Mesum Abbas Messu

Mesum Abbas Messu Vediographer Contact for Ads, Wedding Shoots, working for Different Base in Projects

13/09/2026

محکمہ زراعت گلگت بلتستان کی کسان دوست پالیسیوں کے مثبت نتائج، سسی حراموش کے کسان نے لاکھوں کا منافع کمایا۔
گلگت: محکمہ زراعت گلگت بلتستان کی جانب سے کسانوں کی معاونت، جدید زرعی ٹیکنالوجی کے فروغ اور بہتر پیداواری صلاحیت کے لیے جاری اقدامات کے مثبت نتائج سامنے آ رہے ہیں۔
سسی حراموش سے تعلق رکھنے والے کسان حور شاہ نے محکمہ زراعت کی جانب سے فراہم کردہ ہائبرڈ بیج 50 فیصد رعایتی نرخ پر حاصل کیا، جس کی کامیاب کاشت کے نتیجے میں انہوں نے نمایاں پیداوار حاصل کی اور لاکھوں روپے کا منافع کمایا۔
کسان حور شاہ نے محکمہ زراعت کی جانب سے فراہم کردہ سہولیات اور رہنمائی کو سراہتے ہوئے کہا کہ جدید بیج، بروقت مشاورت اور محکمہ کی معاونت سے فصل کی پیداوار میں نمایاں اضافہ ہوا، جس سے ان کی آمدن میں بھی بہتری آئی۔

10/09/2026

گلگت خواتین کو ہراساں کرنے والا شخص موقع پر پکڑا گیا خواتین کی بہادری اور حاضر دماغی کی وجہ سے فوراً پکڑا گیا
پولیس بھی موقع پر پہنچ گئی اور شخص کو تحویل میں لے لیا
تفصیلات پہلے کمنٹس میں 👇👇
Gilgit-Baltistan Police

Gilgit Bazar 1987
06/09/2026

Gilgit Bazar 1987

گلگت: ڈسٹرکٹ پولیس آفیسر گلگت محمد اویس الیاس (PSP) کی ہدایات پر ایس ڈی پی او دنیور سرکل عمارہ ستار (PSP) کی زیرِ نگرانی...
06/09/2026

گلگت: ڈسٹرکٹ پولیس آفیسر گلگت محمد اویس الیاس (PSP) کی ہدایات پر ایس ڈی پی او دنیور سرکل عمارہ ستار (PSP) کی زیرِ نگرانی دنیور سرکل کے مختلف تھانہ جات جوٹیال، دنیور، کے آئی یو، نومل اور ہراموش کی پولیس ٹیموں کے مابین پولیس ٹریننگ کالج گلگت میں کرکٹ ٹورنامنٹ کا انعقاد کیا گیا۔

ٹورنامنٹ کے دوران ٹیموں کے درمیان سنسنی خیز اور کانٹے دار مقابلے دیکھنے کو ملے۔ فائنل میں تھانہ کے آئی یو اور تھانہ نومل کی مشترکہ ٹیم نے شاندار کھیل کا مظاہرہ کرتے ہوئے ٹورنامنٹ کی ٹرافی اپنے نام کر لی، جبکہ ونر اور رنر اَپ ٹیم کو بھی بہترین کارکردگی پر ٹرافی اور نقد انعام سے نوازا گیا۔

اس موقع پر ایس ڈی پی او دنیور سرکل عمارہ ستار (PSP) نے کہا کہ پولیس اہلکاروں کی جسمانی و ذہنی فٹنس، ٹیم ورک اور باہمی ہم آہنگی کے لیے کھیلوں کا انعقاد انتہائی ضروری ہے۔
انہوں نے کہا کہ گلگت بلتستان پولیس اہلکاروں کی فلاح و بہبود اور پیشہ ورانہ صلاحیتوں میں بہتری کے لیے کھیلوں سمیت مثبت اور صحت مند سرگرمیوں کے فروغ کو خصوصی اہمیت دے رہی ہے۔

(ترجمان گلگت بلتستان پولیس)

Gilgit-Baltistan Police

یومِ دفاع پاکستان: سرحدوں کی حفاظت سے آگے، قوم کے مستقبل کی حفاظت: کلثوم مہدی رُکن اسمبلی جی بی 6 ستمبر صرف ایک جنگ کی ی...
06/09/2026

یومِ دفاع پاکستان: سرحدوں کی حفاظت سے آگے، قوم کے مستقبل کی حفاظت: کلثوم مہدی رُکن اسمبلی جی بی

