Madaklasht-Weather

01/07/2025

*موسم کی تازہ ترین صورتحال!*
Updated: Tuesday, 01 July, 2025. 6:20 PM
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
*سرسری جائزہ*
آج منگل 1 جولائی کی آدھی رات سے کل بدھ 2 جولائی کی صبح تک گہرے ٹائپ کے *دُھند / Fog* قریبی پہاڑوں پر چھائے رہینگے۔

*اگلے چند دنوں تک صاف رہنے کا امکان*
5 جولائی کی شام تک اکثر اوقات صاف اور شدید گرم رہنے کا امکان ہے۔

*بارش کے ممکنہ امکانات*
6 جولائی سے اگلے چار دن کے دوران یعنی 9 جولائی کے دن تک جہاں مطلع صاف بھی رہنے کا امکان ہے۔ تاہم ان چار دنوں کے دوران؛ وقتاً فوقتاً بادل بن کر اِدھر اُدھر کے علاقوں میں (Thunderstorm) کے ساتھ بونداباندی اور بارش کے چانسز بھی پیدا ہوسکتے ہیں۔ وقت کے ساتھ ساتھ اس کی شدت میں کمی یا مزید اضافے کا بھی امکان ہے۔

~~~~~~~~~~~~~~~~~~~~~
*شدید گرمی کی یہ لہر 6 جولائی تک برقرار رہنے کا امکان:*
~~~~~~~~~~~~~~~~~~~~~
آج منگل 1 جولائی سے اگلے چھ دن کے دوران یعنی اتوار 6 جولائی کی شام تک لوئر اور اپر چترال کے مختلف علاقوں میں شدید گرمی کی لہر جاری رہیگی۔

اس دوران چترال ٹاؤن، آیون، دروش میں دنوں کے اوقات میں درجہ حرارت 36 سے 40 ڈگری سینٹی گریڈ، جبکہ راتوں کے اوقات میں 24 سے 18 ڈگری سینٹی گریڈ کے درمیان رہنے کا امکان ہے۔

مدک لشٹ میں اس دوران دنوں کے اوقات میں درجہ حرارت 27 سے 32 اور راتوں کے اوقات میں 18 سے 12 ڈگری سینٹی گریڈ کے درمیان رہنے کا امکان ہے۔

29/05/2025

*آج پھر بادل برسنے کے لئے تیار!*
Updated: Thursday, 29 May, 2025, 7:30 AM
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
آج جمعرات 29 مئی کی دوپہر سے پہلے پہلے تک مکمل طور پر ابرآلود ہونے کا امکان ہے۔

آج جمعرات 29 مئی کی دوپہر، بالخصوص آج جمعرات کی سہ پہر سے شام کے دوران اور آج جمعرات کی رات (Thunderstorms) کے ساتھ بارش کا امکان ہے۔

کل جمعہ 30 مئی کے دن بالخصوص کل جمعہ کی سہ پہر سے شام کے دوران بارش کا امکان ہے۔

ان دو دنوں کے دوران عام طور پر 20 ملی میٹر تک مزید بارشوں کا امکان ہے۔

اس دوران بعض مقامات ہر (Heavy Rain Showers + Hail) کے اچانک چانسز بھی پیدا ہونگے۔ جس کی مقدار اس 20 ملی میٹر کے علاوہ حساب ہوگی۔

*گرمی کی شدت معمول سے کم رہنے کا امکان:*
اگلے چند دنوں تک درجہ حرارت معمول سے قدرے کم رہیگا۔

17/05/2025

*اطلاع*
کل اتوار 18 مئی کی سہ سے شام کے دوران، کل اتوار کی رات مدک لشٹ سمیت اکثر مقامات پر اچانک بادل بننے اور غیر متوقع بارش کے چانسز پیدا ہوسکتے ہیں۔

پرسوں پیر 19 مئی کی سہ پہر سے شام کے دوران بھی اچانک بادل بننے اور غیر متوقع بارش کے چانسز پیدا ہوسکتے ہیں۔

