Q-News

16/09/2025

ٹانک: یوم دفاع کی تقریبات کا شاندار انعقاد

ٹانک: یوم دفاع پاکستان کی مناسبت سے شاندار تقریبات کا انعقاد کیا گیا۔ 15 ستمبر کو کرسچن آڈیٹوریم ہال اور 16 ستمبر کو جی ٹی وی سی بوائز ٹانک میں تقریبات منعقد ہوئیں، جن کا اہتمام ایس آر ایس پیSRSP – پی پی اے ایف، ضلعی انتظامیہ اور کرسچن ہسپتال کے سی ای او ڈاکٹر ندیم ہدایت کے اشتراک سے کیا گیا۔

تقریبات میں 1965 کی جنگ کے شہداء کو خراج عقیدت پیش کرنے کے لیے حب الوطنی پر مبنی تقاریر، قومی نغمے، ٹیبلوز، ڈرامے اور ثقافتی پروگرام پیش کیے گئے۔ شرکاء نے شہداء کی قربانیوں کو سلام پیش کرتے ہوئے ان کے جذبہ حب الوطنی کو پاکستان کی اصل طاقت قرار دیا۔

09/09/2025

https://www.facebook.com/share/p/1BA12UknZn/

09/09/2025

https://m.facebook.com/story.php?story_fbid=1201072235372315&id=100064086487030&mibextid=Nif5oz

31/08/2025

ڈپٹی کمشنر اور ڈی پی او لوئر وزیرستان کا اپنے ضلعی حدود کے باہر جنوبی وزیرستان اپر کے ضلعی حدود میں قائم گومل زام ڈیم کا دورہ ، یہ دیکھے بغیر کہ یہ انکے ضلعی حدود کا حصہ نہیں فوٹوسیشن کرکے اپنی حاضری پوری کرلی۔ دوسری جانب عوام کا کہنا ہے کہ ڈپٹی کمشنر لوئر وزیرستان کو اپنے ضلعی حدود کے اندر رہتے ہوئے کام کرنا چاہیے قبائلی رواج میں دوسرے ضلعے کے حدود پلانگنا اچھی بات نہیں

27/08/2025

جنوبی وزیرستان اپر میں مبینہ غیرقانونی بھرتیوں کا معاملہ ، ان آفیشل انکوائری اے ڈی سی ایف این پی کے سپرد ، مقامی افراد کا کہنا ہے کہ غیرمقامی افراد کے شناختی کارڈز میں ٹیمپرنگ کا خدشہ ہے اس لئے تمام ملازمین کے ڈاکومنٹس کے ساتھ ساتھ فیزیکل ویریفیکیشن بھی کی جائے

09/08/2025

09/08/2025

سوشل میڈیا پر مزکورہ آئی ڈی کو رپورٹ کرنے کا ٹرینڈ چل رہا ہے
https://www.facebook.com/share/1FMrdUXgM6/

08/08/2025

محسود، وزیر اور گنڈہ پور ٹھیکیدار گروپوں میں کشیدگی، ٹینڈرز پر مک مکا کے الزامات

وزیر اعلیٰ کے حلقے میں ٹھیکیدار گروپوں کے درمیان ٹینڈرز اور رنگ کے معاملات پر شدید کشیدگی پیدا ہوگئی ہے۔ ذرائع کے مطابق محسود، وزیر اور گنڈہ پور سے تعلق رکھنے والے بعض ٹھیکیدار ایک دوسرے کو نیچا دکھانے کے لیے سرگرم ہیں، جس سے خدانخواستہ سنگین صورتحال جنم لے سکتی ہے۔

باوثوق ذرائع نے بتایا ہے کہ وزیر اعلیٰ کے حلقے میں محکمہ جاتی افسران اور بااثر ٹھیکیدار آپس میں مک مکا کرکے من پسند یا خواہش مند ٹھیکیدار کو ٹھیکہ الاٹ کرتے ہیں۔ اس عمل میں ٹھیکہ حکومتی جردہ ریٹ سے 5 سے 15 فیصد زیادہ قیمت پر منظور کروایا جاتا ہے، اور جو اضافی رقم بنتی ہے وہ مبینہ طور پر افسران اور ٹھیکیداروں کے درمیان تقسیم ہوجاتی ہے۔

