06/09/2026
سروس ڈیلیوری سنٹر پروا سرکل پر حالیہ دنوں میں تعینات ہونے والے تحصیلدار عبدالصمد خان سروس ڈیلیوری سنٹر پر آنے والے زمینداروں کے مختلف مسائل کے فوری حل کے لیے محترک دکھائی دے رہے ہیں فرد اراضی کے اجراء،انتقال و رجسٹری کے اندراج سمیت زمینداروں کو ہر ممکن ریلیف دینے کے لیے تحصیلدار عبدالصمد خان کی طرف سے کئی مثبت اقدامات عمل میں لائے جا رہے ہیں سروس ڈیلیوری سنٹر پروا سرکل میں کمپیوٹر پر ہونے والا تمام کام ناصرف تحصیلدار عبدالصمد خان کی نگرانی میں سرانجام دیا جا رہا ہے بلکہ زمینداروں کی آسانی کے لیے کئی کاونٹر بنائے گئے ہیں جہاں پر موجود کمپیوٹر آپریٹرز زمینداروں کے مسائل حل کرنے میں مصروف عمل رہتے ہیں پروا سرکل کے آن لائن ہونے والے تمام موضع جات کا ریکارڈ اپ ڈیٹ کیا جا چکا ہے سروس ڈیلیوری سنٹر پر عبدالصمد خان کی طرف سے دورہ پروگرام کا سلسلہ بھی باقاعدگی سے شروع کر دیا گیا ہے جس سے زمینداروں کو انتقال و رجسٹری درج کرانے سمیت زمین سے متعلق دیگر مختلف مسائل کے فوری حل کے لیے عبدالصمد خان کی طرف سے کئی مثبت اقدامات عمل میں لائے جا رہے ہیں جس پر مختلف زمینداروں کی طرف سے تحصیلدار عبدالصمد خان کو زبردست الفاظ میں خراج تحسین پیش کیا جا رہا ہے جبکہ اس موقع پر تحصیلدار عبدالصمد خان کا کہنا تھا کہ سروس ڈیلیوری سنٹر پروا سرکل پر آنے والے تمام شہری ہمارے لیے انتہائی قابل احترام ہیں جن کی ہر ممکن مدر کرنا ہماری اولین ترجیح ہے انہوں نے کہا کہ ہمارے دفتر کے دروازے ہر کسی کے لیے کھلے ہوئے ہیں کسی بھی شہری کو محکمہ مال سے کسی قسم کا کوئی مسلہ ہوتو وہ بلا جھجک میرے دفتر میں مجھ سے مل سکتے ہیں