غیر متوقع بارشوں میں ہوائیں چلنے سے بن برسے گزر بھی جاتے ہیں، یا ہلکی سے درمیانی بارشیں ہوسکتی ہیں۔ یا جم کر خوب بارش برساتی ہے۔ اس لئے اس کی شدت کے بارے میں ہم کچھ نہیں کہہ سکتے۔

*درجہ حرارت*
آج دروش میں زیادہ سے زیادہ درجہ حرارت 31 ڈگری سینٹی گریڈ، چترال ٹاؤن میں 27 ڈگری سینٹی گریڈ، جبکہ مدک لشٹ میں 20 ڈگری سینٹی گریڈ رہیگا۔

یاد رہے کہ 20 مئی سے گرمی کی شدت میں مزید اضافے کا امکان ہے۔ اس دوران کولڈ ڈرنکس پیئے ساتھ ساتھ دوسروں کو بھی پلائیں۔ تاکہ ہم سب ملکر گرمی کا مقابلہ کرسکے۔

19/04/2025

*موسم کی تازہ ترین صورتحال!*
Updated: Saturday, 19 April, 2025. 5:40 PM.
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
*سرسری جائزہ:*
آج ہفتہ 19اپریل کی شام سے اگلے دو دن کے دوران یعنی پیر 21 اپریل کی شام یا رات تک (Thunderstorms) کے ساتھ درمیانی اور تیز بارشوں کے مزید وقفے جاری رہینگے۔

🌦️ 🌧️ ⛈️ ☔ ⛈️ 🌧️ 🌦️

*تفصیلی جائزہ:*
آج ہفتہ 19 اپریل کی رات، کل اتوار 20 اپریل کے دن، کل اتوار کی رات اور پرسوں پیر 21 اپریل کے دن بارش کے ساتھ ساتھ برفباری کا بھی امکان ہے۔

*متوقع بارش اور برفباری:*
ان دو دنوں کے دوران 20 سے 25 ملی میٹر تک مزید بارشیں، جبکہ نیچے والے گاؤں سے اوپر کی جانب 1 سے 2 اور 2 سے 4 انچ تک برفباری کا امکان ہے۔

*درجہ حرارت:*
آج ہفتہ 19 اپریل کی شام سے 24 اپریل تک صبح، شام اور رات کے اوقات میں موسم کافی حد تک سرد رہنے کی توقع ہے۔

اس دوران دنوں کے اوقات میں زیادہ سے زیادہ درجہ حرارت (3) ڈگری سینٹی گریڈ جبکہ صبح سویرے، شام اور راتوں کے اوقات میں کم از کم درجہ حرارت (4-) ڈگری سینٹی گریڈ تک رہنے کی توقع ہے۔

17/04/2025

*موسم کی تازہ ترین صورتحال!*
Updated: Thursday, 17 April, 2025. 7:00 AM.
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
*آج کی بابت:*
آج جمعرات 17 اپریل کے دن صاف سے مطلع صاف، پھر مطلع ابرآلود اور پھر سہ پہر یا شام تک مکمل طور پر ابرآلود ہونے کا امکان ہے۔

*سرسری جائزہ:*
آج جمعرات 17 اپریل کی شام یا آج رات سے اگلے چار دن کے دوران یعنی پیر 21 اپریل کے دن تک (Thunderstorms) کے ساتھ درمیانی اور تیز بارشوں کے وقفے جاری رہینگے۔

🌦️ 🌧️ ⛈️ ☔ ⛈️ 🌧️ 🌦️

*تفصیلی جائزہ:*
آج جمعرات کی رات، کل جمعہ 18 اپریل، اور پرسوں ہفتہ 19 اپریل کے دن تیز بارش کے امکانات موجود ہیں۔

کل جمعہ 18 اپریل کی رات اور پرسوں جمعہ 19 اپریل کے دن ژالہ باری اور تیز ہوائیں بھی چلنے کا امکان ہے۔

جبکہ پرسوں ہفتہ 19 اپریل کی رات، اتوار 20 اپریل کے دن، اتوار کی رات اور پیر 21 اپریل کی صبح کے اوقات میں بارش کے ساتھ ساتھ ہلکی سے درمیانی برفباری کا بھی امکان ہے۔

