Daily Sada-e-Haq

Daily Sada-e-Haq Contact information, map and directions, contact form, opening hours, services, ratings, photos, videos and announcements from Daily Sada-e-Haq, Media/News Company, Dera Ismail Khan.

23/09/2025

ڈیرہ اسماعیل خان :
ادویات اسکینڈل ؟ بڑے پیمانے پر بے قاعدگیوں و بے ضابطگیوں کا انکشاف ؟شارٹ ویڈیو “پرومو” ملاحظہ فرمائیں۔مکمل ویڈیو تفصیلات کے ساتھ کچھ دیر بعد !

زرعی یونیورسٹی ڈیرہ اسماعیل خان میں اہم اجلاس، ڈیوٹی پر سختی سے عمل درآمد اور داخلوں کے معاملات پر غورڈیرہ اسماعیل خان (...
20/09/2025

زرعی یونیورسٹی ڈیرہ اسماعیل خان میں اہم اجلاس، ڈیوٹی پر سختی سے عمل درآمد اور داخلوں کے معاملات پر غور

ڈیرہ اسماعیل خان (ہینڈ آؤٹ20ستمبر 2025) زرعی یونیورسٹی ڈیرہ اسماعیل خان میں وائس چانسلر پروفیسر ڈاکٹر شکیب اللہ کی خصوصی ہدایت پر ایک اہم اجلاس منعقد ہوا جس کی صدارت رجسٹرار زیب القمر نے کی۔ اجلاس میں ایڈیشنل رجسٹرار ڈاکٹر علی عابد، پرسنل اسٹاف آفیسر شیراز احمد مغل، ڈپٹی رجسٹرار ایفیلی ایشن فخرالدین، ڈائریکٹر ایڈمن فرجاد سکندر سدوزئی، ڈائریکٹر فنانس، ڈائریکٹر اکیڈمک ڈاکٹر ثاقب علی سمیت تمام شعبہ جات کے سربراہان نے بھرپور شرکت کی۔اجلاس میں نئے داخلوں کے حوالے سے امور پر تفصیلی غور و خوض کیا گیا اور مختلف پہلوؤں کا جائزہ لیتے ہوئے متعلقہ حکام کو ہدایات جاری کی گئیں۔ اس موقع پر واضح طور پر کہا گیا کہ تمام افسران اور ملازمین اپنی ذمہ داریاں پوری دیانت داری اور پابندی وقت کے ساتھ ادا کریں۔ کسی بھی سطح پر غفلت یا لاپرواہی برداشت نہیں کی جائے گی۔شرکاء کو باور کرایا گیا کہ یونیورسٹی کے تعلیمی و انتظامی نظام میں بہتری کے لیے حاضری اور ڈیوٹی پر سختی سے عمل درآمد نہایت ضروری ہے۔ کسی بھی فرد کو بغیر وجہ چھٹی کی اجازت نہیں دی جائے گی اور اس معاملے میں کسی کے ساتھ رعایت نہیں برتی جائے گی۔وائس چانسلر کی ہدایت پر یہ بھی فیصلہ کیا گیا کہ داخلوں کے حوالے سے ہر سطح پر شفافیت کو یقینی بنایا جائے اور تمام شعبہ جات اس ضمن میں باہمی رابطے اور تعاون کو مزید مؤثر بنائیں۔ اجلاس میں موجود افسران نے عزم ظاہر کیا کہ یونیورسٹی کی ترقی، نظم و ضبط اور معیار تعلیم کے فروغ کے لیے ہر ممکن اقدامات اٹھائے جائیں گے

ازطرف:شیراز احمد مغل
پی آر او زرعی یونیورسٹی ڈیرہ اسماعیل خان

ڈیرہ اسماعیل خان میں جنسی زیادتی کے تین الگ الگ واقعات رپورٹتھانہ سٹی میں محلہ جوگیانوالہ کی خاتون (ح۔ بی بی) نے پولیس ک...
17/09/2025

