UMEED

28/07/2026

*⚠️ عوامی اطلاع برائے وانا اور اعظم ورسک*

ضلعی انتظامیہ جنوبی وزیرستان لوئر کی جانب سے دفعہ 144 کے تحت جاری تازہ ترین نوٹیفکیشن کے مطابق، موصولہ مصدقہ اطلاعات کے پیشِ نظر 28 جولائی 2026 شام 9:00 بجے سے 30 جولائی 2026 شام 9:00 بجے تک وانا اور اعظم ورسک کے علاقوں میں درج ذیل گاڑیوں کی نقل و حرکت پر مکمل پابندی عائد کی گئی ہے:

لوڈر رکشہ
سنگل کیبن کارگو گاڑیاں
شازور گاڑیاں
سوزوکی لوڈر
مزدا گاڑیاں

تمام شہریوں سے گزارش ہے کہ مقررہ مدت کے دوران مذکورہ گاڑیاں سڑکوں پر نہ لائیں اور ضلعی انتظامیہ کی ہدایات پر مکمل عمل کریں۔
اگر کسی کو کوئی مشکوک گاڑی یا سرگرمی نظر آئے تو فوراً قریبی سیکیورٹی فورسز، پولیس یا متعلقہ حکام کو اطلاع دیں۔
آپ کا تعاون امن و امان اور عوامی سلامتی کے لیے نہایت اہم ہے۔

13/07/2026

*وزیرستان امن فیسٹیول 2026 — بااختیار نوجوان، روشن مستقبل*

-- جنوبی وزیرستان: فرنٹیئر کور خیبر پختونخوا (ساؤتھ) کی جانب سے منعقد کردہ ایک ماہ سے جاری وزیرستان امن فیسٹیول 2026 کامیابی سے مکمل ہوگیا۔

-- یہ فیسٹیول نوجوانوں کو مثبت سرگرمیوں کی جانب راغب کرنے، کھیلوں کے فروغ اور علاقے میں امن، بھائی چارے اور قومی یکجہتی کے فروغ کی ایک مؤثر کاوش ثابت ہوا۔

فیسٹیول کے دوران جنوبی وزیرستان اپر اور لوئر کے 23 مختلف مقامات پر کرکٹ، فٹبال اور والی بال کے 219 مقابلے منعقد ہوئے، جن میں 201 ٹیموں کے 4،000 سے زائد کھلاڑیوں نے بھرپور شرکت کی۔ نوجوانوں کی غیر معمولی شمولیت اور عوامی دلچسپی نے فیسٹیول کی کامیابی کو مزید نمایاں کیا۔

ابتدائی دو مراحل کے اختتام پر بہترین کارکردگی دکھانے والی چھ ٹیموں نے گرینڈ فائنل کے لیے کوالیفائی کیا، جن میں جنوبی وزیرستان اپر کی تین اور جنوبی وزیرستان لوئر کی تین ٹیمیں شامل تھیں۔

فیسٹیول کا تیسرا اور آخری مرحلہ 09 تا 11 جولائی 2026 کو وانا میں منعقد ہوا، جہاں کرکٹ، فٹبال اور والی بال کے فائنل مقابلے جوش و خروش سے کھیلے گئے۔

-- فیسٹیول کی اختتامی تقریب وانا میں منعقد ہوئی، جس میں قبائلی عمائدین، معززینِ علاقہ، سول انتظامیہ کے حکام اور نوجوانوں کی بڑی تعداد نے شرکت کی۔ تقریب کے مہمانِ خصوصی انسپکٹر جنرل فرنٹیئر کور خیبر پختونخوا (ساؤتھ) تھے۔

-- علاقے کے مشران اور انسپکٹر جنرل فرنٹیئر کور خیبر پختونخوا (ساؤتھ) نے فاتح اور نمایاں کارکردگی دکھانے والی ٹیموں اور کھلاڑیوں کی حوصلہ افزائی کے لیے انعامات تقسیم کیے۔ اس موقع پر انہوں نے نوجوانوں کے مثبت کردار، کھیلوں کی اہمیت اور وزیرستان میں امن، ترقی پر زور دیا۔

-- وزیرستان امن فیسٹیول 2026 اس امر کا عملی مظہر ہے کہ افواجِ پاکستان نوجوانوں کو مثبت مواقع فراہم کر کے ان کی صلاحیتوں کو نکھارنے اور روشن مستقبل کی بنیاد رکھنے میں مثبت اور مؤثر کردار ادا کر رہی ہے۔