*متوقع بارشوں کی مقدار:*
اس دوران 50 سے 60 ملی میٹر تک بارشیں، جبکہ 1 سے 3 انچ تک برفباری کا امکان ہے۔

*درجہ حرارت:*
ہفتہ 19 اپریل سے 24 اپریل تک صبح، شام اور رات کے اوقات میں موسم کافی حد تک سرد رہنے کی توقع ہے۔

01/04/2025

مدک لشٹ گزشتہ دو دنوں سے کہرا یعنی Haze کی زد میں
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
کل یعنی پیر 31 مارچ کی صبح سے آج 1 اپریل کے دن تک آسمان جو دھندلا نظر آرہا ہے اِس کو (کُہرا / Haze) کہتے ہیں۔

*کُہرا / Haze کیا ہوتا ہے۔*
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
کُہرا، ایک عام فضائی آلودگی کا رجحان، اس وقت بنتا ہے جب چھوٹے ذرات، جیسے دھول، دھواں، اور آلودگی، سورج کی روشنی کو بکھرتے اور جذب کرتے ہیں، مرئیت کو کم کرتے ہیں اور ایک دھندلا، زرد یا نیلے رنگ کا پردہ بناتے ہیں۔

کُہرا (Haze) بنیادی طور پر فضا میں ذرات (Particles) کی موجودگی کی وجہ سے ہوتا ہے۔ یہ ذرات ہوا سے اڑنے والی دھول، آگ سے نکلنے والا دھواں، یا سڑک کی دھول جیسے ذرائع سے براہ راست خارج ہو سکتے ہیں، یا جب گیسوں سے بننے والی آلودگی فضا میں رد عمل ظاہر کرتی ہے تو یہ بن سکتے ہیں۔

*سورج کی روشنی پر اثر*
جب سورج کی روشنی ان ذرات کا سامنا کرتی ہے، تو کچھ روشنی مختلف سمتوں میں بکھر جاتی ہے، اور کچھ ذرات کے ذریعے جذب ہو جاتی ہے۔ روشنی کا یہ بکھرنا اور جذب روشنی کی مقدار کو کم کر دیتا ہے جو دیکھنے والے تک پہنچتی ہے، جس کی وجہ سے مرئیت کم ہو جاتی ہے اور دھندلا سا ظاہر ہوتا ہے۔

*ذرات کی اقسام*
وہ ذرات جو کہرے (Haze) کا سبب بنتے ہیں وہ سائز، شکل اور کیمیائی ساخت میں بہت مختلف ہو سکتے ہیں اور مختلف قدرتی اور انسان ساختہ ذرائع سے آتے ہیں۔

*نمی Humidity کا Haze کی شدت میں اضافہ کرنے کا کردار*
نمی میں اضافے کے ساتھ ہی یہ ذرات اکثر سائز میں بڑھتے ہیں، جو مزید مرئیت کو متاثر کرتے ہیں۔

*شکل / صورت*
کہرا نیلے یا پیلے رنگ کے پردے کے طور پر ظاہر ہوتا ہے اس پر منحصر ہے کہ آیا پس منظر بالترتیب سیاہ ہے یا ہلکا۔

*کُہرے Haze کا صحت پر اثر:*
کہرا بینائی کو خراب کر سکتا ہے اور اگر ضرورت سے زیادہ سانس لیا جائے تو یہ سانس کی صحت کے لیے خطرہ بن سکتا ہے۔

26/03/2025

*موسم کی تازہ ترین صورتحال!*
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
*سرسری جائزہ*
آج بدھ 26 مارچ کی صبح سے اگلے تین دن کے دوران یعنی جمعہ 28 مارچ کی دوپہر یا شام تک درمیانی سے تیز شوخلپ کے وقفے جاری رہینگے۔
☁️🌨️ ☁️❄️ 🌨️ ☁️

*برفباری کی شدت میں اضافے کا امکان*
یاد رہے کہ آج بدھ 26 مارچ کی شام یا رات سے برفباری کی شدت میں مزید اضافے کا امکان ہے۔ جوکہ آج رات اور کل جمعرات 27 مارچ کے دن جاری رہیگا۔
🌨️❄️🌨️❄️

