KPK Post

08/09/2026

ڈیرہ اسماعیل خان کے لیے بڑی خوشخبری

ڈیرہ اسماعیل خان: سیاسی حلقوں میں ایک اہم پیش رفت سامنے آئی ہے۔ سابق بانی صدر آئی ایس ایف اور یوتھ ونگ ڈیرہ اسماعیل خان، سلمان احمد خان بیٹنی کو عمران خان رہائی کمیٹی خیبر پختونخوا کا صوبائی آرگنائزر مقرر کر دیا گیا ہے۔

اس اہم تقرری پر ڈیرہ اسماعیل خان کے سیاسی و سماجی حلقوں میں خوشی کی لہر دوڑ گئی ہے۔ کارکنان اور ساتھیوں نے سلمان احمد خان بیٹنی کو دلی مبارکباد پیش کرتے ہوئے اس اعتماد کو ان کی طویل سیاسی جدوجہد، تنظیمی صلاحیتوں اور عمران خان کے نظریے سے وابستگی کا اعتراف قرار دیا۔

اس موقع پر مبارکباد دیتے ہوئے کہا گیا کہ سلمان احمد خان بیٹنی نے ہمیشہ پارٹی کی مضبوطی، کارکنوں کی نمائندگی اور عوامی خدمت کے لیے بھرپور کردار ادا کیا ہے، اور امید ظاہر کی گئی کہ وہ اپنی قائدانہ صلاحیتوں سے صوبائی تنظیم کو مزید فعال، منظم اور مضبوط بنانے میں اہم کردار ادا کریں گے۔

آخر میں دعا کی گئی کہ اللہ تعالیٰ سلمان احمد خان بیٹنی کو اس نئی ذمہ داری میں کامیابی عطا فرمائے اور انہیں مزید عزت، کامیابی اور عوامی خدمت کی توفیق دے۔

06/09/2026

ڈیرہ اسماعیل خان: شیعہ علماء کونسل، مجلس وحدت المسلمین، تحریک نفاذ فقہ جعفریہ ، انجمن متولیان اور دیگر شیعہ اکابرین نے کوٹلی امام حسین ڈیرہ میں مشترکہ پریس کانفرنس کرتے ہوئے جشنِ میلادِ مصطفیٰ ﷺ کے سلسلے میں ریلی کی اجازت نہ دینے پر ضلعی انتظامیہ کے رویے پر شدید تشویش کا اظہار کیا ہے۔ پریس کانفرنس سے شیعہ علماء کونسل کے مرکزی نائب صدر علامہ رمضان توقیر، مرکزی جامع مسجد لاٹو فقیر کے خطیب علامہ غضنفر علی نقوی اور انجمن متولیان کے صدر تنویر حسین رضوی نے خطاب کیا، جبکہ دیگر شیعہ رہنما اور نمائندگان بھی اس موقع پر موجود تھے۔

علامہ رمضان توقیر نے 6 ستمبر یومِ دفاعِ پاکستان کے موقع پر ملکی دفاع کے لیے جانیں قربان کرنے والے شہداء اور غازیوں کو خراجِ عقیدت پیش کرتے ہوئے کہا کہ آج پاکستان میں آزادی کے ساتھ زندگی گزارنے کا موقع انہی قربانیوں کی بدولت حاصل ہے۔

انہوں نے کہا کہ گزشتہ دنوں جشنِ میلادِ مصطفیٰ ﷺ کے سلسلے میں مختلف پروگرام اور ریلیاں منعقد کی جا رہی تھیں، جبکہ شیعہ مکبت فکر کی جانب سے بھی ریلی نکالنے کا اعلان کیا گیا تھا، تاہم انہیں ریلی نکالنے کی اجازت نہیں دی گئی، جس پر انہیں شدید دکھ اور تشویش ہے۔

علامہ رمضان توقیر نے کہا کہ اس وقت شیعانِ حیدرِ کرار کے تمام نمائندے اور اکابرین ایک پلیٹ فارم پر موجود ہیں اور انتظامیہ کے رویے پر اپنے تحفظات کا اظہار کر رہے ہیں۔ ان کا کہنا تھا کہ ضلعی انتظامیہ کی جانب سے امتیازی سلوک روا رکھا جا رہا ہے اور ایک طبقے کو سہولیات و اجازتیں دی جا رہی ہیں جبکہ دوسرے کو اپنے مذہبی پروگرام منعقد کرنے کے حق سے محروم کیا جا رہا ہے۔

