Daily Sada-e-Haq

Daily Sada-e-Haq Contact information, map and directions, contact form, opening hours, services, ratings, photos, videos and announcements from Daily Sada-e-Haq, Media/News Company, Dera Ismail Khan.

چیئرمین پاکستان تحریک انصاف بیرسٹر گوہر خان کی والدہ کے انتقال پر سابق وزیراعلیٰ خیبرپختونخوا علی امین گنڈاپور کے ترجمان...
08/08/2026

چیئرمین پاکستان تحریک انصاف بیرسٹر گوہر خان کی والدہ کے انتقال پر سابق وزیراعلیٰ خیبرپختونخوا علی امین گنڈاپور کے ترجمان فراز احمد مغل نے بیرسٹر گوہر خان سے ملاقات کرکے دلی تعزیت کا اظہار کیا اور مرحومہ کے ایصالِ ثواب کے لیے فاتحہ خوانی کی۔

اس موقع پر فراز احمد مغل نے مرحومہ کی مغفرت اور بلندیٔ درجات کے لیے دعا کرتے ہوئے کہا کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور بیرسٹر گوہر خان سمیت تمام سوگوار خاندان کو اس ناقابلِ تلافی صدمے پر صبرِ جمیل عطا فرمائے۔ آمین۔

ڈیرہ اسماعیل خان:دن دیہاڑے گجرات کراکری پر نامعلوم ملزمان کی فائرنگ، تاجر محفوظ شہر کے مصروف کاروباری علاقے چوگلہ کے قری...
31/07/2026

ڈیرہ اسماعیل خان:دن دیہاڑے گجرات کراکری پر نامعلوم ملزمان کی فائرنگ، تاجر محفوظ شہر کے مصروف کاروباری علاقے چوگلہ کے قریب کلاں بازار میں آج دوپہر تقریباً 12 بجے گجرات کراکری کی دکان پر نامعلوم مسلح ملزمان نے فائرنگ کر دی خوش قسمتی سے دکان کا مالک محفوظ رہا،جبکہ نامعلوم ملزمان واردات کے بعد فرار ہونے میں کامیاب ہو گئے اطلاع ملتے ہی پولیس موقع پر پہنچ گئی،شواہد اکٹھے کر لیے گئے اور واقعے کی تحقیقات شروع کر دی گئیں۔ ابتدائی طور پر فائرنگ کی وجوہات سامنے نہیں آ سکیں شہر کے تاجروں اور شہریوں نے اس واقعے کی شدید مذمت کرتے ہوئے ڈی پی او ڈیرہ اسماعیل خان سے مطالبہ کیا ہے کہ ہمیں انصاف دیا جائے،نامعلوم ملزمان کو فوری گرفتار کر کے قانون کے مطابق سخت سزا دی جائے اور بازاروں میں تاجروں کے جان و مال کا مؤثر تحفظ یقینی بنایا جائے تاکہ آئندہ اس طرح کے واقعات کی روک تھام ہو سکے۔

*آر پی او و ڈی پی او ڈیرہ کی ہدایت پر ڈی ایس پی ہیڈ کوارٹر صفدر خان بلوچ کا اعجاز شہید پولیس لائن کی اندرونی و بیرونی سی...
22/07/2026

*آر پی او و ڈی پی او ڈیرہ کی ہدایت پر ڈی ایس پی ہیڈ کوارٹر صفدر خان بلوچ کا اعجاز شہید پولیس لائن کی اندرونی و بیرونی سیکیورٹی کا تفصیلی جائزہ*