6 ستمبر صرف ایک جنگ کی یاد نہیں، بلکہ یہ سوال بھی ہے کہ ہم اپنے وطن کی حفاظت کو آج کس معنی میں سمجھتے ہیں؟میرے نزدیک پاکستان کا دفاع صرف سرحدوں پر کھڑے جوان کی ذمہ داری نہیں؛ ایک مضبوط معیشت، معیاری تعلیم، بااختیار خواتین، باشعور نوجوان، مضبوط جمہوری ادارے، سماجی اتحاد اور ہر شہری کا اپنے وطن سے وفادار ہونا بھی قومی دفاع ہے۔
1965 میں ہماری افواج نے سرحدوں کا دفاع کیا اور پوری قو ان کے شانہ بشانہ کھڑی ہوئی۔ آج ہمیں اسی قومی یکجہتی کو ایک نئے عزم کے ساتھ آگے بڑھانے کی ضرورت ہے۔ ہم اپنے شہداء اور غازیوں کو صرف الفاظ میں خراجِ عقیدت پیش نہ کریں، بلکہ ان کے خواب کے پاکستان کی تعمیر کو اپنی ذمہ داری سمجھیں۔ وہ سرحد پر کھڑے ہو کر پاکستان کی حفاظت کرتے ہیں؛ ہمیں اپنے اپنے میدان میں پاکستان کو مضبوط کرنا ہے۔

ایک ماں اپنے بچے کو تعلیم دے کر، ایک استاد کردار سازی کرکے، ایک نوجوان اپنی صلاحیت کو ملک کی ترقی کے لیے استعمال کرکے، ایک منتخب نمائندہ عوام کی آواز بن کر اور ایک شہری قانون کی پاسداری کرکے بھی پاکستان کے دفاع میں اپنا حصہ ڈال سکتا ہے۔ میرا یقین ہے کہ جس قوم کی سرحدیں فوج محفوظ رکھتی ہے، اُس قوم کا مستقبل اُس کے عوام محفوظ رکھتے ہیں۔ آج ہم اپنے شہداء کے خون سے وفا کا عہد کریں کہ پاکستان کو صرف محفوظ نہیں بلکہ مضبوط، باوقار، خوشحال اور متحد بنائیں گے۔

اللہ تعالیٰ پاکستان کو ہمیشہ امن، استحکام اور سربلندی عطا فرمائے۔

شہداء و غازیوں کو سلام۔
افواجِ پاکستان کو سلام۔
پاکستان کے ہر باشعور اور ذمہ دار شہری کو سلام۔
پاکستان پائندہ باد۔
Kulsoom Mehdi

نگر۔یومِ دفاع پاکستان کے سلسلے میں سلامی کی تقریبآج مورخہ 06 ستمبر 2026ء کو یومِ دفاعِ پاکستان کے سلسلے میں ڈسٹرکٹ پولیس...
06/09/2026

نگر۔یومِ دفاع پاکستان کے سلسلے میں سلامی کی تقریب

آج مورخہ 06 ستمبر 2026ء کو یومِ دفاعِ پاکستان کے سلسلے میں ڈسٹرکٹ پولیس نگر کی جانب سے سلامی کی پروقار تقریب کا انعقاد کیا گیا۔
تقریب میں ڈی پی او نگر جناب ناصر عباس، پی ایس پی صاحب اور اسسٹنٹ کمشنر نگر جناب زاہد حسین صاحب نے شرکت کی۔ اس موقع پر پولیس کے دستے نے قومی جذبے اور نظم و ضبط کا مظاہرہ کرتے ہوئے سلامی پیش کی۔
تقریب کے دوران 6 ستمبر 1965 میں 17 روزی جنگ میں مادرِ وطن کی حفاظت اور دفاع کی خاطر اپنی جانوں کا نذرانہ پیش کرنے والے شہداء کی لازوال قربانیوں کو خراجِ عقیدت پیش کیا گیا۔ اس موقع پر وطنِ عزیز کی سلامتی، استحکام، ترقی اور خوشحالی کے لیے خصوصی دعا بھی کی گئی۔

(ترجمان گلگت بلتستان پولیس)
Gilgit-Baltistan Police

پریس ریلیزچیف سیکریٹری کانفرنس ہال میں قومی پیغامِ امن کمیٹی کے وفد اور صوبائی انتظامیہ کے درمیان اہم اجلاس منعقد ہوا۔ ا...
02/09/2026

پریس ریلیز

چیف سیکریٹری کانفرنس ہال میں قومی پیغامِ امن کمیٹی کے وفد اور صوبائی انتظامیہ کے درمیان اہم اجلاس منعقد ہوا۔ اجلاس میں امن، مذہبی رواداری، باہمی اتحاد اور فرقہ واریت کے خاتمے کے حوالے سے مختلف امور پر تبادلہ خیال کیا گیا۔

شرکاء نے امن و بھائی چارے کے فروغ اور قومی یکجہتی کے لیے مشترکہ کوششیں جاری رکھنے کے عزم کا اظہار کیا۔

استور: ایس پی سیاحتی پولیس گلگت بلتستان محمد نبی خان نے او ایس آئی کے ہمراہ ضلع استور کا دورہ کیا، جہاں انہوں نے مختلف پ...
02/09/2026

استور: ایس پی سیاحتی پولیس گلگت بلتستان محمد نبی خان نے او ایس آئی کے ہمراہ ضلع استور کا دورہ کیا، جہاں انہوں نے مختلف پولیس بیٹس پر تعینات اہلکاروں سے ملاقات کی اور سیاحوں کی رہنمائی و ہنگامی خدمات کے لیے زیرِ استعمال موٹر سائیکلوں کا معائنہ کیا۔

