Sahotra Tv

05/08/2026

*

*پاکستان مائناریٹیز موومنٹ* (Pakistan Minorities Movement) کی جانب سے بیروزگار نوجوانوں اور ملازمت کے خواہشمند افراد کے لیے ایک بہت بڑا *ملازمت کا میلہ یا جاب ایکسپو 2026* منعقد کیا جا رہا ہے۔ یہ شاندار موقع پاکستان *مائناریٹیز موومنٹ* کے بانی و چیئرمین *پیٹر چارلس سہوترا (Peter Charles Sahotra)* کے ویژن/ تحریک کا نتیجہ ہے, جن کا مقصد اقلیتی برادری اور باصلاحیت افراد کو قومی و بین الاقوامی سطح پر ملازمت کے بہترین مواقع فراہم کر کے بااختیار اور خوشحال بنانا ہے۔
*ایونٹ کی تفصیلات اور وقت*
*تاریخ و روز* :16 اگست 2026 (اتوار)
*وقت* : دوپہر 12:00 بجے سے شام 6:00 بجے تک
*مقام* :ایوانِ اکبری،
بالمقابل فیروز پور روڈ میٹرو اسٹیشن نمبر 23
(قریب پاک عرب ہاؤسنگ سکیم)، لاہور۔
*انٹری (داخلہ):* تمام افراد کے لیے بالکل مفت (Free Entry)
ہے.
اور ہر مذہب و مکتبہِ فِکّر سے تعلق رکھنے والے افراد کو خوش آمدید کہا جاتا ہے۔
*کون سے شعبہ جات کی کمپنیاں شرکت کر رہی ہیں؟۔*
*اس ملازمت میلہ یا جاب ایکسپو میں ملک کے نامور ادارے اور مختلف شعبوں کے نمائندے بذاتِ خود موجود ہوں گے جو آپ کی صلاحیت، قابلیت اور ضرورت کے مطابق موقع پر ہی آپ کا جاب انٹرویو لیں گے* ۔
جن شعبوں کے نمائندے شامل ہوں گے، درج ذیل ہیں:
1. *بینکنگ اور مالیاتی ادارے* (Banks & Financial Institutions)
2 ۔ *مینوفیکچرنگ انڈسٹریز* (Manufacturing Industries)۔
3. *آئی ٹی اور سافٹ ویئر کمپنیاں*
(IT & Software Companies)
4. *ریستوران اور ہاسپیٹلٹی* (Restaurants & Hospitality)
5. *ہسپتال اور ہیلتھ کیئر* (Hospitals & Healthcare)
6. ریٹیل اسٹورز
(Retail Stores)
7. کال سینٹرز اور بی پی اوز (Call Centers & BPOs)
8. *کارپوریٹ و دیگر بین الاقوامی کمپنیاں اور شعبہ جات*
(Corporate Organization Companies)
*امیدواروں کے لیے اہم ہدایات:*
*اپنی سی وی* (CV/Resume) کی کُچھ پرنٹ شُدہ کاپیاں اپنے ساتھ لازمی لائیں۔
مناسب اور پروفیشنل لباس زیب تن کر کے آئیں۔
براہِ راست مختلف کمپنیوں کے مالکان اور نمائندوں سے ملیں۔
موقع پر ہی اپنی درخواست جمع کروائیں اور انٹرویو دیں۔
کیریئر کے نئے اور بہترین مواقع تلاش کریں۔
چرچ لیڈرز اور پاسبانوں سے خصوصی درخواست:
پاکستان مائناریٹیز موومنٹ کی جانب سے تمام معزز چرچ لیڈرز، پاسبانوں اور برادری کے رہنماؤں سے پرخلوص التماس ہے کہ وہ اپنے کلیسیائی اجتماعات اور چرچز میں اس جاب میلہ یا نمائش کا اعلان کریں۔ نوجوانوں، گریجویٹس، ہنر مندوں، خواتین اور روزگار کی تلاش میں تمام افراد کو اس ایونٹ میں شرکت کی دعوت دیں تاکہ روزگار کے ذریعے ہماری برادری معاشی طور پر مستحکم، باوقار اور خود کفیل ہو سکے۔
*رابطہ اور معلومات:*
*فون / واٹس ایپ:* 0711107-0307
*ویب سائٹ:* www.pmmovement.org
*ای میل* : [email protected]
*سوشل میڈیا* : Facebook, YouTube, Instagram
خیر اندیش۔
پاکستان مائناریٹیز موومنٹ