کل جمعرات کی رات درمیانی جبکہ پرسوں جمعہ 28 مارچ کے دن درمیانی سے ہلکی برفباری کے امکانات موجود ہیں۔ تاہم جمعہ 28 مارچ برفباری کا سلسلہ ختم ہونے اور ابرآلود سے مطلع صاف ہونے کا بھی امکان ہے۔

*متوقع برفباری*
ان سلسلے ميں ایک فٹ تک برفباری کا امکان ظاہر کیا جا رہا ہے۔
📏

*تیز، ہوائیں بھی چلنے کا امکان*
آج بدھ 26 مارچ کی رات اور کل جمعرات 27 مارچ کے دن تیز ہوائیں بھی چلنے کا امکان ہے۔
🌬️

05/01/2025

مدک لشٹ، لوئر چترال!
Sunday morning, 05.01.2025.

20/12/2024

*موسم کی تازہ ترین صورتحال!*
کل ہفتہ 21 دسمبر کی صبح سے اگلے تین دن کے دوران یعنی پیر 23 دسمبر کی دوپہر یا سہ پہر تک عام طور پر ابرآلود رہنے کا امکان ہے۔

سب سے زیادہ بادل کل ہفتہ 21 دسمبر کی رات، پرسوں اتوار 22 دسمبر کے دن اور پرسوں اتوار کی رات چھائے رہنے کا امکان ہے۔

اتوار 22 دسمبر کے دن بالائی پہاڑوں پر ہلکی بونداباندی کے کچھ امکانات بھی موجود ہیں۔

29 دسمبر تک (Locally)؛ ماسوائے بونداباندی شدید برفباری کا کوئی امکان نہیں ہے۔

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
یاد رہے کہ کل 21 دسمبر سال کا سب سے چھوٹا دن ہے۔ جس کی لمبائی 9 گھنٹے 44 منٹ ہے. پرسوں 22 دسمبر سے دن لمبے اور راتیں چھوٹے ہونا شروع ہونگے۔

> اگر آپ کو Madaklasht Daylength Calendar ضرورت ہے جو آپ کو ہر دن کی الگ تفصیل دکھائے۔ تو اس لنک سے ڈاون لوڈ کرکے اپنے پاس محفوظ کریں۔
https://muhammadyaradil.wordpress.com/pdf-docs
👇

🙋‍♂️ This is the PDF files download section of my blog. Different types of valuable custom edited PDF files are available here. No cost is charged. Scroll down the page and download your required o…

12/12/2024

*موسم کی تازہ ترین صورتحال!*
فی الحال 26 دسمبر تک ماسوائے بونداباندی؛ شدید برفباری کا کوئی امکان نہیں ہے۔
البتہ اس دوران بعض دنوں میں ہلکا ابرآلود رہنے کا امکان ہے۔

*سردی کی شدید لہر ختم ہونے کا امکان!*
شدید سردی کی یہ لہر کل جمعہ 13 دسمبر کی صبح تک ختم ہونے کا امکان ہے۔ اور کل جمعہ 13 دسمبر کے دن سے اگلے دس گیارہ دنوں کے دوران یعنی تقریباً 23 دسمبر تک درجہ حرارت کچھ حد تک بہتر پوزیشن پر رہیگا۔

> یعنی اگرچہ اس دوران پھر بھی سردی ہوگی تاہم اتنی زیادہ تیز نہیں ہوگی جتنی گزشتہ پانچ چھ دنوں سے تھی۔

اس دوران دنوں کے اوقات میں زیادہ سے زیادہ درجہ حرارت (0) ڈگری سینٹی گریڈ سے (2-) کے درمیان، جبکہ راتوں کے اوقات میں (10-) سے (12-) ڈگری سینٹی گریڈ کے درمیان رہنے کا امکان ہے۔

14/11/2024

بے بند، مڈک لشٹ: جمعرات، 14 نومبر 2024.
سال کی پہلی برفباری کا منظر.