Voice of Voice, Tando Jan Muhammad, Digri (2026)

03/05/2026

اسلام آباد: سرڪاري ذريعن موجب، ملڪ ۾ پيٽرول جي ايڪس ريفائنري قيمت 246 رپيا 31 پيسا في ليٽر آهي، پر ٽيڪسن، ليون ۽ مختلف مارجنز شامل ٿيڻ بعد اها قيمت وڌي 399 رپيا 86 پيسا في ليٽر تائين پهچي وڃي ٿي.
ذريعن جو چوڻ آهي ته في ليٽر پيٽرول تي 23 رپيا 72 پيسا ڪسٽم ڊيوٽي، 7 رپيا 32 پيسا ان لينڊ فريٽ مارجن، 7 رپيا 87 پيسا آئل مارڪيٽنگ ڪمپنين جو مارجن ۽ 8 رپيا 64 پيسا پمپ ڊيلرن جو ڪميشن شامل ڪيو وڃي ٿو.

ان کان علاوه 103 رپيا 50 پيسا پيٽروليم ليوي ۽ 2 رپيا 50 پيسا ڪلائميٽ سپورٽ ليوي پڻ ورتي وڃي ٿي.

اهڙي طرح هڪ ليٽر پيٽرول تي مجموعي طور 153 رپيا 55 پيسا ٽيڪسن، مارجنز ۽ منافع طور وصول ڪيا وڃن ٿا.

ٻئي پاسي هاءِ اسپيڊ ڊيزل جي ايڪس ريفائنري قيمت 283 رپيا 12 پيسا آهي، جيڪا ٽيڪسن ۽ مارجنز شامل ٿيڻ بعد 399 رپيا 58 پيسا في ليٽر مقرر ڪئي وئي آهي، جڏهن ته ڊيزل تي پڻ 116 رپيا 46 پيسا اضافي لاڳت طور وصول ڪيا وڃن ٿا.

ذريعن موجب پيٽرول ۽ ڊيزل جي قيمتن ۾ وڏو حصو ٽيڪسن ۽ منافع جو هجڻ سبب عوام تي مهانگائي جو بار وڌي رهيو آهي.
Voice of Voice

01/04/2026

مينهوڳي جا سسٽم:

سنڌ ۽ پاڪستان ۾ مينهن ٻن سسٽمز جي ڪري ايندا آهن.

پهريون سسٽم:
جون کان ويندي آڪٽوبر تائين وسندڙ مينهن کي چوماسي جا مينهن چئبو آهي. هن مينهن وارا سسٽم به ٻن حصن تي مشتمل آهن، پهريون سسٽم جيڪو گهڻي ڀاڱي بنگال جي اپسمنڊ يا خليج بنگال يا bay of Bengal مان ايندو آهي. هن سسٽم ۾ سڀني کان وڌيڪ مينهن بنگلاديش، انڊيا جي اڀرندين رياستن جئين آسام، ناگا لينڊ وغيره سميت اتر پرديش، هماچل پرديش، انڊيا جي پنجاب ۽ ڪشمير کان ٿيندا پاڪستان جي اترين علائقن، جئين اتر پنجاب، خيبر پختونخواه تائين پوندا آهن. هي سسٽم جئين جئين بنگال کان اتر اولھ طرف وڌندو آهي ته مينهن جو زور ٽٽندو ويندو آهي. هن سسٽم مان سنڌ، ڏکڻ پنجاب ۽ ڏکڻ بلوچستان نه هجڻ جي برابر مينهن پوندو آهي.
چوماسي يا مون سون جو ٻيو سسٽم انڊيا جي اولهندي ڪناري عربي سمنڊ مان اٿندو آهي ۽ انڊيا جي اولهندي يعني ويسٽرن گھاٽ وارن علائقن ۽ وچ وارن علائقن ۾ ٺاهوڪو مينهن آڻيندو آهي. انڊيا جي رياست ڪيرالا ۽ مئي کان آڪٽوبر تائين ڇھ مهينا مينهن وسندو آهي. هي سسٽم مهاراشٽر صوبي تائين سٺو مينهن آڻيندو آهي (بمبئي سميت)، جئين جئين اتر طرف سسٽم وڌندو آهي ته مينهن جو زور ٽٽندو ويندو آهي. ان ڪمزور سسٽم جي نتيجي ۾ ئي راجستان، ٿر، لاڙ، ڪوهستان، وچولي سنڌ ۽ ڏکڻ پنجاب ۾ ڪجھ مينهن پوندو آهي.
هن سسٽم جي رستي ۾ اتر اولھ سنڌ جا ضلعا ۽ ڏکڻ اوڀر بلوچستان جا ضلعا نه آهن ايندا ان ڪري لاڙڪاڻي ۽ سکر ڊويزن ۾ بنھ معمولي چوماسي جا مينهن پوندا آهن. منهنجي آبزرويشن مطابق سراسري طور هر پنجن سالن ۾ ڪو هڪ ٻه سٺو مينهن (100 ملي ميٽرس وارو) هنن علائقن ۾ پوندو آهي. ان ڪري لاڙڪاڻي جيڪب آباد، شڪارپور ۽ سکر وارئو ڪنهن وڏي مينهن جي آس نه رکندا ڪيو. هونئن به سڄو اتر سنڌ اونهاري ۾ سارين جي فصل ڪري ٽي مهينا پاڻي هيٺ هوندو آهي. هن سسٽم جي ڪري سنڌ ۾ سڀ کان وڌيڪ مينهن ٿر، عمرڪوٽ، ميرپورخاص، بدين ۽ ٺٽي ۾ پوندو آهي، جڏهن ته ڪيترائي دفعا پوري اونهاري جي موسم ۾ لاڙڪاڻي ڊويزن ۾ هڪ ڪڻي به نه آهي ڪرندي.