عوامی حلقوں کا کہنا ہے کہ یہ عمل نہ صرف کرپشن کو فروغ دے رہا ہے بلکہ معیاری ترقیاتی کاموں میں بھی رکاوٹ بن رہا ہے۔ شہریوں نے متعلقہ حکام سے مطالبہ کیا ہے کہ اس معاملے کی شفاف تحقیقات کی جائیں اور ملوث عناصر کے خلاف قانونی کارروائی عمل میں لائی جائے۔

05/08/2025

جنوبی وزیرستان اپر میں سابقہ ڈپٹی کمشنر کی جانب سے مبینہ طور پر من پسند اور مخصوص افراد کو نوازنے کے لئے قواعد و ضوابط کو نظر انداز کرتے ہوئے کلاس فور کی 27 عارضی آسامیوں پر بھرتیاں کی گئیں۔ باوثوق ذرائع کے مطابق یہ بھرتیاں بغیر کسی عوامی اشتہار یا میرٹ کے کی گئیں، اور ان ملازمین کو ماہانہ 36 ہزار روپے تنخواہ دی جا رہی ہے۔
ذرائع کا کہنا ہے کہ ان افراد میں متعدد نان لوکل افراد بھی شامل ہیں جو مبینہ طور پر ڈپٹی کمشنر کی ذاتی خدمات سرانجام دے رہے تھے۔ اس معاملے نے مقامی آبادی میں شدید تشویش پیدا کر دی ہے اور شفاف تحقیقات کا مطالبہ زور پکڑتا جا رہا ہے۔

30/06/2025

ضلعی انتظامیہ جنوبی وزیرستان اپر کی مؤثر کارروائی: ڈپٹی کمشنر فضل ودود کی ہیدایت پر اسسٹنٹ کمشنر سرویکئی کی زیر نگرانی تحصیلدار شہزادہ نعمت اللہ کا مارکیٹوں اور فلنگ سٹیشنز کا معائنہ
سرکاری نرخناموں پر عملدرآمد نہ کرنے والوں کے خلاف سخت کارروائی کا انتباہ

جنوبی وزیرستان اپر (نمائندہ خصوصی) — ڈپٹی کمشنر ضلع جنوبی وزیرستان اپر جناب فضل ودود صافی کی ہدایت پر اسسٹنٹ کمشنر سرویکئی عظمت علی اور ایڈیشنل اسسٹنٹ کمشنر سرویکئی سب ڈویژن حسنین احمد کی زیر نگرانی نائب تحصیلدار سرویکئی شہزادہ نعمت اللہ نے سرویکئی کے مختلف بازاروں اور فلنگ سٹیشنز کا دورہ کیا۔

معائنے کے دوران دکانوں میں موجود اشیائے ضروریہ کے معیار، صفائی ستھرائی، سرکاری نرخناموں کی دستیابی اور پٹرولیم مصنوعات کی اوگرا کے مطابق قیمتوں پر فراہمی کا تفصیلی جائزہ لیا گیا۔

اس موقع پر نائب تحصیلدار نے دکانداروں کو واضح ہدایت کی کہ سرکاری نرخناموں کی مکمل پابندی کو یقینی بنایا جائے اور گاہکوں کو معیاری اشیاء فراہم کی جائیں۔ انہوں نے خبردار کیا کہ کسی بھی قسم کی خلاف ورزی کی صورت میں قانونی کارروائی کی جائے گی اور جرمانے عائد کیے جائیں گے۔

ضلعی انتظامیہ کی یہ کارروائی عوام کو ریلیف فراہم کرنے اور منافع خوروں کے خلاف سخت اقدامات کو یقینی بنانے کے لیے کی گئی ہے۔ عوامی حلقوں نے اس اقدام کو سراہا اور حکومت سے اس تسلسل کو برقرار رکھنے کی اپیل کی ہے۔

