06/07/2025
ڈیرہ اسماعیل خان اور ٹانک میں دسویں محرم الحرام کے تمام عزہ داروں کے ماتمی جلوس ڈیرہ پولیس کی سخت سیکیورٹی کے انتظامات میں امام بارگاہوں سے مقررہ راستوں سے ہوتے ہوئےخیروعافیت سے اختتام پذیر
کمشنر اور ریجنل پولیس آفیسر ڈیرہ ڈویژن نے تمام ماتمی جلوسوں کی سیکیورٹی کے انتظامات کے نگرانی کی
تفصیلات کے مطابق ڈیرہ اسماعیل خان اور ضلع ٹانک میں دسویں محرم الحرام کے تمام جلوس پولیس اور سیکیورٹی فورسز کے فول پروف سیکورٹی کے انتظامات میں خیروعافیت سے اختتام پزیر ہو گئے۔اس سلسلے میں امام بارگاہوں اور ان سے برآمد ہونے والے ماتمی جلوسوں کی گزرگاہوں کی چاروں اطراف پولیس کی جانب سے سخت سیکیورٹی انتظامات کئے گئے تھے۔ڈیرہ اسماعیل خان اور ٹانک میں محرم الحرام کا پُر امن انعقاد ڈیرہ رینج پولیس کی دن رات کی محنت اور بہترین حکمت عملی کا ثبوت ہے۔محرم الحرام کے دوران دہشت گردی کے کافی خطرات تھے لیکن پولیس نےموثر حکمت عملی کی وجہ سے محرم الحرام کے بابرکت ایام میں امن وامان،مکمل مذہبی رواداری اور ہم آہنگی کی فضاء برقرار رہی۔کوٹلی امام حسین پر کمشنر ظفرالاسلام خٹک اور ریجنل پولیس آفیسر سید اشفاق انور ڈیرہ ڈویژن نے دس محرم الحرام کے ماتمی جلوسوں کی سیکیورٹی کے انتظامات کی نگرانی کی۔اس موقع پر ڈپٹی کمشنر ڈیرہ عبدالناصرخان،ڈی پی او ڈیرہ سجاد احمد صاحبزادہ سمیت دیگر پولیس کے افسران بھی ان کے ہمراہ تھے۔پر امن محرم الحرام کے انعقاد پر کمشنر اور آر پی او ڈیرہ ڈویژن نے میڈیا کے نمائندوں سے خطاب کرتے ہوئے سیکیورٹی فورسز کا شکریہ ادا کیا جنہوں نے پولیس کے شانہ بشانہ اپنے فرائض سرانجام دیئے۔انہوں نےکہا کہ تمام علماءکرام اہل سنت و اہل تشیع کے مشکور ہیں جنہوں نے اپنے خطبوں میں مذہبی ہم آہنگی اور بھائی چارے کی اہمیت کو اُجاگر کیااور عملی طور پر ایک دوسرے کے مذہبی جذبات اور روایات کا احترام کرتے ہوئے عشرہ محرم کو پُر امن طریقے سے منانے کے لیے پولیس اور انتظامیہ سے مکمل تعاون کیا،اس ساتھ ساتھ ڈیرہ کی غیور عوام،امن کمیٹی کے ممبران، سیاسی رہنماﺅں،تاجر برادری اور میڈیا کے نمائندوں کے بھی تہہ دل سے شکر گزار ہیں جنہوں نے محرم کے دوران امن و آمان کو برقرار رکھنے کے لیے پولیس فورس اور انتظامیہ کے ساتھ مکمل تعاون کرتے ہوئے بے شمار چیلنجوں اور خطرات کے باوجود محرم الحرام روایتی مذہبی بھائی چارے کی فضا میں منایا گیا۔
