Mohammad khan chandio

22/07/2026

🚨 ڪاڇي جي نوجوان نسل کي نشي کان بچايو! 🚨
قصبو شهر ۽ ان جي آس پاس وارن ڳوٺن ۾ مبينا طور تي نشي آور شين جي وڪري جون شڪايتون وڌي رهيون آهن، جنهن سبب اسان جي نوجوان نسل جو مستقبل تباهيءَ طرف وڃي رهيو آهي. افسوس سان چوڻو پوي ٿو ته اهڙي سنگين مسئلي تي لاڳاپيل ادارن جي خاموشي عوام لاءِ ڳڻتيءَ جو سبب بڻجي رهي آهي.
قصبو جي ايس ايڇ او صاحب کي عاجزانه اپيل آهي:
خدارا ڪاڇي جي عوام ۽ خاص طور تي نوجوان نسل تي رحم ڪيو. نشي آور شين جي وڪري خلاف فوري ۽ سخت ڪارروائي ڪئي وڃي، منشيات فروشن کي قانون جي گرفت ۾ آندو وڃي ۽ قصبو شهر توڙي ڀرپاسي وارن ڳوٺن کي هن لعنت کان پاڪ ڪيو وڃي.
اسان ڪنهن سان ذاتي دشمني نٿا رکون، پر پنهنجي نوجوان نسل جو مستقبل بچائڻ لاءِ آواز بلند ڪرڻ هر باشعور شهري جو فرض آهي.
📢 اچو ته گڏجي نشي خلاف آواز اٿاريون، پنهنجي نوجوانن ۽ پنهنجي معاشري کي بچايون.


#قصبو

20/07/2026

هي صرف ڪرمي جماعت جي هڪ بهادر هيرو جو ڪمال آهي، جنهن جي جرئت ۽ بيباڪي سبب مخالفن جا حوصلا پست ٿي ويا آهن.
استادِ محترم مفتي سرفراز احمد صاحب جي جرئت، بهادري ۽ حق گوئي کي سلام پيش ڪيون ٿا. الله پاڪ کين صحت، سلامتي، استقامت ۽ وڌيڪ همت عطا فرمائي، ۽ کين هميشه حق ۽ سچ جي خدمت جي توفيق نصيب فرمائي. آمين.

