06/06/2026
موقف برائے مذمت: سینٹ مارکس چرچ (ڈسکا) میں پیش آنے والا افسوسناک واقعہ
نہایت افسوس اور گہری تشویش کے ساتھ یہ بات ریکارڈ پر لائی جا رہی ہے کہ ڈسکا کے تاریخی سینٹ مارکس چرچ میں چرچ کی حدود اور تقدس کی سرعام بے حرمتی کا ایک انتہائی ناپسندیدہ واقعہ پیش آیا ہے۔ چرچ کے انتظامی عہدیدار، ڈی ایس پادری عارف نظام دین نے اپنے ذاتی مفادات اور ذاتیات کو آگے رکھتے ہوئے، مقامی مسیحی برادری (کلیسیا) کو چرچ کی حدود میں داخل ہونے اور عبادت کرنے سے روکنے کے لیے اپنے پالتو کتے کو چرچ کے اندر کھلا چھوڑ دیا ہے۔ یہ اقدام نہ صرف چرچ کے تقدس کی کھلی خلاف ورزی ہے بلکہ اس کا مقصد خوف و ہراس پھیلا کر پُرامن شہریوں کو ان کے بنیادی مذہبی حقِ عبادت سے محروم کرنا ہے۔ اپنے ہی لوگوں کے خلاف اس قسم کا رویہ اور گنڈا گردی سراسر کلیسیا کے حقوق پر ڈاکہ اور سراسر زیادتی ہے۔ ہم چرچ کی حدود میں ہونے والی اس بے حرمتی اور انتظامی غنڈہ گردی کی سخت ترین الفاظ میں مذمت کرتے ہیں اور اسے کسی بھی صورت منظور نہیں کیا جائے گا۔ انتظامیہ کے اس غیر اخلاقی اور غیر قانونی عمل کے خلاف فوری اور سخت نوٹس لینے کا مطالبہ کیا جاتا ہے۔