04/08/2026

پیٹرول کی قیمت میں 3 روپے 39 پیسے فی لیٹر جبکہ ہائی اسپیڈ ڈیزل کی قیمت میں 4 روپے 7 پیسے فی لیٹر کمی کی گئی ہے۔ذرائع

04/08/2026

Barking news

30/07/2026

پیغام ویلفیئر فاؤنڈیشن روزگار اسکیم کی 36 ویں اسکیم کے تحت ہیئر سیلون دوکان کا افتتاح کیا گیا ،
پروگرام کے مہمان خصوصی سعید احمد مغل نے اپنے دست مبارک سے افتتاح کیا،
افتتاح تقریب میں پیغام ویلفیئر فاؤنڈیشن کے مجلس عاملہ کے چئیرمن حاجی سلیم یونس چیمہ ، چئیرمن حاجی یاسین جنجوعہ، صدر شاھد محمود بٹ، وائس چیئرمین عشرت حسین انصاری، عبدلروف گھمن، نعیم اشرف مغل، بھی اس تقریب میں شرکت کی،
دوکان کے افتتاح کے بعد مہمان خصوصی سعید مغل نے فلاحی ادارے “ینگسٹر ایجوکیشن ویلفیئر سوسائٹی” کے دفتر کا افتتاح بھی کیا گیا، دونوں افتتاحی تقریبات کو پر وقار اور جوش و خروش سے منعقد ہوئی۔
تقریب کے مہمانِ خصوصی سعید احمد مغل نے اپنے دستِ مبارک سے اس منصوبے کا افتتاح کیا۔ اس موقع پر پیغام ویلفیئر فاؤنڈیشن کی معزز ٹیم اور مجلس عاملہ کے چیئرمین حاجی سلیم یونس چیمہ صاحب بھی موجود تھے، جنہوں نے نوجوانوں کی فلاح و بہبود اور معاشرتی ترقی کے لیے اس اقدام کو نہایت اہم قرار دیا۔
تقریب سے خطاب کرتے ہوئے مقررین نے اس عزم کا اظہار کیا کہ قوم کی حقیقی ترقی تعلیم، ہنر اور باعزت روزگار سے وابستہ ہے۔ نوجوانوں کو صرف مالی مدد فراہم کرنا کافی نہیں بلکہ انہیں مستقل ذریعۂ معاش، تربیت اور مثبت رہنمائی فراہم کرنا وقت کی اہم ضرورت ہے۔ اسی سوچ کے تحت یہ منصوبہ نوجوانوں کو عملی طور پر اپنے پاؤں پر کھڑا ہونے کے مواقع فراہم کرے گا۔
ہم پیغام ویلفیئر فاونڈیشن تمام ذمہ داران، مہمانِ خصوصی سعید احمد مغل، چیئرمین مجلس عاملہ حاجی سلیم یونس چیمہ ، معزز مہمانوں، کارکنان اور تمام شرکائے تقریب کے بے حد شکر گزار ہیں جنہوں نے اپنی موجودگی سے اس تقریب کو یادگار بنایا۔

29/07/2026

پولیس کے لیے ڈیجیٹل کرائم پلان اور عوام کے لیے ڈیجیٹل ڈائیٹ پلان
فورس سے سروس تک: 30 روزہ عملی منصوبہ

پاکستان کی تقریباً 60 فیصد آبادی نوجوانوں پر مشتمل ہے، اس لیے جدید دور میں انصاف کی بروقت فراہمی، شفاف پولیسنگ اور عوامی اعتماد کی بحالی کے لیے نوجوان نسل، خصوصاً جنریشن زی (Gen Z)، کو انتظامی عمل کا مثبت حصہ بنانا وقت کی اہم ضرورت ہے۔

