Inqilab News

31/08/2026

سٹی ٹو کے نوجوانوں کے روشن مستقبل کی جانب اہم قدم، مردانہ و زنانہ ڈگری کالج ترپلی ڈھوتر اڈا کا افتتاح
ڈیرہ اسماعیل خان: سابق وزیرِ اعلیٰ خیبر پختونخوا سردار علی امین خان گنڈاپور نے مردانہ و زنانہ ڈگری کالج ترپلی ڈھوتر اڈا کا افتتاح کر دیا۔ افتتاحی تقریب میں سیاسی و سماجی شخصیت ملک پرویز آف کیچ نے سیکڑوں گاڑیوں پر مشتمل ایک بڑے قافلے کے ہمراہ شرکت کرکے تقریب کو بھرپور عوامی رنگ دے دیا۔
اس موقع پر ملک پرویز اور کلیم اللہ خان بلوچ نے میڈیا سے گفتگو کرتے ہوئے کہا کہ مردانہ و زنانہ ڈگری کالج کا قیام سٹی ٹو کے نوجوانوں کے لیے تعلیم کے میدان میں ایک تاریخی اور خوش آئند پیش رفت ہے۔ اس منصوبے سے علاقے کے طلبہ و طالبات کو اعلیٰ تعلیم کے حصول کے لیے دور دراز علاقوں کا رخ کرنے کے بجائے اپنے علاقے میں ہی بہتر تعلیمی سہولیات میسر آئیں گی۔
انہوں نے کہا کہ جدید تعلیمی ادارے کا قیام نوجوان نسل کی تعلیمی ضروریات پوری کرنے، انہیں آگے بڑھنے کے مواقع فراہم کرنے اور علاقے کی مجموعی ترقی میں اہم کردار ادا کرے گا۔
اہلِ علاقہ نے کالج کے قیام اور افتتاح پر سابق وزیرِ اعلیٰ سردار علی امین خان گنڈاپور کا شکریہ ادا کرتے ہوئے اس منصوبے کو سٹی ٹو کے نوجوانوں کے روشن مستقبل کے لیے ایک یادگار تحفہ قرار دیا۔

28/08/2026

ڈیرہ اسماعیل خان: GHSS یارک کے پرنسپل کی مبینہ طویل غیر حاضری، سخت محکمانہ کارروائی کی سفارش
ڈیرہ اسماعیل خان: گورنمنٹ ہائیر سیکنڈری سکول یارک کے پرنسپل عمران علی شاہ کی مبینہ طویل غیر حاضری کے معاملے پر ڈپٹی کمشنر ڈیرہ اسماعیل خان نے محکمہ ابتدائی و ثانوی تعلیم خیبر پختونخوا سے سخت محکمانہ کارروائی کی سفارش کر دی۔
تفصیلات کے مطابق چیف سیکرٹری خیبر پختونخوا کے دفتر کو ٹوئٹر (X) اکاؤنٹ کے ذریعے پرنسپل کی مبینہ طویل غیر حاضری کے حوالے سے شکایت موصول ہوئی تھی، جس پر ڈسٹرکٹ ایجوکیشن آفیسر (مرد) ڈیرہ اسماعیل خان کو معاملے کی انکوائری کرکے حقائق پر مبنی رپورٹ پیش کرنے کی ہدایت کی گئی۔
ڈپٹی کمشنر آفس کے مطابق ڈسٹرکٹ ایجوکیشن آفیسر کی انکوائری رپورٹ، مراسلہ نمبر 9306 مورخہ 22 اگست 2026، موصول ہو چکی ہے۔
ڈپٹی کمشنر ڈیرہ اسماعیل خان نے مذکورہ انکوائری رپورٹ محکمہ تعلیم کے سیکرٹری کو ارسال کرتے ہوئے درخواست کی ہے کہ پرنسپل کی مسلسل غیر حاضری کے معاملے میں خیبر پختونخوا گورنمنٹ سرونٹس (Efficiency & Discipline) Rules, 2011 کے تحت سخت تادیبی کارروائی عمل میں لائی جائے۔

