The Veterinary News & Views

13/11/2025

ڈے اولڈ چِک (DOC) کی قیمتوں میں غیر معمولی اضافہ

پاکستان میں نومبر 2025 کے دوران ڈے اولڈ چِک (DOC) کی قیمتوں میں غیر معمولی اور تیز رفتار اضافہ ریکارڈ کیا جا رہا ہے،
جس نے پولٹری فارمنگ سے وابستہ افراد کو شدید تشویش میں مبتلا کر دیا ہے۔

مارکیٹ ڈیٹا کے مطابق:

📌 1 نومبر 2025: DOC ریٹ 76 روپے
📌 13 نومبر 2025: DOC ریٹ 211 روپے

یعنی صرف 13 دن میں 175٪ سے زائد اضافہ — جو پولٹری سیکٹر کے لیے ایک بڑا چیلنج بن چکا ہے۔

فارمرز کے مطابق، اگر ریٹس اسی رفتار سے بڑھتے رہے تو پیداوار کے اخراجات میں اضافہ اور منافع میں کمی ناگزیر ہو جائے گی۔

13/11/2025

AXON Pharma Strengthens B2B Engagement at Pakistan–𝐔𝐳𝐛𝐞𝐤𝐢𝐬𝐭𝐚𝐧 𝐁𝐮𝐬𝐢𝐧𝐞𝐬𝐬 𝐎𝐩𝐩𝐨𝐫𝐭𝐮𝐧𝐢𝐭𝐢𝐞𝐬 𝐂𝐨𝐧𝐟𝐞𝐫𝐞𝐧𝐜𝐞 – Tashkent 2025

Managing Director 𝐍𝐢𝐬𝐚𝐫 𝐂𝐡𝐞𝐞𝐦𝐚 of AXON Pharma Private Limited participated in the Pakistan–Uzbekistan Business Opportunities Conference – Tashkent 2025, engaging in high-level B2B discussions focused on pharmaceuticals, poultry health, biotechnology, and regional trade expansion.

The participation reflects AXON Pharma’s strong commitment to expanding Pakistan’s footprint in Central Asia, fostering cross-border collaboration, and exploring new opportunities for innovation, healthcare solutions, and economic growth.

A productive and forward-looking engagement toward strengthening bilateral business ties between Pakistan and Uzbekistan. 🇵🇰🤝🇺🇿

13/11/2025

IRM اور اسلام آباد وائلڈ لائف مینجمنٹ بورڈ (IWMB) کے درمیان ماحولیات کے تحفظ، جنگلی حیات کی بحالی اور پائیدار ماحولیاتی نظم کے فروغ کے لیے مفاہمتی یادداشت (MoU) پر دستخط کر دیے گئے ہیں۔
مزید پڑھیں 👇

https://vetnewsandviews.com/irm-%d8%a7%d9%88%d8%b1-%d8%a7%d8%b3%d9%84%d8%a7%d9%85-%d8%a2%d8%a8%d8%a7%d8%af-%d9%88%d8%a7%d8%a6%d9%84%da%88-%d9%84%d8%a7%d8%a6%d9%81-%d9%85%db%8c%d9%86%d8%ac%d9%85%d9%86%d9%b9-%d8%a8%d9%88%d8%b1/

13/11/2025

پنجاب حکومت نے ضروری اشیائے خوردونوش کی قیمتوں کو مستحکم رکھنے کے لیے پرائس کنٹرول کونسل کے قیام کا نوٹیفکیشن جاری کر دیا۔

ڈاکٹر محمد ارشد لائیوسٹاک و پولٹری کے نمائندہ رکن نامزد۔

https://vetnewsandviews.com/%da%88%d8%a7%da%a9%d9%b9%d8%b1-%d9%85%d8%ad%d9%85%d8%af-%d8%a7%d8%b1%d8%b4%d8%af-%d9%84%d8%a7%d8%a6%db%8c%d9%88%d8%b3%d9%b9%d8%a7%da%a9-%d9%88-%d9%be%d9%88%d9%84%d9%b9%d8%b1%db%8c-%da%a9%db%92-%d9%86/

