت دیا اور ملاقات کی۔

اس کے علاوہ ہیڈ آف ڈپارٹمنٹ آف اسلامک اسٹیڈیز محترم مفتی غیاث صاحب سے ملاقات ہوئی، مفتی صاحب نے جمعیت کے اس کاؤش کو سراہا اور ہر ممکن تعاون کی یقین دہانی کرائی۔

اسلامی جمعیت طلبہ چترال
27 نومبر 2025 | جمعرات

ریاض: وفاقی وزیر داخلہ و انسداد منشیات اور چیئرمین پی سی بی محسن نقوی کی ریاض میں سعودی عرب کے وزیر کھیل، شہزادہ عبدالعز...
26/11/2025

ریاض: وفاقی وزیر داخلہ و انسداد منشیات اور چیئرمین پی سی بی محسن نقوی کی ریاض میں سعودی عرب کے وزیر کھیل، شہزادہ عبدالعزیز بن ترکی الفیصل سے اہم ملاقات

سعودی عرب میں کرکٹ کے فروغ، نوجوانوں کی کھیلوں کے ذریعے مثبت سرگرمیوں میں شمولیت اور دونوں ممالک کے درمیان سپورٹس میں تعاون کو مزید مستحکم بنانے پر تفصیلی تبادلہ خیال

شہزادہ عبدالعزیز بن ترکی الفیصل وژن 2030 کے تحت کھیلوں کے شعبے کو غیر معمولی انداز میں آگے بڑھا رہے ہیں۔ محسن نقوی

سعودی قیادت کی سرپرستی میں مملکت نے بڑے بین الاقوامی ٹورنامنٹس کی میزبانی حاصل کر کے ایک نئی تاریخ رقم کی ہے۔ محسن نقوی

محسن نقوی نے خصوصاً AFC ایشین کپ 2027، ایشین ونٹر گیمز 2029، ایشین گیمز 2034 اور فیفا ورلڈ کپ 2034 کی میزبانی کے حصول پر سعودی وزیر کھیل کو مبارکباد دی

سعودی عرب میں کرکٹ انفراسٹرکچر کی ترقی، مشترکہ ٹریننگ پروگرامز، باہمی دوروں اور جونیئر و یوتھ لیول ٹورنامنٹس کے ذریعے دونوں ممالک کے نوجوانوں کے لیے نئے مواقع پیدا کیے جا سکتے ہیں۔محسن نقوی

پاکستان اور سعودی عرب کھیلوں خصوصاً کرکٹ کو دوستی اور علاقائی ہم آہنگی کا مضبوط پل بنائیں گے۔محسن نقوی

دونوں ممالک کے متعلقہ ادارے رابطوں کو مزید تیز کریں گے اور عملی منصوبہ بندی کے ذریعے جلد مشترکہ اقدامات کو حتمی شکل دی جائے گی تاکہ نوجوانوں کو زیادہ سے زیادہ مثبت مواقع فراہم کیے جا سکیں۔ ملاقات میں اتفاق

غازیوں کے اعزاز میں ٹاؤن ہال چترال میں تقریب ، غازیوں نے شرکاء کے سامنے آیندہ نشے کی کرنے سے دور رہنے کے عزم کا اظہار کی...
26/11/2025

غازیوں کے اعزاز میں ٹاؤن ہال چترال میں تقریب ، غازیوں نے شرکاء کے سامنے آیندہ نشے کی کرنے سے دور رہنے کے عزم کا اظہار کیا ۔

