18/09/2026
دکی: مولوی لطف اللہ کا عمران زرکون اور میر سمیع زرکون سے اظہارِ تشکر
دکی: مولوی لطف اللہ نے علاج کے سلسلے میں خصوصی تعاون، بروقت معاونت اور ذاتی توجہ دینے پر پرنسپل سیکرٹری عمران زرکون اور چیئرمین میر سمیع زرکون کا تہہ دل سے شکریہ ادا کیا ہے۔
اپنے ایک بیان میں مولوی لطف اللہ نے بتایا کہ وہ ان دنوں کوئٹہ کے آریا ہسپتال میں زیرِ علاج ہیں، جہاں ان کا طبی علاج سرکاری اخراجات پر جاری ہے۔ انہوں نے کہا کہ پرنسپل سیکرٹری عمران زرکون اور چیئرمین میر سمیع زرکون کی خصوصی توجہ اور ذاتی کاوشوں کے باعث ان کے علاج کے لیے بروقت اقدامات کیے گئے، جس پر وہ اور ان کے اہلِ خانہ شکر گزار ہیں۔
مولوی لطف اللہ کا کہنا تھا کہ بیماری اور علاج کے مشکل مرحلے میں بروقت طبی سہولیات کی فراہمی اور معاونت مریض کے لیے نہ صرف عملی سہارا بنتی ہے بلکہ حوصلے کا باعث بھی ہوتی ہے۔ انہوں نے کہا کہ دونوں شخصیات کی جانب سے علاج کے معاملے میں خصوصی دلچسپی اور تعاون ان کے لیے قابلِ قدر ہے۔
انہوں نے کہا کہ عوامی خدمت کے ساتھ ساتھ ضرورت مند اور بیمار افراد کی مشکلات میں معاونت ایک قابلِ تحسین انسانی اقدام ہے، جسے وہ قدر کی نگاہ سے دیکھتے ہیں۔
مولوی لطف اللہ نے پرنسپل سیکرٹری عمران زرکون اور چیئرمین میر سمیع زرکون کے لیے نیک خواہشات کا اظہار کرتے ہوئے دعا کی کہ اللہ تعالیٰ انہیں اس تعاون کا بہترین اجر عطا فرمائے، صحت، خوشی اور سلامتی نصیب کرے اور انہیں عوامی خدمت کا سلسلہ مزید بہتر انداز میں جاری رکھنے کی توفیق دے۔