حکومتِ پنجاب نے صوبے میں ضروری اشیائے خوردونوش کی قیمتوں میں استحکام، منظم نگرانی اور مؤثر کنٹرول کو یقینی بنانے کے لیے پرائس کنٹرول کونسل کے قیام

12/11/2025

Page 9

12/11/2025

مکئی کو گندم میں ملا کر استعمال کیا جائے تونیوٹریشن کی کمی کا پائیدار حل نکالنے میں مددگار ہو سکتی ہے،ڈپٹی ڈائریکٹرزراعت

فیصل آباد (نمائندہ خصوصی ) مکئی کو عمومی طور پر پولٹری اور لائیوسٹاک فیڈ کے ساتھ ساتھ سٹارچ کی تیاری میں استعمال کیا جاتا ہے تاہم اگر اسے گندم کے آٹے میں شامل کرکے انسانی غذا کا بھی حصہ بنا دیا جائے تو عوام کی غذائی ضروریات اور نیوٹریشن کی کمی کا پائیدار حل نکالنے میں مدد مل سکتی ہے۔
ڈپٹی ڈائریکٹرزراعت توسیع فیصل آبادعدیل احمد نے بتایا کہ ملکی ضروریات کے مقابلہ میں مکئی کی خاطر خواہ پیداوار حاصل ہورہی ہے تاہم وہ سمجھتے ہیں کہ اس کی مارکیٹنگ میں حائل رکاوٹوں کو دور کرتے ہوئے مکئی سے وابستہ علاقوں میں اس سے وابستہ انڈسٹری قائم کرنے کیلئے اقدامات بروئے کار لانے چاہئیں۔
انہوں نے مکئی کی مینوئل برداشت میں حائل رکاوٹو ں کے بارے میں کہا کہ اس کی مکینیکل ہارویسٹنگ یقینی بنانے کیلئے چھوٹے کاشتکاروں کی مدد کرنی چاہئے تاکہ اس میں موجود نمی کودھوپ میں ختم کرنے کے بجائے مشینی برداشت کے ذریعے وقت اور سرمایہ کی بچت کی جا سکے۔

۔۔۔۔۔۔۔۔۔۔۔۔

محکمہ زراعت توسیع پنجاب نے ایریڈ یونیورسٹی ایگریکلچر کے اشتراک سے زیادہ گندم اگاو¿ مہم کا آغاز کر دیا گیا

اٹک (نمائندہ خصوصی) محکمہ زراعت توسیع پنجاب نے ایریڈ یونیورسٹی ایگریکلچر کے اشتراک سے زیادہ گندم اگاو¿ مہم کا آغاز کر دیا گیا - روڈ شو ریلیز ، سمارٹ فارمرز گیدرنگز اور گھر گھر آگائی مہم شامل ہے - یہ مہم 7 نومبر سے 16 نومبر تک جاری رہے گی - مہم کے دوران مختلف سرگرمیوں میں - سمارٹ فارمرز گیدرنگز اور گھر گھر آگائی مہم شامل ہیں تفصیلات کے مطابق محکمہ زراعت توسیع حضرو اور یونیورسٹی کے طلباءنے یونین کونسل فورملی یونین کونسل ہارون یونین خگوانی اور یونین کونسل جلالیہ میں سمارٹ فارمرز گیدرنگز اور ریلیز روڈ شو منعقد کیے اس موقع پر ایکسٹرا اسسٹنٹ ڈائریکٹر زراعت توسیع حضرو ظفر اقبال خان اور میڈم ثمینہ فاطمہ زراعت آفیسر شادی خان اور محمد ارشاد فیلڈ انسوگیٹر زراعت توسیع حضرو نے کسانوں کو گندم کی جدید پیداواری ٹیکنالوجی منظور شدہ اقسام بہتر کاشت کے طریقوں بارے میں آگاہ کیا یونیورسٹی کے طلباء اور محکمہ زراعت توسیع حضرو کے عملے نے ڈور ٹو ڈور اگائی مہم کے ذریعے کسانوں کو زیادہ گندم کاشت کرنے اور جدید پیداواری ٹیکنالوجی اختیار کرنے کی ترغیب دی - کسانوں کی بڑی تعداد نے ان پروگراموں میں شرکت کی اس موقع پر کسانوں کو حکومت پنجاب کی مختلف زرعی سکیموں اور مرعات سے بھی آگاہ کیا گیا۔