08/07/2026

محبوب مرشد دلبر سائين جي معاندن لاءِ ھڪ ضروري پيغام:
شينهن جڏهن قيد هوندا آهن، تڏهن گدڙ پاڻ کي جهنگ جو ڌڻي سمجھندا آھن پر اها رڳو سندن خام خيالي هوندي آهي، حقيقت ان جي برعڪس ھوندي آھي.
دلبر سائين پنهنجي غلامن کي ضبط ۽ صبر جو لغام ڏنو آهي، تنهنڪري ڪي پتڪڙا ۽ پتڪڙيون اهو سمجهي ويٺا آهن ته اڇي ڪاري جا والي وارث اسين آهيون. اها سندن وڏي ڀُل آهي. جنهن ڏينهن اجازت ملندي، اهو ڏينهن انھن لاءِ عبرتناڪ ثابت ٿيندو ان شاء الله
اسٽيجن تي عوام آڏو ڀڀڪيون هڻڻ، وڏيون وڏيون ڳالهيون ڪرڻ ۽ بي بنياد الزام لڳائڻ آسان آهي پر منھن مقابل ٿي دليلن سان ڳالهائڻ ٻي شيء آھي،جنهن ڏينهن تون روبرو ويهي گفتگو ڪندين ان ڏينهن تنھنجا ڪن ڪيٽا نه ڪيا ته مان مسند تدريس ڇڏي ڏيندس.
اسين توکي چڱيءَ ريت سڃاڻون ٿا، جيئن اوڏ گڏهه کي سڃاڻي. تنهنجي سڄي حيثيت رڳو اسٽيجي خطابت تائين محدود آهي، تون محض لنگھو خطيب آھين.
باقي دلبر سائين جو شان رب پاڪ وڌايو آھي سائين جن ڪنهن تعريف جا محتاج ناهن. ٻانهن جي ڪنگڻ کي آرسيءَ ۾ ڏسڻ جي ضرورت ناهي، ۽ سج جي روشني ڪڏهن به دليلن جي محتاج ناهي ھوندي.
جيڪڏهن چمڙي کي سج نظر نٿو اچي ته اهو سج جو نه، پر چمڙي جي اک جو قصور آهي.
دلبر سائين سنڌ سڳوريءَ لاءِ رب پاڪ جي هڪ عظيم سوغات آهن. پاڻ سنڌ جي ڪنڊ ڪڙڇ ۾ عشقِ رسول ﷺ، عشقِ الهي ۽ صحيح عقيدي جو وکر ورهايو آهي. ڪيترائي اهڙا ماڻهو، جيڪي گناهن جي اونداهين ۾ ڀٽڪيل هئا، الله وارن جي هڪ نظر فيض سان عبادت گذار بڻجي ويا. ڪيترائي بدعقيده ماڻهو صحيح عقيدي جي راهه تي اچي ويا، ڇو ته الله وارن جي نظرن ۾ اثر، سندن ڪلام ۾ شفا ۽ سندن صحبت ۾ هدايت رکيل هوندي آهي.
ٻيو ته ٺھيو صرف جيڪڏهن سندن تصنيفي خدمتن تي نظر وجهجي ته معلوم ٿيندو ته پاڻ سنڌ کي صدين تائين زنده رهڻ وارو علمي سامان عطا ڪيو اٿن، حقيقت ته اها آهي جو اڄ به تو جھڙا خطيبڙا دلبر سائين جا ڪتاب پڙهي پوءِ تقريرون ڪن ٿا، پر احسان مڃڻ بدران حسد جو شڪار بڻجن ٿا.
ڪنهن ڇا نه خوب چيو آهي:
اعراض المصنفين أغراض سهام ألسنة الحساد
ونفائس تصانيفِهم معرضة بأيديهم تنتهب فوائدها ثم ترميها بالكساد.
مصنفن جون عزتون حسد ڪندڙن جي زبانن جي تيرن جو نشانو بڻيل هونديون آهن، ۽ سندن قيمتي تصنيفون انهن ئي ماڻهن جي هٿن ۾ هونديون آهن، جيڪي انهن مان فائدو وٺي پوءِ ساڳين ڪتابن کي ردي ڪري اڇلائيندا آهن.

اي بينيمڪا ياد رک! تنهنجون ست ئي پيڙهيون گڏجي به ڪم ڪن سو دلبر سائين جي علمي خدمتن جي ڏهين حصي جي برابر به نه ڪري سگهنديون.
ذالک فضل الله يؤتيہ من يشاء
اهو ڏينهن هاڻي پري ناهي، ان شاءَ الله، جڏهن سڃاڻ ماڻهو دلبر سائين جي علمي، عملي، روحاني ۽ فڪري خدمتن تي اعليٰ تحقيقي مقالا لکندا، سندن فڪر ۽ علمي ورثي تي P.h.D جون ڊگريون حاصل ڪندا ۽ وقت پاڻ شاهدي ڏيندو ته دلبر سائين پنهنجي دور جا سيوطي هئا.
اھو بہ ياد رک پنهنجي ذهن مان اها خوش فهمي ڪڍي ڇڏ ته هر بي بنياد الزام هڻي تون ڦٻي ويندي، تنهنجن ڪرتوتن جا رڪارڊ اسان وٽ سڀ محفوظ آهن، ۽ توتي اڳ ئي کوڙ ساري اوڌر به رھيل آھي.
اسين به الله پاڪ کان دعا ٿا گهرون ته اهو ڏينهن جلد آڻي، جڏهن تنهنجا سڀ بي بنياد الزام تنهنجي ئي ٻوٿ تي ملي حق کي وائکو ۽ باطل جو منھن ڪارو ڪنداسين ان شاء الله.
سرفراز احمد ڪرمي .

03/07/2026

ڪارساز جي ڪمال ڪارسازي!

دلبر سائين جا دشمن نيٺ ظاهر ظهور خوار ٿيا!

