Progressive Nationalist

Progressive Nationalist Progressive Nationalist✊🚩

23/12/2025

قراقرم اسٹوڈنٹس آرگنائزیشن دیامر ڈویژن کے صدر کامریڈ شاکر قراقرمی اور عوامی ایکشن کمیٹی کے مرکزی رہنما کامریڈ نصرت حسین کو 70 دن کی جسمانی ریمانڈ کے بعد جوڈیشل ریمانڈ پر ہر جیل منتقل کر دیا گیا ہے۔

کامریڈ شاکر قراقرمی طلبہ کی نمائندہ آواز ہیں۔ ان کا قصور صرف یہ ہے کہ انہوں نے گلگت بلتستان کے عوام کے بنیادی انسانی حقوق کے لیے آواز بلند کی۔ سوال کرنے اور اپنے حقوق کے لیے پُرامن جدوجہد کرنے والوں کو جیلوں میں ڈالنا اس بوسیدہ اور ظالمانہ نظام کی واضح نشانی ہے۔

یہ نظام عوام کی آواز دبانے، ناانصافی کو قائم رکھنے اور وسائل پر قبضے کو تحفظ دینے کے لیے استعمال ہو رہا ہے۔ جب تک گلگت بلتستان کے عوام اس بوسیدہ نظام کے خلاف متحد ہو کر کھڑے نہیں ہوں گے، یہ ظلم اسی طرح جاری رہے گا۔

اب وقت آ گیا ہے کہ عوام خاموشی توڑیں، اپنے حقوق، زمینوں اور وسائل کے تحفظ کے لیے منظم اور پُرامن جدوجہد کریں، اور اس بوسیدہ نظام کو گرانے کے لیے متحد ہوں۔


کامریڈ شاکر قراقرمی، صدر قراقرم اسٹوڈنٹس آرگنائزیشن دیامر ڈویژن ایک طالب علم رہنما ہیں جو طلبہ کے حقوق اور گلگت بلتستان ...
21/12/2025

کامریڈ شاکر قراقرمی، صدر قراقرم اسٹوڈنٹس آرگنائزیشن دیامر ڈویژن ایک طالب علم رہنما ہیں جو طلبہ کے حقوق اور گلگت بلتستان کے بنیادی انسانی حقوق کے لیے پُرامن جدوجہد کر رہے تھے۔

انہیں گرفتار ہوئے دو ماہ گزر چکے ہیں، مگر اب تک جوڈیشل ریمانڈ پر منتقل نہیں کیا گیا۔ مسلسل انویسٹی گیشن ریمانڈ پر ریمانڈ لیا جا رہا ہے جو سراسر ناانصافی ہے۔

اگر فوری طور پر اس غیرقانونی عمل کو ختم نہ کیا گیا اور کامریڈ شاکر قراقرمی کو قانون کے مطابق جوڈیشل ریمانڈ یا رہائی نہ دی گئی تو سخت عوامی ردِعمل دیا جائے گا، جس کی تمام تر ذمہ داری متعلقہ اداروں پر ہوگی۔

گلگت بلتستان کی مزاحمتی سیاست اور ریاستی جبرگلگت بلتستان میں پچھلے دو ماہ سے قراقرم اسٹوڈنٹس آرگنائزیشن کے مرکزی وائس چی...
11/12/2025

گلگت بلتستان کی مزاحمتی سیاست اور ریاستی جبر

گلگت بلتستان میں پچھلے دو ماہ سے قراقرم اسٹوڈنٹس آرگنائزیشن کے مرکزی وائس چیئرمین کامریڈ میر بابر، دیامر ڈویژن کے صدر کامریڈ شاکر حسین اور عوامی ایکشن کمیٹی کے رہنما کامریڈ نصرت حسین جے آئی ٹی کے نام پر ایک ایسے شکنجے میں کسے ہوئے ہیں، جس کا مقصد حق کے لیے آواز اٹھانے والوں کو خوفزدہ کرنا ہے۔ ان رہنماؤں پر دہشتگردی کے جھوٹے مقدمات قائم کر کے انہیں دہشتگردوں کی طرح پیش کرنا، ریاستی ڈھانچے میں موجود تضادات، کمزوریوں اور منافقت کا کھلا ثبوت ہے۔

