11/05/2026
ڈیرہ غازیخان کے سرکاری ہسپتالوں میں غریب عوام علاج کی امید لے کر آتی ہے، مگر افسوس کہ جہاں مریض اور ان کے لواحقین گھنٹوں انتظار کرتے ہیں وہاں شدید گرمی میں نہ مناسب پنکھے ہیں نہ ٹھنڈک کا انتظام۔ دوسری طرف کچھ مخصوص جگہوں پر مکمل سہولت موجود ہے۔
ہمیں کسی فرد سے نہیں بلکہ اس نظام سے شکوہ ہے جہاں بیمار، بزرگ، عورتیں اور بچے گرمی میں پریشان کھڑے رہتے ہیں۔ ہسپتال صرف عمارت کا نام نہیں، انسانیت کی خدمت کا نام ہے۔ اگر انتظار کرنے والے مریضوں کے لیے وٹنگ ایریا میں پنکھے، اے سی اور صاف پانی جیسی بنیادی سہولتیں فراہم کر دی جائیں تو یہ عوام کے لیے بہت بڑا ریلیف ہوگا۔
ہم حکومتِ پنجاب، ضلعی انتظامیہ اور ہسپتال انتظامیہ سے اپیل کرتے ہیں کہ خدارا سرکاری ہسپتالوں میں مریضوں اور ان کے ساتھ آنے والے غریب لوگوں کے لیے بھی وہی سہولتیں دی جائیں جن کے وہ حق دار ہیں۔ عوام تکلیف میں ہے، ان کی آواز سنی جائے اور فوری اقدامات کیے جائیں.
