Paktika News Desk/پکتیکا نیوز ڈیسک

01/09/2025

سوات:سیدوشریف میں راشن تقسیم کے دوران سیلاب متاثرین پر بدترین لاٹھی چارج

سوات:لاٹھی چارج سے متعدد متاثرین زخمی

سوات:اہلکاروں کا خواتین کے ساتھ بھی بدتمیزی شناختی کارڈ کاپیان پھاڑدی

01/09/2025

*پی ٹی آئی نے قومی اسمبلی اجلاسوں کے بائیکاٹ کا اعلان کردیا*
```آئندہ سے ہم قومی اسمبلی کے اجلاس میں شرکت کے بجائے احتجاج کرتے ہوئے بائیکاٹ کریں گے، بیرسٹر گوہر```

01/09/2025

*افغانستان میں قیامت خیز سانحہ، 800 افراد شہید
نمازی کم، جنازے زیادہ ، تاریخ کا سب سے بڑا اجتماعی جنازہ*

کابل (پکتیکانیوز ڈیسک ) افغانستان آج ایک ہولناک سانحے کی لپیٹ میں آگیا، جہاں زمین لرزنے کی دیر تھی کہ سیکڑوں بستیاں ملبے کا ڈھیر بن گئیں۔ اس قیامت خیز حادثے میں تقریباً 800 افراد جاں بحق ہوئے، جن کا ایک ساتھ نمازِ جنازہ ادا کیا گیا۔

عینی شاہدین کے مطابق منظر دل دہلا دینے والا تھا۔ صفوں میں جنازے زیادہ اور نمازی کم تھے۔ خواتین، بچے اور بزرگ بین کرتے ہوئے اپنے پیاروں کو الوداع کہہ رہے تھے۔ پورے علاقے میں کہرام مچ گیا اور فضا سوگوار ہوگئی۔

مقامی ذرائع کا کہنا ہے کہ یہ افغانستان کی تاریخ کا سب سے بڑا اجتماعی جنازہ تھا، جس نے ہر آنکھ کو اشکبار کردیا۔ متاثرہ خاندانوں نے کہا کہ یہ صدمہ الفاظ سے بیان نہیں کیا جا سکتا۔

علمائے کرام اور عوام نے دعا کی:
"اے اللہ! ان شہداء کو اپنی رحمت کی چادر میں لپیٹ لے، لواحقین کو صبر جمیل عطا فرما، اور ہم سب کو تیری پکڑ سے بچا۔ آمین۔"

01/09/2025

وانا ایگری پارک میں افغان بچی کو پیاس لگی ہے ۔۔۔

01/09/2025

🟥 اہم خبر – جنوبی وزیرستان لوئر میں کرفیو نافذ 🟥
وانا، 2 ستمبر 2025 – ضلعی انتظامیہ جنوبی وزیرستان لوئر نے 2 ستمبر بروز منگل، تحصیل وانا اور تحصیل شکئی میں صبح 6 بجے سے شام 7 بجے تک کرفیو نافذ کرنے کا اعلان کر دیا ہے۔
کرفیو کے دوران علاقے میں ہر قسم کی نقل و حرکت پر مکمل پابندی عائد ہو گی، جبکہ تمام بازار، مارکیٹس اور عوامی مقامات بند رہیں گے۔
انتظامیہ کے مطابق درج ذیل راستے مکمل طور پر سیل ہوں گے:

وانا – تیارزہ گیٹ – کرب کوٹ – تنائی – عزیز آباد چوک – درگئی پل

شکئی – انزر چینہ – وانا

ہدایات برائے شہری:

صرف ایمرجنسی کی صورت میں پولیس یا سیکیورٹی فورسز کی اجازت سے، شناختی کارڈ اور کاغذات جمع کروا کر سفر کی اجازت دی جائے گی۔
سیکیورٹی اہلکاروں کی گاڑی دیکھ کر عام شہریوں کو ہدایت دی گئی ہے کہ اپنی گاڑی کو کم از کم 100 میٹر کے فاصلے پر سڑک سے نیچے اتار لیں۔
ضلعی انتظامیہ کا کہنا ہے کہ یہ اقدام علاقائی سیکیورٹی صورتحال کے پیش نظر اٹھایا گیا ہے، اور عوام سے تعاون کی اپیل کی گئی ہے۔
خلاف ورزی کی صورت میں سخت قانونی کارروائی کی جائے گی

01/09/2025

وانا: افغان مہاجرین کی واپسی کے لیے ایگری پارک میں سہولیات کی فراہمی کا آغاز

وانا (جنوبی وزیرستان لوئر):
ڈپٹی کمشنر وانا مسرت زمان کی ہدایت پر تحصیل میونسپل اتھارٹی (TMA) نے افغان مہاجرین کی واپسی کے لیے ایگری پارک میں قائم عارضی پناہ گاہ میں سہولیات کی فراہمی کا کام تیزی سے شروع کر دیا ہے۔
ٹی ایم اے کے اہلکاروں کے مطابق، حکومتی ہدایات پر عمل درآمد کرتے ہوئے پناہ گاہ میں صفائی، صاف پانی، خوراک اور طبی امداد کی سہولیات مہیا کی جا رہی ہیں تاکہ مہاجرین کو کسی قسم کی پریشانی کا سامنا نہ کرنا پڑے۔
اہلکاروں نے میڈیا سے گفتگو میں کہا کہ وانا ٹی ایم اے کی کوشش ہے کہ افغان مہاجرین کی واپسی عزت و احترام کے ساتھ ممکن ہو، اور ایگری پارک میں تمام بنیادی ضروریات بروقت فراہم کی جائیں۔ اس عمل میں صوبائی حکومت کی جانب سے دی گئی ہدایات پر مکمل عمل درآمد یقینی بنایا جا رہا ہے۔