ٻيو سسٽم:
آڪٽوبر ۾ چوماسو بند ٿي ويندو آهي ۽ آڪٽوبر نومبر ۾ پوري ملڪ ۾ بلڪل نه جي برابر مينهن پوندا آهن، ڪڏهن ڪڏهن ملڪ جي اترين علائقن يعني گلگت بلتستان ۾ اتر طرفان ايندڙ سائيبيرين هوائن جو نسبتن گرم علائقن ۾ پهچي condensation جي عمل ڪري مينهن پوندا آهن.
جئين ئي ڊسمبر شروع ٿيندو آهي ته ڀونوچ سمنڊ يا Mediterranean sea جيڪو لبنان شام اسرائيل ۽ اردن جي اولھ ۾، يورپ جي ڏکڻ ۾ ۽ آفريڪا جي اتر ۾ آهي. هتان مينهن جا سسٽم اوڀر ڏکڻ جي ڪنڊ تي نڪرندا آهن ۽ سياري جا ڀرپور مينهن لبنان، شام، اسرائيل، اتر عراق، ايران، افغانستان، اولهندي ۽ اتر پاڪستان جي علائقن سميت ڪشمير تائين پهچندا آهن.
سياري جي هنن مينهن جي ڪري، اتر اولھ بلوچستان ۾ جام مينهن پوندا آهن ۽ وادي ڪوئيٽا ۾ برف باري به ٿيندي آهي. جيڪڏهن هي سسٽم گهڻو طاقتور هوندو آهي ته ڏکڻ ايران کان هي سسٽم وچ بلوچستان جي علائقن يعني خاران قلات خضدار کان ٿيندو سنڌ جي اولهندن علائقن ۽ لاڙڪاڻي سکر ڊويزن ۾ چڱو چڱو مينهن آڻيندا آهن. هتي اها نوٽ ڪرڻ جي ڳالھ آھي ته سياري ۾ سڀني کان گهڻو مينهن سنڌ ۾ جيڪب آباد ۽ لاڙڪاڻي ۾ پوندو آهي ۽ نه هجڻ جي برابر مينهن ٿر ۾ پوندو آهي.
منهنجي آبزرويشن مطابق گذريل ويهن سالن کان ڪيترائي اهڙا سال گذريا آهن جڏهن سڄي سياري ۾ ساري سنڌ ۾ هڪ مينهن ڪڻي به نه آهي پئي.
هي سسٽم ملڪ جي اترين علائقن ۾ شديد برف باري جو سبب بڻجندا آهن، اها برف گرمين ۾ رجي ڪري سنڌو درياهه کي اوج ڏيندي آهي ۽ سنڌ جي ڪُک هميشه سائي رهندي آهي. هي سسٽم ڊسمبر کان مارچ تائين وچ اوڀر يعني عرب ملڪن ۾ به بهترين برسات آڻيندو آهي.
اپريل ۾ سياري جي مينهن وارو سسٽم بند ٿي ويندو آهي ۽ مينهن جا سسٽم واپس چوماسي طرف شفٽ ٿيندا آهن، نتيجي ۾ اپريل مئي ۾ سنڌ ۽ پاڪستان جي اڪثر علائقن ۾ ان rain system transitional phase جي ڪري انڌاريون ،واچوڙا ۽ جھولا لڳندا آهن.