اس مقصد کے لیے ایک 30 روزہ، 5 نکاتی عملی منصوبہ پیش کیا گیا ہے، جس کا بنیادی ہدف محکمہ پولیس کو "فورس" سے "سروس" اور حقیقی معنوں میں عوامی خدمت کا ادارہ بنانا ہے۔

منصوبے کے مطابق سب سے پہلے پولیس کے تمام اہم اعدادوشمار، جیسے ایف آئی آر سے چالان تک کا دورانیہ، مقدمات کے فیصلے، سزا و بریت کی شرح اور عوامی شکایات کے ازالے کا وقت، ہر ضلع کی ویب سائٹ پر شفاف انداز میں دستیاب ہوں تاکہ عوام کا اعتماد بحال ہو۔

دوسرا نکتہ پولیس اہلکاروں کی فلاح و بہبود سے متعلق ہے، جس میں 8 گھنٹے ڈیوٹی، ہفتہ وار چھٹی، ذہنی صحت کے لیے ماہر نفسیات کی تعیناتی اور تنخواہوں کے بہتر نظام کی تجاویز شامل ہیں تاکہ اہلکار بہتر انداز میں فرائض انجام دے سکیں۔

تیسرے مرحلے میں ترقی، پوسٹنگ اور احتساب کو مکمل میرٹ، جدید تفتیش، فرانزک، عوامی فیڈبیک، باڈی کیمروں، سائیکالوجیکل اور نارکو ٹیسٹ سے مشروط کرنے کی سفارش کی گئی ہے تاکہ ایماندار اور باصلاحیت افسران آگے آئیں۔

چوتھے نکتے میں پولیس اور جامعات کے اشتراک سے "پولیس ہیکاتھون" کے انعقاد کی تجویز دی گئی ہے، جس میں طلبہ گمشدہ افراد کی تلاش، سائبر فراڈ کی روک تھام، عوامی سہولت، شفافیت اور جیل مینجمنٹ جیسے مسائل کے لیے جدید ڈیجیٹل حل تیار کریں گے۔

پانچواں نکتہ عوام اور پولیس کے درمیان براہِ راست مکالمے پر مشتمل ہے، جس کے تحت ہر ماہ سی پی او، ڈی پی او یا سی سی پی او عوام سے لائیو سیشن کریں، جبکہ ہر تھانے میں QR کوڈ کے ذریعے شہری اپنی شکایات اور ریٹنگ درج کرا سکیں۔

اس منصوبے کی خاص بات یہ ہے کہ اسے بغیر اضافی بجٹ نافذ کیا جا سکتا ہے، جبکہ موجودہ وسائل کو بہتر انداز میں استعمال کرکے پولیس کی اخلاقی، قانونی اور تکنیکی صلاحیتوں میں اضافہ ممکن ہے۔

اس کے ساتھ عوام کے لیے "ڈیجیٹل ڈائیٹ پلان" بھی تجویز کیا گیا ہے، جس کے تحت شہری غیر ضروری اور منفی سوشل میڈیا مواد سے اجتناب کریں، مثبت سرگرمیوں کو فروغ دیں، افواہوں کے بجائے حقائق کو شیئر کریں اور روزانہ چند منٹ اپنے ضلع کی پولیس کی کارکردگی کا جائزہ لیں۔

مصنف کے مطابق یہ تجاویز 23 سالہ عملی پولیس تجربے کی روشنی میں پیش کی گئی ہیں۔ مقصد تنقید نہیں بلکہ آئینِ پاکستان 1973ء کے مطابق بروقت، شفاف اور بلاامتیاز انصاف کی فراہمی کو یقینی بنانا اور پولیس و عوام کے درمیان اعتماد کو مضبوط کرنا ہے۔

