21/10/2025
بروند ٹو خیسورہ روڈ
بروند سے خیسورہ تک جانے والی سڑک کا منصوبہ کئی سال پہلے شروع کیا گیا تھا تاکہ علاقے کے عوام کو آسان اور محفوظ سفر کی سہولت فراہم کی جا سکے۔
ابتدائی مرحلے میں آدھا کام مکمل کر لیا گیا ہے، لیکن بدقسمتی سے باقی کام تاحال ادھورا پڑا ہے۔
سڑک کے نامکمل حصے پر جگہ جگہ کھڈے، مٹی اور پتھر بکھرے ہوئے ہیں، جس کی وجہ سے گاڑیوں کا گزرنا نہایت مشکل ہو گیا ہے۔
روزانہ سینکڑوں لوگ، طلباء اور مریض اسی راستے سے گزرتے ہیں، مگر گرد و غبار اور سڑک کی خراب حالت ان کے لیے ایک عذاب بن چکی ہے۔
مقامی لوگوں نے شکایت کرتے ہوئے کہا ہے کہ ٹھیکدار صاحب نے آدھا کام مکمل کرنے کے بعد کام روک دیا ہے، جس کی کوئی واضح وجہ سامنے نہیں آئی۔
عوام کا کہنا ہے کہ حکومت اور متعلقہ ادارے فوری طور پر مداخلت کریں اور ٹھیکدار کو پابند بنائیں کہ وہ جلد از جلد سڑک کا بقیہ کام مکمل کرے تاکہ عوام کو ریلیف مل سکے۔
عوامی مطالبہ
#خیسورہ #بروند