چترال (نمائندہ فاسٹ نیوز ) لویر چترال کے مختلف علاقوں سے تعلق رکھنے والے نشے کی لت میں مبتلا 24افراد کی پشاور میں سرکاری خرچ پر علاج اور بحالی کے بعد چترال آمد پر گریجویشن کی تقریب منعقد ہوئی جس میں انہیں خاندانوں کے سربراہان بھی موجود تھے۔ ضلعی انتظامیہ اور سوشل ویلفئیر ڈیپارٹمنٹ لویر چترال کی باہمی اشتراک سے ان افراد کو پشاور کے ایک معروف بحالی مرکز میں چار ماہ تک زیر علاج کر مکمل بحالی کے بعد دوبارہ چترال لائے گئے ہیں۔ اس موقع ڈپٹی کمشنر لویر چترال راؤ محمد ہاشم عظیم نے کہاکہ صوبائی حکومت کی گڈ گورننس کا عوامی ایجنڈے کے تحت منشیات سے پاک چترال کے تحت ان افراد کی بحالی کاکام شروع کیا گیا تھا اور یہ خوش آئند بات ہے کہ یہ افراد بحالی کے بعد معاشرے کے لئے کارآمد ثابت ہوسکتے ہیں۔ انہوں نے کہاکہ اس مشن کا اب نصف حصہ مکمل ہوگیا ہے جبکہ بقیہ حصہ مکمل کرنے میں متاثرین کے گھروالوں سے لے کر معاشرے کے ہر ایک فرد تک ذمہ دارہوں گے تاکہ یہ دوبارہ اس لت میں مبتلا نہ ہونے پائیں۔انہوں نے کہاکہ ضلعی انتظامیہ نے ان غازیوں کی بحالی کو یقینی بنانے کے لئے ان کے لئے معاشی سرگرمی شروع کرنے پر بھی کام کررہی ہے جس میں این جی اوز کو بھی شامل کیا جائے گا۔ انہوں نے اس عزم کا بھی اظہا رکیاکہ ضلعے کے حدود میں منشیات کی فراہمی کا راستہ مکمل طور پر روک دیا جائے گا اور اس بارے میں zero ٹالی رنس دیکھائی جائے گی۔ اس سے قبل ڈسٹرکٹ افیسر سوشل ویلفئر لویر چترال خضر حیات خان بھی اس بحالی پروگرام کی خدوخال پر روشنی ڈالی۔ غازیوں کی طرف سے ناصر احمد نے اپنے خیالات کا اظہار کرتے ہوئے ڈی سی لویر چترال اور دوسرے تمام اداروں کا شکریہ ادا کیا۔ اس موقع پرشاہی مسجد کے خطیب مولانا خلیق الزمان نے قرآن وحدیث کی روشنی میں منشیات سے معاشرے کو بچائے رکھنے اور نیکیاں پھیلانے پر تفصیل سے روشنی ڈالی اور ضلعی انتظامیہ اور سوشل ویلفئیر کی اس اقدا م کو سراہا۔ اے ڈی سی (جنرل) عبدالسلام بھی موقع پر موجود تھے۔

چترال بکرآباد میں موٹر کار ( غواگئے) اور رکشہ کے درمیان تصادم، تین خواتین سمیت 7 افراد زخمی ، زخمی دی ایچ کیو ہسپتال م...
26/11/2025

چترال بکرآباد میں موٹر کار ( غواگئے) اور رکشہ کے درمیان تصادم، تین خواتین سمیت 7 افراد زخمی ، زخمی دی ایچ کیو ہسپتال منتقل

چترال ( فاسٹ نیوز ) دروش سے چترال آنے والی موٹر کار ( غواگئے ) بکر آباد چترال ٹاون میں رکشہ کے ساتھ تصادم کے نتیجے میں تین خواتین اور چار مرد سمیت 7 افراد زخمی ہو گئے ، ریسکیو1122 کی طرف سے ملنے والی اطلاعات کے مطابق زخمیوں کو ابتدائی طبی امداد فراہم کرتے ہوئے ڈی ایچ کیو ہسپتال لوئر چترال منتقل کردیا گیا ہے،جہاں انکی حالت خطرے سے باہر ہے

Address

Chitral
17222

Telephone

+923449701411

Website

Alerts

Be the first to know and let us send you an email when CHITRAL FAST NEWS posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CHITRAL FAST NEWS:

Shortcuts

Share

Category