12/11/2025

چین پاکستان کا زرعی تحقیقاتی نیٹ ورک جدید خطوط پر استوار کرنے کا منصوبہ

اسلام آباد (نمائندہ خصوصی ) پاکستان اور چین نے ایک جامع تعاون منصوبہ تیار کیا ہے جس کا مقصد پاکستان کے زرعی تحقیقاتی نظام کو جدید خطوط پر استوار کرنا ہے،یہ منصوبہ مشترکہ جدت، جدید لیبارٹریوں اور تربیتی پروگراموں کے ذریعے پاکستان کے زرعی تحقیقاتی ڈھانچے کو مضبوط بنانے اور جدید زراعت میں ٹیکنالوجی کے فرق کو کم کرنے کے لئے تیار کیا گیا ہے۔
یہ منصوبہ چین کی وزارت زراعت و دیہی امور (ایم اے آر اے ) اور چائنیز اکیڈمی آف ایگریکلچرل سائنسز (سی اے اے ایس ) نے پاکستان ایگریکلچرل ریسرچ کونسل (پی اے آر سی )، نیشنل ایگریکلچرل ریسرچ سینٹر (این اے آر سی ) اور وزارت قومی غذائی تحفظ و تحقیق کے تحت کام کرنے والے 11 تحقیقی اداروں کے تفصیلی جائزے کے بعد مشترکہ طور پر تیار کیا۔
منصوبے میں ساختی اصلاحات اور بین الاقوامی تعاون پر مبنی ماڈل تجویز کیا گیا ہے جو ملکی اصلاحات کے ساتھ ساتھ چین-پاکستان سائنس و ٹیکنالوجی تعاون کے ایک وسیع فریم ورک کے قیام پر مبنی ہے تاکہ زرعی شعبے میں طویل المدتی جدیدیت کو فروغ دیا جا سکے۔
ویلتھ پاکستان کے پاس دستیاب ایک سرکاری دستاویز کے مطابق مشترکہ تحقیقی پروگرام گندم، چاول، مکئی، کپاس، باغبانی، لائیوسٹاک اور پائیدار زرعی ٹیکنالوجیز پر مرکوز ہوں گے۔ ترجیحی شعبوں میں موسمیاتی تبدیلیوں کے خلاف مزاحم اقسام کی تیاری، پانی کے مو¿ثر استعمال کے نظام، بیماریوں اور کیڑوں کے انسداد اور لائیوسٹاک بیماریوں کا انتظام شامل ہے۔
منصوبے کے تحت فصلوں کی جینو ٹائپنگ، فینو ٹائپنگ اور جدید زرعی اطلاقات کے لیے مشترکہ لیبارٹریوں کے قیام کی بھی تجویز دی گئی ہے۔ یہ لیبارٹریاں خوراک کی پروسیسنگ، ویلیو ایڈیشن اور زرعی مشینری کی مقامی تیاری کے عمل میں جدت لانے میں مدد دیں گی، جس سے پاکستان کی تکنیکی صلاحیت میں اضافہ ہوگا۔دستاویز کے مطابق انسانی وسائل کی ترقی منصوبے کا مرکزی جزو ہے۔
اس کے تحت دو طرفہ تعلیمی و تحقیقی تبادلے، پی ایچ ڈی اور پوسٹ ڈاکٹریٹ اسکالرشپس، قلیل مدتی تربیتی پروگرام اور سینئر سائنس دانوں کے تبادلے شامل ہوں گے، تاکہ پاکستان کی تحقیقی صلاحیت کو عالمی معیار سے ہم آہنگ کیا جا سکے۔ٹیکنالوجی کے تبادلے کے لئے ایک نیا ماڈل بھی تجویز کیا گیا ہے۔ اس کے تحت ٹیکنالوجی ٹرانسفر یونٹس (TTUs) تشکیل دی جائیں گی جو دانشورانہ حقوق، لائسنسنگ اور کمرشلائزیشن کے امور کو سنبھالیں گی جبکہ نیشنل ایگریکلچرل ٹیکنالوجی ٹرانسفر سینٹر تحقیقاتی نتائج کو صنعت اور سرمایہ کاروں سے جوڑنے کے لئے رابطے کا کردار ادا کرے گا۔
اختراعات کی حوصلہ افزائی کے لئے ایک منافع بانٹنے کا نظام بھی تجویز کیا گیا ہے، جس کے تحت تحقیق کاروں اور اداروں کو کمرشلائزیشن سے حاصل آمدنی کا 50 سے 70 فیصد حصہ دیا جائے گا۔مزید برآں، منصوبے میں تحقیقاتی اداروں کو کسانوں کے تربیتی مراکز اور علاقائی ڈیمانسٹریشن حبز سے جوڑنے کی سفارش کی گئی ہے تاکہ نئی ٹیکنالوجیز براہِ راست کھیتوں تک پہنچ سکیں۔منصوبے پر عمل درآمد کی نگرانی کے لئے ایک اعلیٰ سطحی کمیٹی قائم کی جائے گی جس میں وزارت قومی غذائی تحفظ و تحقیق، پارک اور دیگر متعلقہ اداروں کے نمائندے شامل ہوں گے تاکہ پیش رفت کی نگرانی، اہداف کا تعین اور شفافیت کو یقینی بنایا جا سکے۔