ریاستی ادارے، جو عوام کے حقوق کے محافظ ہونے چاہییں، آج اسی آئین کو اپنے مفادات کی خاطر پامال کر رہے ہیں۔ یہ وہ طاقت ہے جو سیاسی کارکنوں سے ڈرتی ہے، نوجوانوں کے شعور سے گھبراتی ہے، اور محنت کش طبقے کی یکجہتی کو اپنے لیے خطرہ سمجھتی ہے۔

فرقے کے نام پر جلسے سجانے والے، مذہب کے نام پر غصے کی آگ بھڑکانے والے اور قوم کو تقسیم کرنے والے عناصر آج مکمل خاموش ہیں۔ کیا ظلم فرقے کے مطابق ہوتا ہے؟ کیا انصاف صرف مخصوص برادریوں کے لیے ہے؟ کیا اسلام نے مساوات، عدل اور ظلم کے خلاف کھڑے ہونے کا حکم نہیں دیا؟ اگر دیا ہے تو پھر آج یہ نام نہاد مذہبی فورسز کیوں خاموش ہیں؟ کیا سیاسی کارکن انسان نہیں؟ کیا طلبہ کے حقوق "مذہبی مسئلہ" نہیں بنتے؟ یا پھر یہ خاموشی ان کے فرقہ پرستی کے کاروبار کو بچانے کے لیے ہے؟

کتنی بدنصیبی ہے کہ وہ سیاسی رہنما جو ووٹ کے دن عوام کے گھروں کے دروازے کھٹکھٹانے اور حاضری لگوانے میں پیش پیش ہوتے ہیں، آج عوامی جدوجہد پر خاموش ہیں۔ کیا سیاست صرف کرپشن، سہولت کاری اور ذاتی مفادات کا کھیل ہے؟ کیا عوامی جدوجہد پر ان کی زبانیں سوکھ جاتی ہیں؟ یا پھر ان کی کرسیوں کی حفاظت انہیں وفاداری کے نام پر خاموش رہنے پر مجبور کرتی ہے؟ یہ وہی سیاسی طبقہ ہے جو دہائیوں سے عوام کی مشکلات کا سودا اپنے عہدوں کے بدلے کرتا رہا ہے، اور آج ایک بار پھر ان کی خاموشی یہ ثابت کر رہی ہے کہ وہ عوام کے لیے نہیں بلکہ مراعات اور ذاتی مفادات کے لیے کام کرتے ہیں۔

ہم واضح کر دینا چاہتے ہیں اگر ریاستی جبر، جھوٹے مقدمات، اور طلبہ و سیاسی کارکنوں کو یرغمال بنانے کا سلسلہ بند نہ ہوا، تو گلگت بلتستان کے محنت کش، طلبہ، کسان، مزدور، خواتین اور نوجوان ایک بھرپور اور فیصلہ کن ردعمل دینے پر مجبور ہوں گے۔ یہ جدوجہد کسی فرقے، برادری یا علاقے کے نام پر نہیں ہوگی یہ جدوجہد محنت اور استحصال کے بیچ کی لکیر کو مٹانے کے لیے ہوگی۔ یہ لڑائی حق، آزادی، وقار اور انصاف کے لیے ہوگی، اور باطل، جبر، ناانصافی اور ریاستی دہشتگردی کے خلاف ہوگی۔ ہم گلگت بلتستان کے محنت کشوں کو ایک پلیٹ فارم پر متحد کریں گے، کیونکہ جب عوام ایک ہوتی ہے تو سب سے بڑا جابر ڈھانچہ بھی لرز جاتا ہے۔ یہ تحریک اب رکے گی نہیں، یہ جدوجہد دبائی نہیں جا سکتی، اور یہ آواز اب کسی خوف کے بغیر بلند ہوگی۔