ایس پی نے جوانوں کی حاضری، نظم و ضبط اور موٹر سائیکلوں کی روزانہ دیکھ بھال یقینی بنانے کے لیے بیٹ انچارجز کو ضروری ہدایات جاری کیں۔

انہوں نے کہا کہ سیاحتی پولیس ملکی و غیر ملکی سیاحوں کو محفوظ ماحول، بروقت رہنمائی اور بہترین خدمات کی فراہمی کے لیے ہمہ وقت کوشاں ہے۔

(ترجمان گلگت بلتستان پولیس)
Gilgit-Baltistan Police

دنیور صحت فاؤنڈیشن جی بی ایس این کی نئی بلڈنگ کے افتتاحی پروگرام میں چیف گیسٹ سی ای او صحت فاؤنڈیشن و اسکالر علی مرتضی ز...
02/09/2026

دنیور صحت فاؤنڈیشن جی بی ایس این کی نئی بلڈنگ کے افتتاحی پروگرام میں چیف گیسٹ سی ای او صحت فاؤنڈیشن و اسکالر علی مرتضی زیدی اور سابق وزیر تعمیرات ڈاکٹر محمد اقبال کی خصوصی شرکت ۔۔۔۔۔۔
Driqbal Ex Minister

🌹 بجيوٹ یاسین کی بیٹیاں، غذر کا فخر 🌹ضلع غذر کے حسین دامن میں بسے گاؤں Bujyote Valley کے لیے آج کا دن یقیناً مسرت، فخر...
02/09/2026

🌹 بجيوٹ یاسین کی بیٹیاں، غذر کا فخر 🌹
ضلع غذر کے حسین دامن میں بسے گاؤں Bujyote Valley کے لیے آج کا دن یقیناً مسرت، فخر اور اعزاز کا دن ہے۔ اس سرزمین کی دو باہمت بیٹیوں نے اپنی محنت، عزم اور قابلیت کے چراغ روشن کرکے نہ صرف اپنے خاندانوں کا نام منور کیا بلکہ اپنے گاؤں اور پورے ضلع غذر کے وقار میں بھی اضافہ کیا ہے۔
لیفٹیننٹ ماریا، دخترِ محترم ایڈووکیٹ عیسیٰ مدد ، اور لیفٹیننٹ صفت، دخترِ محترم بلاور خان، کو پاکستان آرمی کی آرمڈ فورسز نرسنگ سروس (AFNS) میں بطور آفیسر کمیشن حاصل کرنے پر دل کی گہرائیوں سے مبارکباد پیش کرتے ہیں۔
یہ اعزاز محض دو افراد کی کامیابی نہیں، بلکہ دو بیٹیوں کے خوابوں، والدین کی دعاؤں، خاندانوں کی تربیت اور شب و روز کی انتھک محنت کی ایک روشن داستان ہے۔ دونوں باہمت بیٹیوں نے ثابت کر دیا کہ جب ارادے بلند ہوں، حوصلے مضبوط ہوں اور منزل پر یقین ہو تو راستے کی دشواریاں کامیابی کی راہ میں دیوار نہیں بن سکتیں۔
ان کی یہ شاندار کامیابی بجيوٹ اور پورے ضلع غذر کے لیے باعثِ عزت و افتخار ہے۔ بالخصوص ہماری بیٹیوں اور نوجوان نسل کے لیے یہ ایک روشن پیغام ہے کہ تعلیم کو مقصد، محنت کو شعار اور عزم کو اپنی طاقت بنا کر وہ بھی اپنی صلاحیتوں سے آسمانِ کامیابی پر اپنی پہچان رقم کر سکتے ہیں۔
بجيوٹ کی ان دو بیٹیوں نے صرف وردی زیبِ تن کرکے ایک اعزاز حاصل نہیں کیا، بلکہ اپنے علاقے کی بیٹیوں کے خوابوں کو ایک نئی سمت، نئی امید اور نئی منزل عطا کی ہے۔
دل کی گہرائیوں سے مبارک ہو، لیفٹیننٹ ماریا اور لیفٹیننٹ صفت
آپ دونوں کی کامیابی پر bujayote کو ناز، غذر کو فخر اور آپ کے خاندانوں کو بجا طور پر مسرت ہے۔
اللہ تعالیٰ آپ دونوں کے سفرِ کامیابی کو مزید تابندہ فرمائے، آپ کے حوصلوں کو بلند رکھے اور وطنِ عزیز کی خدمت میں مزید عزت، وقار اور سربلندی عطا فرمائے۔
آمین ثم آمین۔ 🇵🇰✨

Address

Gilgit

Telephone

+923179358936

Website

Alerts

Be the first to know and let us send you an email when Mesum Abbas Messu posts news and promotions. Your email address will not be used for any other purpose, and you can unsubscribe at any time.

Shortcuts

Share

Category