Lower Chitral News LCN

23/12/2025

18/12/2025

چترال کے مشہور ستار نواز آفتاب عالم نے اج ٹاون ہال لوئر چترال میں منقعدہ خصوصی پروگرام سے خطاب کیا۔

اس موقع پر انہوں نے مخلوط موسیقی کے پروگراموں سے بائیکاٹ کا اعلان کرتے ہوئے خالص اور روایتی موسیقی کے
فروغ پر زور دیا۔

18/12/2025

16/12/2025

اپر اور لوئر چترال کے عدالتی ریکارڈ کی علیحدگی ایک تاریخی پیش رفت

معزز پشاور ہائی کورٹ ، پشاور کی ہدایات کی روشنی میں ایک اہم اور تاریخی پیش رفت عمل میں آئی ہے، جس کے تحت ضلع اپر چترال اور ضلع لوئر چترال کے عدالتی ریکارڈ کی علیحدگی سے متعلق دستاویز پر باقاعدہ طور پر دستخط مکمل کر لیے گئے ہیں۔ ڈسٹرکٹ اینڈ سیشن جج صاحبہ چترال لوئر نے اس موقع پر اللہ تعالی اور پشاور ہائی کورٹ پشاور کا شکریہ ادا کیا کہ ان کی طرف سے دی گئی تجویز کو معزز عدالت عالیہ نے منظوری دی اور یوں یہ دیرینہ اور نہایت اہم اصلاح چترال کی عدالتی و انتظامی تاریخ میں ایک نمایاں سنگ میل کی حیثیت رکھتی ہے۔ ماضی میں مقدمات کے فریقین اور عام شہریوں کو محض عدالتی ریکارڈ کے حصول کے لیے اپر چترال سے لوئر چترال اور لوئر چترال سے اپر چترال تک طویل، مشکل اور وقت طلب سفر کرنا پڑتا تھا، جس کے باعث شدید ذہنی، مالی اور جسمانی مشکلات کا سامنا کرنا پڑتا تھا۔ عدالتی ریکارڈ کی علیحدگی کے بعد یہ سہولت مقامی سطح پر دستیاب ہوگی، جس سے عوام الناس اور سائلین کو براہ راست ریلیف حاصل ہو گا۔

یہ اقدام معزز پشاور ہائی کورٹ ، پشاور کے سائلین دوست ، دور اندیش اور اصلاحاتی وژن کا عملی مظہر ہے ، جو دور دراز اور پسماندہ علاقوں میں انصاف تک رسائی کو آسان بنانے اور عدالتی نظام کو مؤثر بنانے کے لیے کوشاں ہے۔ اس اقدام سے نہ صرف عدالتی امور میں بہتری آئے گی بلکہ عوام کا عدالتی نظام پر اعتماد بھی مزید مضبوط ہو گا۔

شہناز حمید خٹک

ڈسٹرکٹ اینڈ سیشن جج چترال لوئر

16/12/2025

مقامی افراد کی فوری کوششیں قابلِ تحسین ہیں، جن کی بدولت ایک بڑے حادثے سے بچاؤ ممکن ہوا۔

مورخہ 16 دسمبر 2025 کو بوقت 17:00 بجے مسمی صلاح الدین ولد اسفندیار ساکن گرو بریر لوئر چترال کی دکان، واقع بریر میں شارٹ سرکٹ کے باعث اچانک آگ بھڑک اٹھی۔

اطلاع ملتے ہی مقامی افراد نے بروقت اور مؤثر کارروائی کرتے ہوئے آگ پر قابو پا لیا، جس کے نتیجے میں کسی قسم کے جانی نقصان کی اطلاع موصول نہیں ہوئی اور دکان میں موجود سامان کو بڑے نقصان سے محفوظ رکھا گیا۔

15/12/2025

مڈاکلشٹ میں آج رات ہونے والی برف باری کے بعد صبح کے وقت خوبصورت مناظر دیکھنے میں آئے۔

برف سے ڈھکی وادی کے دلکش مناظر کو محفوظ کرنے کے لیے صبح کے اوقات میں مختلف تصاویر لی گئیں، جو علاقے کی قدرتی خوبصورتی کی عکاسی کرتی ہیں۔

برف باری کے بعد موسم سرد مگر خوشگوار رہا اور ہر طرف سفیدی چھا گئی، جس سے مڈاکلشٹ کی خوبصورتی میں مزید اضافہ ہوا۔

11/12/2025

Professional Police District Lower Chitral Police Welldone. Keep the Good Work Up.