ہم بار بار کہتے ہیں اگر ہمارے بے گناہ سیاسی اور طلبہ رہنماؤں کو فوری رہا نہ کیا گیا، اور اگر جبر کا سلسلہ جاری رہا، تو ریاست خود ایک ایسے عوامی طوفان کو دعوت دے رہی ہے جسے روکنا اس کے بس میں نہیں ہوگا۔ یہ گلگت بلتستان کے عوام کی جدوجہد ہے، یہ محنت کشوں کی آواز ہے، یہ حق اور باطل کی لڑائی ہے، اور اس لڑائی میں ہم خاموش نہیں رہیں گے۔✊🚩

بڈلس سے لانگ مارچ کرکے نوجوان چھلت بالا کے حدود میں داخل ہوا ہیں۔
10/07/2025

بڈلس سے لانگ مارچ کرکے نوجوان چھلت بالا کے حدود میں داخل ہوا ہیں۔

آج گلگت بلتستان میں جمہوری و عوامی آوازوں کو دبانے کی ایک اور کوشش سامنے آئی ہے۔ عوامی ایکشن کمیٹی کے مرکزی رہنماؤں: • م...
29/05/2025

آج گلگت بلتستان میں جمہوری و عوامی آوازوں کو دبانے کی ایک اور کوشش سامنے آئی ہے۔ عوامی ایکشن کمیٹی کے مرکزی رہنماؤں:
• ممتاز نگری ایڈووکیٹ (چیئرمین قراقرم نیشنل موومنٹ)
• تعارف عباس ایڈووکیٹ (سابق جنرل سیکریٹری KNM و ایڈیشنل سیکریٹری عوامی ایکشن کمیٹی)
• ایڈووکیٹ نفیس (رہنما بلاورستان نیشنل فرنٹ و لیگل ایڈوائزر عوامی ایکشن کمیٹی)
• شیر نادر شاہی (سینئر رہنما عوامی ورکرز پارٹی)

کو آج عدالت سے ضمانت منسوخ ہونے کے بعد گرفتار کر لیا گیا۔ ان پر بغاوت اور دہشتگردی جیسے جھوٹے اور بے بنیاد مقدمات قائم کیے گئے ہیں، جو ریاستی جبر کی ایک خطرناک مثال ہے۔

یہ تمام رہنما عوام کے بنیادی حقوق، معاشی انصاف، اور آئینی تحفظ کے لیے پرامن جدوجہد کر رہے تھے۔ ان کی گرفتاری نہ صرف جمہوری اقدار کی پامالی ہے بلکہ یہ گلگت بلتستان کے عوام کو خوفزدہ کرنے کی ایک ناکام کوشش بھی ہے۔

ہم ان گرفتاریوں کی شدید مذمت کرتے ہیں اور واضح کرنا چاہتے ہیں کہ ظلم کے یہ ہتھکنڈے ہمیں نہ کبھی دباسکے، نہ آئندہ دبا سکیں گے۔
عوام مزید بیدار ہوں گے اور ہر عوام دشمن فیصلے کو رد کریں گے۔





”اصغر شاہ: وہ آواز جسے دبایا نہیں جاسکتا“جب قومیں نیند میں ہوں، جب شعور زنجیروں میں جکڑا ہو، جب مظلومیت پر خاموشی اختیار...
29/05/2025