هونئن ته اهو دستور آهي ته هر دور ۾ اهلِ حق، مومن، ﷲ وارن جي مخالفت ٿيندي آئي آهي، منافقن، دين جي دشمنن وسان نه گهٽايو، ۽ هر ممڪن ڪوشش ڪئي ته ﷲ وارن جو رستو روڪيون، پوءِ هنن ڪِريل کان ڪِريل حرڪتون به ڪيون، انهن ديندار بڻجي به مخالفت ڪئي، فرقو، طبقو، ويس ۽ ديس مٽائي به مخالفت ڪئي، ذات پات ۽ وڏي وات واڪا بہ ڪيائون، الزام تراشي ڪيائون، گلا غيبت، سازشون ڪيائون پر تاريخ جا ورق ورائي ڏسو ته انهن ﷲ وارن انهن مخالفن کي ورندي ۾ ڪو جواب ئي نه ڏنو، هُو پنهنجي خدمتِ دين ۾ جيئن جو تيئن مست ۽ مهو رهيا، پوءِ انهن مخالفن کي ﷲ پاڻ رسوا ڪيو، انهن سان ﷲ اعلان جنگ ڪيو، ۽ دنيا ڏٺو ته انهن مخالفن جو ڪارو منهن ٿيو ۽ رسوائي ۽ ذلت انهن جو مقدر بڻي، ۽ اڄ تائين به انهن مخالفن جو نالو نشان ئي ناهي، ۽ اڄ به جي چرچو ۽ ذڪرِ خير آهي ته اهو ﷲ وارن جو آهي،
سو اڄ دورِ حال تائين اهو خدمتِ دين جو سلسلو ۽ دستور نه ﷲ وارن ڇڏيو آهي ۽ نه وري اها مخالفت ۽ رستي روڪ واري پرَمـپَرا منافقن ۽ دين جي دشمنن ئي ڇڏي آهي،
اڄ به سلف صالحین جي رستي جو عامل ۽ راهي عالم با عمل صوفي با صفا، ڪتب ڪثير جو مصنف، حق جو علمبردار مٺي ماتلي جو سونهن ۽ سرواڻ پير دلبر سائين مدني آهي،
دلبر سائين مدني جي خلاف به مخالفن ڇا ڇا نه ڪيو؟
علمي ميدان ۾ دلبرسائين جي رستي روڪ ڪيائون پر دلبر سائين ڪتاب لکي انهن جو اهو رستو مراڳي بند ڪري ڇڏيو،
دلبر سائين پاڻ مٿان ٿيندڙ هر اعتراض جو جواب قرآن و سنت منجهان ڪتاب جي شڪل ۾ هر عام و خاص لاءِ عام ڪري ڇڏيو،
علم جي ميدان ۾ شڪست کانپوءِ مخالف وري سيڪنڊ اسٽيج تي ڪِري ڪَري، بَرسَرِ ممبر، ڀَريي مجمعي ۾ دلبرسائين کي ماءُ پيءُ تي ڪچيون ۽ ڪريل گارين ڏيڻ تي لهي پيا،
اهي گاريون ڪو جاهل ڄٽ به ڏيڻ وقت ٿورو سوچيندو پر ساڙ ۽ حسد ۾ سڙي خاڪ ٿيل اهي وڏي نالي وڏي لقبن وارا علامہ ۽ مولانا ۽ مفتي ڪوٺبا هيا، تن پنهنجي مقام جو، چهري تي سونھاريء جو، مٿي تي دستار جو، بزرگن جي نسبت جو خيال به نه ڪيو ۽ گهٽياپن جو مظاهرو ڪري گاريون ڏيڻ لڳا، ماڻهن کي روڪڻ لڳا ته دلبرسائين ڏي نه وڃو، پر مخالف ايسيتائين به خاموش نه ٿيا، ۽ دلبر سائين کي ذات جو طعنو هڻن لڳا، جيڪا اخلاقن، شرعاً، ۽ قانونن جرم ۽ ڪريل حرڪت آهي،
ان حد تائين به انهن جو سينو ساڙ ۾ ٺريو ته نه پر الٽو ٽامي وانگر تپي ويو، ۽ هنن سوشل ميڊيا تي به اهو مشغلو نه ڇڏيو ۽ فيس بڪ، واٽس ايپ، يوٽيوب تائين دلبر سائين جي مخالفت ۽ گار گند جاري رکندا آيا جڏهن پاڻ ٿڪجي پيا ته پنهنجي ڊرائيور کي چيائون ته فيڪ اڪائونٽ ٺاهي اهو ڪم ڪر،
وري دل نه ڀري تہ پنهنجي مدرسي جي شاگردن کي پنهنجي کيسي مان پيسا ڀري ٽچ موبائيل وٺي ڏنائون ته بابا دلبر سائين کي ويهي گاريون ڏي ۽ مخالفت ۾ پوسٽون رک، پوءِ انهن مان هر هڪ 10،10 فيڪ اڪائونٽ ٺاهي ورتا، هڪ اڪائونٽ تان پوسٽ ڪندا ۽ باقي 9 اڪائونٽ مان اتي پاڻ ئي ڪمينٽس ڪندا هئا ته
"ها يار سهي ٿا چئو" 😜
"سچ لکيو اٿئي "وغيره.....
ايتري حد تائين مخالفت جي باوجود سلام آهي دلبر سائين کي جنهن هڪ لفظ به ورندي ۾ نه چيو،
پاڻ ته ڪو جواب نه ڏنائون پر سڄي جماعت کي سختي سان منع ڪيائون ته ڪير به انهن مخالفن کي جواب نه ڏئي....
ان برداشت ۽ تحمل کي سلام...
ان برداشت لاءِ جگر جيرو کپي...
وڏي دل کپي.....!

