AwazeDikhan

AwazeDikhan This page is all media

ڈیرہ، مسافر گاڑیوں میں زائد کرایہ، اوورلوڈنگ اور ٹکٹ جاری نہ کرنے پر کارروائی جاریڈیرہ اسماعیل خان: سیکرٹری ریجنل ٹرانسپ...
13/09/2026

ڈیرہ، مسافر گاڑیوں میں زائد کرایہ، اوورلوڈنگ اور ٹکٹ جاری نہ کرنے پر کارروائی جاری

ڈیرہ اسماعیل خان: سیکرٹری ریجنل ٹرانسپورٹ اتھارٹی (RTA) ڈیرہ اسماعیل خان کی ہدایت پر ڈویژن کے مختلف بس اڈوں اور مسافر گاڑیوں کے خلاف مانیٹرنگ ٹیموں کی مؤثر انفورسمنٹ کارروائیاں جاری ہیں۔

مانیٹرنگ ٹیموں کی جانب سے مختلف روٹس پر گاڑیوں اور بس اڈوں کی چیکنگ کے دوران مسافروں کو ٹکٹ جاری نہ کرنے، مقررہ کرایے سے زائد وصولی، اوورلوڈنگ، اوورسیٹنگ، گاڑیوں کے غیر فعال ایئر کنڈیشنرز، بنیادی سفری سہولیات کی عدم فراہمی اور منظور شدہ Fare Rate List آویزاں نہ کرنے سمیت دیگر خلاف ورزیوں کا جائزہ لیا جا رہا ہے۔

سیکرٹری RTA نے مانیٹرنگ ٹیموں کو ہدایت کی ہے کہ مسافروں کے حقوق کے تحفظ، مقررہ کرایوں کے نفاذ اور محفوظ و باوقار سفری سہولیات کی فراہمی کے لیے چیکنگ کا عمل مزید مؤثر بنایا جائے۔

انہوں نے واضح کیا کہ زائد کرایہ وصولی، اوورلوڈنگ، اوورسیٹنگ، ٹکٹ جاری نہ کرنا اور منظور شدہ کرایہ نامے پر عملدرآمد نہ کرنے کی خلاف ورزیوں کو کسی صورت برداشت نہیں کیا جائے گا، جبکہ خلاف ورزی کے مرتکب ٹرانسپورٹرز کے خلاف قانون کے مطابق کارروائی جاری رکھی جائے گی۔

*ضلع ڈیرہ اسماعیل خان پولیس* *پریس ریلیز* مورخہ :2026-09-12 *ایس ایچ او کینٹ کی کامیاب کاروائی ڈکیتی کی کوشش ناکام...
13/09/2026

*ضلع ڈیرہ اسماعیل خان پولیس*
*پریس ریلیز*
مورخہ :2026-09-12
*ایس ایچ او کینٹ کی کامیاب کاروائی ڈکیتی کی کوشش ناکام 1 ڈکیت پولیس مقابلے میں زخمی حالت میں گرفتار*
♦️ڈسٹرکٹ پولیس آفیسر ڈیرہ ضیاءالدین احمد کی ہدایت پر زیر قیادت ڈی ایس پی سٹی صغیر شاہ گیلانی ہمراہ ایس ایچ او کینٹ عبدالغفار خان کی کامیاب کاروائی مریالی کے قریب موسی ٹاؤن میں ڈکیتی کی کوشش ناکام مشہور زمانہ ڈکیت غلام ولد محمد حفیظ قوم کنیرا سکنہ ملنگ آباد کورائی اور ملزم حبیب اللہ ولد عبدالرحمن سکنہ مریالی جو کہ ڈکیتی کی غرض سے موسی ٹاؤن میں موجود تھے کہ پارٹی پولیس کو دیکھتے ہی فائرنگ شروع کردی پارٹی پولیس نے بحق حفاظت خود اختیاری کے تحت جوابی فائر کیے جس کے نتیجے میں ملزم غلام ولد محمد حفیظ ٹانگ میں لگ کر زخمی ہوا جبکہ دوسرا ڈکیت رات کی تاریکی کا فائدہ اٹھاتے ہوئے بھاگ نکلا۔ زخمی ڈکیت کو بغرض علاج معالجہ ہسپتال لے جایا گیا۔زخمی ڈکیت کے قبضے سے 1 عدد پسٹل اور 1 عدد ہنڈ گرنیڈ برآمد۔
زخمی ڈکیت جو کہ تھانہ کینٹ اور تھانہ صدر پولیس کو مطلوب تھا
مقدمہ نمبر 946 سال 2026جرم 392ppc تھانہ کینٹ
مقدمہ نمبر 140 سال 2026 جرم 392ppc تھانہ شورکوٹ
*ڈی پی او ڈیرہ نے ایس ایچ او کینٹ اور پارٹی پولیس کو بہترین اور بر موقع کاروائی کرنے پر ویلڈن اور شاباش*
*ترجمان ڈیرہ اسماعیل خان پولیس*