30/06/2026

*وزیرستان امن فیسٹیول 2026 - بااختیار نوجوان، روشن مستقبل*

جنوبی وزیرستان: فرنٹیئر کور خیبر پختونخوا (ساؤتھ) کے زیرِ اہتمام وزیرستان امن فیسٹیول 2026 کے دوسرے مرحلے کے سلسلے میں سراروغہ اسٹیڈیم میں کرکٹ کے دو سنسنی خیز مقابلے کھیلے گئے۔

پہلے میچ میں سراروغہ لائنز نے شاندار کھیل کا مظاہرہ کرتے ہوئے تیارزہ ٹائیگرز کو شکست دے کر کامیابی اپنے نام کی، جبکہ دوسرے مقابلے میں کانیگرم وولوز نے بہترین کارکردگی کا مظاہرہ کرتے ہوئے بی بی رغزئی ٹائیگرز کو شکست دے دی۔

دونوں میچز میں کھلاڑیوں نے اعلیٰ معیار کا کھیل پیش کیا، جبکہ شائقینِ کرکٹ کی بڑی تعداد نے بھرپور جوش و خروش کے ساتھ اپنی اپنی ٹیموں کی حوصلہ افزائی کی، جس سے اسٹیڈیم کا ماحول انتہائی پرجوش اور پُررونق رہا۔

وزیرستان امن فیسٹیول 2026 نوجوانوں میں صحت مند سرگرمیوں، کھیلوں کے فروغ، امن، بھائی چارے اور باہمی یکجہتی کے جذبے کو فروغ دینے کی ایک مؤثر کاوش ہے۔

28/06/2026

13/06/2026

*جنوبی وزیرستان (وانا): صحافیوں، سوشل میڈیا انفلوئنسرز اور کانٹنٹ کریئیٹرز کے وفد کا کیڈٹ کالج وانا کا دورہ*

-- جنوبی وزیرستان، ٹانک اور ڈیرہ اسماعیل خان سے تعلق رکھنے والے صحافیوں، سوشل میڈیا انفلوئنسرز اور کانٹنٹ کریئیٹرز پر مشتمل ایک وفد نے کیڈٹ کالج وانا کا دورہ کیا۔

-- وفد کو ادارے کی تعلیمی، تربیتی اور کردار سازی سے متعلق سرگرمیوں کے بارے میں تفصیلی آگاہی فراہم کی گئی۔ وفد نے کالج کے نظم و ضبط، معیاری تعلیمی ماحول اور طلبہ کی صلاحیتوں کو سراہتے ہوئے کہا کہ کیڈٹ کالج وانا وزیرستان کے نوجوانوں کی تعلیم، تربیت اور قیادت سازی میں نمایاں کردار ادا کر رہا ہے، جبکہ علاقے میں معیاری تعلیم کے فروغ میں بھی اہم خدمات سرانجام دے رہا ہے۔

-- وفد نے طلبہ کو فراہم کی جانے والی تعلیمی سہولیات، ہم نصابی سرگرمیوں اور تربیتی نظام کو سراہتے ہوئے کیڈٹ کالج وانا کو علاقے کے نوجوانوں کے لیے ایک مثالی تعلیمی ادارہ قرار دیا۔

-- بعد ازاں وفد نے انسپکٹر جنرل فرنٹیئر کور خیبر پختونخوا (ساؤتھ) سے ملاقات کی، جس میں جنوبی وزیرستان میں امن، استحکام اور مثبت رپورٹنگ کے فروغ سے متعلق امور پر تبادلۂ خیال کیا گیا۔

-- اس موقع پر انسپکٹر جنرل فرنٹیئر کور خیبر پختونخوا (ساؤتھ) نے قومی یکجہتی، سماجی ہم آہنگی اور پائیدار امن کے فروغ میں میڈیا کے کردار کو سراہتے ہوئے کہا کہ ذمہ دارانہ اور مثبت رپورٹنگ عوامی آگاہی اور معاشرتی استحکام میں کلیدی اہمیت کی حامل ہے۔

-- ملاقات کے دوران میڈیا اور سیکیورٹی فورسز کے درمیان باہمی روابط اور تعاون کو مزید مؤثر بنانے پر اتفاق کیا گیا، جبکہ امن، استحکام اور مثبت سرگرمیوں کے فروغ کے لیے مشترکہ کاوشوں کی ضرورت پر زور دیا گیا۔

-- وفد نے دورے کو ایک مثبت اور مفید اقدام قرار دیتے ہوئے کہا کہ ایسے اقدامات زمینی حقائق کو اجاگر کرنے اور جنوبی وزیرستان کے مثبت پہلوؤں کو مؤثر انداز میں سامنے لانے میں اہم کردار ادا کرتے ہیں۔