پر پنهنجي عنوان تي اچان...
دلـــــبر سائين هميشه پنهنجو هر معاملو ﷲ جي سپرد ڪندا آهن،
تہ انهن مخالفن دلبر سائين سان گڏ ٻن ٻين بزرگن جي به مخالفت ڪرڻ لڳا فيس بڪ تي فيڪ اڪائونٽ ٺاهي ڪري،
ڇو جو هو ويچارا حڪم جا پابند هيا جو حڪم ملندو هين اها پوسٽ رکندا هئا،
ڳالھ کٽائڻي، پوليس انهن فيڪ اڪائونٽن کي ٽريس ڪيو، ۽ همراهن تائين پهتي، همراه سوگها ٿيا، ۽ ان رڪارڊ به بيان ڀرايائون ۽ دستاويز تي لکت ۾ لکرائي ڏنائون، ۽ پنهنجي مالڪن جا نالا به ورتائون ته اسان کي فلاڻي فلاڻي علامه ۽ مفتي قابل احترام حڪم فرمايو ته اوهان هنن بزرگن خلاف پوسٽون رکو،
۽ انھن مجرمن، بزرگن کان ۽ انهن جي جماعت کان معافي جي درخواست ڪئي آهي،
اهي وڊيو ۽ لکت، بيان سڀ سوشل ميڊيا تي ڪلھ کان موجود آهن،
يقينن ھنن مجرمن جا مالڪ بيان ڏيندا ته اسان جو انهن سان ڪو تعلق ئي ناهي ۽ هنن خلاف ڪا سازش آهي 😜،
پر هنن جا پردي پٺيان چھرا هاڻ بي نقاب ٿي ويا آهن،
ڇا اهي مفتي اهي مولانا دين جو درس ڏيندين ٺهن ٿا؟
اهي ڀري مجموعي اندر تقرير ڪندي ٺهن ٿا؟
بس ﷲ انھن کي هدايت ڏي.....

بيشڪ ﷲ وڏو مددگار آهي، وڏو ڪارساز آهي،
ﷲ پنهنجي ولين جي مخالفن کي ايئن به رسوا ۽ خوار ڪندو آهي،

سو پٽ سٺو پڄيوَ ته ﷲ وارن جي خدمت ڪيو انهن مان فائدو وٺو، پر جي صحبت ۾ نه ٿا وڃو ته گهٽ ۾ گهٽ انهن بزرگن سان بغض ته نه رکو، انهن جي مخالفت ته نه ڪيو،
ان ۾ نقصان بزرگن جو ناهي، نقصان وري به مخالفت ڪرڻ وارن جو آهي،

پنهنجي پوسٽ جو اختتام حضرت خواجہ سائين محمد قاسم المشوري رحمت الله عليه جي هن قول مبارڪ سان ڪيان ٿو ته!

