Peaceful Ghizer

19/08/2025

Phander valley Ghizer GB.
.
Captured by

21/06/2025

پھنڈر —اک خاموش جنت

پہاڑوں کی آغوش میں چھپی ایک وادی ہے، جسے دنیا پھنڈر کہتی ہے،
لیکن جو ایک بار یہاں آئے، وہ اسے اپنا خواب کہتا ہے۔

گلگت بلتستان کے ضلع غذر میں واقع یہ خوبصورت وادی
یوں لگتی ہے جیسے قدرت نے کچھ لمحوں کے لیے گہری سانس لے رکھی ہو،
اور اس سؙکوت میں پھنڈر جیسا حسن تخلیق ہوا ہو۔

یہاں کی جھیل نیلگوں آئینہ ہے،
جس میں آسمان جھک کر خود کو دیکھتا، پرکھتا ہے۔

اور دریا خاموشی سے بہتا ہے، جیسے کوئی پرانا صوفی درویش جو زمانے کی ہلچل سے بہت دور، سکون کی گہرائیوں میں کھو گیا ہو۔

یہاں کی ہوائیں خوشبو سے زیادہ، احساس رکھتی ہیں —
ٹھنڈی، نرم، اور دل کو تھپکنے والی۔

اور یہاں کے مکین…
سادہ، مہمان نواز، اور محبت کے علمبردار۔
ان کی زبان میں شیرینی ہے،
اور آنکھوں میں وہ سچائی، جو شہروں میں کھو چکی ہے۔

یہاں کی زندگی سادہ ہے، لیکن ہر لمحہ مکمل۔
صبح سورج کی کرنوں کے ساتھ جاگتی ہے،
اور راتیں ستاروں سے کہانیاں کہتی ہیں۔

پھنڈر نہ صرف ایک وادی ہے، بلکہ ایک احساس ہے —
ایسا احساس، جو آپ کے دل میں اُتر جائے،
اور واپس آ کر بھی وہیں کہیں دل میں رہ جائے۔

ذاکر حؙسین

21/06/2025

*فری لانسنگ کے لیے بی ایس سی ایس BSCS ضروری ہے؟* نہیں! خاص طور پر اگر آپ کا شوق گرافک ڈیزائننگ ہے۔

آج کل بہت سے طلبہ صرف اس لیے کمپیوٹر سائنسز (بی ایس سی ایس) کا انتخاب کر لیتے ہیں کہ وہ فری لانسنگ کرنا چاہتے ہیں۔ ان کے اردگرد لوگ انہیں یہی مشورہ دیتے ہیں کہ "فری لانسنگ کرنی ہے تو سی ایس کرو!" لیکن کیا واقعی ایسا ہے؟ خاص طور پر اگر آپ گرافک ڈیزائننگ کی طرف آنا چاہتے ہیں؟

👈 یاد رکھیں، گرافک ڈیزائننگ ایک نان-ٹیکنیکل فیلڈ ہے، یعنی یہ کمپیوٹر سائنس کا حصہ نہیں ہے۔ کمپیوٹر یہاں صرف ایک ٹول کے طور پر استعمال ہوتا ہے، لیکن اصل چیز ہے آپ کی کریئیٹیویٹی، رنگوں کی سمجھ، توازن، کمپوزیشن اور تخیل۔ اگر آپ میں رنگوں کے استعمال کا شعور، تخلیقی سوچ، اور بصری تاثر پیدا کرنے کی صلاحیت ہے، تو آپ کے لیے گرافک ڈیزائننگ ایک شاندار کیریئر ہو سکتا ہے۔

لیکن اگر آپ کا رجحان تخلیقیت کی بجائے کوڈنگ یا منطق کی طرف ہے، تو پھر یہ فیلڈ آپ کے لیے موزوں نہیں۔ گرافک ڈیزائننگ کی دنیا میں کامیابی کے لیے آپ کو مخصوص مہارتوں کی ضرورت ہوتی ہے، جنہیں سیکھنے کے بعد آپ اپنی تخلیقی صلاحیتوں کو بھرپور طریقے سے بروئے کار لا سکتے ہیں۔