ڈیرہ اسماعیل خان میں جنسی زیادتی کے تین الگ الگ واقعات رپورٹ

تھانہ سٹی میں محلہ جوگیانوالہ کی خاتون (ح۔ بی بی) نے پولیس کو رپورٹ درج کرائی کہ اس کے 5 سالہ بیٹے صارم کے ساتھ ملزمان بلال میانخیل اور زریاب بگیڑا نے زبردستی زیادتی کی اور واقعے کی نازیبا ویڈیو بنا کر سوشل میڈیا پر وائرل کر دی۔

اسی طرح تھانہ کینٹ میں وصی عباس سکنہ ڈیوالہ نے الزام لگایا کہ ملزم سبطین میراثی ولد حسنین نے اسے زبردستی بستی ڈیوالہ کے سوئمنگ پول پر لے جا کر زیادتی کا نشانہ بنایا اور دھمکیاں دیں کہ اگر کسی کو بتایا تو قتل کر دیا جائے گا۔

جبکہ تھانہ بندکورائی میں بُچہ ٹیکن کے رہائشی نوید ماچھی نے درخواست دی کہ وہ ٹرک ڈرائیور کے طور پر ملزم محسن علی تھتھل کے ساتھ ڈیوٹی کرتا ہے۔ گزشتہ روز ملزم نے اسے جھاڑیوں میں لے جا کر زیادتی کی، ویڈیو بنائی اور راز فاش کرنے پر جان سے مارنے کی دھمکیاں دیں۔

زرائع

ڈیرہ اسماعیل خان: طالب سے زیادتی کی کوشش ناکام مقدمہ درج
17/09/2025

ڈیرہ اسماعیل خان: طالب سے زیادتی کی کوشش ناکام
مقدمہ درج

شیخ محمود الحسن ایڈووکیٹ نے عوامی مسائل اجاگر کرتے ہوئے ڈی پی او ڈیرہ سے ٹریفک مسائل، غیر قانونی پارکنگ اور تجاوزات کے ف...
15/09/2025

شیخ محمود الحسن ایڈووکیٹ نے عوامی مسائل اجاگر کرتے ہوئے ڈی پی او ڈیرہ سے ٹریفک مسائل، غیر قانونی پارکنگ اور تجاوزات کے فوری خاتمے کا مطالبہ کر دیا

ڈیرہ اسماعیل خان (محمد حماد چوہدری) ممتاز قانون دان، سیکرٹری فنانس ڈسٹرکٹ بار ایسوسی ایشن اور جمعیت علمائے اسلام (ف) کے ایک اہم ذمہ دار، شیخ محمود الحسن ایڈووکیٹ نے عوامی مسائل اجاگر کرتے ہوئے ایک نہایت اہم قدم اٹھایا ہے۔ انہوں نے ڈسٹرکٹ پولیس آفیسر (ڈی پی او) ڈیرہ اسماعیل خان کو باضابطہ تحریری درخواست دے کر شہر میں بڑھتے ہوئے ٹریفک مسائل، غیر قانونی پارکنگ اور تجاوزات کے فوری خاتمے کا مطالبہ کیا ہے۔ اپنی درخواست میں انہوں نے کہا کہ وکلاء، عدالتوں میں آنے والے سائلین اور عام شہری روزانہ ٹریفک جام، غیر قانونی قبضہ جات اور ٹریفک قوانین کی عدم موجودگی کے باعث شدید مشکلات کا شکار ہیں، جبکہ اسکول کھلنے اور چھٹی کے اوقات میں یہ صورتحال مزید سنگین ہو جاتی ہے۔ انہوں نے شہر کے ٹریفک مسائل حل کرنے کے لیے پانچ نکاتی تجاویز بھی پیش کیں جن میں رش کے اوقات میں عدالتوں، اسکولوں اور مصروف علاقوں کے قریب ٹریفک اہلکاروں کی تعیناتی۔ غیر قانونی تجاوزات اور غلط پارکنگ کے خلاف سخت کارروائی۔ رکشوں، ٹیکسیوں اور پرائیویٹ گاڑیوں کے لیے مخصوص پارکنگ ایریاز کا قیام۔ رش کے اوقات میں ٹریفک ڈائیورشن یا ون وے سسٹم نافذ کرنا۔ میونسپل حکام کے ساتھ مل کر طویل المدتی منصوبہ بندی اور آگاہی مہمات کا آغاز شامل ہے۔ شہریوں نے ان کی اس کاوش کو بھرپور سراہتے ہوئے کہا کہ شیخ محمود الحسن ایڈووکیٹ نے ہمیشہ عوامی مسائل کے حل کے لیے آواز بلند کی ہے۔ ان کی یہ جدوجہد اس بات کا ثبوت ہے کہ وہ نہ صرف ایک ذمہ دار وکیل ہیں بلکہ بطور ایک سماجی اور سیاسی رہنما بھی عوامی خدمت کو اپنا مشن سمجھتے ہیں۔ سیاسی و سماجی حلقوں کا کہنا ہے کہ ڈیرہ اسماعیل خان کو ایسے ہی باشعور اور متحرک رہنماؤں کی ضرورت ہے جو عوام کے حقیقی مسائل کو اجاگر کرکے ان کے حل کے لیے عملی اقدامات اٹھائیں۔