*ضلع ڈیرہ اسماعیل خان پولیس* *پریس ریلیز*مورخہ :2026-09-12*ڈی پی او ڈیرہ کا پنیالہ سرکل کے تھانہ جات کا دورہ*♦️ڈسٹ...
12/09/2026

*ضلع ڈیرہ اسماعیل خان پولیس*
*پریس ریلیز*
مورخہ :2026-09-12
*ڈی پی او ڈیرہ کا پنیالہ سرکل کے تھانہ جات کا دورہ*

♦️ڈسٹرکٹ پولیس آفیسر ڈیرہ ضیاءالدین احمد کا پنیالہ سرکل کا دورہ۔ اس دوران ڈی پی او ڈیرہ نے تھانہ گلوٹی اور تھانہ پنیالہ کا تفصیلی معائنہ کیا۔ اس موقع پر ایس ایچ او پنیالہ آفتاب عالم بلوچ اور ایس ایچ او گلوٹی عاشق الٰہی نے ڈی پی او ڈیرہ کو علاقے میں امن و امان کی مجموعی صورتحال سے متعلق تفصیلی بریفنگ دی۔
اس دوران ڈی پی او ڈیرہ نے متعلقہ تھانوں کے سیکیورٹی انتظامات کا جائزہ لیا اور مختلف رجسٹرڈ ریکارڈ کا معائنہ کیا۔ انہوں نے متعلقہ حکام کو ریکارڈ کی درست دیکھ بھال اور سیکیورٹی معیار کو بہتر بنانے کی ہدایات جاری کیں۔
اخر میں ڈی پی او ڈیرہ نے کہا کہ موجودہ حالات کے پیش نظر تمام اہلکار مکمل چوکنہ اور الرٹ رہیں اور کسی بھی ناخوشگوار صورتحال سے فوری اور مؤثر انداز میں نمٹنے کے لیے ہر وقت تیار رہیں۔ انہوں نے واضح کیا کہ شہریوں کی جان، مال اور عزت کا تحفظ پولیس کی اولین ذمہ داری اور ترجیح ہے، اور اس مقصد کے حصول کے لیے کسی بھی سطح پر غفلت یا لاپرواہی برداشت نہیں کی جائے گی۔
*ترجمان ڈیرہ اسماعیل خان پولیس*

*پولیس جوان ہمارے ہیروز ہیں، ان کی حفاظت، عزت اور ویلفیئر اولین ترجیح ہے: آر پی او ڈیرہ**حالات جیسے بھی ہوں، دلیری سے جی...
11/09/2026

*پولیس جوان ہمارے ہیروز ہیں، ان کی حفاظت، عزت اور ویلفیئر اولین ترجیح ہے: آر پی او ڈیرہ*

*حالات جیسے بھی ہوں، دلیری سے جینا اور سماج دشمن عناصر کے خلاف ڈٹ کر کھڑا ہونا ہے، آر پی او غلام مبشر میکن*

*پولیس دربار میں افسران و جوانوں کے مسائل سنے گئے، فوری حل کے احکامات جاری*

ڈیرہ اسماعیل خان: اعجاز شہید پولیس لائنز ڈیرہ اسماعیل خان میں ریجنل پولیس آفیسر ڈیرہ غلام مبشر میکن کی زیرِ قیادت پولیس دربار کا انعقاد کیا گیا۔ پولیس لائنز آمد پر پولیس کے چاق و چوبند دستے نے آر پی او ڈیرہ کو سلامی پیش کی، جبکہ آر پی او نے یادگارِ شہداء پولیس پر حاضری دی، سلامی پیش کی اور شہداء پولیس کے درجاتِ بلندی کے لیے دعا کی۔

بعد از سلامی پولیس دربار کا آغاز کیا گیا،پولیس دربار میں ڈی پی او ڈیرہ ضیاءالدین احمد، ایس پی سیکیورٹی، ایس پی ایف آر پی، ایس پیز ہیڈکوارٹرز، سی ٹی ڈی، صدر، پہاڑپور، ایس ڈی پی اوز، ایس ایچ اوز، پولیس افسران و جوانوں اور لیڈی کانسٹیبلان نے شرکت کی۔