*گرافک ڈیزائننگ سیکھنے کے لیے ضروری مہارتیں:*
* رنگوں کا استعمال اور امتزاج (رنگوں کا نظریہ)
* کمپوزیشن، بیلنس اور لے آؤٹ
* ٹائپوگرافی
* اسکچنگ اور آئیڈیاز کو بصری شکل دینا
* تخلیقی سوچ اور برانڈز کو سمجھنے کی صلاحیت
* ڈیزائن کے بنیادی اصول
* ایڈوب فوٹوشاپ، ایڈوب الیسٹریٹر، کینوا وغیرہ کے ٹولز کا استعمال

*گرافک ڈیزائننگ کے لیے بہترین تعلیم:*
گرافک ڈیزائننگ میں کیریئر بنانے کے لیے بیچلر آف فائن آرٹس (بی ایف اے)، میڈیا اسٹڈیز یا ڈیزائن میں ڈگری حاصل کرنا زیادہ مؤثر ثابت ہو سکتا ہے۔ ان شعبوں میں تعلیم آپ کو تخلیقی صلاحیتوں کی ترقی، رنگوں کے استعمال، کمپوزیشن، ٹائپوگرافی اور دیگر بنیادی ڈیزائن اصولوں کی سمجھ بوجھ فراہم کرتی ہے۔

ان ڈگریوں کے بعد، آپ ایڈوب فوٹوشاپ، ایڈوب الیسٹریٹر اور کینوا جیسے ڈیزائن ٹولز کے استعمال پر 2 سے 3 ماہ کے شارٹ کورسز کر کے اپنی مہارتوں کو مزید نکھار سکتے ہیں۔ یہ کورسز آپ کو اپنے خیالات کو مؤثر طریقے سے ڈیجیٹل پلیٹ فارمز پر لاگو کرنے کی صلاحیت فراہم کریں گے۔

👈 تو، وہ راستہ اختیار کریں جو آپ کے اندر کے فنکار کو جگائے، نہ کہ دبائے۔ اپنے شوق کو سمجھیں، ا

04/06/2025

تحریر wali
نوٹ:
یہ تحریر کسی فردِ واحد کے متعلق نہیں، نہ ہی یہ تنقید پر مبنی ہے۔ یہ نہایت خلوص اور دردِ دل کے ساتھ ایک عمومی مشاہدے اور ذاتی سوچ کا اظہار ہے، جس کا مقصد صرف غور و فکر کی دعوت دینا ہے۔

۔
"شہرت کی قیمت، عزت؟"

آج کے دور میں دکھائی دینا، قابلِ قدر ہونے کی علامت سمجھا جانے لگا ہے۔
تو سوال یہ ہے:
کیا ہماری بچیوں کے لیے مشہور ہونے کا واحد راستہ اب صرف ٹک ٹاک یا انسٹاگرام ہی رہ گیا ہے؟

جی ہاں، سوال بہت ہیں، مگر سب سے بڑا سوال یہ ہے:
سوشل میڈیا ہی کیوں؟ کیا عزت کا تصور صرف ویوز، لائکس اور فالوورز تک محدود ہو چکا ہے؟

اسلام نے عورت کو عزت دی، پردہ دیا، وقار دیا۔
عورت کی اصل خوبصورتی اسی پردے میں ہے، نا کہ اس سکرین پر جہاں عزت کو نیلام کر کے شہرت خریدی جائے۔

یہ صرف بچیوں کے لیے نہیں،
یہ ہر ماں باپ کے لیے پیغام ہے:
اپنی بیٹیوں کو سمجھائیں کہ وہ قیمتی ہیں، اُن کا وقار ان کی پہچان ہے۔
بیٹیوں کو سوشل میڈیا پر آنے کی ضرورت نہیں اگر ہم انھیں گھر میں عزت دیں، اعتماد دیں اور وقت دیں۔

یاد رکھیں،
عزت وہ زیور ہے جو سستا نہیں، اور شہرت وہ سودا ہے جو اکثر عزت کی قیمت پر ہوتا ہے۔

اللہ تعالیٰ ہم سب کو ہدایت دے—والدین کو بھی، بچوں کو بھی۔
سوشل میڈیا پر نہیں، عزت میں زندہ رہیں۔
والسلام
معراج والی ۔۔

31/05/2025

Football Tournament Usman Ground Damas..
super star Phander..

