07/09/2026
دادو يومِ دفاع تي ڊيـفینڈرس آف پاڪستان آرگنائيزيشن جي پروقار تقريب، شهيدن ۽ غازين کي زبردست ڀيٽا
دادو:(بيورورپورٽ:) 6 سيپٽمبر يومِ دفاعِ پاڪستان جي موقعي تي ڊيـفینڈرس آف پاڪستان آرگنائيزيشن ضلع دادو پاران دادو جي مقامي شادي حال ۾ پروقار تقريب ڪوٺائي وئي تقريب ۾ پاڪ فوج جي بي مثال قربانين، بهادري ۽ وطن جي دفاع لاءِ شهيدن ۽ غازين جي لازوال خدمتن کي ڀرپور خراجِ تحسين پيش ڪيو ويو تقريب ۾ ڊي پي او حيدرآباد ڊويزن جي وائيس چيئرمين عرفان علي چانڊيو مهمانِ خاص طور شرڪت ڪئي، پروگرام جي شروعات تلاوتِ ڪلام پاڪ سان ڪئي وئي، جنهن کانپوءِ قومي ترانو پيش ڪيو ويو ۽ شرڪت ڪندڙ احترام طور بيهي قومي ترانو ٻڌو حيدرآباد کان ڪھي آيل مهمانِ خاص عرفان علي چانڊيو کي سنڌ جي ثقافتي سوکڙي اجرڪ، سنڌي ٽوپي ۽ گلن جا هار پارائي شاندار آجيان ڪئي وئي تقريب کي خطاب ڪندي ڊويزنل وائيس چيئرمين عرفان علي چانڊيو چيو ته 6 سيپٽمبر 1965ع پاڪستان جي تاريخ جو عظيم ۽ يادگار ڏينهن آهي، جڏهن پوري قوم پنهنجي بهادر هٿياربند فوجن سان گڏجي دشمن جا ناپاڪ ارادا ناڪام بڻايا مقررين چيو ته شهيدن جو رت ۽ غازين جي بهادري قوم لاءِ هميشه مشعلِ راهه رهندي، پاڪستاني قوم ملڪ جي سلامتي، خودمختياري ۽ استحڪام لاءِ پنهنجي هٿياربند فوجن سان هر ڏکي گهڙي ۾ متحد بيٺل آهي تقريب جي پڄاڻي تي پاڪستان جي سلامتي، استحڪام، ترقي ۽ خوشحالي لاءِ خصوصي دعا ڪئي وئي، جڏهن ته شهيدن کي زبردست خراجِ عقيدت پيش ڪيو ويو ۽ نون چونڊيل عهديدارن ۾ نوٽيفڪيشن پڻ ورهايا ويا تقريب ۾ ضلعي چيئرمين منير احمد ملاح، سينيئر وائيس چيئرمين منظور حسين مستوئي، وائيس چيئرمين احسان علي ملاح، چيف آرگنائيزر محمد يوسف ملاح، آرگنائيزر علي بخش گوپانگ، جنرل سيڪريٽري عديل احمد منگي، ڊپٽي جنرل سيڪريٽري مشتاق احمد ملاح، جوائنٽ سيڪريٽري شهباز علي خاصخيلي، پريس سيڪريٽري حاڪم علي منگي، فنانس سيڪريٽري اسدالله چانڊيو، آفيس سيڪريٽري امتياز علي ملاح، ڊائريڪٽر ڪمپليٽ سيل سجاد علي سولنگي سميت ٻين عهديدارن ۽ شهرين وڏي انگ ۾ شرڪت ڪئي.