انہوں نے کہا کہ یہ پہلا موقع نہیں کہ شیعہ مکبت فکر کو اس نوعیت کے مسائل کا سامنا کرنا پڑا ہو، اس سے قبل بھی ضلعی اور صوبائی سطح پر بعض ایسے اقدامات سامنے آئے جن سے شیعہ برادری میں احساسِ محرومی پیدا ہوا اور انہیں یہ محسوس ہوا کہ انہیں تیسرے درجے کا شہری سمجھا جا رہا ہے۔

علامہ رمضان توقیر کا کہنا تھا کہ پاکستان کے ہر شہری کو، خواہ اس کا تعلق کسی بھی مسلک، مذہب یا جماعت سے ہو، اپنے عقیدے کے مطابق مذہبی پروگرام منعقد کرنے کا حق حاصل ہے اور کسی بھی شہری کو اس بنیادی حق سے محروم نہیں کیا جانا چاہیے۔

انہوں نے کہا کہ حال ہی میں ضلعی، ڈویژنل اور صوبائی سطح پر تجوید و قرأت کے مقابلوں کا انعقاد کیا گیا اور ضلعی و ڈویژنل سطح کے مقابلے کمشنر ہاؤس میں ہوئے۔ ان کے بقول کمشنر ہاؤس کسی مخصوص مذہب یا مسلک کی ملکیت نہیں بلکہ ایک سرکاری مقام ہے، جہاں تمام پاکستانیوں کے لیے مساوی حیثیت ہونی چاہیے۔

انہوں نے کہا کہ اس معاملے پر خطبات اور دیگر ذرائع سے بھی انتظامیہ تک آواز پہنچانے کی کوشش کی گئی، تاہم اب تک ان کے تحفظات کا ازالہ نہیں کیا گیا۔ ان کا کہنا تھا کہ اس قسم کے امتیازی رویوں سے معاشرے میں بے چینی پیدا ہوتی ہے اور حالات خراب ہونے کا خدشہ رہتا ہے، اس لیے انتظامیہ کو صورتحال کا سنجیدگی سے نوٹس لینا چاہیے۔

علامہ رمضان توقیر نے کہا کہ پاکستان میں اقلیتوں سمیت مختلف مذاہب سے تعلق رکھنے والے افراد کو اپنے مذہبی معاملات میں آزادی حاصل ہے، تاہم شیعہ مکبت فکر کو اپنے مذہبی پروگراموں کے حوالے سے رکاوٹوں کا سامنا کرنا پڑ رہا ہے۔

انہوں نے کہا کہ اگر دیگر مذہبی یا مسلکی حلقوں کو ریلیوں اور پروگراموں کی اجازت دی جا رہی ہے تو شیعہ برادری کو بھی مساوی حق دیا جانا چاہیے۔ ان کا کہنا تھا کہ شیعہ برادری نے ہمیشہ اتحاد، وحدت، محبت اور بھائی چارے کی بات کی ہے اور انہیں کسی دوسرے مسلک کی ریلی یا پروگرام پر کوئی اعتراض نہیں، تاہم ان کا سوال یہ ہے کہ انہیں اپنے مذہبی پروگرام کے لیے اجازت کیوں نہیں دی گئی۔

انہوں نے کہا کہ شیعہ مکبت فکر کی جانب سے نکالی جانے والی ریلی کا مقصد بھی جشنِ میلادِ مصطفیٰ ﷺ اور محبتِ رسول ﷺ کا اظہار تھا، مگر انتظامیہ کی جانب سے اس معاملے میں سخت رویہ اختیار کیا گیا۔ انہوں نے الزام عائد کیا کہ بعض افراد کے خلاف کارروائی اور گرفتاریوں سے بھی شیعہ برادری میں تشویش پیدا ہوئی، جس کی وہ مذمت کرتے ہیں۔

علامہ رمضان توقیر نے کہا کہ اگر انتظامیہ نے ان کے مطالبات تسلیم نہ کیے تو تمام شیعہ اکابرین اور تنظیمیں باہمی مشاورت سے آئندہ کا لائحہ عمل طے کریں گی۔

انہوں نے کہا کہ اگر ایک جانب ریلی کی اجازت دی جاتی ہے اور دوسری جانب شیعہ مکبت فکر کو اسی نوعیت کی ریلی کی اجازت نہیں دی جاتی تو ان کا احتجاج اور شکوہ جائز ہوگا۔ انہوں نے انتظامیہ اور متعلقہ اداروں سے مطالبہ کیا کہ ان کی آواز کو سنجیدگی سے سنا جائے اور انہیں بھی اپنے مسلک و عقیدے کے مطابق مذہبی پروگرام منعقد کرنے کا آزادانہ حق دیا جائے۔