پاکستان ہمیشہ زندہ باد

27/07/2026

25/07/2026

پاکستان میں اہم ترین تقرری کر دی گئی

وزیراعظم نے چیف آف جنرل سٹاف لیفٹیننٹ جنرل عامررضا کو فور اسٹار جنرل کے عہدے پر ترقی دے دی

لیفٹیننٹ جنرل عامررضاکو کمانڈرنیشنل اسٹریٹجک کمانڈ مقرر کر دیا گیا ہے وہ عہدے میں فیلڈ مارشل سید عاصم منیر کے بعد اہم ترین جنرل ہوں گے

جنرل عامر رضا سنیارٹی میں آٹھویں نمبر پر موجود تھے اس وقت چیف آف جنرل سٹاف کے طور پر کام کر رہے ہیں جبکہ ان سے سات سنیر جنرل تھے حالیہ آئینی عہدوں کے بعد کمانڈر نیشنل کمانڈ کا عہدہ پاکستان میں انتہائی اہمیت کا حامل سمجھا جا رہا ہے اور لوگوں کو اس فور سٹار عہدے پر تقرری کا کافی وقت سے انتظار تھا

24/07/2026

ماریا شہباز کیس: نظرثانی درخواست پر وفاقی آئینی عدالت میں سماعت، فریقین کو نوٹس جاری
لاہور: ماریا شہباز کیس میں دائر نظرثانی درخواست کی سماعت آج وفاقی شرعی عدالت (فل کورٹ، ڈبل بینچ) کے روبرو ہوئی۔
دورانِ سماعت معزز عدالت نے درخواست کو سماعت کے لیے منظور کرتے ہوئے متعلقہ فریقین کو نوٹس جاری کر دیے۔ جن فریقین کو نوٹس جاری کیے گئے ان میں اٹارنی جنرل پاکستان، ایڈووکیٹ جنرل پنجاب، ماریا شہباز اور ان کے مبینہ شوہر شامل ہیں تاکہ وہ آئندہ سماعت پر اپنا مؤقف عدالت کے سامنے پیش کر سکیں۔
درخواست گزار کے مطابق یہ مقدمہ نہ صرف ماریا شہباز کے بنیادی حقوق بلکہ جبری مذہب تبدیلی، جبری شادی اور مذہبی آزادی جیسے اہم آئینی اور قانونی نکات سے بھی متعلق ہے، جن پر عدالت کی رہنمائی انتہائی اہمیت کی حامل ہے۔
درخواست گزار کے وکلاء نے اس امید کا اظہار کیا کہ معزز عدالت تمام فریقین کو سننے کے بعد قانون، انصاف اور آئین کے تقاضوں کے مطابق فیصلہ صادر کرے گی تاکہ انصاف کے تقاضے پورے ہوں اور بنیادی انسانی حقوق کا مؤثر تحفظ یقینی بنایا جا سکے۔ اس موقع پر چوہدری صفدر صاحب اور میری جیمز گل صاحبہ صاحب کا ایم پی اے اور میڈم سپنا کیتھرین اور عاشر سرفراز صاحب سی ٹی ایس کی طرف سے اظہار یکجہتی کے لیے لاہور سے تشریف لائیں ہم ان تمام دوستوں کی جدوجہد کو خراج تحسین پیش کرتے ہیں .دعا گو. شہزاد سہوترا. مرکزی صدر مسیحی تحریک بیداری پاکستان

21/07/2026

سلسلہ نقشبندیہ اویسیہ تنظیم الااخوان ضلع سیالکوٹ کا ماہانہ ذکر قلبی اجتماع و تربیتی ورکشاپ دارالعرفان ڈسکہ مرکز میں منعقد کی گئی۔

آل پاکستان میں گوجرانوالہ ڈویژن شعبہ نشرواشاعت کو پہلی پوزیشن حاصل کرنے ہر ایوارڈ سے نوازا گیا۔ضلع بھر کے عہدے داران و سالکین کی بھرپور شرکت، خواتین نے بھی کثیر تعداد میں شرکت کی۔