دربار سے خطاب کرتے ہوئے آر پی او ڈیرہ غلام مبشر میکن نے کہا کہ دنیا میں خیر و شر، اچھائی اور برائی ہمیشہ سے موجود رہے ہیں، تاہم اچھائی ہمیشہ قائم رہتی ہے۔ بحیثیت مسلمان اور ذمہ دار شہری ہمیں چھوٹی سے چھوٹی نیکی کو بھی معمولی نہیں سمجھنا چاہیے اور ہر حال میں اچھائی کا راستہ اختیار کرنا چاہیے۔

انہوں نے کہا کہ بطور پولیس آفیسر میرا سب سے پسندیدہ رینک کانسٹیبل کا ہے، کیونکہ آپ ہی ہمارے اصل ہیروز ہیں۔ پولیس افسران اپنے ماتحت اہلکاروں کے ساتھ خلوص، عزت اور شفقت کا رویہ اپنائیں اور ان کی ویلفیئر کا خصوصی خیال رکھیں۔

آر پی او نے کہا کہ پولیس جوانوں کی حفاظت اور ویلفیئر ان کی اولین ترجیح ہے۔ کسی جوان کا جانی نقصان میرے لیے انتہائی تکلیف دہ لمحہ ہوتا ہے، اس لیے تمام افسران و جوان اپنی حفاظت کو اولین ترجیح دیں اور فرائض کی انجام دہی کے دوران حفاظتی اقدامات پر خصوصی توجہ دیں۔

انہوں نے بتایا کہ پولیس اہلکاروں کے مسائل کے فوری حل کے لیے آر پی او آفس اور ڈی پی او آفس میں ہر ہفتے اردلی رومز کا انعقاد کیا جا رہا ہے، جہاں اہلکار براہِ راست اپنے مسائل پیش کر سکتے ہیں اور ان کے حل کے لیے موقع پر احکامات جاری کیے جاتے ہیں۔

اس موقع پر پولیس افسران و جوانوں نے فرداً فرداً اپنے مسائل سے آر پی او ڈیرہ کو آگاہ کیا، جس پر آر پی او نے متعدد مسائل کے موقع پر ہی حل کے احکامات جاری کیے۔

اختتام پر آر پی او غلام مبشر میکن نے جوانوں کے حوصلے بلند کرتے ہوئے کہا کہ حالات جیسے بھی ہوں، آپ نے دلیری سے جینا ہے، اپنے ذہن پر قابو رکھتے ہوئے خود کو مضبوط بنانا ہے۔ دلیری سے دفاع مضبوط ہوتا ہے اور سماج دشمن عناصر پولیس کی بہادری سے پسپا ہوتے ہیں۔

انہوں نے پولیس جوانوں پر زور دیا کہ وہ مشکل حالات میں اپنے ساتھی کو کبھی اکیلا نہ چھوڑیں، ہمیشہ ایک دوسرے کے ساتھ وفاداری اور یکجہتی کا مظاہرہ کریں اور اپنی پیشہ ورانہ ذمہ داریوں کو فرض شناسی سے ادا کریں۔

آر پی او ڈیرہ نے واضح کیا کرپشن پر کوئی کمپرومائز نہیں کیا جائے گا اور عوام الناس کے ساتھ کسی قسم کی زیادتی برداشت نہیں کی جائے گی۔ مظلوم عوام کو انصاف کی فراہمی، شہریوں کے ساتھ عزت و احترام اور قانون کے مطابق فوری داد رسی پولیس کی بنیادی ذمہ داری ہے۔

*ضلع ڈیرہ اسماعیل خان پولیس* *پریس ریلیز* مورخہ :2026-09-07*ایس ایچ او پہاڑپور کی کامیاب کاروائی دوران سنیپ چیکنگ...
07/09/2026

*ضلع ڈیرہ اسماعیل خان پولیس*
*پریس ریلیز*
مورخہ :2026-09-07
*ایس ایچ او پہاڑپور کی کامیاب کاروائی دوران سنیپ چیکنگ 1 عدد پسٹل اور چرس برآمد ملزم گرفتار*
♦️ڈسٹرکٹ پولیس آفیسر ڈیرہ ضیاءالدین احمد کی ہدایت پر زیر نگرانی ایس پی پہاڑپور ڈویژن اقبال خان بلوچ زیر قیادت ڈی ایس پی پہاڑپور پرویز شاہ ہمراہ ایس ایچ او پہاڑپور کیڈٹ ظفر عباس کی دروان سنیپ چیکنگ کامیاب ملزم کامران عرف کیمری ولد محمد رمضان قوم کمبہار سکنہ وانڈہ نرکانی کو حسب ضابطہ گرفتار کیا جنکے کے قبضے سے 1 عدد پسٹل 30 بور اور 1179 گرام چرس برآمد ملزم کے خلاف مقدمہ درج رجسٹر کر کے پابند سلاسل کیا جبکہ مزید تفتیش جاری ہے۔
ڈی ایس پی پہاڑپور کا کہنا ہے کہ منشیات کی روک تھام کے خلاف کاروائیاں بلاتفریق جاری رہیں گی۔
*ترجمان ڈیرہ اسماعیل خان پولیس*