آر پی او ڈیرہ مبشر میکن اور ڈی پی او ڈیرہ ضیاءالدین کی ہدایات پر ڈی ایس پی ہیڈ کوارٹر صفدر خان بلوچ نے اعجاز شہید پولیس لائن ڈیرہ کی اندرونی و بیرونی سیکیورٹی کا تفصیلی جائزہ لیا اور سیکیورٹی کی بابت مناسب انتظامات کے حوالے سے احکامات جاری کیے۔ اس موقع پر انہوں نے سیکیورٹی کو مزید مؤثر اور مضبوط بنانے کے لیے ضروری اقدامات کا جائزہ لیا اور متعلقہ اہلکاروں کو ہدایات جاری کیں۔ ڈی ایس پی صفدر خان بلوچ نے سیکیورٹی اہلکاروں کو آر پی او ڈیرہ اور ڈی پی او ڈیرہ کی *زیرو ٹالرنس پالیسی* سے آگاہ کرتے ہوئے ہدایت کی کہ پولیس لائن کی حفاظت میں کسی بھی قسم کی غفلت یا کوتاہی ہرگز برداشت نہیں کی جائے گی اور تمام اہلکار اپنی ذمہ داریاں مکمل مستعدی اور پیشہ ورانہ انداز میں انجام دیں۔

ڈیرہ اسماعیل خان (پریس ریلیز) مریضوں کو بہترین طبی سہولیات کی فراہمی میں غفلت برداشت نہیں، ہاسپٹل ڈائریکٹر MTI ڈیرہ اسما...
21/07/2026

ڈیرہ اسماعیل خان (پریس ریلیز)
مریضوں کو بہترین طبی سہولیات کی فراہمی میں غفلت برداشت نہیں، ہاسپٹل ڈائریکٹر MTI ڈیرہ اسماعیل خان ڈاکٹر فرخ جمیل کا مختلف وارڈز کا ہنگامی اور تفصیلی معائنہ

ہسپتال میں آنے والا ہر مریض ہمارے لیے انتہائی قابلِ احترام ہے اور ان کو پرسکون ماحول و بہترین علاج فراہم کرنا ہماری اولین ترجیح ہے، ڈاکٹر فرخ جمیل

صفائی ستھرائی، طبی آلات اور عملے کا جائزہ؛ میڈیکل ڈائریکٹر، ڈائریکٹر فنانس، پروکیورمنٹ ٹیم اور سپروائزرز کی موجودگی میں موقع پر ہی تمام مسائل کا فوری ازالہ