تھانہ پہاڑ پور کی حدود وجہوں میں سگے بھائیوں کا دیوار پر تنازعہ ایک بھائی نے بیٹوں کے ہمراہ دوسرے بھائی کے گھر جا کر کلہ...
13/09/2025

تھانہ پہاڑ پور کی حدود وجہوں میں سگے بھائیوں کا دیوار پر تنازعہ ایک بھائی نے بیٹوں کے ہمراہ دوسرے بھائی کے گھر جا کر کلہاڑیوں اور چھروں کے وار سے ایک بھائی دو بھتیجوں کو شدید زخمی کردیا۔خواتین کو بھی زدو کوب کر دیا۔۔زخمیوں کو تشویشناک صورتحال میں پہاڑپور ریفر کر دیا گیا ہے جبکہ ایک سیریس شخص کو ڈیرہ ریفر کیا جا رہا ہے۔زرائع

ڈیرہ اسماعیل خان ( وقائع نگار خصوصی ) شعبہ سول انجینئرنگ و امور ایریگیشن ( انہار اور سیلابی پشتے و حفاظتی بند ) کی مہار...
12/09/2025

ڈیرہ اسماعیل خان ( وقائع نگار خصوصی ) شعبہ سول انجینئرنگ و امور ایریگیشن ( انہار اور سیلابی پشتے و حفاظتی بند ) کی مہارتوں میں " جینیئس" سمجھے جانے والے ڈیرہ اسماعیل خان کے قابلِ فخر " Son of Soil " گردانے جانے والے ایس ای محکمہ ایریگیشن طارق علی خان کی شاندار محکمانہ کارکردگی ، اعلیٰ پیشہ ورانہ مہارت ، کہنہ مشق و آزمودہ تجربے کی بنیاد پر حکومت خیبرپختونخوا نے انکو صوبائی چیف انجینئر نارتھ ریجن محکمہ ایریگیشن تعینات کر دیا ہے کہ جس کے بعد وہ محکمہ ایریگیشن کی صوبائی سطح پر سب سے " Highest " پوزیشن یا عہدے پر پہنچنے والے ڈیرہ اسماعیل خان کی تاریخ کے سب سے کم عمر چیف انجنیئر کا اعزاز پانے میں کامیاب ہو گئے ہیں ، چیف انجنیئر طارق علی خان اس سے پہلے محکمہ ایریگیشن میں بطورِ ایس ڈی او ، ایکسین اور ایس ای کی حیثیت سے جہاں جہاں بھی تعینات رہے ہیں وہاں اپنی اعلیٰ پیشہ ورانہ مہارت اور خدا داد صلاحیتوں کا لوہا منوا چکے ہیں اور اس وقت وہ پشاور میں سپریڈینٹنگ انجینئر/ڈائریکٹر سمال ڈیمز نارتھ کی حیثیت سے اپنے محکمانہ فرائض سر انجام دے رہے تھے کہ جہاں انہوں نے سوات ، بونیر ، مانسہرہ ، شانگلہ ، صوابی اور نوشہرہ وغیرہ میں حالیہ شدید بارشوں ، تباہ کن کلاؤڈ برسٹ و سیلابی طغیانی اور لینڈ سلائیڈنگ سے ہونے والی بدترین تباہی کے بعد پیدا ہونے والے انتہائی بحرانی ، ہنگامی حالات اور بحالی و ریلیف اقدامات اٹھانے کے عمل میں اپنی اعلیٰ پیشہ ورانہ مہارت و کارکردگی کا شاندار مظاہرہ پیش کرتے ہوئے خود کو صوبہ خیبر پختونخوا کے ایک ماہر ترین انجنیئر و تھنک ٹینک کے طور پر اعلیٰ ترین حکومتی و ریاستی حلقوں میں بڑی نیک نام کمائی ہے کہ جس کے بعد صوبائی حکومت نے طارق علی خان کو ایس ای سمال ڈیمز سے چیف انجنیئر