12/04/2026
🚨 بریکنگ نیوز:
امریکی نائب صدر جے ڈی وینز نے میڈیا کو بتایا ہے کہ ایران اور امریکہ کے درمیان اتفاق نہیں ہو سکا۔
امریکی نائب صدر جے ڈی وینز نے کہا ہے کہ دونوں ممالک کے درمیان جاری رابطوں اور کوششوں کے باوجود ابھی تک کسی حتمی اتفاقِ رائے تک نہیں پہنچا جا سکا، 21 گھنٹے تک جاری رہنے والے طویل مذاکرات کے باوجود امریکہ اور ایران کے درمیان کوئی معاہدہ نہ ہو سکا۔
:“ایرانی وفد کے ساتھ 21 گھنٹے تک انتہائی اہم مذاکرات کے بعد ہم نے ایک حتمی اور بہترین پیشکش دی، جس کا بنیادی نکتہ یہ تھا کہ ایران واضح طور پر اس بات کا عہد کرے کہ وہ کبھی ایٹمی ہتھیار یا انہیں تیزی سے بنانے کی صلاحیت حاصل نہیں کرے گا۔
ہم نے نیک نیتی سے مذاکرات کیے اور جہاں ممکن ہوا لچک بھی دکھائی، لیکن بنیادی اختلاف برقرار رہا۔ ایران نے اس مرحلے پر ہماری شرائط قبول نہیں کیں۔ ہماری پیشکش اب بھی میز پر ہے اور اگلا قدم ایران کو اٹھانا ہوگا۔ اگر ایران طویل مدتی وعدوں کے لیے تیار ہو تو ہم مزید مذاکرات کے لیے بھی تیار ہیں۔”
اطلاعات کے مطابق دونوں ممالک کے درمیان خاص طور پر ایران کے جوہری پروگرام اور اس کی طویل مدتی نگرانی کے معاملے پر شدید اختلافات برقرار ہیں۔
امریکہ مستقل اور قابلِ نفاذ ضمانت چاہتا ہے کہ ایران کبھی جوہری ہتھیار حاصل نہیں کرے گا، جبکہ ایران اب تک ان شرائط کو قبول کرنے پر آمادہ نہیں۔
فی الحال مذاکرات بغیر کسی پیش رفت کے ختم ہو گئے ہیں، تاہم سفارتی دروازہ مکمل طور پر بند نہیں ہوا اور اگلا قدم اب ایران کے ہاتھ میں ہے۔