میڈیکل ٹیچنگ انسٹی ٹیوشن (MTI) ڈیرہ اسماعیل خان کے شفیق اور تحرک سے بھرپور ڈائریکٹر ڈاکٹر فرخ جمیل نے ہسپتال کے مختلف وارڈز اور یونٹس کا تفصیلی دورہ کی۔ دورے کا بنیادی مقصد مریضوں کو فراہم کی جانے والی طبی و انتظامی سہولیات کا بذاتِ خود جائزہ لینا اور علاج و معالجے کے معیار کو اعلیٰ ترین سطح پر برقرار رکھنا تھا۔ اس اہم دورے میں ہاسپٹل ڈائریکٹر MTI ڈیرہ اسماعیل خان ڈاکٹرفرخ جمیل کے ہمراہ میڈیکل ڈائریکٹر ڈاکٹر خالد محمود، ڈائریکٹر فنانس ضیاء خان گنڈہ پور، پروکیورمنٹ ٹیم، تعمیراتی و انتظامی امور کے سپروائزر خضر، امتیاز علی خان اور دیگر متعلقہ شعبہ جات کی اعلیٰ ٹیمیں بھی موجود تھیں تاکہ انتظامی، مالی اور فنی مسائل کو بغیر کسی تاخیر کے موقع پر ہی حل کیا جا سکے۔ دورے کے دوران ہاسپٹل ڈائریکٹر ڈاکٹر فرخ جمیل نے پوری ٹیم کے ساتھ متعدد وارڈز کا باریک بینی سے معائنہ کیا، جہاں انہوں نے مریضوں کی عیادت، وارڈز میں زیرِ علاج مریضوں کی فرداً فرداً خیریت دریافت کی، ان سے ہسپتال کے عملے کے رویے اور ملنے والی سہولیات سے متعلق تفصیلی بریفنگ لی۔ وارڈز، آپریشن تھیٹرز اور دیگر یونٹس میں صفائی ستھرائی کے انتظامات اور طبی آلات (Equipment) کا تفصیلی معائنہ کیا۔ مریضوں کی تمام ضروریات، تعمیراتی و فنی کاموں اور وارڈز میں درکار طبی و انتظامی سامان کی فراہمی کا مکمل حساب لیا۔ آن ڈیوٹی میڈیکل و پیرا میڈیکل اسٹاف اور سپروائزرز کی موجودگی، حاضری اور ان کے امورِ ہائے منصبی کے بارے میں جامع بریفنگ حاصل کی۔ معائنے کے دوران جب ایک مخصوص حصے میں ایئر کنڈیشنر (AC) کے فلٹرز کی صفائی نہ ہونے اور مناسب کولنگ نہ ملنے پر مریضوں نے شکایت کی، تو ڈاکٹر فرخ جمیل نے سخت برہمی اور شدید غم و غصے کا اظہار کیا۔انہوں نے متعلقہ عملے کو سخت سستی پر آڑے ہاتھوں لیتے ہوئے واضح کیا کہ مریضوں کے آرام اور دیکھ بھال میں کسی قسم کا سمجھوتہ ناممکن ہے۔ چونکہ میڈیکل ڈائریکٹر، ڈائریکٹر فنانس، پروکیورمنٹ ٹیم، سپروائزرز سمیت تمام متعلقہ ٹیم موقع پر موجود تھی، اس لیے ہاسپٹل ڈائریکٹر ڈاکٹر فرخ جمیل کی جانب سے فوری ہدایات جاری کی گئیں اور تمام انتظامی، فنی و مالی رکاوٹوں کو دور کرتے ہوئے مریضوں کی شکایات اور اے سی و کولنگ کے مسائل کا موقع پر ہی سیکنڈوں میں ازالہ کر دیا گیا۔ ڈاکٹر فرخ جمیل نے تمام شعبہ جات کے انچارجز اور سپروائزرز کو سخت ہدایت جاری کرتے ہوئے کہا کہ ہسپتال میں آنے والا ہر مریض ہمارے لیے انتہائی قابلِ احترام ہے اور ان کو پرسکون ماحول و بہترین علاج فراہم کرنا ہماری اولین ترجیح ہے۔ کسی بھی شعبے میں معمولی غفلت یا لاپرواہی کو ہرگز برداشت نہیں کیا جائے گا۔ ہاسپٹل ڈائریکٹر ڈاکٹر فرخ جمیل اور ان کی پوری ٹیم کے اس بروقت، مربوط اور دردِ دل سے کیے گئے ایکشن کو مریضوں، ان کے لواحقین اور عوامی حلقوں کی جانب سے بے حد سراہا گیا ہے، جس سے ہسپتال کے نظم و ضبط، انتظامی صلاحیت اور عوامی خدمت کے جذبے میں مزید بہتری نمایاں ہوئی ہے۔

10/07/2026

ڈیرہ اسماعیل خان پہاڑپور جائیداد کی لالچ میں بیٹوں کے ہاتھوں پانچ روز سے زنجیروں اور رسیوں سے جکڑے بزرگ والد کو پولیس نے بازیاب کر لیا، مقدمہ درج کرکے ملزمان کی تلاش شروع کر دی گئی۔

ڈیرہ اسماعیل خان: خیبر پختونخوا ڈاکٹرز کونسل (ڈی آئی خان چیپٹر) کا اہم اجلاس ڈاکٹر رضوان راجپوت کی صدارت میں ڈی ایچ کیو ...
18/06/2026

ڈیرہ اسماعیل خان: خیبر پختونخوا ڈاکٹرز کونسل (ڈی آئی خان چیپٹر) کا اہم اجلاس ڈاکٹر رضوان راجپوت کی صدارت میں ڈی ایچ کیو ہسپتال آڈیٹوریم میں منعقد ہوا، جس میں ضلع بھر کے ڈاکٹرز نے شرکت کی اجلاس میں ایف بی آر کی جانب سے نجی کلینکس اور ہسپتالوں پر حالیہ کارروائیوں پر شدید تحفظات کا اظہار کرتے ہوئے متفقہ قراردادیں منظور کی گئیں۔ ڈاکٹرز نے مطالبہ کیا کہ تمام کارروائیاں قانون، ایس او پیز، اخلاقیات اور پیشہ ورانہ احترام کے مطابق کی جائیں، جبکہ محرم الحرام کے احترام میں کسی بھی احتجاجی فیصلے کو 10 محرم تک مؤخر رکھنے کا اعلان کیا گیا۔ اجلاس میں یہ بھی واضح کیا گیا کہ اگر مطالبات پر پیش رفت نہ ہوئی تو ڈاکٹرز برادری آئندہ قانونی، آئینی اور جمہوری آپشنز استعمال کرنے کا حق محفوظ رکھتی ہے۔