12/11/2025

آرگینک زراعت کی حوصلہ افزائی کےلئے تربیتی پروگراموں و ریسرچ منصوبوں پر کام کی ضرورت ہے ، نجم مزاری

لاہور (نمائندہ خصوصی) آرگینک خوراک اور مصنوعات کی تیاری پر ریسرچ کرنے والے ادارے کے سربراہ نجم مزاری نے کہا ہے کہ آرگینک زراعت کی حوصلہ افزائی اور مصنوعات کی تیاری کے لیے پالیسی سازی، تربیتی پروگراموں اور ریسرچ کے منصوبوں پر کام کرنے کی ضرورت ہے ،آرگینک شعبے کی ترقی کے لیے حکومت، نجی شعبہ، تحقیقی اداروں اور کسانوں کے درمیان مضبوط روابط ناگزیر ہیں۔
ان خیالات کا اظہار نجم مزاری نے ''مختلف خطوں میں آرگینک خوراک کی بڑھتی مانگ '' کے موضوع پر منعقدہ مذاکرے سے خطاب کرتے ہوئے کیا۔اس موقع پر زرعی ماہرین، برآمدکنندگان، کسان تنظیموں کے رہنماﺅں اور یونیورسٹیز کے طلبہ بھی موجود تھے۔نجم مزاری نے آرگینک خوراک اور مصنوعات کی عالمی مارکیٹ کے حجم اورمختلف ممالک میں اس کے استعمال کے اعدادوشمار پیش کرتے ہوئے کہا کہ پاکستان اس کیلئے بہت زر خیز خطہ اور ہمارے پاس بہت پوٹینشل ہے لیکن بد قسمتی سے اسے سمت نہیں مل سکی۔
انہوں نے کہا کہ حکومت پہلے مرحلے میں پالیسی بنائے اور اس کے ذریعے نجی شعبے کو اس جانب راغب کیا جائے ،کامیابی کے لئے عالمی معیار کے مطابق سرٹیفیکیشن ، لیبلنگ کے ضوابط پر عملدرآمد کو یقینی بنانا اور پاکستان کی آرگینک مصنوعات کو عالمی منڈیوں میں متعارف کرانا ہوگا۔انہوں نے کہاکہ دنیا بھر میں آرگینک خوراک کی انڈسٹری تیزی سے ترقی کر رہی ہے اور پاکستان اس سے بھرپو ر استفادہ کرنے کی صلاحیت رکھتا ہے ،یہ شعبہ ملکی برآمدات بڑھانے اور کسانوں کی آمدنی میں اضافے کے لیے نمایاں کردار ادا کر سکتا ہے۔
مذاکرے کے اختتام پر سفارشات پیش کی گئیں کہ آرگینک فارمنگ کے فروغ کے لیے کسانوں کو مالی و تکنیکی معاونت فراہم کی جائے،اسی طرح عالمی معیار کی سرٹیفیکیشن اور لیبلنگ کے عمل پر توجہ مرکوز کی جائے تاکہ پاکستان عالمی آرگینک مارکیٹ میں موثر انداز میں اپنی جگہ بنا سکے۔