پاڻ فرمائيندا هئا ته ڪو ماڻهو اگر آسمان تان ڪِرِي پوي ته ممڪن آهي اهو بچي سگهي ٿو پر جيڪو ﷲ وارن جو مخالف آهي اهو ﷲ جي غضب کان نہ ٿو بچي سگهي نه ٿو بچي سگهي!

زڪريا الڪرمي
والسلام 🙏
منتظر امير البحر

02/07/2026

مولوي صاحب!
ھاڻي ويھي تون مدرسي لاءِ چندو ڪر ۽ پنھنجو پيٽ ڀر
ھن مرد مجاھد جو مقابلو ڪرڻ تنھنجو وس ناھي .
ھن مرد مجاھد پنھنجي احسن طريقي، حسن خلق سان ھر فرد جي قلب جي اندر محبت جو سلو پوکيو آهي .
🥰😍
ڪريم رب منھنجي رھبر کي سدا سلامت رکي

26/06/2026

25/06/2026

تبليغي سفر
اڄ جو پھريون پروگرام
علڻ الکاڻي جي اوطاق تي

[محفل ذڪر شھداء ڪربلا]
[خصوصي خطاب]
[حضرت علامه محمد خان ڪرمي]

25/06/2026

دعوت محبت
ارد گرد جا دوست ضرور شرڪت ڪندا 🙏🙏

23/06/2026

صورت ته ڏسو، ڇا ته نوراني چهرا آهن، ڇا ته خوبصورت منظر آهي!
ڪڏهن ڪڏهن ڪجهه منظر اهڙا هوندا آهن جيڪي لفظن ۾ بيان نٿا ٿي سگهن. جڏهن اکين اڳيان نوراني چهرا، محبت ڀريون مسڪراهٽون ۽ اخلاص سان ڀريل محفلون نظر اچن ٿيون ته دل بي اختيار خوشي سان ڀرجي وڃي ٿي. اهڙيون شخصيتون پنهنجي اخلاق، محبت، خدمت ۽ نرم مزاجي جي ڪري ماڻهن جي دلين ۾ جاءِ ٺاهينديون آهن.
افسوس جو ڪجهه ماڻهو بنا سوچ ويچار جي رڳو مخالفت کي پنهنجو مشغلو بڻائي ويهندا آهن. جيڪڏهن اختلاف آهي ته اهو دليل ۽ ادب سان هئڻ گهرجي، پر هر سٺي ڪم ۾ عيب ڳولڻ ۽ هر وقت تنقيد ڪرڻ انصاف جو طريقو ناهي. انسان کي ڪنهن جي باري ۾ راءِ قائم ڪرڻ کان اڳ سندس ڪردار، اخلاق، خدمت ۽ ماڻهن سان حسنِ سلوڪ کي به ڏسڻ گهرجي.
اڙي مخالفو! هڪ ڀيرو تعصب جون عينڪون لاهي انصاف جي نظر سان به ڏسو. انهن چهرن جي نورانيت ڏسو، ماڻهن جي دلين ۾ موجود محبت ڏسو، سندن خدمت جا ڪارناما ڏسو. هر وقت مخالفت ڪرڻ سان حقيقتون تبديل ناهن ٿينديون. سج کي آڱر سان لڪائڻ جي ڪوشش ته ڪري سگهجي ٿي، پر سج جي روشني کي ختم نٿو ڪري سگهجي.
دنيا ۾ عزت، محبت ۽ قبوليت زبردستي حاصل نٿي ٿئي، بلڪه اخلاص، خدمت، حسنِ اخلاق ۽ ماڻهن جي ڀلائي سان ملي ٿي. جيڪي شخصيتون ماڻهن جي دلين ۾ گهر ڪري وڃن ٿيون، تن جي خلاف ڪيل بي بنياد ڳالهيون به سندن مقام کي گهٽائي نٿيون سگهن.
الله پاڪ اسان سڀني کي انصاف واري سوچ، سٺي اخلاق ۽ هڪ ٻئي جي عزت ڪرڻ جي توفيق عطا فرمائي، ۽ اسان جي دلين کي حسد، بغض ۽ بيجا مخالفت کان پاڪ فرمائي. آمين يا رب العالمين. 🌹🌹🌹

محمد خان ڪرمي