علامہ غضنفر علی نقوی نے کہا کہ شیعہ مکبت فکر ملک کے قانون اور آئین کا احترام کرتی ہے اور کسی دوسرے مسلک یا مذہبی گروہ کے پروگرام میں رکاوٹ ڈالنے کی خواہاں نہیں، تاہم مذہبی آزادی کے معاملے میں تمام شہریوں کے ساتھ یکساں سلوک ہونا چاہیے۔

تنویر حسین رضوی نے بھی انتظامیہ سے مطالبہ کیا کہ شیعہ مکبت فکر کو جشنِ میلادِ مصطفیٰ ﷺ کے سلسلے میں ریلی اور دیگر مذہبی پروگرام منعقد کرنے کی اجازت دی جائے اور کسی بھی قسم کے امتیازی سلوک سے گریز کیا جائے۔

پریس کانفرنس میں انچارج محرم و چہلم بشیر حسین جڑیہ، علامہ کاظم حسین مطاہری، ہیبت اللہ صدیقی، تحسین علمدار ایڈووکیٹ، مجلس وحدت المسلمین کے جنرل سیکرٹری سید علمدار حسین ہاشمی، سید انصار زیدی، ایم ڈبلیو ایم کے تحصیل صدر ملک ربنواز حسن، علامہ کرامت حسین، علامہ حاجی حنیف اور علامہ مجاہد سمیت دیگر شیعہ اکابرین اور نمائندگان موجود تھے۔

شرکاء نے مطالبہ کیا کہ ضلعی انتظامیہ مذہبی معاملات میں تمام مکاتبِ فکر کے ساتھ مساوی رویہ اختیار کرے اور شیعہ مکبت فکر کو بھی اپنے مذہبی پروگرام اور ریلی منعقد کرنے کے لیے قانونی دائرے میں رہتے ہوئے اجازت دی جائے۔

01/09/2026

اسد موویز & فوٹوز

شادی بیاہ، سالگرہ سمیت ہر قسم کی تقریبات، سیاسی و سماجی پروگراموں کی ویڈیوز اور تصاویر
فور کے (4K) کیمرہ، HD کیمرہ، ڈرون کیمرہ کے ساتھ اپنے یادگار لحمات کو اسد موویز & فوٹوز سے محفوظ بنائیں

نیز ہر قسم کے جلسے، جلوسوں، ریلیوں کی سوشل میڈیا اور الیکٹرانک میڈیا کوریج کے لئے اسد موویز & فوٹوز کی خدمات حاصل کریں

اسد عباس خان
سی ای او
اسد موویز & فوٹوز
ڈیرہ اسماعیل خان
رابطہ نمبر
03339973692
03415693972

12/03/2026

السلام علیکم!
’آغوش الخدمت ڈیرہ اسماعیل خان اپنے باہمت اور یتیم بچوں کی کفالت اور بہترین مستقبل کے لیے ہمہ وقت کوشاں ہے۔ اس وقت ادارے کی نئی بلڈنگ کی تکمیل اور اسے فنکشنل بنانے کے لیے ہمیں مندرجہ بالا اشیاء کی فوری ضرورت ہے
تمام صحافی بھائیوں سے خصوصی گزارش:
آپ معاشرے کی آواز ہیں اور آپ کا قلم اور آواز ہمیشہ خیر کے کاموں میں پیش پیش رہا ہے۔ ان معصوم اور باہمت بچوں کی ہمدردی میں ہماری اس پکار کو اپنے معتبر میڈیا پلیٹ فارمز (اخبارات، نیوز چینلز، سوشل میڈیا پیجز) پر جگہ دیں تاکہ یہ پیغام زیادہ سے زیادہ مخیر حضرات تک پہنچ سکے۔
رابطہ برائے تعاون:

آئیے، ہم سب مل کر ان مستحق یتیم بچوں کے بہتر مستقبل اور روشن کل کے لیے الخدمت فاؤنڈیشن پاکستان کا ساتھ دیں۔
آپ کا ایک عطیہ ان کے خوابوں کو حقیقت میں بدل سکتا ہے۔

💚 دل کھول کر عطیہ کریں
اور اس نیکی کو اپنے احباب اور مخیر حضرات تک پہنچائیں۔

🏦 بینک تفصیلات:
Bank: Al Habib
Account Title: Aghosh Alkhidmat D.I. Khan
Account #: 5505008100211204
IBAN #: PK77BAHL5505008100211204

