17/07/2026
ڈاکٹر آفاق رئیس کی شاندار کامیابی
یہ انتہائی خوش آئند اور باعثِ فخر خبر ہے کہ ڈاکٹر آفاق رئیس نے پاکستان میڈیکل اینڈ ڈینٹل کونسل (PMDC) کے NRE Step-1 اور NRE Step-2 لائسنسنگ امتحانات کامیابی سے پاس کرکے پاکستان میں بطور ڈاکٹر مستقل میڈیکل لائسنس حاصل کر لیا ہے۔
ڈاکٹر آفاق رئیس کا تعلق گلگت بلتستان کے علاقے یاسین، گوجالتی سے ہے۔ وہ معروف ماہرِ تعلیم پروفیسر شاہ رئیس خان اور گورنمنٹ گرلز ڈگری کالج یاسین، تاؤس کی پرنسپل محترمہ حسن آراء کے صاحبزادے ہیں۔ انہوں نے اپنی ایم بی بی ایس کی تعلیم کرغز ریپبلک کے دارالحکومت بشکیک سے کامیابی کے ساتھ مکمل کی۔
پاکستان واپسی پر انہوں نے PMDC کے نیشنل رجسٹریشن امتحانات (NRE) کی بھرپور تیاری کی اور NRE Step-1 اور NRE Step-2 دونوں امتحانات کامیابی سے پاس کرکے مستقل میڈیکل لائسنس حاصل کیا۔ ان کی یہ کامیابی ان کی محنت، عزم، والدین کی دعاؤں اور اللہ تعالیٰ کے فضل کا نتیجہ ہے۔
یہ کامیابی نہ صرف ان کے خاندان بلکہ پورے یاسین کے لیے باعثِ فخر ہے۔ اللہ تعالیٰ ڈاکٹر آفاق رئیس کو مزید کامیابیاں عطا فرمائے، انہیں انسانیت کی خدمت کی توفیق دے اور ہمیشہ اپنے حفظ و امان میں رکھے۔ آمین۔