سلسلہ نقشبندیہ اویسیہ تنظیم الاخوان کا ماہانہ ذکر قلبی اجتماع و تربیتی ورکشاپ دارالعرفان ڈسکہ مرکز میں منعقد کی گئی۔
شیخ سلسلہ امیر عبدالقدیر اعوان سربراہ تنظیم الاخوان پاکستان نے سالکین سے ویڈیو لنک خطاب کیا ، ڈویژنل صدر عبدالحمید چھینہ ایڈووکیٹ نے ساتھیوں کو طریقہ ذکر سکھایا، اور سالکین کی روحانی تربیت کی۔ ضلعی جنرل سیکرٹری عارف رفیق نے سٹیج سیکرٹری کےفرائض سرانجام دینے۔ذمہ داران نے اپنے اپنے شعبے میں تربیتی حلقوں میں بنیادی نقاط بارے آگاہی دی۔ سیکرٹری انفرمیشن تنظیم الاخوان ضلع سیالکوٹ ڈاکٹر محمد ندیم ملک، سیکرٹری انفرمیشن تحصیل ڈسکہ وقاص ریاض کو شعبہ نشرواشاعت میں آل پاکستان تنظیم الاخوان کو گوجرانوالہ ڈویژن میں پہلی پوزیشن حاصل کرنے پر مبارکباد دی گئی اور ایوارڈز سے نوازا گیا۔آخر میں ملکی ترقی و سلامتی کے لیے دعائیں کی گئیں..اور ساتھیوں کی لنگر سے تواضع کی گئی۔۔

21/07/2026

انجمن خدمت خلق رجسٹرڈ ڈسکہ کا ماہانہ(766 واں)اجلاس زیر صدارت میاں سعید احمد صراف صدر بمقام آفس زچہ بچہ ہسپتال پسرور روڈ ڈسکہ منعقد ہوا۔ اجلاس کا آغاز تلاوت قرآن پا ک سے ہوا جسکی سعادت حاجی عبد الرحمان بہگل نے حاصل کی۔ نعت رسول ِ مقبول ﷺ کی سعادت انوار احمد سیال نے حاصل کی۔جنرل سیکرٹری محمد انور مغل کی موجودگی میں جائنٹ سیکرٹری حاجی ضرار احمد خاں نے گزشتہ ماہانہ جلاس ماہ مئی 2026 کی کاروائی پیش کی، جسکی متفقہ طور پر توثیق کر دی گئی۔ فنانس سیکرٹری انوار احمد سیال نے فنانس رپورٹ میں آمدن و اخراجات ماہ مئی 2026 کا گوشوارہ پیش کیا، بعداز بحث جسکی منظوری دے دی گئی۔سیکرٹری نشرو اشاعت سہیل سلمان ٹھروہی نے اپنی رپورٹ میں گزشتہ ماہانہ اجلاس کی شائع شدہ خبریں پڑھ کر سنائیں۔زچہ بچہ ہسپتال کی تزئین و آرائش مثلا رنگ و روغن وغیرہ کا کام مکمل ہونے پر ممبران نے صدر اور جنرل سیکرٹری کو مبارد باد پیش کی۔صدر میاں سعید احمد صراف نے بتایا کے سارے رنگ و روغن کا خرچہ کسی ڈونر نے ادا کیا ہے اس میں ادارے کے فنڈ سے کوئی خرچہ نہیں کیا گیا۔جس ممبران نے خوشی کا اظہار کیا۔ڈسکہ کے سینئر صحافی ڈاکٹر امین رضا کے والد کی وفات پر ان کی مغفرت اور بلند درجات کے لئے دعا کی گئی۔شہر میں جاری ترقیاتی کاموں کی جلد تکمیل کے لئے انتظامیہ سے اپیل کی گئی۔میزبا ن اجلاس محمد محمود الحسنین کی تواضع اور مولانا محمد ایوب خا ں کی دعائے خیر کے بعد اجلاس اپنے احتتام کو پہنچا۔
سیکرٹری نشرو اشاعت سہیل سلمان ٹھروہی