مفتی محمود ہسپتال میں آسامیاں خالی ہیں!ڈاکٹرز، او ٹی منیجر، نرسنگ منیجر، فیمیل سیکورٹی گارڈز، چارج نرس اور منیجر وومن ای...
17/06/2026

مفتی محمود ہسپتال میں آسامیاں خالی ہیں!
ڈاکٹرز، او ٹی منیجر، نرسنگ منیجر، فیمیل سیکورٹی گارڈز، چارج نرس اور منیجر وومن اینڈ چلڈرن ہسپتال کی آسامیاں خالی ہیں۔

روزنامہ صدائے حق
17-06-2026

پروکیورمنٹ منیجر کی آسامی خالی ہے۔مفتی محمود میموریل میڈیکل ٹیچنگ انسٹیٹیوٹ ڈیرہ اسماعیل خان میں “پروکیورمنٹ منیجر” کی آ...
17/06/2026

پروکیورمنٹ منیجر کی آسامی خالی ہے۔
مفتی محمود میموریل میڈیکل ٹیچنگ انسٹیٹیوٹ ڈیرہ اسماعیل خان میں “پروکیورمنٹ منیجر” کی آسامی خالی ہے۔
روزنامہ صدائے حق
17-06-2026

آسامیاں خالی ہیں! ڈسٹرکٹ ہیڈکوارٹر ٹیچنگ ہسپتال (ڈی ایچ کیو، ڈیرہ اسماعیل خان) میں متعدد آسامیاں خالی ہیں۔روزنامہ صدائے ...
17/06/2026

آسامیاں خالی ہیں!
ڈسٹرکٹ ہیڈکوارٹر ٹیچنگ ہسپتال (ڈی ایچ کیو، ڈیرہ اسماعیل خان) میں متعدد آسامیاں خالی ہیں۔
روزنامہ صدائے حق
17-06-2026

ڈیرہ اسماعیل خان۔انسپکٹر جنرل آف پولیس خیبر پختونخوا کے دفتر سے جاری کردہ نوٹیفکیشن کے مطابق ڈی ایس پی ملک عابد اقبال، ڈ...
16/06/2026

ڈیرہ اسماعیل خان۔انسپکٹر جنرل آف پولیس خیبر پختونخوا کے دفتر سے جاری کردہ نوٹیفکیشن کے مطابق ڈی ایس پی ملک عابد اقبال، ڈی ایس پی حافظ محمد عدنان اور ڈی ایس پی منہاج سکندر ایڈوانس کورس کے لیے منتخب ہو گئے ہیں یہ پیشہ ورانہ کورس پولیس افسران کی انتظامی، تفتیشی اور قائدانہ صلاحیتوں کو مزید نکھارنے کے لیے منعقد کیا جاتا ہے۔ تینوں افسران کی اس اہم کورس کے لیے نامزدگی کو ان کی پیشہ ورانہ کارکردگی اور محکمہ پولیس کے لیے ایک مثبت پیش رفت قرار دیا جا رہا ہے ضلعے کے مختلف سماجی حلقوں اور شہریوں نے افسران کو مبارکباد دیتے ہوئے ان کی آئندہ ذمہ داریوں کے لیے نیک تمناؤں کا اظہار کیا ہے۔

Address

Dera Ismail Khan

Website

Alerts

Be the first to know and let us send you an email when Daily Sada-e-Haq posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Daily Sada-e-Haq:

Shortcuts

Share

Category