17/05/2025

*‏🔴 پاکستان کا مطلب کیا؟*

*"حفاظت تیری ہم کریں گے وطن تیری زمین کی قسم تیرے آسمان کی قسم"*

*آئی ایس پی آر نے نیا نغمہ جاری کردیا۔۔۔!!!*

15/05/2025

قطر کے شاہی خاندان کی جانب سے امریکی صدر ڈونلڈ ٹرمپ کو تحفے میں ملنےوالا بوئنگ طیارہ عالمی توجہ کا مرکز بن گیا، طیارے کو "فضا میں محل" کا لقب دیا گیا

دبئی ( نعیم الدین نعیم )

قطر کے شاہی خاندان کی جانب سے امریکی صدر ڈونلڈ ٹرمپ کو تحفے میں دیا گیا بوئنگ 747-8 طیارہ اپنی شان و شوکت، جدید ترین سہولیات، اور سونے سے مزین تزئین و آرائش کے باعث عالمی سطح پر توجہ کا مرکز بنا ہوا ہے۔ اس لگژری طیارے کو "فضا میں محل" کا لقب دیا جا رہا ہے، اور اس کی مالیت تقریباً 400 ملین ڈالر بتائی جاتی ہے۔ طیارے کے اندرونی حصے میں 24 قیراط سونے کا دلکش استعمال کیا گیا ہے۔ سونے سے مزین نل، دروازوں کے ہینڈل، سیٹ بیلٹس کے بکل، لیمپ شیلڈز، کچن اور باتھ روم لوازمات اور دیگر دھاتی اجزاء نہایت نفاست سے آراستہ کیے گئے ہیں۔ مزید برآں، اس میں مہمانوں کے لیے علیحدہ بیڈرومز، کانفرنس روم، اور عالیشان لاؤنجز شامل ہیں، جنہیں اعلیٰ درجے کے قیمتی لکڑیوں، شاہی قالینوں، اور بین الاقوامی فنکاروں کے فن پاروں سے مزین کیا گیا ہے۔ یہ تزئین و آرائش فرانس کے مشہور طیارہ ڈیزائنر البرٹو پنٹو کی نگرانی میں کی گئی۔
یہ طیارہ بیرونی طور پر سونے سے بنا ہوا نہیں ہے۔ اس کی بڑی وجہ تکنیکی اور عملی تقاضے ہیں: سونا ایک نرم دھات ہے جو کہ بیرونی فضائی دباؤ، رفتار، درجہ حرارت، اور ماحولیاتی عناصر (جیسے بارش، دھوپ، برف) کے خلاف مزاحمت نہیں رکھتا۔ اس کے علاوہ، طیارے کے وزن میں بے انتہا اضافہ ہو جاتا اگر بیرونی ڈھانچہ سونے کا ہوتا، جو ایندھن کے استعمال، پرواز کی کارکردگی اور پرواز کی حفاظت پر منفی اثر ڈال سکتا تھا۔ لہٰذا، سونے کا استعمال صرف اندرونی تزئین و آرائش تک محدود رکھا گیا ہے۔ نوٹ سوشل میڈیا پر طیارے کی وائرل تصویر جو نیچے دی گئی تصاویر میں پہلے نمبر پر دکھائی گئی ہے دراصل اے آئی جنریٹڈ تصویر ہے. اصل تصویر دوسرے نمبر والے طیارے کی ہے باقی جہاز کی اندرونی تصاویر ہیں.
اس تحفے کے بعد امریکہ میں سیاسی اور قانونی بحث نے جنم لیا ہے، کیونکہ امریکی آئین کے تحت کسی صدر یا سرکاری اہلکار کے لیے غیر ملکی حکومت سے بغیر کانگریس کی منظوری کے تحفہ قبول کرنا ممنوع ہے۔ ناقدین کا خیال ہے کہ یہ نہ صرف قومی سلامتی کے لیے خطرہ ہو سکتا ہے بلکہ یہ غیر ملکی اثر و رسوخ کا دروازہ بھی کھول سکتا ہے۔ دوسری طرف، ٹرمپ کے حامیوں کا دعویٰ ہے کہ یہ طیارہ دراصل امریکی محکمہ دفاع کے حوالے کیا گیا ہے اور مستقبل میں ٹرمپ کے صدارتی کتب خانے کا حصہ بنے گا، اس لیے اس پر قانونی اعتراض نہیں بنتا۔
اس طیارے کو آئندہ ممکنہ طور پر امریکی صدر کے سرکاری طیارے (Air Force One) کے طور پر استعمال کرنے پر بھی غور کیا جا رہا ہے، جس کے لیے مزید تزئین و دفاعی تبدیلیوں پر اضافی رقم خرچ کی جا س۔ یہ "سونے کا تحفہ" اب صرف ایک طیارہ نہیں، بلکہ سیاسی، قانونی، اور سفارتی بحث کی علامت بن چکا ہے۔