28/08/2026

ڈیرہ اسماعیل خان کی دو نمایاں شخصیات، خورشید خان وزیر اور ڈی ایس پی حافظ محمد عدنان خان کی عوامی خدمات قابلِ تحسین
ڈیرہ اسماعیل خان: ضلع ڈیرہ اسماعیل خان میں عوامی فلاح و بہبود، سماجی خدمت، امن و امان اور علاقائی مسائل کے حل کے لیے مختلف شعبوں سے وابستہ شخصیات اپنی خدمات انجام دے رہی ہیں۔ ان میں ڈائیریکٹر خورشید خان وزیر اور محکمہ پولیس سے وابستہ ڈی ایس پی حافظ محمد عدنان خان کی خدمات کو عوامی حلقوں کی جانب سے قدر کی نگاہ سے دیکھا جا رہا ہے

16/08/2026

ویکسینیشن اور صحت کے بہتر مستقبل کی جانب اہم قدم

ایڈیشنل سیکرٹری ہیلتھ/ ای او سی کوآرڈینیٹر خیبر پختونخوا جناب شفیع اللہ خان نے ڈسٹرکٹ EPI اور PEI اسٹاف کے دو روزہ تربیتی ورکشاپ سے خطاب کرتے ہوئے کہا کہ مؤثر ابلاغ، عوامی آگاہی اور کمیونٹی کی شمولیت ویکسینیشن کی کامیابی کے لیے انتہائی اہم ہیں۔

انہوں نے کہا کہ سرویکل کینسر سے بچاؤ کی ویکسین کا آغاز 9 سے 14 سال کی بچیوں کے بہتر اور محفوظ مستقبل کی جانب ایک تاریخی قدم ہے۔

پولیو اورحفاظتی ٹیکہ جات پروگرام کے مضبوط رابطہ کاری اور آگاہی کے نظام کو اس اہم مہم کی کامیابی کے لیے بھی مؤثر انداز میں استعمال کیا جائے گا۔ شفیع اللہ خان نے تمام شراکت داروں یونیسیف اور ڈبلیو ایچ او کے مسلسل تعاون کو سراہا۔

16/08/2026

08/08/2026

اسسٹنٹ ڈائریکٹر بلدیات / ٹی ایم او پہاڑپور عبدالرحمن خان کو ٹی ایم او ڈیرہ تعنیات جبکہ ان جگہ ٹی ایم او پہاڑپور عطاءاللہ کو تعنیات کر دیا گیا نوٹیفکیشن جاری، عاصمہ حیات ٹی او ایف ٹی ایم اے پروا

08/08/2026

🏴 تحصیل پروا | شمولیتی پروگرام

تحصیل پروا کی ویلج فتح مندو میں ایک اہم شمولیتی پروگرام منعقد ہوا، جس میں سردار شاہنواز خان بلوچ، خرم بلوچ، اللہ نواز بلوچ، قاری محمد رمضان بلوچ، حفیظ اللہ بلوچ، امجد بلوچ اور پوری کلاچی بلوچ برادری نے فتح اللہ میاںخیل گروپ کو خیر باد کہتے ہوئے سردار شعیب خان میاںخیل اور اسماعیل خان بلوچ (صدر پاکستان تحریک انصاف پروا) کی قیادت پر مکمل اعتماد کا اظہار کرتے ہوئے باقاعدہ طور پر پاکستان تحریک انصاف میں شمولیت اختیار کی اور اپنی مکمل حمایت کا اعلان کیا۔
اس موقع پر سردار شعیب خان میاںخیل نے خطاب کرتے ہوئے کہا کہ:
"فتح مندو کی ترقی ہماری ترجیح ہے۔ ان شاء اللہ فتح مندو فیز 2 میں سڑک کی تعمیر کا وعدہ پورا کیا جائے گا تاکہ عوام کو بہتر سفری سہولیات میسر آئیں۔"
اہلِ فتح مندو کی جانب سے شمولیت اور اعتماد پر تمام معززین کا شکریہ، اور علاقے کی ترقی و خوشحالی کے لیے مل کر کام کرنے کے عزم کا اعادہ کیا گیا۔..
خبر سے پتری۔ شمولیت اشتہار بنا دے