”اصغر شاہ: وہ آواز جسے دبایا نہیں جاسکتا“

جب قومیں نیند میں ہوں، جب شعور زنجیروں میں جکڑا ہو، جب مظلومیت پر خاموشی اختیار کی جائے اور جب سچ بولنا جرم بن جائے، تب تاریخ ایسے نوجوانوں کو جنم دیتی ہے جو اس جمود کو توڑتے ہیں۔ اصغر شاہ گلگت بلتستان کے غیرت مند نوجوانوں میں وہ نام ہے جو آج مظلوموں کی امید، باشعوروں کی آواز، اور ظالموں کے لیے ایک کڑوا سچ بن چکا ہے۔ فرزندِ دنیور، اصغر شاہ کا "جرم" فقط اتنا ہے کہ اس نے اپنی دھرتی کے حقوق کی بات کی، اس نے نوجوانوں کو جگانے کی کوشش کی، اس نے سوالات اٹھائے جن سے کٹ پتلی نظام خوفزدہ ہو گیا۔ اس نے وہ باتیں کیں جو ایوانوں کو پسند نہ آئیں، مگر عوام کے دلوں کو چیرتی گئیں۔ وہ صرف ایک لیڈر نہیں، وہ ایک سوچ ہے، ایک تحریک ہے، ایک زندہ حقیقت ہے جسے کوئی قید کر کے مٹا نہیں سکتا۔ آج اصغر شاہ جی بی حکومت کی قید میں ہے، لیکن اس کی فکر، اس کی باتیں، اس کے خواب قید نہیں کیے جا سکتے۔ اس کی جیل کی سلاخوں کے پیچھے موجود خاموشی، ہمارے لیے چیخ ہے — چیخ ہے بیداری کی، چیخ ہے مزاحمت کی، اور چیخ ہے بغاوت کی۔ گلگت بلتستان کے نوجوانو! یہ وہ وقت ہے جب تمہیں فیصلہ کرنا ہوگا کہ تم تاریخ کے کس رخ پر کھڑے ہونا چاہتے ہو؟ کیا تم ان لوگوں میں شامل ہونا چاہتے ہو جو تماشائی بنے رہتے ہیں، یا ان بہادروں میں جنہوں نے ظلم کو چیلنج کیا، قید و بند سہے، مگر اپنے موقف سے پیچھے نہ ہٹے؟ اصغر شاہ کی قربانی ہمیں یہ سبق دیتی ہے کہ لیڈر بننا صرف تقریر کرنا نہیں ہوتا، لیڈر بننا اپنے وجود کو آگ میں ڈالنا ہوتا ہے۔ وہ آج قید میں ہے، مگر ہم آزاد ہو کر بھی خاموش رہیں تو یہ ہماری شکست ہے۔ وہ آواز جو اصغر شاہ نے بلند کی، وہ اب ہماری ذمہ داری ہے۔ وہ علم جو وہ تھامے کھڑا ہوا، اب ہم سب کو اسے تھامنا ہوگا۔ اس کی گرفتاری صرف اس کی آزمائش نہیں، یہ ہم سب کا امتحان ہے۔ کیا ہم اس کے ساتھ کھڑے ہوں گے؟ یا وقت کے دھارے کے ساتھ بہہ جائیں گے؟ اصغر شاہ کو سلام، جس نے اپنا آج قربان کر کے ہماری آنے والی نسلوں کے لیے جدوجہد کا چراغ روشن کیا۔ اور شرم ہے اُن پر، جو اقتدار کی چاپلوسی میں اپنا ضمیر بیچ بیٹھے، جو سچ کو دباتے ہیں، جو نظریات کو قید کرتے ہیں۔ اصغر شاہ وہ آواز ہے جو اپنے خطے، اپنی قوم اور اپنے نظریے کے لیے اٹھتی ہے! تاریخ گواہ ہے، ظلم کبھی دیرپا نہیں ہوتا، اور سچ کبھی ہارا نہیں کرتا. سلام اُس اصغر پہ جو قید میں بھی چراغ جلائے، اپنا آج جلا کر، کل کا سویرا بنائے۔

~ تحریر: حسین شاہ

لینڈ ریفارم کا پہلا نتیجہ شاملات کی تقسیم پر دنیور کے عمائدین گرفتار . ہم ابتداء سے یہی سمجھاتے رہے ہیں کہ بل کی آڑ م...
29/05/2025

لینڈ ریفارم کا پہلا نتیجہ شاملات کی تقسیم پر دنیور کے عمائدین گرفتار . ہم ابتداء سے یہی سمجھاتے رہے ہیں کہ بل کی آڑ میں سامراج ہمیں بےگھر کرنے پر تلے ہیں