نارتھ ریجن کے عہدے پر سرفراز کیا ہے ، واضح رہے کہ طارق علی خان اپنی محکمانہ ملازمت میں شروع دن سے ہی ایک روائتی آفیسر کے بجائے ہمیشہ نت نئے تجربات و مشاہدات اور تخلیقات متعارف کروانے والے ایک جدت پسند " Creator " آفیسر کے طور مشہور رہے ہیں کہ جن کی خدا داد صلاحیتوں کی بدولت محکمہ ایریگیشن کو کئی نئے و کامیاب منصوبہ جات یا پراجیکٹس نصیب ہوئے جو اپنی افادیت ، فعالیت ، اثر پزیری اور حکومت و عوام الناس سب کے بہترین مفاد کے حامل پراجیکٹس کہلائے ہیں ، وہ ہمہ جہت و ہمہ گیر پراجیکٹس تخلیق و تشکیل دیتے ہیں اور ہمیشہ اچھوتے لیکن انتہائی قابلِ عمل و کار آمد اور پائیدار و طویل مدتی آئیڈیاز پر کام کرتے رہتے ہیں تاکہ ان سے حاصل ہونے والے نتائج دور رس ہوں ، طارق علی خان کا شمار ان آفیسرز میں کیا جاتا ہے جو کہ اداراجاتی نظم و یکسوئی اور سسٹم کی بڑھوتری و استحکام کے لیے کام کرنے کے حوالے سے اپنی ایک خاص پہچان رکھتے ہیں اس لئے ان کے پروفائل کریڈٹ پر درجنوں کامیاب پراجیکٹس موجود ہیں اور وہ ہر وقت کچھ نیا کرنے کی لگن میں مگن رہتے ہیں ، وہ صرف عوام دوست آفیسر ہی نہیں ہیں بلکہ انتہائی ماتحت پرور انسان بھی ہیں جو کہ ہمیشہ ٹیم ورک اور دوسروں کی حوصلہ افزائی کر کے ان سے بہترین پرفارمینس و نتائج کے مظاہر پیش کرنے کا تحرک پیدا کرتے ہیں ، وہ ایڈھاک ازم کے بجائے یکسوئی ، جامعیت ، پرفیکشن اور تسلسل کے قائل ہیں اس لئے جہاں بھی تعینات ہوتے ہیں وہاں اپنے پروفیشنل ازم کی بڑی گہری چھاپ اور اپنی قابلیت کی دھاک بٹھا دیتے ہیں ، انکی انہی شخصی اور پیشہ ورانہ مہارت و خوبیوں کا ادراک و اعتراف کرتے ہوئے صوبہ خیبر پختونخوا کی صوبائی حکومت نے انکو محکمہ ایریگیشن نارتھ ریجن کا صوبائی چیف انجنیئر تعینات کیا ہے جو ایک انتہائی صائب فیصلہ ہے ، ضلع ڈیرہ اسماعیل خان کے عوامی و سماجی حلقوں ، سول سوسائٹی سے وابستہ افراد اور محکمہ ایریگیشن کے جملہ امور پر تنقیدی نگاہ رکھنے والے ماہرین نے طارق علی خان کی بطورِ چیف انجنیئر تعیناتی عمل کو صوبائی حکومت کا ایک انتہائی مثبت اور احسن اقدام قرار دیتے ہوئے طارق علی خان کو مبارکباد و خراجِ تحسین پیش کرتے ہوئے کہا ہے کہ انشاء اللہ طارق علی خان اب صوبائی چیف انجنیئر نارتھ ریجن کی حیثیت سے اپنی بہترین صلاحیتوں کا لوہا منواتے ہوئے صوبہ خیبر پختونخوا اور ڈیرہ اسماعیل خان کا نام مزید روشن کریں گے اور انکی زیر قیادت محکمہ ایریگیشن نارتھ ریجن ترقی و کامیابی کی نئی منازل طے کرے گا۔