انهن ٻن مکيه سسٽمز کان علاوه ڪڏهن ڪڏهن مقامي طور تي به اهڙيون ڪنڊيشنر جڙي وينديون آهن جو مينهن پئجي ويندو آهي.

ڪنهن به علائقي ۾ برسات جي سئو سيڪڙو صحيح اڳڪٿي ڪرڻ ان ڪري ناممڪن آهي جو برسات کي آڻيندڙ ڪيترائي فيڪٽر يا variables involve هوندا آهن ،مثالطور ڪنهن به علائقي جو گرمي پد، سراسري اوچائي، هوائن جي رفتار، هوائن جي ڊائريڪشن، جبلن جو هجڻ يا نه هجڻ، جبلن جي ترتيب يا ڊائريڪشن ۽ اوچائي، گِهم جي گهٽ وڌائي، سمنڊ کان ان علائقي جي دوري، سمنڊ جي پاڻيءَ جو گرمي پد شامل آهن.

https://youtu.be/-QJaJc7GlBE Voice of Voice

30/03/2026

امه رباب چانڊيو جي ٽن گهرڀاتين جي قتل ڪيس جا سمورا جوابدار بري.
Voice of Voice

28/03/2026

ٽنڊو جان محمد ويجھو کاکڙ اسٽاپ تي لوڊر رڪشي جي پويان موٽر سائيڪل جو ٽڪر, نتيجي ۾ موٽر سائيڪل سوار پھريون واٽر واسي 15 سالن جو علي وارث پٽ حبيب فقير سخت زخمي ٿي پيو, جنهن کي ڳڻتي جوڳي حالت ۾ حيدرآباد ريفر ڪيو ويو.

28/03/2026

ادا خبرون خير جون:

طاقتور مينهن جو سسٽم دبئي، ابوذهبي(گڏيل عرب امارات) ، اومان، ايران ۽ بلوچستان کي ڏينهن جا تارا ڏيکارڻ کان پوءِ نخرا ڪندي، شرمائيندي، سڀ ڌُڪا، اندازا ڌوڙ ڪندي سنڌ ۾ طاقتور انٽري ڪرڻ جي تيارين ۾ آهي.
پهرين مرحلي ۾ هڪ نارمل مينهن سنڌ جي ڏکڻ وارن علائقن تي وارم اپ ميچ ڪُڏڻ جي تيارين ۾ آهي.
رات دير سان يا سڀاڻي تائين بدين ۽ ٿر جي علائقن ۾ پنهنجا جوهر ڏيکاريندو.
چوويھ ڪلاڪن جي وقفي کانپوءِ يعني 31 مارچ کان 2 اپريل تائين دُبئي ۾ ٽاڪوڙا وجهندڙ مينهن مڪران ڊويزن کان ٿيندي سنڌ جي اولهندي جابلو پٽي ۾ انٽري ڪندو (پر هي سلسلو پنهنجي پوري طاقت عرب سڳورن تي خرچ ڪري پوءِ سنڌ پيو اچي). پهرين انٽري دادو، ڄامشورو، ٺٽو ۽ ڪراچي ڊويزن ۾ بهار جي موسم جي هڪ سٺي مينهن طور ڪندو.
اولھ سنڌ مان انٽري ڪرڻ کان پوءِ اهو سلسلو پهرين ۽ ٻين اپريل تائين سڄي سنڌ ۾، يعني ڪشمور کان ڪيٽي بندر ۽ ڪراچي کان ڪارونجهر تائين سٺو مينهن جو سٽڪو ڏيندو.
25-40 ملي ميٽر مينهن ڏکڻ سنڌ جي سڀني علائقن ۾ مينهن پوندو، خاص طور تي ڪراچي، ٺٽو، بدين، ميرپورخاص، عمرڪوٽ، ٿرپارڪر ۽ حيدرآباد ڊويزن جا ٻچڙا (ٻچاٽ ضلعا). هي سڀ ضلعن جا نالا آهن، شهرن جا نه، هاڻي ڪير پڇي ته اوهان ٺٽو ته چيو پر ساڪري ۾ مينهن پوندو يا نه، اهو نه پڇجو.
وچولي ۽ اتر سنڌ ۾ به سٺو وسندو، لڳ ڀڳ 25-10 ملي ميٽر.
بهار جي مند جو مينهن آهي ته انڌاري به هوندي، ٿي سگهي ٿو ڪجهه علائقن ۾ ڳڙو به پوي.
لاڙ ۾ گهڻي ڀاڱي فصل نڪري ويو آهي ان ڪري اتي نقصان گهٽ ٿيندو، وچولي ۽ اتر سنڌ ۾ ٿريشر ۽ ڪڻڪ جا لابارا هلن پيا، اهي پنهنجي حساب سان فصل کي هڪ پاسي ڪن. ٿر وارن لاء هي مينهن بهترين ثابت ٿيندو، سخت گرمين جي اچڻ کان اڳ ئي ڪجهه پاڻي جو بندوبست ٿي ويندو. جئين ته بلوچستان ۾ به بهترين مينهن پوندا، سنڌ جي اولهندي پاسي سٺو مينهن پوندو ۽ نئين گاج سسٽم به وهي ايندو، پر جئين ته سبي جي آسپاس شديد مينهن پوندو ان ڪري ڪجهه امڪان آهن ته بلوچستان مان ٻوڏ جو نارمل وهڪرو شهدادڪوٽ، قمبر ۾ انٽري ڪري.
ياد رهي ته ڪٿي به مينهن 50 ملي ميٽر کان مٿي نه ويندو پر لڳ ڀڳ سموري سنڌ ۾ وسندو.
آخري ڳالھ ته مينهوڳي جا سسٽم 12-15 ڪلاڪ اڳتي پوئتي ٿي سگهن ٿا. اڄوڪي ڏينهن تي سٺو سسٽم نظر اچي پيو اهو گهٽ وڌ به تي سگهي ٿو.

https://youtu.be/-QJaJc7GlBE
Voice of Voice

26/03/2026

سنڌ حڪومت جي ممتا پروگرام ۾ داخل مائرن لاءِ اھم خوشخبري...

سنڌ حڪومت جي منظوري بعد, ممتا پروگرام تحت مالي سھائتا 30 ھزر روپين مان وڌائي 41 ھزار روپيا ٿي ويئي.
*نيون رقمون 2 مارچ 2026 کان لاڳو ھونديون.

02/03/2026

ڪراچي: آمريڪي قونصل خاني طرف ناقص سڪيورٽي، فرضن ۾ غفلت، بدانتظامي، مالي ۽ جاني نقصان تي ايس ايس پي ڪياماڙي امجد شيخ، هڪ ڊي ايس پي4ايس ايڇ اوز سميت انچارج فارن سيڪيورٽي سيل معطل

02/03/2026

ايران تي ٻيو وڏو حملو, آمريڪا ايران جي ميزائل تنصيبات تي 2000 هزار پائونڊ وزني بم ڪيرائي ڇڏيو.
Voice of Voice

01/03/2026

اسرائيل ۾ ايران حملن جو خوف ھزارين ماڻھو بنڪرز ۾ بند ٿي ويا آھن، ھي تل ابيب جي ھڪڙي بنڪر جي تصوير آھي

Voice of Voice

03/05/2026

01/04/2026

30/03/2026

28/03/2026

28/03/2026

26/03/2026

02/03/2026

02/03/2026

01/03/2026

Address

Telephone

Website

Alerts

Contact The Business

Shortcuts

Share