‏علی امین گنڈاپور کا ہزاروں کنال اراضی فروخت کرنے کا دعوی‏قومی احتساب بیورو میں جمع کرائی گئی ریونیو دستاویز کے مطابق 5...
06/09/2026

‏علی امین گنڈاپور کا ہزاروں کنال اراضی فروخت کرنے کا دعوی
‏قومی احتساب بیورو میں جمع کرائی گئی ریونیو دستاویز کے مطابق 5 ہزار کنال سے زائد اراضی فروخت کی گئی
محمد فہیم سینئر صحافی

آن لائن ٹریڈنگ کے جھانسے نے ایک اور گھر اجاڑ دیا، نوجوان زندگی سے ہاتھ دھو بیٹھاڈیرہ اسماعیل خان: سوشل میڈیا پر آن لائن ...
05/09/2026

آن لائن ٹریڈنگ کے جھانسے نے ایک اور گھر اجاڑ دیا، نوجوان زندگی سے ہاتھ دھو بیٹھا

ڈیرہ اسماعیل خان: سوشل میڈیا پر آن لائن ٹریڈنگ اور آن لائن کاروبار کے ذریعے چند دنوں میں لاکھوں اور کروڑوں روپے کمانے کے دعوے نوجوانوں کے لیے خطرناک رجحان بنتے جا رہے ہیں۔ یوٹیوب، فیس بک اور دیگر سوشل میڈیا پلیٹ فارمز پر بعض افراد کی جانب سے ٹریڈنگ کو انتہائی آسان اور فوری دولت کمانے کا ذریعہ بنا کر پیش کیا جاتا ہے، جس سے متاثر ہو کر کئی نوجوان اپنی جمع پونجی اور بعض اوقات گھر والوں کی رقم بھی داؤ پر لگا دیتے ہیں۔

ذرائع کے مطابق ڈیرہ اسماعیل خان کے محلہ چاہ پیپل والا کے رہائشی محمد خان مروت کے بیٹے عمران مروت بھی آن لائن ٹریڈنگ سے متعلق مالی نقصان کے بعد انتہائی افسوسناک صورتحال سے دوچار ہوئے اور انتقال کر گئے۔

شہریوں کا کہنا ہے کہ سوشل میڈیا پر دولت مند بننے کے خواب دکھانے والوں کے دعووں کی حقیقت جانچنے کی ضرورت ہے، کیونکہ آن لائن ٹریڈنگ میں منافع کے ساتھ بھاری مالی نقصان کا خطرہ بھی موجود ہوتا ہے۔ خصوصاً نوجوانوں کو چاہیے کہ سوشل میڈیا پر کسی شخص کے دعوے یا کامیابی کی ویڈیو دیکھ کر اپنی جمع پونجی سرمایہ کاری میں لگانے سے قبل مکمل تحقیق اور ماہرین سے مشورہ ضرور کریں۔

عوامی حلقوں نے مطالبہ کیا ہے کہ متعلقہ ادارے ایسے سوشل میڈیا اکاؤنٹس اور پلیٹ فارمز کا جائزہ لیں جو غیر حقیقی منافع، فوری دولت یا یقینی کامیابی کی ترغیب دے کر لوگوں کو سرمایہ کاری پر آمادہ کرتے ہیں، تاکہ مزید نوجوان مالی نقصان اور ذہنی دباؤ کا شکار ہونے سے محفوظ رہ سکیں

إِنَّا لِلّٰهِ وَإِنَّا إِلَيْهِ رَاجِعُونَآج ہمارے نہایت محترم و شفیق استادِ گرامی قاری عبد اللطیف صاحب رحمہ اللہ اس دن...
03/09/2026

إِنَّا لِلّٰهِ وَإِنَّا إِلَيْهِ رَاجِعُونَ

آج ہمارے نہایت محترم و شفیق استادِ گرامی قاری عبد اللطیف صاحب رحمہ اللہ اس دنیا سے رخصت ہوگئے۔ دل اس خبر کو ماننے کے لیے تیار نہیں، آنکھیں اشک بار ہیں اور دل غم سے بوجھل ہے۔