سوشل میڈیا پر وائرل ویڈیو کا نوٹس متعلقہ آفیسر کے خلاف انکوائری کا حکم

ڈسٹرکٹ پولیس آفیسر لوئر چترال رفعت اللہ خان (PSP) نے سوشل میڈیا پر وائرل ہونے والی ویڈیو کا نوٹس لیتے ہوئے ویڈیو میں دکھائی دینے والے پولیس آفیسر کو اپنے آفس میں بلاکر واقعے سے متعلق باقاعدہ انکوائری کرنے کا حکم جاری کر دیا ہے۔

ڈی۔پی۔او لوئر چترال رفعت اللہ خان کی خصوصی ہدایت پر واقعے کی مکمل، شفاف اور غیرجانبدارانہ تحقیقات عمل میں لائی جائیں گی۔ انکوائری رپورٹ موصول ہونے کے بعد قانون کے مطابق ضروری محکمانہ و انتظامی کاروائی کی جائے گی۔

لوئر چترال پولیس عوام کو یقین دلاتی ہے کہ پولیس فورس میں کسی قسم کی غیر ذمہ دارانہ یا غیر پیشہ ورانہ رویے کو برداشت نہیں کیا جائے گا اور قانون کی بالادستی کو ہر صورت یقینی بنائی جائے گی۔

10/12/2025

آیون پروفیشنل فارمرز کوآپریٹو آرگنائزیشن نے رجسٹریشن سرٹیفیکیٹ حاصل کر لیا۔

اس سلسلے میں ایک سادہ اور پُروقار تقریب کوآپریٹو آفس چترال میں منعقد ہوئی، جس میں ادارے کے آفیسران ڈی ڈی او/ڈسٹرکٹ آفیسر محراب غازی، اسسٹنٹ کوآپریٹو ڈیپارٹمنٹ ناصر احمد، سب انسپکٹر نوید احمد اور ایگری بزنس منیجر عبد الحمید شریک تھے۔

آیون پروفیشنل فارمرز کوآپریٹو آرگنائزیشن کے صدر عتیق احمد اور جنرل سیکرٹری محکم الدین نے رجسٹریشن سرٹیفیکیٹ حاصل کرنے کے موقع پر ادارے کے افسران کا شکریہ ادا کیا اور تنظیم کی مزید ترقی کے لیے مستقبل میں بھی رہنمائی فراہم کرنے کی درخواست کی۔

علاقہ آیون چترال بھر میں سبزیات کی سب سے زیادہ پیداوار رکھنے والا علاقہ ہے، جہاں جدید زرعی سہولیات کے ذریعے ایگری بزنس کو مزید ترقی دینے کے وسیع مواقع موجود ہیں۔

اسی تناظر میں آیون پروفیشنل فارمرز کوآپریٹو آرگنائزیشن کا قیام ایک اہم پیش رفت ہے، جس کے ذریعے زراعت سے وابستہ افراد نہ صرف زرعی فوائد حاصل کرسکیں گے بلکہ دیگر کاروباری مواقع بھی ان کے لیے ہموار ہوں گے۔

10/12/2025

چاؤماس (Chawmos) کالاش فیسٹیول 2025 | 09–22 دسمبر

کالاش کی وادیوں میں سرما کی آمد آگ کی روشنی، مقدس نغموں اور دنیا کی قدیم ترین زندہ تہذیبوں میں سے ایک کی دھڑکن کے ساتھ جاگنے والی ہے۔
چاؤماس (Chawmos) پاکیزگی، تجدید اور اس قوم کی روح کا جشن ہے جو صدیوں سے اپنی روایات کو وقار کے ساتھ نبھاتے آئے ہیں۔

ان برف سے ڈھکی بستیوں میں انسان ایک ان مٹ احساس محسوس کرتا ہے…
برادری کی گرمجوشی، آباؤ اجداد کی گہرائی، اور فطرت کے ساتھ ہم آہنگ ایک ثقافت کا حسن۔

اس دسمبر، اس دنیا میں قدم رکھیں جہاں رقص کہانیاں سناتے ہیں، گیت یادوں کی حفاظت کرتے ہیں، اور انسانیت دوبارہ مکمل محسوس ہوتی ہے۔

10/12/2025

لوئر چترال میں 50 پلے گراونڈز کی تعمیر اور کھیلوں کے فروغ کی جانب اہم پیش رفت - براڈم کرکٹ گراؤنڈ کا افتتاح

ضلعی انتظامیہ لوئر چترال نے نوجوانوں کے لیے صحت مند سرگرمیوں کے فروغ اور معیاری کھیلوں کی سہولیات کی فراہمی کے سلسلے میں ایک اور سنگ میل عبور کر لیا ہے۔ براڈم میں نئے کرکٹ گراؤنڈ کا باقاعدہ افتتاح کر دیا گیا ہے، جو ضلع بھر میں 50 پلے گراونڈز کی تعمیر و بحالی کے منصوبے کا حصہ ہے۔