آسامیاں خالی ہیں !مفتی محمود میموریل ہسپتال کے میڈیکل ڈائریکٹر MD و ایم ٹی آئی ہسپتالوں کیلئے نرسنگ ڈائریکٹر ND کی آسامی...
12/09/2025

آسامیاں خالی ہیں !
مفتی محمود میموریل ہسپتال کے میڈیکل ڈائریکٹر MD و ایم ٹی آئی ہسپتالوں کیلئے نرسنگ ڈائریکٹر ND کی آسامی خالی ہیں۔
روزنامہ صدائے حق
12-09-2025

ڈیرہ اسماعیل خان: پرائیویٹ سکول ایسوسی ایشن کی ڈیرہ بورڈ کے امتحانات میں شفافیت یقینی بنانے کا مطالبہڈیرہ اسماعیل خان (ا...
11/09/2025

ڈیرہ اسماعیل خان: پرائیویٹ سکول ایسوسی ایشن کی ڈیرہ بورڈ کے امتحانات میں شفافیت یقینی بنانے کا مطالبہ

ڈیرہ اسماعیل خان (اسٹاف رپورٹر) ڈیرہ اسماعیل خان پرائیویٹ سکول ایسوسی ایشن کے صدر ارسلان سدوزئی اور جنرل سیکرٹری سید طارق حسین نے سینیئر صحافی و رپورٹر سما ٹی وی اور مقدر پرنٹنگ پریس اینڈ پینا فلیکس کے اونر احمد نواز مغل سے ملاقات کی، جس میں بورڈ امتحانات اور تعلیمی مسائل پر تفصیلی گفت و شنید کی گئی۔
اس موقع پر ارسلان سدوزئی نے کہا کہ حالیہ ڈیرہ بورڈ کے امتحانات میں والدین اور طلبہ کے ساتھ ناانصافیاں اور زیادتیاں کی جا رہی ہیں، جسے کسی صورت برداشت نہیں کیا جائے گا۔ انہوں نے کہا کہ پرائیویٹ سکول ایسوسی ایشن (پین) اس مسئلے پر بھرپور آواز بلند کرے گی اور ڈیرہ کے شہریوں و والدین کی حمایت کے ساتھ اس معاملے کو ایوانوں تک پہنچایا جائے گا۔
انہوں نے مثال دیتے ہوئے کہا کہ کوہاٹ بورڈ نے شفاف امتحانی پالیسی اپناتے ہوئے ایک مثبت اقدام کیا ہے، جس کے تحت ہر طالب علم کا پرچہ بورڈ کی ویب سائٹ پر اپ لوڈ کیا جا رہا ہے تاکہ والدین بھی اپنے بچوں کی کارکردگی دیکھ سکیں۔ اس اقدام پر کوہاٹ بورڈ کو خراج تحسین پیش کیا گیا ہے۔
پین ایسوسی ایشن کی جانب سے مطالبہ کیا گیا کہ ڈیرہ اسماعیل خان بورڈ میں بھی اسی طرح کا طریقہ کار اختیار کیا جائے تاکہ غریب اور پسماندہ و جنگ زدہ علاقوں سے تعلق رکھنے والے طلبہ و طالبات کو بھی یہ حق حاصل ہو کہ وہ اپنے پرچے دیکھ سکیں، اپنی خامیوں کو دور کر سکیں اور مستقبل کے لیے اپنی کارکردگی بہتر بنا سکیں۔ اس سے نہ صرف طلبہ بلکہ سکول پرنسپلز اور اداروں کی کارکردگی بھی کھل کر سامنے آئے گی۔
ایسوسی ایشن نے واضح کیا کہ اگر مطالبات کو تسلیم نہ کیا گیا تو تمام قانونی اور احتجاجی حق استعمال کیا جائے گا۔ عنقریب اس حوالے سے ایک مربوط حکمت عملی ترتیب دی جائے گی جس میں ڈیرہ اسماعیل خان کے تمام پرائیویٹ سکول شامل ہوں گے۔