08/08/2026

بھکر روڈ پر شوگر مل گیٹ کے قریب ایک رکشہ لوڈر کی ایکسل ٹوٹ کر دوسرے رکشے سے ٹکرانے کے باعث حادثہ ایک 27 سالہ نوجوان کے جانبحق ہونے کی اطلاع، زرائع

08/08/2026

تحصیل میئر پروآ کے لیے نوجوان، اعلیٰ تعلیم یافتہ اور قانون کے شعبے سے وابستہ امیدوار کی آمد، عوامی خدمت کو سیاست کا محور بنانے کا عزم ۔نوجان قانون دان سردار سریع الاحسان خان بلوچ
ڈیرہ اسماعیل خان ( عدنان مروت) بلدیاتی انتخابات کے حوالے سے تحصیل پروآ میں سیاسی سرگرمیوں اور عوامی رابطوں میں تیزی آنے لگی ہے۔ ایسے میں ایک نوجوان، اعلیٰ تعلیم یافتہ اور شعبۂ قانون سے وابستہ وکیل نے تحصیل میئر پروآ کے امیدوار کے طور پر اپنی سیاسی و سماجی سرگرمیوں کا آغاز کرتے ہوئے عوامی خدمت، بنیادی مسائل کے حل اور نوجوان نسل کی مؤثر نمائندگی کو اپنی ترجیحات میں شامل کیا ہے۔ ذرائع کے مطابق مذکورہ نوجوان امیدوار کا تعلق قانون کے شعبے سے ہے اور وہ پیشے کے اعتبار سے وکیل ہیں۔ انہوں نے سیاست میں آنے سے قبل ہی مختلف عوامی مسائل کے حل کے لیے اپنی خدمات پیش کرنا شروع کر رکھی ہیں۔ تحصیل پروآ کو ایک ایسی بلدیاتی قیادت کی ضرورت ہے جو صرف انتخابی مہم تک محدود نہ رہے بلکہ عوام کے مسائل کو سمجھنے، متعلقہ اداروں تک پہنچانے اور ان کے حل کے لیے عملی کردار ادا کرے۔ نوجوان امیدوار کا قانون کے شعبے سے وابستہ ہونا بھی عوامی مسائل اور شہری حقوق کے حوالے سے ایک مثبت پہلو قرار دیا جا رہا ہے۔ سردار سریع الاحسان خان بلوچ کا مؤقف ہے کہ بلدیاتی نظام کا بنیادی مقصد عوام کو ان کی دہلیز پر سہولیات فراہم کرنا ہے، اس لیے تحصیل میئر کو ترقیاتی منصوبوں کے ساتھ ساتھ صاف پانی، نکاسیٔ آب، سڑکوں و گلیوں کی تعمیر و مرمت، صفائی ستھرائی، صحت، تعلیم، نوجوانوں کے لیے مواقع اور دیگر بنیادی شہری سہولیات پر خصوصی توجہ دینا ہوگی۔ نوجوان قیادت، نئی سوچ اور بہتر بلدیاتی نظام سیاسی و سماجی حلقوں کے مطابق موجودہ دور میں نوجوان اور تعلیم یافتہ قیادت کی ضرورت پہلے سے کہیں زیادہ ہے۔ اعلیٰ تعلیم کے ساتھ قانون کے شعبے میں عملی وابستگی رکھنے والا امیدوار اگر عوامی رابطے کو مضبوط بناتا ہے تو وہ تحصیل پروآ میں نئی سوچ اور جدید بلدیاتی طرزِ قیادت متعارف کرا سکتا ہے۔ علاقہ مکینوں کا کہنا ہے کہ عوام اب روایتی سیاسی نعروں کے بجائے ایسے نمائندوں کو ترجیح دینا چاہتے ہیں جو ان کے درمیان موجود ہوں، ان کے مسائل سنیں اور ان کے حل کے لیے متعلقہ فورمز پر مؤثر آواز اٹھائیں۔