14/05/2025

14/05/2025

سابق ڈی سی دیامر کا تبادلہ رکوانے کے لئے وزیر اعلی سمیت سیکرٹریز کا ایک گروپ سرگرم !
کیا چیف سیکرٹری دباؤ میں اجائیں گے ؟
" فیاض احمد کو سیکرٹریز اور وزیر اعلی " کو ڈپٹی کمشنر دیامر کی کرسی سے اتنی دلچسپی کیوں ؟
تبادلے کا نوٹیفیکیشن جاری ہونے کے باوجود کرسی چھوڑنے سے انکاری
نو تعینات ڈی سی کو کام کرنے نہیں دیا گیا !
ڈی سی کا آفیشل پیج ہائی جیک ، فیاض احمد کی پرانی سرگرمیوں کو مسلسل شئیر کیا جارہا
ایسا کیوں ؟
کیا پوسٹنگ ٹرانسفر سروس کا حصہ نہیں ؟

چیف سیکرٹری بمقابلہ وزیر اعلی

10/05/2025

ملک کو جب بھی ضرورت ہو جوانوں کی تو غذر، گلگت بلتستان کے سپوت صف اول میں کھڑے ہوتے۔
حالیہ انڈیا پاکستان کی کشیدگی میں غذر پھنڈر کے سپوت شمس اللہ رسالپور اٹیکینگ اسکارڈ جس میں پاکستان کی طرف سے 40 سے زائد جہازوں نے حصہ لیا۔ جی ڈی پائلٹ شمس اللہ بھی اسی اسکارڈ میں شامل تھا۔

09/05/2025

بھارتی پائلٹس جدید جنگی جہازوں کی ٹریننگ لینے کےلئے روس گئے، روس کا انسٹرکٹر دوران ٹریننگ بتا رہا تھا کہ "اس بٹن کو دبانے سے طیارہ اوپر جائے گا اور اس بٹن کو دبانے سے طیارہ دائیں مڑے گا اور اس بٹن کو دبانے سے طیارہ بائیں مڑے گا"۔
ٹریننگ کے اختتام پر بھارتی پائلٹس نے سوال پوچھنے کےلئے ہاتھ کھڑے کیے اور سب نے مشترکہ طور پر ایک ہی سوال پوچھا کہ "طیارہ نیچے کیسے لایا جائے گا۔؟"
روسی انسٹرکٹر نے لمبا سانس لیا اور بھارتی پائلٹس کو مخاطب کرتے ہوئے کہا "اس بات کی تمہیں فکر کرنے کی چنداں ضرورت نہیں ہے، یہ پاکستانی پائلٹس پر چھوڑ دو وہ تمہیں جہاز سمیت نیچے لے آئیں گے۔"