زاہد محب اللہ صاحب ایڈوکیٹ
چیئرمین مینجمنٹ کمیٹی آغوش
0333 9979773
RMO Contact:
03329979888

05/02/2026

اعلان گمشدگی.
محمد سلیمان ولد محمد جان ملنگ جسکا زہنی توازن درست نہیں ھے کل سے گھر سے غائب ھے اگر کسی نے اسکو کہیں پر دیکھا ھو یا کہیں نظر آئے تو مہربانی کر کے اطلاع کردیں
دین پور کا رھایشی ھے
یادرابن چونگی پر حاجی اقبال خراد انجنیرنگ کی شاپ پر پہنچادیں

رابطہ نمبر ملک شاہ جہان 03449383057.03339973692

31/01/2026

ڈیرہ اسماعیل خان سے بیوروچیف اسدعباس

سرائیکی جرنلسٹس فورم پاکستان اور سعید انٹرنیشنل ہسپتال کے درمیان ایم او یو طے پا گیا

اسلام آباد: سرائیکی جرنلسٹس فورم پاکستان اور سعید انٹرنیشنل ہسپتال کے درمیان باہمی تعاون کے فروغ کے لیے مفاہمتی یادداشت (MOU) پر دستخط کر دیے گئے۔ اس معاہدے کے تحت سرائیکی جرنلسٹس فورم سے وابستہ صحافیوں اور ان کے اہلِ خانہ کو سعید انٹرنیشنل ہسپتال میں علاج اور لیبارٹری ٹیسٹس پر خصوصی رعایت فراہم کی جائے گی۔
مفاہمتی یادداشت پر دستخط سرائیکی جرنلسٹس فورم پاکستان کی جانب سے صدر یاور عباس بخاری جبکہ سعید انٹرنیشنل ہسپتال کی جانب سے چیف ایگزیکٹو آفیسر (CEO) ڈاکٹر نعمان سعید نے کیے۔
تقریب سے خطاب کرتے ہوئے سرائیکی جرنلسٹس فورم پاکستان کے صدر یاور عباس بخاری نے کہا کہ یہ سہولت ناصرف اسلام آباد بلکہ سرائیکی خطے کے تمام صحافیوں اور ان کے خاندانوں کے لیے ہوگی۔ انہوں نے کہا کہ سرائیکی جرنلسٹس فورم مستقبل میں بھی مزید ایسے معاہدے کرے گا تاکہ سرائیکی صحافیوں کو بہتر صحت کی سہولیات فراہم کی جا سکیں۔ ان کا کہنا تھا کہ صحافت ایک سخت اور ذمہ دارانہ پیشہ ہے اور صحت مند صحافی ہی بہتر انداز سے معاشرتی کردار ادا کر سکتا ہے۔
انہوں نے کہا کے اس اقدام کا مقصد صحافیوں کو معیاری طبی سہولیات تک کم لاگت اور بروقت رسائی ممکن بنانا ہے۔ یاور بخاری نے کہا کے معاہدے کے تحت سرائیکی جرنلسٹس فورم سے وابستہ صحافیوں اور ان کے اہلِ خانہ کو ہسپتال میں علاج، تشخیص اور لیبارٹری ٹیسٹس پر خصوصی رعایتی پیکیجز فراہم کیے جائیں گے۔
اس موقع پر چیئرمین فورم مجاہد بھٹی اور فورم کے فنانس سیکرٹری طارق نصیر راؤ نے بھی خطاب کرتے ہوئے کہا کہ فورم سرائیکی صحافیوں کی فلاح و بہبود کے لیے کام کرتا رہے گا اور صحافیوں کے مسائل کو ادارہ جاتی بنیادوں پر حل کرانے کے لیے پُرعزم ہے۔
ہسپتال کی انتظامیہ نے یقین دلایا کہ علاج معالجے کے دوران صحافیوں کو خصوصی تعاون اور سہولت فراہم کی جائے گی۔ معاہدے کے تحت جنرل میڈیسن، سرجری، گائنی، پیڈیاٹرکس، ایمرجنسی، لیبارٹری، فارمیسی، ریڈیالوجی اور دیگر شعبہ جات میں خدمات رعایتی نرخوں پر دستیاب ہوں گی۔
تقریب کے اختتام پر دونوں فریقین نے اس امید کا اظہار کیا کہ یہ تعاون صحافی برادری کی فلاح کے لیے نئے دروازے کھولے گا اور مستقبل میں صحت کے دیگر شعبوں میں بھی باہمی اشتراک کو مزید بڑھایا جائے گا۔
تقریب کے دوران دونوں اداروں کے نمائندوں نے اس اقدام کو صحافی برادری کی فلاح و بہبود کے لیے ایک اہم قدم قرار دیا۔ ایم او یو کے مطابق صحافیوں کو معیاری طبی سہولیات کم لاگت میں دستیاب ہوں گی، جس سے انہیں بہتر اور بروقت علاج کی سہولت میسر آئے گی۔
سرائیکی جرنلسٹس فورم پاکستان کے عہدیداران نے سعید انٹرنیشنل ہسپتال کی انتظامیہ کا شکریہ ادا کرتے ہوئے کہا کہ صحافی معاشرے کا اہم ستون ہیں اور ان کی صحت کا خیال رکھنا ہم سب کی مشترکہ ذمہ داری ہے۔