ہم کامریڈ میر بابر (صدر گلگت بلتستان اسٹوڈنٹس الائنس) پر ہونی والی بےبنیاد جھوٹی تمام ایف۔آئی۔آرز کو رد کرتے ہیں اور حکو...
29/05/2025

ہم کامریڈ میر بابر (صدر گلگت بلتستان اسٹوڈنٹس الائنس) پر ہونی والی بےبنیاد جھوٹی تمام ایف۔آئی۔آرز کو رد کرتے ہیں اور حکومت کی اس ظالمانہ اقدام کی شدید الفاظ میں مزمت بھی کرتے ہیں۔ حکومت اپنی ان طلباء دشمن اقدامات کو واپس کرے وگرنہ طلباء اسکا جواب دینے کا حق رکھتے ہیں۔

Babar Hussain

قائدینِ حلقہ 3 یوتھ (علی ابرار بگورو و کامریڈ میر بابر حسین بگورو) پر کٹنے والی بےبنیاد ایف۔آئی۔آرز اور دونوں کے گھروں ...
28/05/2025

قائدینِ حلقہ 3 یوتھ (علی ابرار بگورو و کامریڈ میر بابر حسین بگورو) پر کٹنے والی بےبنیاد ایف۔آئی۔آرز اور دونوں کے گھروں میں پڑنے والے پولیس کے چھاپوں کی بھرپور مزمت کرتے ہیں اور مطالبہ کرتے ہیں کہ ہمارے قائدین کو حراساں کرنا بند کیا جائے وگرنہ ہم پُرامن احتجاج کرنے پر مجبور ہونگے جوکہ ہمارا حق ہے۔ یاد رہے ان ایف۔آئی۔آرز کو آر بناکے ہماری جدوجہد کو کمزور کرنا چاہتے ہیں لیکن ایسا ہرگز نہیں ہوگا کیونکہ ایف۔آئی۔آرز اور گرفتاریوں سے ہم مزید مضبوط ہونگے اور اپنی جدوجہد میں مزید تیزی لائینگے۔ انشاءاللہ

عوامی ایکشن کمیٹی یوتھ ونگ و قراقرم اسٹوڈنٹس آرگنائزیشن کے مرکزی وائس چیئرمین طالب علم رہنما کامریڈ میر بابر، عرفان آزاد...
28/05/2025

عوامی ایکشن کمیٹی یوتھ ونگ و قراقرم اسٹوڈنٹس آرگنائزیشن کے مرکزی وائس چیئرمین طالب علم رہنما کامریڈ میر بابر، عرفان آزاد اور دیگر تمام ساتھیوں پر بے بنیاد مقدمات اور بلاجواز گرفتاریوں سے یہ واضح ہو رہا ہے کہ انتظامیہ شدید بوکھلاہٹ کا شکار ہے۔

ایف آئی آرز اور قید و بند کی سزائیں حق پرستوں کی آواز کو خاموش نہیں کر سکتیں۔ ہم نہ پہلے کبھی ظلم سے خوفزدہ ہوئے، نہ آئندہ ہوں گے۔ ہماری جدوجہد پہلے سے زیادہ منظم اور مضبوط انداز میں جاری رہے گی۔





عرفان عباس آزاد اور کامریڈ منظر کو عدالت نے 7 دنوں کی ریمانڈ پر جے آئی ٹی کے حوالے کردیا ،لعنت ہو ایسے نظام پر ،جہاں عدل...
28/05/2025

عرفان عباس آزاد اور کامریڈ منظر کو عدالت نے 7 دنوں کی ریمانڈ پر جے آئی ٹی کے حوالے کردیا ،
لعنت ہو ایسے نظام پر ،جہاں عدلیہ بے گناہ اسیروں کو انصاف فراہم کرنے سے قاصر ہو ۔

Address

Gilgit

Website

Alerts

Be the first to know and let us send you an email when Progressive Nationalist posts news and promotions. Your email address will not be used for any other purpose, and you can unsubscribe at any time.

Shortcuts

Share

Category