07/03/2026
داد لغاری: اسسٹنٹ مختیارکار ڈہرکی خلیل سومرو کا مختلف دکانوں اور بیکریوں پر چھاپہ
داد لغاری میں اسسٹنٹ مختیارکار ڈہرکی خلیل سومرو کی جانب سے شہر کے مختلف دکانوں، بیکریوں اور اشیائے خوردونوش فروخت کرنے والے مراکز پر اچانک چھاپے مارے گئے۔ چیکنگ کے دوران متعدد دکانوں اور بیکریوں سے ایکسپائر (مدت ختم شدہ) اشیاء برآمد ہوئیں، جس پر عملے نے ایسی اشیاء کو قبضے میں لے لیا اور دکانداروں کو سخت تنبیہ کی۔
اس موقع پر اسسٹنٹ مختیارکار خلیل سومرو نے دکانداروں کو خبردار کرتے ہوئے کہا کہ عوام کو غیر معیاری یا ایکسپائر اشیاء فروخت کرنا کسی صورت برداشت نہیں کیا جائے گا۔ انہوں نے کہا کہ آئندہ دوبارہ معائنہ (وزٹ) کیا جائے گا اور اگر کسی دکان سے دوبارہ ایکسپائر یا غیر معیاری اشیاء برآمد ہوئیں تو متعلقہ دکانداروں کے خلاف قانونی کارروائی کرتے ہوئے مقدمہ درج کیا جائے گا۔
اس کے ساتھ ساتھ اسسٹنٹ مختیارکار نے دکانداروں کو یہ ہدایت بھی دی کہ ہر دکان پر سرکاری ریٹ لسٹ آویزاں ہونا لازمی ہے اور تمام اشیاء مقررہ سرکاری نرخوں کے مطابق فروخت کی جائیں۔ خلاف ورزی کرنے والے دکانداروں کے خلاف سخت قانونی کارروائی عمل میں لائی جائے گی۔
انتظامیہ کے مطابق یہ کارروائیاں عوام کو معیاری اور محفوظ اشیائے خوردونوش کی فراہمی اور سرکاری نرخوں پر اشیاء کی دستیابی کو یقینی بنانے کے لیے کی جا رہی ہیں۔