ڈیرہ اسماعیل خان میں ایک نوجوان کا ایکسیڈنٹ ہوا ہے۔ نوجوان اس وقت سیول اسپتال ٹراما سینٹر میں زیرِ علاج ہے ڈاکٹروں کے مط...
06/09/2025

ڈیرہ اسماعیل خان میں ایک نوجوان کا ایکسیڈنٹ ہوا ہے۔ نوجوان اس وقت سیول اسپتال ٹراما سینٹر میں زیرِ علاج ہے ڈاکٹروں کے مطابق اگر کوئی اس نوجوان کو جانتا ہو تو فوری طور پر سیول اسپتال ٹراما سینٹر پہنچے۔

چوروں کی پولیس کو سلامی ڈیرہ اسماعیل خان: تھانہ گومل یونیورسٹی کی حدود نواب میں مسجد کے باہر سے محمد خالد ولد محمد اسحا...
29/08/2025

چوروں کی پولیس کو سلامی
ڈیرہ اسماعیل خان: تھانہ گومل یونیورسٹی کی حدود نواب میں مسجد کے باہر سے محمد خالد ولد محمد اسحاق کا 2023 ماڈل یونائیٹڈ نمبر FU 8575موٹرسائیکل چوری ہو گیا۔ محمد خالد نمازِ جمعہ پڑھ کر باہر آیا تو موٹرسائیکل غائب تھا۔

زرعی یونیورسٹی ڈیرہ اسماعیل خان کے سینٹ نے مالی سال 2025-26 کا بجٹ متفقہ طور پر منظور کرلیاڈیرہ اسماعیل خان (ہینڈآؤٹ )زر...
28/08/2025

زرعی یونیورسٹی ڈیرہ اسماعیل خان کے سینٹ نے مالی سال 2025-26 کا بجٹ متفقہ طور پر منظور کرلیا

