05/09/2026
🌹 محفلِ میلادِ مصطفیٰ ﷺ اور سالانہ ختمِ پاک 🌹
مصطفائی ہینڈز پاکستان کے سیکرٹری جنرل و ترجمان سنی سپریم کونسل گکھڑ مدثر قادر صباح کی رہائش گاہ پر عظیم الشان محفلِ میلادِ مصطفیٰ ﷺ اور ان کے دادا جان، معروف علمی و روحانی شخصیت صوفی محمد شریف مرحوم کے سالانہ ختمِ پاک کی بابرکت محفل کا انعقاد کیا گیا۔ محفل کا آغاز تلاوتِ کلامِ پاک سے ہوا، جبکہ بارگاہِ رسالت مآب ﷺ میں گلہائے عقیدت پیش کیے گئے۔ محفل میں علماء کرام، مشائخ عظام، معززینِ علاقہ، اہلِ محبت اور عزیز و اقارب نے بھرپور شرکت کی۔
اس موقع پر علامہ حامد اکرم رضوی اور دیگر علماء و مقررین نے خطاب کرتے ہوئے سیرتِ طیبہ، عشقِ رسول ﷺ، میلادِ مصطفیٰ ﷺ کی برکات اور حضور نبی کریم ﷺ سے محبت کے موضوع پر ایمان افروز گفتگو کی۔ مقررین نے کہا کہ نبی کریم حضرت محمد مصطفیٰ ﷺ کی آمدِ مبارک پوری انسانیت کے لیے اللہ تعالیٰ کی عظیم نعمت ہے۔ آپ ﷺ کی سیرتِ طیبہ ہمارے لیے زندگی کے ہر شعبے میں رہنمائی کا کامل سرچشمہ ہے۔ آپ ﷺ سے محبت ایمان کا بنیادی تقاضا ہے اور آپ ﷺ کی تعلیمات پر عمل ہی حقیقی کامیابی کا راستہ ہے۔
محفل کے دوران صوفی محمد شریف مرحوم ان کے والد محترم صوفی محمد قادر کی دینی، علمی اور اخلاقی خدمات کو بھی خراجِ عقیدت پیش کیا گیا اور ان کے درجات کی بلندی، مغفرت اور ایصالِ ثواب کے لیے خصوصی دعا کی گئی۔آخر میں ملک و ملت، عالمِ اسلام کی سلامتی، فلسطین کے مظلوم مسلمانوں اور بالخصوص امتِ مسلمہ کے اتحاد و سربلندی کے لیے خصوصی دعا کی گئی۔
اللہ تعالیٰ اس بابرکت محفل کو شرفِ قبولیت عطا فرمائے، صوفی محمد شریف مرحوم کے درجات بلند فرمائے اور ہمیں سچی محبتِ رسول ﷺ اور آپ ﷺ کی سنتوں پر عمل کی توفیق عطا فرمائے۔ آمین ثم آمین۔ 🤲🌹
صلی اللہ علیہ وآلہ وسلم ﷺ