29/06/2025

تفصیل:
ایجوکیشن ڈیپارٹمنٹ اپر وزیرستان میں میرٹ کی دھجیاں، نان فنکشنل سکولوں پر سینکڑوں اساتذہ کی مبینہ تعیناتی

ضلع اپر وزیرستان (نمائندہ خصوصی)
زرائع کے مطابق محکمہ تعلیم اپر وزیرستان کی ناقص حکمرانی اور بدعنوانی کی نئی مثال سامنے آ گئی ہے، جہاں لدھا اور مکین کے متعدد غیر فعال (نان فنکشنل) سکولوں پر سینکڑوں سرکاری اساتذہ کو تعینات کیا گیا ہے جو گھر بیٹھے فری میں تنخواہیں وصول کررہے ہیں۔

ذرائع کے مطابق بعض بااثر افراد نے متعلقہ سب ڈویژنل افسران کے ساتھ ملی بھگت کر کے نان فنکشنل سکولوں اپنی تعیناتیاں کروائی ہیں، تاکہ اساتذہ گھر بیٹھے تنخواہیں وصول کر سکیں۔ حیرت انگیز طور پر کئی ایسے سکول جو گزشتہ کئی سالوں سے بند ہیں، بچوں کی فیک انرولمنٹ کرکے انہیں فعال ظاہر کر کے ان پر باقاعدہ اساتذہ کی تقرری کی گئی ہے۔

مزید برآں، فیلڈ میں موجود فنشنل سکولوں کے بجائے اساتذہ کو نان فنشنل سکولوں پر تعینات کرکے کرپشن کی راہ ہموار کی جارہی ہے جبکہ فنکشنل سکولوں میں اساتذہ کی کمی ظاہر کرکے انکو یواین ایجنسیز کے حوالے کیا جارہا ہے۔

مقامی عوام اور والدین نے اس سنگین بدانتظامی اور بے ضابطگی پر شدید تحفظات کا اظہار کرتے ہوئے اعلیٰ حکام سے مطالبہ کیا ہے کہ فوری انکوائری کر کے نان فنکشنل سکولوں پر تعینات اساتذہ کو فنکشنل سکولوں پر تعینات کرکے حقیقی تدریسی عمل کو بحال کیا جائے۔

مزید یہ کہ عوام نے ڈسٹرکٹ ایجوکیشن آفیسر ملک خان سے ان غیرقانونی تعیناتیوں میں ملوث افسران، خاص طور پر ایس ڈی ای اوز ، اے ڈی ای اوز اور متعلقہ اہلکاروں کے خلاف سخت کارروائی کی جائے تاکہ آئندہ کوئی بھی افسر اپنے اختیارات کا ناجائز استعمال نہ کر سکے۔

محکمہ تعلیم خیبرپختونخوا کو چاہیے کہ اس اسکینڈل کی شفاف تحقیقات کروائے اور میرٹ، شفافیت اور بچوں کے مستقبل کو ترجیح دیتے ہوئے اصلاحاتی اقدامات جلد از جلد نافذ کرے۔

27/06/2025

محکمہ سی اینڈ ڈبلیو جنوبی وزیرستان میں مبینہ کرپشن کا انکشاف ہوا ہے ، زرائع کے مطابق پہلے ملازمین سے بڑے پیمانے پر ڈیڈکشن کی گئی جس کے بعد تمام ملازمین پر منتھلی مقرر کی گئی ہے۔ بطور وصولی بھائی کام کرنے والے ضلعی افسران کے مطابق وصول کردہ رقم اعلی منسبوں پر تعینات افسران اور سیاسی رہنماوں تک پہنچائی جاتی ہے۔ دوسری جانب ایڈوانس بلنگ ، فیک فیزایبیلٹیز ، دو نمبر میٹیریل کے علاوہ 14 پرسنٹ ضلعی کمشن اور 6 سے 10 پرسنٹ سیکٹری کے کمشن نے نام پر بٹورے جانے کا بھی انکشاف ہوا ہے۔