قاری صاحب نے اپنی پوری زندگی اللہ تعالیٰ کے کلام، قرآنِ مجید کی تعلیم و تدریس میں گزار دی۔ نہ جانے کتنے بچوں اور طالب علموں نے ان کے سامنے قرآنِ پاک پڑھا، کتنے دلوں میں کلامِ الٰہی کی محبت پیدا ہوئی، اور کتنی زبانیں ان کی محنت سے قرآن کی تلاوت سے آشنا ہوئیں۔

وہ صرف ہمارے استاد نہیں تھے، بلکہ ہمارے لیے شفقت، محبت اور قرآن سے وابستگی کا ایک روشن باب تھے۔ آج ان کی آواز، ان کا اندازِ تدریس اور قرآنِ کریم پڑھانے کا وہ خوبصورت انداز بہت یاد آ رہا ہے۔

استاد چلے جاتے ہیں، مگر ان کا پڑھایا ہوا قرآن باقی رہتا ہے۔
ان شاء اللہ جب تک ان کے شاگرد قرآن پڑھتے اور آگے پڑھاتے رہیں گے، ان کے لیے اجر و ثواب کا سلسلہ جاری رہے گا۔ یہی ایک ایسے استاد کے لیے سب سے خوبصورت صدقۂ جاریہ ہے۔

اللہ تعالیٰ قاری عبد اللطیف صاحب رحمہ اللہ کی تمام دینی خدمات کو شرفِ قبول عطا فرمائے، ان کی قبر کو نور سے بھر دے، قرآنِ مجید کو ان کا شفیع بنائے، جنت الفردوس میں اعلیٰ مقام عطا فرمائے اور تمام پسماندگان، شاگردوں اور متعلقین کو صبرِ جمیل عطا فرمائے۔

اے اللہ! ہمارے استاد کی محنت کو اپنی بارگاہ میں قبول فرما اور ہمیں ان کے نقشِ قدم پر چلتے ہوئے قرآن سے وابستہ رہنے کی توفیق عطا فرما۔ آمین یا رب العالمین۔

*ضلع ڈیرہ اسماعیل خان پولیس**پریس ریلیز*مورخہ: 2026-09-03*پہاڑپور میں امن جرگہ و کھلی کچہری کا انعقاد، ڈی پی او ڈیرہ اور...
03/09/2026

*ضلع ڈیرہ اسماعیل خان پولیس*
*پریس ریلیز*
مورخہ: 2026-09-03

*پہاڑپور میں امن جرگہ و کھلی کچہری کا انعقاد، ڈی پی او ڈیرہ اور ڈپٹی کمشنر ڈیرہ کی شرکت*

♦️ضلعی انتظامیہ ڈیرہ اسماعیل خان کی جانب سے عوامی مسائل کے حل اور امن و امان کے قیام کے لیے پہاڑپور ڈویژن میں امن جرگہ و کھلی کچہری کا انعقاد۔ جس میں ڈسٹرکٹ پولیس آفیسر ڈیرہ ضیاءالدین احمد اور ڈپٹی کمشنر ڈیرہ حکمت اللہ خان نے خصوصی شرکت کی۔
اس موقع پر ایس پی پہاڑپور اقبال خان بلوچ، اے سی پہاڑپور، ڈی ایس پی پہاڑپور پرویز شاہ، ڈی ایس پی پنیالہ سردار عالمگیر خان، تاجران، معززین علاقہ، صحافیوں اور شہریوں نے شرکت کی۔
شرکاء نے اپنے مسائل اور امن و امان سے متعلق تجاویز پیش کیں۔ ڈی پی او ڈیرہ نے مسائل کو بغور سنتے ہوئے متعدد مسائل کے حل کے لیے موقع پر ہی متعلقہ افسران کو ضروری احکامات جاری کیے۔
ڈی پی او ڈیرہ نے کہا کہ عوام کے مسائل کا بروقت حل، جان و مال کا تحفظ اور امن و امان کا قیام ڈیرہ پولیس کی اولین ترجیح ہے۔

*ترجمان ضلع ڈیرہ اسماعیل خان پولیس*

Address

گلی باغ والی ڈیرہ اسماعیل خان
Dera Ismail Khan
0966

Telephone

+923437652220

Website

Alerts

Be the first to know and let us send you an email when AwazeDikhan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to AwazeDikhan:

Shortcuts

Share

Category