04/11/2025
جنوبی وزیرستان اپر میرٹ کی پامالی، سفارشی و سیاسی افراد کی بھرتی پر عوام مایوسی کا شکار
جنوبی وزیرستان آپر میں محکمہ تعلیم کے حالیہ بھرتیوں میں میرٹ کی دھجیاں اڑا دی گئیں۔ ذرائع کے مطابق UNICEF پراجیکٹ میں گاؤں جنتہ کی یونین کونسل کے علاقوں مرکی خیل اور شاوزاے بند خیل میں اعلیٰ تعلیم یافتہ امیدواروں کو نظرانداز کرکے سفارشی افراد کو منتخب کیا گیا ہے۔
مقامی رہائشی کے مطابق ایم فل ڈگری ہولڈرز کو میرٹ پر نظرانداز کرنا تعلیم دشمنی کے مترادف ہے۔ انہوں نے کہا کہ پاکستان تحریک انصاف ایک طرف انصاف اور میرٹ کی بات کرتا ہے تو دوسری طرف میرٹ کی دھجیاں اڑائی جا رہے ہے
ان کا کہنا تھا کہ بھرتیوں میں شفافیت کا دعویٰ کرنے والے سیاسی مداری اور متعلقہ حکام نے سفارش کو ترجیح دی جس سے نوجوانوں میں شدید مایوسی پھیل گئی ہے۔
مقامی افراد نے وزیرِ ابتدائی تعلیم اور سیکریٹری ایجوکیشن سے مطالبہ کیا ہے کہ اس معاملے کا فی الفور نوٹس لیا جائے اور بھرتیوں کا مکمل ریکارڈ شفاف انداز میں عوام کے سامنے لایا جائے تاکہ میرٹ پر حق تلفی کا ازالہ ہو سکے۔
PMRU Khyber Pakhtunkhwa Chief Minister Khyber Pakhtunkhwa Chief Secretary Khyber Pakhtunkhwa Ali Amin Khan Gandapur Muhammad Sohail Afridi