26/01/2026

ڈیرہ اسماعیل خان سے اسدعباس بیوروچیف PPR نیوز

ڈیرہ ریجن میں بڑا ایکشن پلان دہشتگردوں اور سہولت کاروں کے خلاف گھیرا تنگ، آر پی او سید اشفاق انور کے زیر صدارت اہم اجلاس

انسپکٹر جنرل آف پولیس خیبرپختونخوا ذوالفقار حمید کی ہدایات پر ریجنل پولیس آفس ڈیرہ اسماعیل خان میں ریجنل پولیس آفیسر ڈیرہ سید اشفاق انور کی زیر صدارت ڈیرہ رینج کے چاروں اضلاع کی امن و امان کی صورتحال کا تفصیلی جائزہ لینے کیلئے اعلیٰ سطحی اجلاس منعقد ہوا۔اجلاس میں ڈی پی او ڈیرہ صاحبزادہ سجاد احمد، ڈی پی او ٹانک عبدالصمد، ایس پی سی ٹی ڈی ریجن ون افتخار علی شاہ نے شرکت کی، جبکہ ڈی پی او جنوبی وزیرستان اپر ارشدخان،ڈی پی او جنوبی وزیرستان لوئر طاہر شاہ،ایس پی سی ٹی ڈی ریجن ٹو گل روف اور ڈی ایس پی اسپیشل برانچ غلام مرتضیٰ نے بذریعہ ویڈیو لنک اجلاس میں شمولیت اختیار کی۔شرکاء نے اپنے اپنے اضلاع کے لا اینڈ آرڈر،جاری آپریشنز، دہشتگردی سے متعلق تحقیقات اور سیکیورٹی اقدامات پر آر پی او ڈیرہ کو تفصیلی بریفنگ دی۔
ریجنل پولیس آفیسر ڈیرہ سید اشفاق انور نے اجلاس سے خطاب کرتے ہوئے کہا کہ ڈیرہ ریجن کے تمام اضلاع میں دہشت گردوں اور ان کے سہولت کاروں کے خلاف آپریشنز مزید تیز کیے جائیں۔دہشتگردی سے متعلق تمام مقدمات کی جامع، شفاف اور میرٹ پر مبنی تحقیقات کر کے ملزمان کو ہر صورت قانون کی گرفت میں لایا جائے۔
آپریشنز کے دوران ڈرون اور کوڈ کاپٹر ٹیکنالوجی کا باقاعدہ استعمال یقینی بنایا جائے۔دورانِ ڈیوٹی بلٹ پروف جیکٹس اور ہیلمٹ کے استعمال کو سختی سے نافذ کیا جائے اور گشت کی روٹین میں مسلسل تبدیلی لائی جائے۔
غیر قانونی افغان باشندوں کے خلاف فوری کارروائی عمل میں لائی جائے۔مختلف اضلاع میں موجود غیر ملکی شہریوں کی سیکیورٹی کے حوالے سے بین الاضلاعی تعاون بڑھایا جائے۔تمام پولیس اسٹیشنز اور چوکیات کی سیکیورٹی،مضبوطی اور انفراسٹرکچر کو مزید بہتر بنایا جائے۔آخر میں آر پی او ڈیرہ سید اشفاق انور سمیت تمام شرکاء نے اس عزم کا اظہار کیا کہ ڈیرہ ریجن پولیس عوام کے جان و مال کے تحفظ کیلئے ہر ممکن وسائل اور حکمت عملی کو بروئے کار لاتے ہوئے امن و امان کو برقرار رکھنے کیلئے بھرپور اقدامات جاری رکھے گی

15/01/2026