ڈیرہ اسماعیل خان (ہینڈآؤٹ )زرعی یونیورسٹی ڈیرہ اسماعیل خان کے سینٹ کا اجلاس صوبائی وزیر زراعت و پرو چانسلر زرعی یونیورسٹی ڈیرہ اسماعیل خان میجر ریٹائرڈ سجاد بارکوال کی زیر صدارت سول سیکرٹریٹ پشاور میں منعقد ہوا۔ اجلاس میں پارلیمانی سیکرٹری برائے محکمہ زراعت محمد نعیم خان ، اسپیشل سیکرٹری محکمہ زراعت سید سہیل احمد، وائس چانسلر زرعی یونیورسٹی ڈیرہ اسماعیل خان پروفیسر ڈاکٹر شکیب اللہ، رجسٹرار زیب القمر ڈائریکٹر فنانس ہائر ایجوکیشن کمیشن اسلام آباد، نمائندگان محکمہ خزانہ، محکمہ قانون، محکمہ اعلیٰ تعلیم، اسٹیبلشمنٹ اور دیگر متعلقہ اداروں کے نمائندوں سمیت سینٹ کے اراکین نے شرکت کی۔اجلاس میں یونیورسٹی کے سالانہ بجٹ برائے مالی سال 2025-26، گزشتہ مالی سال کے اخراجات و آمدن، سالانہ ورک پلان ، سالانہ کارکردگی رپورٹ اور ترقیاتی منصوبوں پر تفصیلی غور و خوض کیا گیا۔ اجلاس کو بتایا گیا کہ مالی سال 2025-26 کے دوران یونیورسٹی کو مختلف ذرائع سے 844 ملین روپے موصول ہوں گے۔ جبکہ گزشتہ مالی سال کے یونیورسٹی کے اخراجات 760 ملین رہے۔ بجٹ کے استعمال میں شفافیت اور مؤثر استعمال یقینی بنایا جائے گا۔سینٹ کنے بجٹ کی متفقہ طور پر منظوری دیتے ہوئے جاری ترقیاتی منصوبوں پر کام کی رفتار تیز کرنے کی ہدایت کی۔ اجلاس میں یونیورسٹی کی سالانہ کارکردگی رپورٹ اور تھرڈ پارٹی آڈٹ رپورٹ کا بھی جائزہ لیا گیا اور مستقبل کے منصوبہ جات کو حوصلہ افزا قرار دیا گیا۔صوبائی وزیر زراعت و پرو چانسلر زرعی یونیورسٹی ڈیرہ اسماعیل خان میجر ریٹائرڈ سجاد بارکوال نے اجلاس سے خطاب کرتے ہوئے کہا کہ زراعت ملکی معیشت میں ریڑھ کی ہڈی کی حیثیت رکھتی ہے۔ صوبائی حکومت زراعت میں جدت و تحقیق کو اہمیت دیتی ہے۔ زرعی یونیورسٹی ڈیرہ اسماعیل خان جنوبی اضلاع میں جدید زرعی تعلیم اور تحقیق کے فروغ کے لیے کلیدی کردار ادا کر رہی ہے۔ انہوں نے اس عزم کا اظہار کیا کہ بجٹ کے شفاف استعمال کے ذریعے طلبہ، تحقیقی منصوبوں اور کسانوں کو براہِ راست فائدہ پہنچایا جائے گا۔ صوبائی وزیر نے کہا کہ حکومت صوبے کے جنوبی خطے میں زراعت کے نئے مواقع پیدا کرنے اور کسانوں کو جدید ٹیکنالوجی سے آراستہ کرنے کے لیے یونیورسٹی کے کردار کو مزید مضبوط بنائے گی۔

ازطرف:شیراز احمد مغل
پی آر او زرعی یونیورسٹی ڈیرہ اسماعیل خان

Address

Dera Ismail Khan

Website

Alerts

Be the first to know and let us send you an email when Daily Sada-e-Haq posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Daily Sada-e-Haq:

Shortcuts

Share

Category

About us:

The Daily Sada-e-Haq D.I.Khan is a premier newspaper from southern Khyber Pakhtunkhwa. It is simultaneously published from Bannu and Rawalpindi. It also operate internet Edition of the Daily Sada-e-Haq having Sada-e-Haq Web TV and Sada-e-Haq FM internet Radio. The Daily Sada-e-Haq Dera Ismail Khan is registered with Press Registrar, Government of Pakistan, Islamabad, Press Council of Pakistan, Islamabad, Press Registrar Government of Khyber Pakhtunkhwa, Peshawar, Peshawar High Court and other accredited institutions . It is also certified by the Audit Bureau of Circulation, Government of Pakistan Islamabad.