افتتاح کے موقع پر ڈپٹی کمشنر لوئر چترال راؤ ہاشم عظیم نے بچوں کے ساتھ کھیل کر ان کی حوصلہ افزائی کی اور اس عزم کا اظہار کیا کہ نوجوانوں کی قابلیت کو نکھارنے اور انہیں مثبت سرگرمیوں کی طرف راغب کرنے کے لیے اقدامات جاری رہیں گے۔

انہوں نے کہا کہ کھیل نظم و ضبط، ٹیم ورک اور صحت مند طرزِ زندگی کے فروغ میں کلیدی کردار ادا کرتے ہیں۔
مقامی عمائدین اور کھلاڑیوں نے کرکٹ گراؤنڈ کے قیام کو خوش آئند قرار دیتے ہوئے ضلعی انتظامیہ کا شکریہ ادا کیا۔

10/12/2025

جامعہ چترال میں ایم فل اردو کا پہلا ڈیفنس، سلمان المنظم نے مقالہ کامیابی سے دفاع کیا

جامعہ چترال کے شعبہ اردو میں ایم فل اردو کے پہلے ڈیفنس کا کامیاب انعقاد کیا گیا، جس میں اسکالر سلمان المنظم نے اپنے تحقیقی مقالے بعنوان "چلتے ہو تو چین کو چلیے اور چیں بہ جبیں کا تقابلی جائزہ" کا کامیاب دفاع کیا۔

سلمان المنظم کا تحقیقی کام ڈاکٹر ندیم حسن (صدر شعبہ اردو) کی نگرانی میں مکمل ہوا جبکہ ڈاکٹر الطاف یوسف زئی، صدر شعبہ اردو جامعہ ہزارہ و ڈائریکٹر ہزارہ چیئر، نے بطور بیرونی ممتحن فرائض انجام دیئے۔ ڈاکٹر الطاف یوسف زئی نے مقالے کو سراہتے ہوئے اسے چین پاکستان تعلقات کے تناظر میں اہم تحقیقی کاوش قرار دیا۔

ڈیفنس کے موقع پر رجسٹرار جامعہ چترال ڈاکٹر صاحب خان، اساتذہ اور طلبہ بھی موجود تھے۔
صدر شعبہ اردو ڈاکٹر ندیم حسن نے اپنے خطاب میں کہا کہ ایم فل کا یہ پہلا ڈیفنس شعبہ اردو کے لیے سنگ میل کی حیثیت رکھتا ہے اور مستقبل میں اعلیٰ تحقیق کی نئی راہوں کو ہموار کرے گا۔ انہوں نے سلمان المنظم کو شاندار کامیابی پر مبارکباد بھی پیش کی۔

10/12/2025

ڈپٹی کمشنر لوئر چترال / ڈسٹرکٹ مجسٹریٹ راؤ ہاشم عظیم کی زیر صدارت کیلاش قبیلے کے مذہبی تہوار چاوموس کے سلسلے میں انتظامات کا جائزہ اجلاس ڈپٹی کمشنر آفس میں منعقد ہوا۔

اجلاس میں ضلعی انتظامیہ، پاک فوج، کے وی ڈی اے , متعلقہ محکموں کے افسران اور میڈیا کے نمائندوں نے شرکت کی۔ اجلاس میں فیسٹیول کی سیکیورٹی، سیاحوں کی سہولیات، ٹریفک و پارکنگ پلان، روڈ انفراسٹرکچر، پرائس مانیٹرنگ ڈیسک اور ٹورسٹ فیسلیٹیشن سینٹرز کے قیام سے متعلق انتظامات کا تفصیلی جائزہ لیا گیا۔

ڈپٹی کمشنر کو فیسٹیول کی تیاریوں پر تفصیلی بریفنگ دی گئی۔ انہوں نے متعلقہ اداروں کے افسران کو ہدایات کیں کہ سیاحوں کی رہنمائی اور سیکیورٹی کے لیے تمام انتظامات بروقت اور مؤثر انداز میں مکمل کیے جائیں۔

ڈپٹی کمشنر نے کہا کہ ضلعی انتظامیہ کیلاش کمیونٹی کی مذہبی روایات کا احترام کرتی ہے ۔چاوموس تہوار کے پُرامن انعقاد کو یقینی بنانے کے لیے ہر ممکن اقدامات اٹھاۓ جائنگے, تاکہ خطے میں سیاحت کے فروغ میں مدد مل سکے۔