انہوں نے مزید کہا کہ افغان بھائیوں کے لیے الوداعی عمل کو شائستہ اور باوقار بنانے کے لیے ہر ممکن اقدامات اٹھائے جا رہے ہیں، تاکہ ان کی میزبانی کا آخری مرحلہ بھی باعزت انداز میں مکمل ہو۔

01/09/2025

*وانا میں افغان مہاجرین کے باعزت انخلا کیلئے انتظامیہ متحرک، ایگری پارک میں عارضی کیمپ قائم*

وانا (نامہ نگار) افغان مہاجرین کے باعزت انخلا کو یقینی بنانے کے لئے ڈپٹی کمشنر وانا مسرت زمان کی ہدایت پر ایگری پارک وانا میں خصوصی عارضی کیمپ قائم کردیا گیا۔ کیمپ کا انتظام تحصیلدار وانا زمان وزیر کی نگرانی میں کیا جارہا ہے۔

تحصیلدار زمان وزیر کا کہنا تھا کہ افغان مہاجرین ہمارے بھائی ہیں، اور ان کی باعزت رخصتی کے لئے انتظامیہ ہر ممکن تعاون فراہم کرے گی۔ انہوں نے بتایا کہ کیمپ میں سکیورٹی کے فول پروف اقدامات کے ساتھ ساتھ پینے کا صاف پانی، واش رومز، بجلی، کمبل اور بستر جیسی سہولیات بھی فراہم کی گئی ہیں۔

انھوں نے مزید کہا کہ روزانہ کی بنیاد پر 10 سے 15 افغان خاندانوں کی رجسٹریشن کرتے ہوئے انہیں عزت و احترام کے ساتھ رخصت کیا جارہا ہے۔ ان کے مطابق ڈی سی وانا کے احکامات پر انگور آڈہ بارڈر پر بھی میڈیکل کیمپ اور عارضی رہائش گاہیں قائم کردی گئی ہیں تاکہ مہاجرین کو کسی قسم کی دشواری کا سامنا نہ ہو۔

انتظامیہ کا کہنا ہے کہ یہ اقدامات انسانی ہمدردی اور بھائی چارے کی بہترین مثال ہیں، جس سے مہاجرین کی واپسی کا عمل پرامن اور باعزت طریقے سے جاری ہے۔

01/09/2025

01/09/2025

جنوبی وزیرستان (وانا) : آج وانا کے علاقے میں دھماکے کی آواز سنائی دی، تاہم عوام کو کسی قسم کی تشویش کی ضرورت نہیں۔ ذرائع کے مطابق یہ دھماکہ کل تیارزہ گیٹ سے پکڑے گئے بارودی مواد کو ناکارہ بنانے کے دوران ہوا۔ بارودی مواد کو محفوظ طریقے سے تباہ کر دیا گیا ہے، اور علاقے میں امن و امان کی صورتحال مکمل طور پر قابو میں ہے۔ عوام سے اپیل کی گئی ہے کہ وہ مطمئن رہیں اور افواہوں پر کان نہ دھریں۔

مزید 8 دھماکوں کی آوازیں سنائی دیں گی۔

01/09/2025

آرمی ایوی ایشن ہیلی کاپٹر گلگت بلتستان کے ضلع چلّاس میں کریش ہو گیا، جس کے نتیجے میں 3 اہلکار شہید ہو گئے۔ ہیلی کاپٹر میں دو پائلٹس اور تین تکنیکی عملہ سوار تھے، ابتدائی تحقیقات سے ظاہر ہوتا ہے کہ حادثے کی وجہ تکنیکی خرابی تھی:

01/09/2025

01/09/2025

ڈی پی او طاہر شاہ وزیر کا ڈسٹرکٹ پریس کلب وانا اور سرکاری دفاتر کا دورہ

وانا (نیوز) — جنوبی وزیرستان لوئر کے ضلعی پولیس آفیسر (ڈی پی او) طاہر شاہ وزیر نے وانا میں ڈسٹرکٹ پریس کلب، نادرا اور پاسپورٹ آفس سمیت مختلف اداروں کا دورہ کیا۔ اس موقع پر صدر ڈسٹرکٹ پریس کلب وانا شہزادہ وزیر اور کابینہ کے دیگر اراکین نے ڈی پی او کا پرتپاک استقبال کیا۔
ڈی پی او طاہر شاہ وزیر نے پریس کلب کے مختلف حصوں کا معائنہ کیا اور صحافیوں سے ملاقات کے دوران کہا کہ دور افتادہ علاقوں میں پریس کلب جیسے اداروں کا قیام خوش آئند ہے۔ انہوں نے علاقائی صحافیوں کے کردار کو سراہتے ہوئے کہا کہ علاقے کی ترقی، خوشحالی اور امن کے قیام میں مقامی میڈیا کا کردار قابلِ تحسین ہے۔
بعد ازاں ڈی پی او نے نادرا اور پاسپورٹ آفس کا دورہ کیا جہاں انہوں نے سکیورٹی کنٹرول روم کا معائنہ کیا اور وہاں موجود عملے سے موجودہ صورتحال کے بارے میں معلومات حاصل کیں۔ انہوں نے ادارے کی ضروریات کو پورا کرنے کی یقین دہانی بھی کرائی۔
ڈی پی او نے پریس کلب کے لیے فرنیچر فراہم کرنے کے احکامات جاری کیے، جس پر صحافی برادری نے ان کا شکریہ ادا کیا۔۔۔